شونجى اۋدانى جەبەكۋ قالاشىعى جاڭبا قىستاعىنىڭ شىت جاڭا بەينەسى (5 - ايدىڭ 23 - كۇنى ۇشقىش اپپاراتپەن تۇسىرىلگەن). سوڭعى جىلدارى شونجى اۋدانى جەبەكۋ قالاشىعى جاڭبا قىستاعى ”اسپانى اشىق، جەرى جاسىل، سۋى تۇنىق، تىنىش ءومىر، شات - شادىمان تىرشىلىك كەشىرگەن، كىرىسى ارتقان“ سەيىل - سەرۋەن ساياحاتىنان ۇلگى كورسەتۋ قىستاعىن قۇرۋعا كۇش سالدى، 2020 - جىلى قىستاق تۇرعىندارىنىڭ جان باسىندىق ورتاشا تازا كىرىسى 25 مىڭ يۋانعا جەتتى. □ سۋرەتتى انار بۇلت / شينجياڭ گازەتىنىڭ ءتىلشىسى ساي زىڭلى تۇسىرگەن
□ انار بۇلت / شينجياڭ گازەتىنىڭ تىلشىلەرى جاۋ شييا، لۋ فىڭباۋ
5 - ايدىڭ 23 - كۇنى، جەكسەنبى، شونجى اۋدانى جەبەكۋ قالاشىعى جاڭبا قىستاعىنداعى قۇرىلعىلى اۋىل شارۋاشىلىعى بازاسىنىڭ كولىك توقتاتۋ الاڭى اۆتوكولىككە لىق تولدى. بۇلدىرگەن جىلىجايىنىڭ بۇلدىرگەن تەرۋ باعىندا تارازىلاپ، قوراپتاپ، قول تەلەفوننان ۇزدىكسىز كەلىپ جاتقان اقشا اۋدارۋ ەسكەرتپە دىبىسىن ەستىپ، ەگىمشىلىك ءىرى وتباسى لۋ جياڭ ساياحاتشىلاردى جىلى شىرايمەن قارسى الدى: ”ۋيچات دوستار شەڭبەرىندە ورىن تۇراقتاندىرعىش بار، ۇناتساڭىزدار تاعى كەلىڭىزدەر!“.
جاڭبا قىستاعى جوعارى جىلدامدىقتى تاس جولدىڭ بويىنا ورنالاسقان، شونجى اۋدان قالاشىعىنان 20 كيلومەتر، مەملەكەتتىك 4A دارەجەلى كورىنىس ءوڭىرى جانبۇلاق كورىنىس وڭىرىنەن 24 كيلومەتر قاشىقتىقتا. كورىنىس وڭىرىنە بارۋدا، ءسوزسىز، باسىپ وتەتىن جەر رەتىندە، وتكەندە جۇرتقا بەيمالىم وسى شاعىن قىستاق ساياحاتتىڭ جەدەل دامۋىنىڭ ارقاسىندا شار تاراپتان كەلگەن ساياحاتشىلاردىڭ نازارىن اۋدارىپ، لۋ جياڭ سياقتى وسىنداي ”جاڭاشا شارۋالارعا“ ساۋدانىڭ دامۋ ورايىن سەزىندىردى.
2013 - جىلدىڭ سوڭىندا جاڭبا قىستاعى تۇتاس قىستاق بويىنشا ىلگەرىلەتۋدى اتقارىپ، 100 ميلليون يۋاننىڭ ۇستىندە قارجى قوسىپ نەگىزدىك قۇرىلعىلاردى جاڭالاپ، حالىقتىق تۇسەلحانا، ەرەكشە جەمىس - جيدەكتەردى ءۇزۋ، باعىمشىلىق سياقتىلاردى دامىتىپ، مادەنيەتتىڭ، ساياحاتتىڭ، اۋىل شارۋاشىلىعىنىڭ تەرەڭ توعىسۋىن ءتارتىپتى ىلگەرىلەتتى.
جاڭبا قىستاعىنا بارساڭىز، اسفالت جولداردىڭ اتىز - ارىق باستارىنا دەيىن جەتكىزىلگەن، جول جاعاسىنداعى قالامشالاردىڭ يىق تىرەسە بوي سوزعان، شاعىن قاباتتى عيماراتتاردىڭ قاتار - قاتار سالىنعان، قىستاق تۇرعىندارىنىڭ ۇيلەرىنىڭ الدى - ارتىندا گۇل مەن اعاش جايقالا وسكەن، اۋىل - قىستاقتى گۇلدەندىرۋ كارتيناسى كوز الدىڭىزعا باياۋ تارتىلادى.
