تيانشان تورى   ›   ۇيرەنۋ   ›   شولۋ

جاڭا باستامادا ءار ۇلت بۇقاراسىنىڭ تاماشا تۇرمىسىنىڭ جاڭا تاراۋىن قۇلشىنا جازايىق

جاڭا باستامادا ءار ۇلت بۇقاراسىنىڭ تاماشا تۇرمىسىنىڭ جاڭا تاراۋىن قۇلشىنا جازايىق

− اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسىنىڭ رۋحىن ۇيرەنۋ، دايەكتىلەندىرۋ تۋرالى

□ گازەتىمىزدىڭ شولۋشىسى

  بارلىق ۇلى تابىس تۇگەلدەي ۇزدىكسىز كۇرەس جۇرگىزۋدىڭ جەمىسى، بارلىق ۇلى ءىس تۇگەلدەي الدىڭعىلاردىڭ ءىزىن باسىپ، بولاشاققا جول اشۋ بارىسىندا ىلگەرىلەتۋدى قاجەت ەتەدى. اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسىندا مىنالار باسا دارىپتەلدى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، شىن مانىندە اۋىل شارۋاشىلىعى، اۋىل - قىستاق، شارۋالار قىزمەتىنىڭ ءتۇيىنىن اۋىل - قىستاقتى گۇلدەندىرۋدى جاپپاي ىلگەرىلەتۋگە قويىپ، پارتيا تاريحىن ۇيرەنۋ تاربيەسىن ورىستەتۋدى وراي ەتىپ، قوزعاۋشى كۇش ەتىپ، كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ءار ۇلت بۇقاراسىن بىرگە بايۋ نىساناسىن بەتكە الىپ ەرلىكپەن العا ىلگەرىلەۋگە باستاپ، جاڭا باستامادا جاڭا تاراۋلاردى قۇلشىنا جازۋ كەرەك.

  كەدەيلىكتەن ارىلتىپ، كەدەيلىك قالپاعىن الۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. كەدەيلىكتەن ارىلتۋدان قامال الۋ جەڭىسكە جەتكەننەن كەيىن، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك، بۇل اۋىل شارۋاشىلىعى، اۋىل - قىستاق، شارۋالار قىزمەتى تۇيىنىندەگى تاريحي بۇرىلىس. اۋىل - قىستاقتى گۇلدەندىرۋ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى كەلەلى مىندەت ەكەندىگىن، ءسوز جوق، اناعۇرلىم پارمەندى شارا ارقىلى اۋىل شارۋاشىلىعىنىڭ، اۋىل - قىستاقتىڭ وسىزاماندانۋ اياق الىسىن جەدەلدەتىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ كەرەكتىگىن، ءسوز جوق، جەتە تانۋىمىز كەرەك.

