انار بۇلت / شينجياڭ گازەتىنىڭ ءتىلشىسى سۇڭ ۋيگو
5 - ايدىڭ 16 - كۇنى اقتاۋ اۋدانى ءپىلال اۋىلى دوندۇرە قىستاعىنىڭ اتىزىندا، قىزىلسۋ قىرعىز اۆتونوميالى وبلىستىق اۋىل شارۋاشىلىعى تەحنيكالارىن جالپىلاستىرۋ ورتالىعىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا وسى قىستاقتا تۇراتىن قىزمەت اترەتىنىڭ مۇشەلەرى مەن قىستاق تۇرعىندارى بانلانگىن تۇقىمىن سەبۋمەن قاربالاستاپ ءجۇر.
”بۇل ءبىزدىڭ قىستاقتى’ بايىتۋ ءشوبى‘. قىستاق تۇرعىندارىنىڭ ەگىس ۋاقىتىن مىقتى يگەرىپ، ەگىنشىلىك جۇمىستارىمەن اينالىسۋىنا كومەكتەسسەك، قىستاق تۇرعىندارىنىڭ كىرىستەرىن ارتتىرۋىنا مۇمكىندىك جاسايمىز“، - دەدى قىزمەت اترەتىنىڭ باستىعى، ءبىرىنشى شۋجي ۋاڭ جيانشين.
2020 - جىلدان باستاپ، قىستاقتا تۇراتىن قىزمەت اترەتى مەن قىستاق ”ەكى كوميتەتى“ جۇڭي ءشوپ دارىلەرىن ەگۋدى دوندۇرە قىستاعىنىڭ ەرەكشە كاسىپ سالاسى ەتىپ تۇراقتاندىرىپ، قىستاققا ەگىمشىلىك شەبەرلەرىن شاقىرىپ ”باعالى رەتسەپ“ جازدى.
”جابايى ءشوپ قازۋدان“ ”ءدارى ءشوپ ەگۋگە“ دەيىن
دوندۇرە قىستاعىنىڭ توڭىرەگىندە كوپتەگەن قىزىل ميا، اشتى ميا بار، بۇرىن قىستاق تۇرعىندارى قازىپ الىپ كەپتىرىپ، جۇڭي ءدارى ءشوپ ساۋداگەرلەرىنە ساتىپ، ءار كۇنى 20 يۋاننان 30 يۋانعا دەيىن كىرىس كىرگىزەتىن.
2020 - جىلى قىزىلسۋ وبلىستىق اۋىل شارۋاشىلىعى تەحنيكالارىن جالپىلاستىرۋ ورتالىعىنىڭ قىزمەتكەرلەرى دوندۇرە قىستاعىنا بارىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ورىستەتتى. ناقتى ورىندا تەكسەرۋ - زەرتتەۋ جۇرگىزۋ ارقىلى بۇل جەردىڭ توپىراعى جۇمساق تا قۇنارلى، سۋ ىعىستىرۋ سيپاتى جاقسى، جۇڭي ءدارى ءشوپ ەگۋگە ابدەن ۇيلەسەتىندىگىن بايقايدى.
”مەن اتۇشتا ەرەكشە ەگىمشىلىكپەن اينالىسامىن، قىزمەت گرۋپپاسىنىڭ جۇڭي ءدارى ءشوپ ەگۋدى سىناق ەتەتىندىگىن ەستىپ، ولارمەن حابارلاسىپ كوردىم“، - دەدى اقتاۋ اۋدانى لۇيگۋ ەگىمشىلىك شارۋالار كاسىپتىك سەلبەستىك كووپەراتيۆىنىڭ جاۋاپتىسى لي حۇي.
تەكسەرىپ كورۋ ارقىلى لي حۇي قىستاقتاعى 880 مۋ جەردى كوتەرمەگە الىپ، 16 قىستاق تۇرعىنىن بانلانگىن ەگۋگە جۇمىسقا قابىلدادى. ءبىر جىلدىق قاربالاستىق ارقىلى قىستاق تۇرعىندارى وسى جەرگە جۇڭي ءدارى شوپتەرىن ەككەننەن كەيىن، كىرىستەرىنىڭ الدەنەشە ەسە ارتقاندىعىن، ءار مۋ بانلانگىننىڭ ءونىم مولشەرى 280 كيلوگرامنان اسقاندىعىن، مۋ باسىندىق ءونىم قۇنىنىڭ 3000 يۋانعا جەتكەندىگىن كورەدى.
”ءبىر شوپتەن“ ”الۋان ءشوپ باقشاسىنا“ دەيىن
”ۋاڭ شۋجي، بيىل قىستاق تاعى دا جۇڭي ءدارى شوپتەرىن ەگە مە؟ مەنىڭ دە ەككىم كەلەدى“.
