اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ماجىلىسىندەگى ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى
پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، ەكونوميكانىڭ، قوعامنىڭ جوعارى ساپالى دامۋىن جۇزەگە اسىرۋدى كۇش سالا ىلگەرىلەتۋ كەرەك
چىن چۋانگو ءماجىلىستى باسقاردى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 22 - كۇنى ۇرىمجىدەن حابارلايدى. 5 - ايدىڭ 21 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ماجىلىسىندەگى ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن بۇلجىماي ناقتى، ەگجەي - تەگجەيلى، تىڭعىلىقتى تياناقتاندىرۋ كەرەك. جاڭا داۋىردەگى سۋ يگىلىگى قىزمەتىن تىڭعىلىقتى، ويداعىداي ىستەپ، سۋ ۇنەمدەۋدى الدىڭعى ورىنعا قويۋ، كەڭىستىكتى تەڭگەرۋ، جۇيەلى جونگە سالۋ، ەكى جاقتان كۇش سالۋ سىندى سۋ تىزگىندەۋ باعىتىنا تاباندى بولىپ، سۋ بايلىعى جاعىنداعى قاتاڭ شەكتەمەنى كۇشەيتىپ، سۋ بايلىعىمەن قامداۋدى كۇشەيتىپ جانە ساپالىلاندىرىپ، قالانىڭ كەڭىستىك ورنالاسۋىن، كاسىپ سالاسى قۇرىلىمىن، حالىق سانى كولەمىن ساپالىلاندىرىپ، قالا، اۋىلدى سۋ يگىلىگى تىرەگىمەن قامتاماسىز ەتۋدى كۇشەيتىپ، سۋ ەكولوگياسىن جونگە سالۋدى، قالپىنا كەلتىرۋدى جاپپاي كۇشەيتىپ، سۋ بايلىعىن شوعىرلى، ۇنەمدى پايدالانۋ دەڭگەيى مەن سۋ حاۋىپسىزدىگىن قامتاماسىز ەتۋ قۋاتىن شىنايى جوعارىلاتۋ كەرەك. اۋىل شارۋاشىلىعىن وسىزامانداندىرۋ دەڭگەيىن ۇزدىكسىز جوعارىلاتىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، استىق القاپتارىن قورعاپ، ەگىستىك جەر بايلىعىن عىلمي، ۇيلەسىمدى پايدالانۋ ستراتەگياسىن تياناقتاندىرىپ، تۇقىم ينجەنەرياسىن ويداعىداي يگەرىپ، استىق ءوندىرىسى قۋاتىن ورنىقتى جوعارىلاتىپ، استىق حاۋىپسىزدىگىنىڭ ىرىقتىلىق ۇقىعىن مىقتاپ يگەرىپ، اۋىل شارۋاشىلىعى عىلىم - تەحنيكا دەڭگەيىن كۇش سالا جوعارىلاتىپ، كوپ شارانى قاتار اتقارىپ ەگىنشى - مالشىلاردىڭ كىرىس ارتتىرۋ ارناسىن ىركىلىسسىزدەندىرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. حالىق تۇرمىسىن قامتاماسىز ەتۋ جانە جاقسارتۋ تەبىنىن كۇشەيتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىمەن ويلاستىرۋدى كۇشەيتىپ، ءتۇيىندى قاۋىمنىڭ جۇمىستانۋىن كورنەكتى تۇردە ويداعىداي يگەرىپ، حالىققا تيىمدىلىك جەتكىزۋ ينجەنەريالارىن ىشكەرىلەي اتقارىپ، ەمدەۋ، سالاماتتىق قىزمەت وتەۋ قابىلەتىن ۇزدىكسىز جوعارىلاتىپ، قوعامدىق قامتاماسىزداندىرۋ دەڭگەيىن جوعارىلاتىپ، ءار ۇلت بۇقاراسىنىڭ ءوندىرىس، تۇرمىس شارت - جاعدايىن ءۇرتىس جاقسارتىپ، حالىق تۇرمىسىنىڭ ىرىس - قۇتىن ۇزدىكسىز ارتتىرۋ كەرەك. ەكولوگيالىق ورتانى قورعاۋدى جانە قۇرۋدى كۇشەيتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، تاۋدى، سۋدى، ورماندى، اتىزدى، كولدى، جايلىمدى، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، ەكولوگيالىق ورتانى قورعاۋدى ۇزدىكسىز كۇشەيتىپ، كورىكتى شينجياڭنىڭ اسپانىن اناعۇرلىم اشىق، تاۋىن اناعۇرلىم جاسىل، سۋىن اناعۇرلىم تۇنىق ەتۋ كەرەك.