تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

جەڭىس شاتتىعىنا بىرگە شومىپ،ءتىپتى دە پارمەندى بىرىككەن كۇش ۇيىستىرامىز

− رايونىمىزداعى ءار ۇلت كادرلارى مەن بۇقاراسى اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسىن قىزۋ تالقىلادى

انار بۇلت / شينجياڭ گازەتىنىڭ تىلشىلەرى

  زەيىن - زەردەمەن جانە ماڭداي تەرمەن سۋارىلعان گۇل ەڭ كوركەم، وسىرگەن جەمىس ەڭ ءتاتتى. 5 - ايدىڭ 21 - كۇنى اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى، بۇكىل رايونداعى ءار ۇلت كادرلارى مەن بۇقاراسى قورىتىندىلاۋ، ماداقتاۋ - سيلاۋ جينالىسىن تىڭداپ، كورىپ، ءبىر نيەتپەن كۇش بىرىكتىرىپ كەدەيلىكتەن ارىلتۋدان قامال الۋداعى نىق تاستالعان قادام ءۇنىن ەستىدى، شينجياڭنىڭ كەدەيلىكتەن ارىلتۋدان قامال الۋداعى ءونىمدى، تولىق جاۋابىن كوردى.

  مەيلى كەزىندە كەدەيلىكتەن ارىلتۋدىڭ ءبىرىنشى شەبىندە كۇرەس جۇرگىزۋ بولسىن، الدە بۇگىندە ەگىن، مال شارۋاشىلىعى وڭىرلەرىندە كەدەيلىكتەن ارىلتۋدان قامال الۋ جەتىستىگىن ۇزدىكسىز تاپجىلماي بەكەمدەۋ بولسىن، مەيلى الدىمەن بايىپ، كەيىنگىلەردىڭ بايۋىنا كومەكتەسۋ بولسىن، الدە ەندى عانا كەدەيلىكتەن ارىلۋ بولسىن، كوپشىلىك ەكپىندەي العا باسۋ بارىسىن بىرگە ەسكە ساقتاپ، جەڭىس شاتتىعىنا بىرگە شومىپ، اناعۇرلىم پارمەندى بىرىككەن كۇش ۇيىستىرىپ، ءتىپتى دە زور ىسكەرلىك كورسەتۋگە بەكىندى.

رۋحتى سەرپىلتىپ، ارمانعا تاعى قۇلاش سەرمەدى

  اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسى بەينە ەكران فورماسىندا اۋىل - قالاشىقتارعا دەيىن اشىلدى، كەدەيلىكتەن ارىلعان وڭىرلەردەگى، شەكارا وڭىرلەردەگى، ەگىن، مال شارۋاشىلىعى وڭىرلەرىندەگى بولىمشە جينالىس الاڭىنان قۋانىش پەن تەبىرەنىستىڭ، سەنىم مەن كۇرەستىڭ لەبى ەستى.

  ”اۋىلىمىز شەت - شالعايعا ورنالاسقان، وسى رەتكى ماداقتاۋ - سيلاۋ جينالىسىندا بۇكىل اۋىلىمىزدان 2 وزات كوللەكتيۆ، ءبىر وزات جەكە داڭقتى اتاققا يە بولدى!“، - دەدى 5 - ايدىڭ 22 - كۇنى ونسۋ اۋدانى بوزءدوڭ قىرعىز ۇلتتىق اۋىلدىق پارتكومنىڭ شۋجيى شۇي جىگاڭ ماقتانىشپەن. سول كۇنى بوز ءدوڭ اۋىلى اۋىل - قىستاق ساياحات مەرەكەسى قيمىلىن ورىستەتكەن. تەمىر شىڭى باۋرايىندا قونىس جاڭالاپ كەدەيلەردى سۇيەمەلدەۋ بويىنشا كوشىرۋ ينجەنەرياسىنان يگىلىكتەنىپ، ەسىك الدىندا جۇمىستانعان نەمەسە ەرەكشە ەگىمشىلىك تەحنيكاسىن يگەرىپ، اۋىل - قىستاق ساياحات شارۋاشىلىعى سياقتى كاسىپ سالالارىنا قاتىناسقان ەگىنشى - مالشىلار ءان ايتىپ، ءبي بيلەپ، پارتياعا دەگەن العىس سەزىمى مەن اناعۇرلىم تاماشا تۇرمىسقا دەگەن تالپىنىسىن بەينەلەدى.

