تيانشان تورى   ›   جاڭالىقتار   ›   شينجياڭ حابارلارى

شىندىق وسەك - اياڭعا بەرىلگەن ەڭ پارمەندى سوققى

□ قۇلجا اۋداندىق حالىق سوتى مەكەمەسىنىڭ باستىعى ءالقام كەرىم

  پومپەو تاريح پەن شىندىقتى ەلەپ - ەسكەرمەي، كورىنگەن جەردە اق پەن قارانى شاتاستىرىپ، جۇڭگونىڭ شينجياڭدى جونگە سالۋ ساياساتىنا جات نيەتپەن سوقتىقتى. مەن مۇنى قاتاڭ جازعىرامىن.

  ىلەدە تۋىپ، ىلەدە ەسەيىپ - ەرجەتكەن از ۇلت كادرى رەتىندە، مەن قىزمەتىمدى قىزۋ سۇيەمىن، مەكەنىمدى قىزۋ سۇيەمىن، ءار ۇلت اعا - باۋىر، اپەكە - قارىنداستارىمدى ءتىپتى دە قىزۋ سۇيەمىن. سوت مەكەمەسىندە قىزمەت ىستەگەن 25 جىلدان بەرى، ەستەلىكشى، كومەكشى سوتشى، سوتشى، سوت كوللەگياسىنىڭ باستىعى بولعاننان نەگىزگى ساتى سوت مەكەمەسىنىڭ باستىعى بولعانعا دەيىن، حالىقتىق ءادىليا ىستەرىنىڭ بىرتىندەپ دامىعان شۇعىلالى بارىسىنا كۋا بولدىم، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىنىڭ كۇن سايىن كەمەلدەنگەن وراسان زور تابىسىنا كۋا بولدىم. سوتشىلار قوسىنى قۇرىلىسى جاعىندا قۇلجا اۋداندىق حالىق سوتى مەكەمەسىندە قازىر 34 سۋديا بار، مۇنىڭ ىشىندە از ۇلت سۋديا 19 ادام بولىپ، سۋديالار جالپى سانىنىڭ %55.9ىن ۇستايدى. شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ قىزمەتىندە ايقىن زاڭدىق نەگىز جانە زاڭدىق ءتارتىپ بار ءارى باستان - اياق بەلگىلى ءبىر وڭىرمەن، ۇلتپەن، دىنمەن بايلانىستىرماۋعا تاباندى بولىپ كەلەدى. شينجياڭدا مەيلى كىم، قايسى ۇلت بولسىن، تەك زاڭعا قايشى قىلمىس وتكىزسە بولدى، تۇگەلدەي زاڭنىڭ جازاسىنا تارتىلادى. بۇل زاڭ الدىندا بارلىق ادامنىڭ تەرەزەسى تەڭ ەكەندىگىن، ءار ۇلت بۇقاراسىنىڭ ۇقىقتارىن زاڭ بويىنشا قورعاۋ ۇقىعىنان يگىلىكتەنەتىندىگىن تولىق ءتۇسىندىردى.

  قازىر شينجياڭ تاريحتاعى ەڭ تاماشا كوركەيىپ - گۇلدەنگەن، دامىعان مەزگىلدە تۇر، ءتۇرلى ىستەر جاپپاي العا باسىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىپ، تۇرمىستارى تىنىش، مامىراجاي بولدى. شىندىقتى جوققا شىعارۋعا بولمايدى، وسەكتىڭ ءورىسى تار. شينجياڭنىڭ ورنىقتى، دامىعان شىندىعى الدىندا وسەك - اياڭ تويتارىسسىز - اق توزىپ جوعالادى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.