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، دامۋ مەن حاۋىپسىزدىكتى اناعۇرلىم ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەۋ كەرەك. قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ساقتىق دابىلىن ۇزدىكسىز قاعىپ، قىراعىلىقتى ۇدايى ساقتاپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسە قيمىلداپ، پارتيا قۇرىلعاندىعىنىڭ 100 جىلدىعىن قۇتتىقتاۋعا حاۋىپسىز، ورنىقتى ورتا جاراتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى باستان - اياق قىراعىلىقپەن تىڭعىلىقتى ويداعىداي يگەرىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، سالعىرتسۋ يدەياسىن، باق سىناۋ ويىن باتىل جەڭىپ، ۇدايىلانعان قاداعالاۋ، ساقتاندىرۋ مەحانيزمىن ناقتى، ەگجەي - تەگجەيلى تياناقتاندىرىپ، ۆاكسينا ەگۋ اياق الىسىن حاۋىپسىز، ءتارتىپتى تۇردە جەدەل ىلگەرىلەتىپ، ماڭىزدى وتكەلدەردە، شەشۋشى بۋىنداردا جانە ءتۇيىندى قاۋىم اراسىندا دالمە - ءدال ساقتانۋ - تىزگىندەۋدى كۇشەيتىپ، ءار ۇلت حالىق جۇرتشىلىعىنىڭ ءومىرىنىڭ حاۋىپسىزدىگىن، دەنساۋلىعىن باتىل قورعاۋ كەرەك. ءوندىرىس حاۋىپسىزدىگىن قاجىماس تاباندىلىقپەن ويداعىداي يگەرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حاۋىپسىز دامۋ ۇستانىمىن مىقتاپ ورناتىپ، ءوندىرىس حاۋىپسىزدىگى تانىمىن كۇشەيتىپ، ءوندىرىس حاۋىپسىزدىگى تومەنگى شەگىن مىقتاپ ساقتاپ، ءوندىرىس حاۋىپسىزدىگى قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، ءوندىرىس حاۋىپسىزدىگى زور تەكسەرۋىن ورىستەتۋدى ۇدايىلاندىرىپ، كومەسكى حاۋىپ - قاتەرلەردى جالپى بەتتىك ءبىر - بىرلەپ تەكسەرىپ، اۋىر، ەرەكشە ۇلكەن ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ كەرەك. حالىق تۇرمىسىمەن تىعىز جاناسىپ ەكونوميكانىڭ جوعارى ساپالى دامۋىن ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكانىڭ اقاۋسىز، ورنىقتى دامۋىن ساقتاۋ كەرەك. پارتيا تاريحىن ۇيرەنۋ تاربيەسىن جوعارى ولشەممەن، جوعارى ساپامەن ورىستەتىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى، ويداعىداي ورىستەتىپ، ۇيرەنۋ ونىمدىلىگىن قوعام ورنىقتىلىعى مەن باياندى تىنىشتىقتى ىلگەرىلەتۋدىڭ قىزمەت قوزعاۋشى كۇشىنە جانە ناتيجەسىنە اينالدىرۋ كەرەك.
ءماجىلىس «شينجياڭ ۇيعۇر اۆتونوميالى رايونى ءجۇزىم شارابى كاسىپ سالاسى دامۋىنىڭ جەتەكشى پىكىرىن» جانە «شينجياڭ ۇيعۇر اۆتونوميالى رايونى ءجۇزىم شارابى كاسىپ سالاسىنىڭ ”14 - بەسجىلدىق“ دامۋ جوباسىن» اقىلداستى، قارادى. ءماجىلىس مىنانى اتاپ كورسەتتى: جاڭا دامۋ ۇستانىمىن بۇلجىماي دايەكتىلەندىرىپ، شينجياڭنىڭ بايلىق، وڭىرلىك، ت. ب ارتىقشىلىقتارىن تولىق ساۋلەلەندىرىپ، كاسىپ سالاسى جوباسىن كۇش سالا ويداعىداي ىستەپ، كاسىپ سالاسى ورنالاسۋىن ساپالىلاندىرىپ، ءجۇزىم شارابى كاسىپ سالاسىنىڭ توعىسا دامۋى مەن شوعىرلانا دامۋىن جەبەپ، شيكىزات بازاسىن ولشەمدەندىرۋ قۇرىلىسىن ىلگەرىلەتىپ، باستاماشى كاسىپورىنداردى زورايتىپ، ساپالى ماركالاردى تۇلعالاپ، كاسىپ سالاسىنىڭ ىقپال كۇشى مەن وزەكتى باسەكەلىك قۋاتىن جوعارىلاتىپ، كاسىپ سالالانا دامۋ ورەسى مەن كاسىپ سالاسىنىڭ حالىققا تيىمدىلىك جەتكىزۋ ورەسىن ۇزدىكسىز جوعارىلاتىپ، ءجۇزىم شارابى كاسىپ سالاسىنىڭ قاتىستى كاسىپ سالالارىنىڭ دامۋىنا جەتەكشىلىك ەتۋ، جۇمىستانۋدى كەڭەيتۋ، كىرىس ارتتىرۋدى جەبەۋ سياقتى جاقتارداعى رولىن اناعۇرلىم جاقسى ساۋلەلەندىرىپ، ءجۇزىم شارابى كاسىپ سالاسىن شينجياڭنىڭ ەرەكشە باسىمدىققا يە كاسىپ سالاسى ەتىپ تۇلعالاۋعا قۇلشىنۋ كەرەك.
ءماجىلىس تاعى باسقا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، شۇي حايرۇڭ، ەركىن تۇنياز، تيان ۋىن، سارقىت اقان، ۋاڭ ميڭشان قاتارلىلار ماجىلىسكە قاتىناستى.