  وسى ساتتە موري قازاق اۆتونوميالى اۋدانى قاينار ۇلتتىق قولونەر بۇيىمدارىن جاساۋ شەكتى جاۋاپكەرشىلىك سەرىكتەستىگىنىڭ القا باستىعى شەكەر قۇسايىن ەرەكشە تەبىرەندى ءارى يىعىنداعى اۋىر جاۋاپكەرشىلىكتى سەزىندى. بيىلعى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا ول ”كەدەيلىكتەن ارىلتۋدان قامال الۋداعى مەملەكەتتىك وزات جەكە“ داڭق اتاعىنا يە بولعان.

  وسى بىرنەشە جىلدا ول ۇلتتىق كەستەشىلىك زاۆودى، قازاق تابيعي ءدارى سابىنى زاۆودى سياقتىلاردى قىستاقتا قۇرىپ، ءتىپتى دە كوپ اۋىل - قىستاق ايەلدەرىنىڭ كىرىس كىرگىزۋىنە، تىڭ تىرشىلىك اشۋىنا مۇمكىندىك جاسادى. شەكەر كەلەسى قادامدا امالدىڭ بارىنشا ءتىپتى دە كوپ اۋىلداستارىن باستاپ بىرگە كىرىس ارتتىراتىندىعىن ايتتى.

كەدەيلىكتەن ارىلۋ ارمانى ورىندالىپ، وراسان زور وزگەرىستەر تىلگە تيەك ەتىلدى

  مىڭ جىلدىق ارمان بۇگىن ورىندالدى. اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسىنا قاتىستى حابارلار رايونىمىزداعى ءار ۇلت كادرلارى مەن بۇقاراسىنىڭ اڭىسىن قوزعادى.

  ياركەن اۋدانى قوسارىق اۋىلى تۋرا ارىق قىستاعىنداعى بارلىق وتباسى بەيقۇت ۇيگە كىرىپ، كوپشىلىكتىڭ جۇزىنەن باقىت لەبى ەستى.

  ”قىستاق جولى ناشار بولۋ، اۋىز سۋ تۇتىنۋ قيىن بولۋ، ەلەكتردەن پايدالانۋ قيىن بولۋ، حابارلاسۋ قيىن بولۋ، وقۋعا ءتۇسۋ قيىن بولۋ، ەمدەلۋ قيىن بولۋ سياقتى قيىن ماسەلەلەر كەدەيلىكتەن ارىلتۋدان قامال الۋ بارىسىندا ءبىر - بىرلەپ شەشىلدى“، - دەدى 5 - ايدىڭ 22 - كۇنى قىستاق تۇرعىنى ءيۇسۇپقادىر توحتىقۇربان وسى بىرنەشە جىلداعى وزگەرىستى اۋىزعا العاندا. تۋرا ارىق قىستاعى پارتيا ياچەيكاسىنىڭ شۋجيى ۋي ۋي 2018 - جىلدىڭ باسىندا بۇكىل قىستاقتا كەدەيلىكتىڭ تۋىلۋ سالىستىرماسى %46.3 بولىپ، 2020 - جىلدىڭ سوڭىندا نولگە تۇسكەندىگىن تانىستىردى.

  ”ءبىر نيەتپەن سەلبەسىپ، قاجىرلىلىقپەن كۇرەس جاسادى“، ”كەدەيلىك قامالىن الىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتتى“... قورىتىندىلاۋ، ماداقتاۋ - سيلاۋ جينالىسىنداعى سوزدەر قاراقاش اۋدانى قاراساي قالاشىعى باقچى قىستاعىنداعى كادرلار مەن بۇقارانىڭ جۇرەگىنە جەتتى. ءار جاقتاعى كۇشتەردىڭ كومەگىندە ولار ارمانعا قاراي قول ۇستاسا العا باسۋدا.