”ارينە ەگەمىز، ءبىز تاعى ەگۋ كولەمىن ۇلعايتامىز جانە سورتىن كوبەيتەمىز، جۇڭي ءدارى ءشوبى كاسىپ سالاسىن زور كۇشپەن دامىتامىز“. بيىل كوكتەم كەلىسىمەن كەي قىستاق تۇرعىندارى ۋاڭ جيانشيندى ىزدەپ كەلىپ، جۇڭي ءدارى ءشوپ ەگۋ جايىن سۇراستىرا باستايدى.
وسىدان بۇرىن قىزمەت اترەتى مەن قىستاق ”ەكى كوميتەتى“ اقىلداسۋ ارقىلى قىستاقتاعى جۇڭي ءدارى ءشوپ ەگۋ كولەمىن 2020 - جىلعى 880 مۋدان 2600 مۋعا كەڭەيتىپ، ەگىلەتىن سورتتى بانلانگىننان قوڭىراۋگۇل، شالفەي، ۇلبىرەك، ءبورى بۇرشاق سياقتى 11 تۇرگە كوبەيتۋدى ۇيعارعان بولاتىن. مۇنان تىس، انحۇي حاۋجوۋ حاۋگۇي ءدارى - دارمەك شەكتى سەرىكتەستىگىمەن سەلبەستىك كەلىسىمىنە قول قويىسىپ، دوندۇرە قىستاعىندا 200 مۋلىق جۇڭي ءدارى ءشوپ ەگۋدەن ۇلگى كورسەتۋ باقشاسىن تۇلعالادى. بيىل 2 - ايدا وسى كاسىپورىن ءبىر تاجىريبەسى مول تەحنيكا جەتەكشىسىن قىستاقتىڭ جۇڭي ءدارى ءشوپ ەگىمشىلىگىن قاداعالاۋعا جىبەردى.
قازىر جۇڭي ءدارى ءشوپ تۇقىمىن سەبۋدىڭ شەشۋشى مەزگىلى، قىزمەت اترەتى مۇشەلەرى، قىستاق كادرلارى جانە تەحنيكتەر ءار كۇنى اتىزعا بارادى. مامەت قىستاقتاعى ساقا پارتيا مۇشەسى، بيىل ۇيىندەگى 42 مۋ جەرگە جۇڭي ءدارى ءشوبىن ەكتى. ونىڭ ايتۋىنشا، بىلتىر ول جۇڭي ءدارى ءشوبىن ەگۋدىڭ جالپى بارىسىن كورىپتى، بيىل، ءتىپتى، كوپ كىرىس كىرگىزەتىندىگىنە سەنىم بايلاپ وتىر ەكەن.
”اششى شوپتەن“ ”ءتاتتى دامگە“ دەيىن
”قازىر، دوندۇرە قىستاعى ’پارتيا ياچەيكاسى + سەلبەستىك كووپەراتيۆى + شارۋالار وتباسى‘ سىندى ەگىمشىلىك، تيجارات ۇلگىسىن العاشقى قادامدا قالىپتاستىردى. بيىلعى جۇڭي ءدارى شوپتەرىنىڭ مۋ باسىندىق ءونىم قۇنى 4000 يۋان اينالاسىنا جەتىپ، جالپى ءونىم قۇنى 10 ميلليون يۋاننان اسادى دەپ مەجەلەنۋدە، جۇڭي ءدارى ءشوبىن ەگۋدەن ۇلگى كورسەتۋ باقشاسى تاعى 10 ادامدى جۇمىستانۋعا جەتەكتەيدى“، - دەدى ۋاڭ جيانشين.
اقتاۋ اۋدانىندا كوپتەگەن اۋىل - قالاشىقتار جۇڭي ءدارى ءشوبىن ەگەدى. كەزىندەگى ”اششى ءشوپ“ اقتاۋ اۋدانىنىڭ شارۋالارىنا ”ءتاتتى ءدامدى“ تاتتىردى.
اقتاۋ اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋ يۇيپيڭ بىلاي دەپ تانىستىردى: 2020 - جىلى بۇكىل اۋدانداعى جۇڭي ءدارى ءشوپ ەگىمشىلىگىنىڭ جىلدىق ءونىم قۇنى 2 ميلليون 25 مىڭ يۋانعا جەتتى. قازىرگە دەيىن بۇكىل اۋدانداعى 8 قىستاق 10 مىڭ مۋ جەرگە جۇڭي ءدارى ءشوبىن ەكتى، بەديان، بانلانگىن، ۇشقات سياقتى سورتتاردى قامتيدى.
بيىل 5 - ايدىڭ 4 - كۇنى اقتاۋ اۋداندىق ۇكىمەت شينجياڭ كايشين حۇڭشىڭ ءدارى - دارمەك شەكتى سەرىكتەستىگىمەن سەلبەستىك كەلىسىمىنە قول قويىستى، وسى سەرىكتەستىك 50 ميلليون يۋان قارجى قوسىپ، جىلدىق وڭدەۋ قۋاتى 2000 توننالىق ءوندىرىس زاۆود ءۇيىن سالىپ، اقتاۋ اۋدانىنداعى جۇڭي ءدارى ءشوپ ەگۋ، وڭدەۋ كاسىپ سالاسىنىڭ دامۋىن جەتەكتەيدى.