جاڭبا قىستاعىنىڭ حالىق سانى از، قىستاقتا قارتتار كوپ، دامۋ تەبىنى جەتەرسىز. وسى قيىن ماسەلەنى شەشۋ ءۇشىن، تاياۋ 2 جىلدا ”1 - كاسىپتى كەمەلدەندىرۋ، 2 - كاسىپتە ناتيجە جاراتۋ، 3 - كاسىپتى ساپالىلاندىرۋ“ دامۋ وي جەلىسىن ارقاۋ ەتىپ، قىستاق پارتيا ياچەيكاسى ساۋداگەر شاقىرىپ، قارجى ەنگىزۋ جانە نىسان قۇرىلىسى تەبىنىن ۇزدىكسىز ارتتىردى. بۇگىنگى كۇندەرى قىستاقتاعى ەڭ دۋماندى بولىپ وتىرعان سىرا، قاقتاما الاڭى بىلتىر ەنگىزىلگەن نىسان بولىپ تابىلادى.
سىرا، قاقتاما الاڭىنىڭ يەلەگەن جەرى 30 مۋ، 1000عا تاياۋ ساياحاتشىنى ءبىر ۋاقىتتا قابىلداي الادى، داپانجي، تۇتاستاي قاقتالعان قوي، پالاۋ سياقتى شينجياڭنىڭ ەرەكشە ءدامدى تاعامدارى ايرىقشا قارسى الۋعا بولەندى.
”ءبىر كەشكى تيجارات سوماسى 15 مىڭ يۋان، وتە دۋماندى“. 2 كۇننىڭ الدىنداعى سىرا، قاقتاما مەرەكەسىن اۋىزعا العان ۇرىمجىدەن كەلگەن ساۋداگەر، جاڭبا قىستاعىنداعى سىرا، قاقتاما الاڭىنىڭ باس ديرەكتورى روزاحۇن تۇنياز قاباعات قۋاندى. ويى ءورىستى روزاحۇن تاعى اينالاسىنداعى 26 حالىقتىق تۇسەلحانانى دا تاماق جەتكىزۋ قىزمەت وتەۋىمەن قامداپ وتىر.
روزاحۇندى وسى اراعا كەلىپ قارجى قوسۋعا باۋراعانى جاڭبا قىستاعىنىڭ وڭىرلىك باسىمدىعى عانا ەمەس، قايتا جاڭبا قىستاعىنىڭ شارۋاشىلىق - ساۋدا ورتاسى، ونىڭ وسى ارادا 5 جىل ورىننان تەگىن پايدالانۋ ۇقىعى بار. ”ورىندى جالعا الۋ اقىسىنىڭ وزىنەن جىلىنا 100 مىڭ يۋان ۇنەمدەيمىن، نەدەگەن جاقسى ساياسات! وسى بىرنەشە كۇندە مەن ەرەكشە كورمە ىشكابىن قويۋعا دايىندالىپ جاتىرمىن، جاڭبا قىستاعىنىڭ اۋىل شارۋاشىلىق ەرەكشە ونىمدەرىن تانىستىرىپ، ءتىپتى دە كوپ ادامدى كىرىستەرىن ارتتىرۋعا جەتەكتەيمىن“، - دەدى روزاحۇن.
ەگىمشىلىك ءىرى وتباسى لۋ جياڭ دا نىساننان يگىلىكتەنۋشى. قالاشىقتىڭ جۇمىستاندىرۋ بويىنشا سۇيەمەلدەۋ نىسانىنىڭ ارقاسىندا بىلتىر ونىڭ ءۇيىنىڭ جىلىجايىن قامتىعان 68 جىلىجاي ەگىمشىلىك ءوڭىرى جاڭالاندى، كەمەلدەندى. لۋ جياڭ سۇيىنە بىلاي دەدى: ”بۇرىن قالالىقتار جەمىس ۇزگەلى كەلگەندە ’قوس اياعى باتپاققا‘ باتاتىن، قازىر جول قاتايتىلدى، جەمىس ءۇزۋدى سەزىنۋ اسەرى اناعۇرلىم جاقساردى“.
لۋ جياڭ مەن ايەلى شينجياڭ اۋىل شارۋاشىلىعى كاسىپتىك - تەحنيكالىق شۋەيۋانىنان وقۋ تاۋىسقان، قىستاقتاعى ەگىمشىلىك شەبەرى، 16 جىلىجايدى كوتەرمەگە العان، جىلدىق كىرىسى 300 مىڭ يۋان. بيىل ەرلى - زايىپتى ەكەۋى تاعى دا 50 جىلىجايدى كوتەرمەگە الىپ، بۇلدىرگەن جانە لانمەي ەگىپ، كورىنىستىك اۋىل شارۋاشىلىعىن دامىتۋعا دايىندالىپ وتىر.