  قىستاق تۇرعىنى مامەتجان سىراجى: 2017 - جىلى قىستاق كوپ تولدەيتىن سويىس قوي باعىمشىلىق نىسانىن اتقاردى، مەن باسقا 8 ەگىنشى وتباسىمەن ءبىرىنشى توپتا سىناق ەتىپ، سول جىلى 16 مىڭ يۋان كىرىس كىرگىزدىم، - دەدى. قازىر ونىڭ قويى 300گە جەتىپ، بىلتىرعى تازا كىرىسى 100 مىڭ يۋان بولىپتى.

اۋىل - قىستاق گۇلدەنىپ، جاڭا ساپاردى ايگىلەدى

  ەگىنشى وتباسىلارىنىڭ شاعىن ەسەپ داپتەرىنەن كەدەيلەردى سۇيەمەلدەۋ ۇلكەن جۇمىسىن كورۋگە بولادى. اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسى حابارىن كورگەننەن كەيىن، اقشي اۋدانى سۇمتاش اۋىلى اقتالا قىستاعىنداعى كەدەيلىكتەن ارىلعان تۇرسىن بايال وتباسىنىڭ ”كەدەيلىكتەن ارىلۋ ەسەبىن“ ىستەدى: 2017 - جىلى ول 40 مىڭ يۋان ءوسىمى قازىنادان بەرىلەتىن قارىز اقشاعا 25 قوي جانە 5 قوداس ساتىپ العان، تەحنيكتەردىڭ ۇيگە بارىپ جەتەكشىلىك ەتۋىندە وتباسىنىڭ باعىمشىلىق كولەمى ۇلعايىپ 130 قويعا، 10 قوداسقا كوبەيگەن.

  ”پارتيا مەن ۇكىمەتتىڭ ابزال ساياساتى تۇرعاندا تەك قاجىرلىلىقپەن ەڭبەك ەتسەك عانا بولعانى، مۇنان بىلايعى تۇرمىسىمىز ءتىپتى دە جاقسى بولادى“، - دەدى تۇرسۇن.

  اقشي اۋداندىق پارتكوم ۇيىمداستىرۋ بولىمىنەن ”ۇعىسۋ، تيىمدىلىك جاساۋ، توعىستىرۋ“ بويىنشا اقتالا قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي لي نيڭ: 2015 - جىلدان بەرى اقتالا قىستاعى ىلگەرىندى - كەيىندى بەيقۇت ءۇي سياقتى كەدەيلەردى سۇيەمەلدەۋدىڭ 20عا جۋىق نىسانىنان يگىلىكتەنىپ، قىستاق تۇرعىندارىنىڭ كەدەيلىكتەن ارىلىپ بايۋ بەلسەندىلىگى جانە ىرىقتىلىعى ونان ارى كۇشەيدى، - دەپ تانىستىردى. ”ءبىز قىستاق تۇرعىندارىن باستاپ ۇزدىكسىز كۇرەسىپ، جاڭا باستامادا اۋىل - قىستاقتى گۇلدەندىرۋدىڭ تاماشا كارتيناسىن سالامىز!“، - دەدى لي نيڭ.

  5 - ايدىڭ 22 - كۇنى شىڭگىل اۋدانى ارال قالاشىعى تۇرعىن قىستاعىنداعى تۇيە باعىمشىلىق شارۋالار كاسىپتىك سەلبەستىك كووپەراتيۆىندە ”ۇعىسۋ، تيىمدىلىك جاساۋ، توعىستىرۋ“ بويىنشا تۇرعىن قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ايدىنبەك ءىريان بىلاي دەدى: كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسى ”ءار ۇلت كادر - بۇقاراسىنىڭ اقىل - پاراساتى مەن كۇش - قۋاتىن ۇيىستىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەكتىگىن“ باسا دارىپتەدى، مۇنان بىلاي قىزمەت اترەتى ”پارتيا ياچەيكاسى + سەلبەستىك كووپەراتيۆى + شارۋا وتباسى“ ۇلگىسى جونىندە ىشكەرىلەي ىزدەنىس جاساپ، مالشىلاردى تۇيە شارۋاشىلىعىن دامىتىپ، كىرىسىن ارتتىرىپ بايۋعا جەتەكتەيدى.

  (ءتىلشى جاڭ جىلي، قاتىناسقان تىلشىلەر حان چينيان، گى يوۋجۇن، سۇڭ ۋيگو، جاڭ تيڭ، ءپاريزات ابدۇل)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.