تيانشان تورى   ›   جاڭالىقتار   ›   شينجياڭ حابارلارى

ماقتا تەرىپ اقشا تاپتىق، ءبىز وتە كوڭىلدىمىز

□ باركول قازاق اۆتونوميالى اۋدانى باركول قالاشىعىنىڭ تۇرعىنى ءالينا جۇكەي

  شينجياڭدىقتار مەن ماقتا اراسىندا تەرەڭ سۇيىسپەنشىلىك بار، ماقتا شينجياڭداعى ءار ۇلت بۇقاراسىنىڭ كىرىسىن ارتتىرىپ، بايۋ جولىنا تۇسۋدەگى ماڭىزدى اۋىل شارۋاشىلىق داقىلدارىنىڭ ءبىرى.

  مەنىڭ تۇڭعىش رەت ماقتا تەرگەنىم ون نەشە جىلدىڭ الدىندا بولاتىن، سول جىلى ”1 - قازان“ دەمالىسى كەزىندە مەن شاننان اشۋ رايونىنداعى ۇلكەن اكەمنىڭ ۇيىنە ويناي باردىم، سول شاقتا نەمەرە اعايىم مەن نەمەرە جەڭگەمنىڭ ءۇيى ماقتا تەرىپ جاتىر ەكەن، مەن ولارمەن بىرگە ماقتا تەردىم، ءبىرىنشى كۇنى 50 كيلوگرامنان استام تەردىم، سونىمەن مەن ۇساق - تۇيەك الاتىن 50 نەشە يۋان اقشا تاپتىم. ”1 - قازان“ دەمالىسى اياقتالعانعا دەيىن، مەن بىرنەشە ءجۇز يۋان اقشا تاۋىپ، ەرەكشە قۋانىشقا بولەندىم. سول كەزدە نەمەرە اعامنىڭ ءۇيى جالداپ العان ماقتا تەرەتىن جۇمىسشىلار دا مەنىمەن بىرگە ماقتا تەرگەن بولاتىن، ولاردىڭ اراسىنداعى قولى جۇيرىكتەرى ءبىر كۇندە 100 كيلوگرامنان استام ماقتا تەرەتىن، ءتىپتى، 200 كيلوگرامنان دا اسىرىپ جىبەرەتىن، ءبىر كۇندە ءبىر - ەكى ءجۇز يۋان اقشا تاباتىن، ماقتا تەرۋ مەزگىلىندە 10 - 20 مىڭ يۋان اقشا تاباتىن، مەن ولارعا ەرەكشە ءتانتى بولۋشى ەدىم.

  كەيىن كەلە مەن ۇنەمى پويەزعا وتىرىپ ءۇرىمجى مەن قۇمىل ورتاسىندا ءجۇردىم، ءار جىلى ماقتا جەتىلگەن ماۋسىمدا حىنان، سىچۋان، گانسۋ سياقتى جەرلەردەگى كوپتەگەن جۇمىسشىلار پويەزعا وتىرىپ شينجياڭعا ماقتا تەرۋگە كەلەدى. شۇيىركەلەسۋ بارىسىندا مەن ولاردىڭ ماقتا تەرۋگە ءوز ەركىمەن تىزىمدەلىپ كەلگەنىن ءبىلدىم. ويلاپ كورىڭىزشى، ەگەر ايتارلىقتاي كىرىس بولماسا، بۇل ادامدار سونشالىق الىس جەردەن شينجياڭعا كەلىپ جۇمىس ىستەي مە، جاپا - تارماعاي قىسىلىپ - قىمتىرىلىپ پويەزبەن جۇرەر مە؟ بۇل قالايشا ”زورلىقپەن ەڭبەككە سالۋ“ بولسىن؟

  بىلتىر مەن ۇلكەن اكەمنىڭ ۇيىنە بارىپ نەمەرە جەڭگەممەن وتكەندەگى ماقتا تەرگەن قىزىقتى ىستەردى تاعى دا اڭگىمەلەدىك. ول اسەرلەنە بىلاي دەدى: ”قازىر ماقتا تەرۋ تۇگەلدەي ماشينالاسىپ كەتتى، ءبىزدىڭ ءۇيىمىزدىڭ 20 مۋ ماقتاسىن ماقتا تەرۋ ماشيناسى ءبىر بارىپ - كەلگەندە تەرىپ بولادى، تاعى تازا شىعادى، نەمەرە اعايىڭ ەكەۋىمىز ەندىگارى ماقتا تەرۋدەن الاڭدامايتىن بولدىق“.

  امەريكاداعى، باتىستاعى ءىشىنارا كاسىپورىندار شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاۋىپ، شينجياڭنىڭ ماقتا كاسىپ سالاسىنا، ءتىپتى، تۇتاس كيىم - كەشەك، توقىماشىلىق كاسىبىنە بەتالدى سوقتىعىپ، شينجياڭنىڭ ورنىقتىلىعىن، دامۋىن توسۋعا ۇرىندى، بۇل ناعىز قۇر قيال! كىرشىكسىز، اپپاق ماقتا بەينە شينجياڭ حالقىنىڭ تازا، پاك جۇرەگىندەي، شىنايى دا قالتقىسىز. ءبىز ءارقانداي ادامنىڭ، ءارقانداي ۇيىمنىڭ داتتاۋىنا جانە جالا جابۋىنا جول بەرمەيمىز!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.