”بيىل شۇيفا اۋىل شارۋاشىلىق توبى شەكتى سەرىكتەستىگىمەن سەلبەستىك نيەتتەمەسىنە كەلىستىك، الداعى جەردە مەملەكەت مەنشىگىندەگى كاسىپورىنداردىڭ ’اقىلشىلار القاسىنا‘ سۇيەنىپ، جەمىس - جيدەك، كوكونىس مايساسىن جەتىلدىرۋ كاسىپ سالاسىن، مادەنيەت - ساياحات كاسىپ سالاسىن دامىتۋ جاڭا ۇلگىسى جونىندە ىزدەنىس جاساپ، اۋىل شارۋاشىلىعىن تۇسىنەتىن، اۋىل - قىستاقتى سۇيەتىن، شارۋالاردى سۇيەتىن اناعۇرلىم كوپ ’جاڭا شارۋالاردى‘ باۋراپ، كورىكتى اۋىل - قىستاق قۇرامىز“. جەبەكۋ قالاشىق پارتكومىنىڭ شۋجيى باي شىڭچۇن بىلاي دەپ تانىستىردى: جاڭبا قىستاعى بيىل تاعى ۇيشە اۆتوكولىك ەرۋجايىن جانە 2000 شارشى مەترلىك زەردەلى جىلىجاي سالىپ، ”جانبۇلاقتى ساياحاتتاۋ، جاڭبا قاقتاماسىن جەۋ، جاڭبا حالىقتىق تۇسەلحاناسىنا قونۋ“ ساياحات ايگىلى ماركاسىن جاراتۋعا كۇش سالىپ، بيىل ادام باسىنا شاققانداعى ورتاشا تازا كىرىستى 30 مىڭ يۋاننان اسىرۋعا قۇلشىنىس جاسايدى.
ارىنداي بەر، كورىكتى اۋىل - قىستاق
5 - ايدىڭ 23 - كۇنى، جەكسەنبى، كۇن اشىق
ساپار ەستەلىگى
”جوعارى جىلدامدىقتى تاس جولدى بويلاپ شينجياڭعا نازار سالۋ“ ءۇشىنشى كەزەڭى انار بۇلت / شينجياڭ گازەتى جالپىلىق اقپارات قۇرالدارى تىلشىلىك توبى جاڭبا قىستاعىنا بارعاندا، ونىڭ كوركىنە ەرەكشە قايران قالدى: قىستاقتان قوقىر - قوقسىقتى مۇلدە كورۋگە بولمايدى ەكەن، تۇرعىندار ءۇيىنىڭ الدى - ارتىنا جاسىل وسىمدىك جانە گۇل ەگىلىپتى، ءتىلشى جاڭاشا اۋىل - قىستاق قۇرىلىسىنان جارىققا شىققان تارتىمدىلىقتى شىنايى سەزىندى.
قىستاق كادرى تىلشىگە بىلاي دەدى: 2013 - جىلى تۇتاس قىستاقتى وڭاۋ جۇرگىزىلدى، جاڭبا قىستاعى حالىقتىق تۇسەلحانانى دامىتىپ، ەرەكشە ەگىمشىلىكپەن اينالىستى، قىستاق كادرلارى، قىستاق تۇرعىنى پارتيا مۇشەلەرى جانە بايۋ شەبەرلەرى باستاماشى بولدى. بۇل كۇندەرى ”سەركەلەردىڭ“ باستاۋىندا، قىستاق تۇرعىندارىنىڭ كىرىستەرىن ارتتىرىپ، بايۋ جولىنا ءتۇسۋدىڭ ىشكى قوزعاۋشى كۇشى ارتتى، سولاي بولىپ قالماستان كوپشىلىك قىستاق ورتاسى تازالىعىن وڭاۋعا ىرىقتىلىقپەن قاتىناسىپ، ”اسپانى كوك، جەرى جاسىل، سۋى تۇنىق، تىنىش ءومىر، شات - شادىمان تىرشىلىك كەشىرگەن، كىرىسى ارتقان“ كورىكتى اۋىل - قىستاق سەيىل - سەرۋەن ساياحات ۇلگى كورسەتۋ قىستاعىن قۇرۋ كوپشىلىكتىڭ ورتاق تالپىنىس نىساناسىنا اينالدى.
جاڭبا قىستاعى وڭىرلىك ارتىقشىلىقتى تايانىش ەتىپ، مادەنيەتتىڭ، ساياحاتتىڭ، اۋىل شارۋاشىلىعىنىڭ ىشكەرىلەي توعىسۋىن ىلگەرىلەتىپ، “ كورىكتى اۋىل - قىستاق“ كاسىپ سالاسىنىڭ تىرەك ءتۇيىنىن ءدال تاپتى. ساياحاتشىلار ءۇشىن ايتقاندا، ەگەر بۇرىن ءسىز جاڭبا قىستاعىنا تەك سوعىپ وتە شىقساڭىز، وندا بۇگىن جاڭبا قىستاعىنىڭ ۇزدىكسىز ارتقان تارتىمدىلىعى، ءسىزدىڭ قادامىڭىزدى، ءسوزسىز، كىدىرتەرى مۇندا تۇر!
(جاۋ شييا)