  جەڭىسكە جەتۋ قيىن ەمەس، جەڭىستى قولدان جىبەرمەۋ ەڭ قيىن. اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، تاجىريبەلەردى قورىتىندىلاۋعا شەبەر بولىپ، زاڭدىلىقتى يگەرىپ، كەدەرگىلەردى تالقانداپ، ەرلىكپەن العا ۇمتىلۋىمىز كەرەك. كەدەيلىكتەن ارىلتۋدان قامال الۋ جەتىستىگىن بەكەمدەۋگە كۇش سالىپ، ”ءتورتتى توقتاتپاۋدى“ قاتاڭ تياناقتاندىرىپ، كولەمدىك قايتالاي كەدەيلەسۋدىڭ تۋىلماۋىنىڭ تومەنگى شەگىن باتىل ساقتاۋ؛ جۇمىستاندىرۋدى، كىرىستى ارتتىرۋدى كۇش سالا ورنىقتىرىپ، كەڭەيتىپ، جۇمىستاندىرۋدى الدىمەن ويلاستىرۋ ساياساتىن تياناقتاندىرىپ، كوپ ارنامەن جۇمىستانۋدى، شارۋاشىلىق قۇرۋدى جەبەپ، كاسىپ ارقىلى ادامدى الاڭسىز ەتۋدى، كاسىپ ارقىلى كىرىستى ارتتىرۋدى جۇزەگە اسىرۋ؛ اۋىل - قىستاق كاسىپ سالالارىن كۇش سالا دامىتىپ، ۇلعايتىپ، كەدەيلىكتەن ارىلعان وڭىرلەردەگى كاسىپ سالالارىندا كەيىنگى ۇزاق ۋاقىتتىق باۋلۋدى كۇشەيتىپ، وسى زامانعى اۋىل - قىستاق كاسىپ سالاسى جۇيەسىن جەدەل قالىپتاستىرۋ؛ اۋىل - قىستاقتارداعى ولقىلىقتاردى، ءالسىز تۇستاردى كۇش سالا تولىقتاپ، جالپىعا ءتيىمدى، تومەنگى شەكتەن تۇسپەيتىن، نەگىزدىك حالىق تۇرمىسى قۇرىلىسىن كۇشەيتىپ، اۋىل - قىستاقتاعى بۇقارانى دامۋدىڭ جەتىستىكتەرىنەن بىرگە يگىلىكتەندىرۋ؛ اۋىل شارۋاشىلىعى، اۋىل - قىستاق رەفورماسىن كۇش سالا تەرەڭدەتىپ، اۋىل - قىستاق بايلىق فاكتورلارىنىڭ ومىرشەڭدىك كۇشىن قاۋلاتىپ، اۋىل - قىستاق دامۋىنىڭ ىشكى قوزعاۋشى كۇشىن ۇزدىكسىز كۇشەيتۋ؛ قالا مەن اۋىلدىڭ توعىسا دامۋىن كۇش سالا ىلگەرىلەتىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەستى داميتىن، بىرگە گۇلدەنەتىن جاڭاشا ونەركاسىپ - اۋىل شارۋاشىلىعى، قالا، اۋىل قاتىناسىن جەدەل قالىپتاستىرۋ؛ كورىكتى، قونىستانۋعا جايلى اۋىل - قىستاقتى كۇش سالا قۇرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، اۋىل شارۋاشىلىعىنىڭ ەكولوگيالىق ونىممەن جانە قىزمەت وتەۋمەن قامداۋىن مولايتىپ، اۋىل - قىستاقتىڭ ەكولوگيالىق ورتاسىن شىن مانىندە جاقسى قورعاۋ؛ رۋحاني وركەنيەت قۇرىلىسىن كۇش سالا كۇشەيتىپ، ەسكى سالت - سانانى وزگەرتۋدى ىلگەرىلەتىپ، وركەنيەتتى اۋىل سالتىن، تاماشا وتباسى سالتىن، اق ەدىل حالىق سالتىن قالىپتاستىرۋدى ىلگەرىلەتۋ؛ اۋىل - قىستاقتى شەبەرلىكپەن جونگە سالۋ دەڭگەيىن كۇش سالا جوعارىلاتىپ، پارتيا ۇيىمى باسشىلىعىنداعى اۋىل - قىستاقتى جونگە سالۋ جۇيەسىن جەدەل قالىپتاستىرىپ، اۋىل - قىستاقتى جونگە سالۋ تاسىلىندە جاڭالىق اشىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ جاڭا ارناسىن قالىپتاستىرىپ، اۋىل - قىستاقتىڭ قوعامدىق كەلەلى جاعدايىنىڭ ۇزدىكسىز ورنىقتىلىعىن ساقتاۋ كەرەك.

  تابىس اتاۋلىنىڭ ءبارى حالىقتىڭ كۇرەس جاساۋىنان كەلگەن؛ كوركەمدىك اتاۋلىنىڭ ءبارى حالىقتىڭ جاسامپازدىعىنان قول ۇزە المايدى. ءبىز تەك حالىققا بەرىك سۇيەنسەك بولعانى، جەڭبەيتىن قيىنشىلىق، قاتەر، بوگەت بولماق ەمەس، ورىندالمايتىن ايبىندى ۇلى ءىس بولماق ەمەس. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تىلەكتەس، مۇراتتاس بولىپ، ەل بىرلىگىنەن بەرىك قامال تۇرعىزىپ، جاڭا داۋىردەگى اۋىل - قىستاقتى گۇلدەندىرۋدىڭ تەلەگەي كۇشىن ۇيىستىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتايىق!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.