تيانشان تورى   ›   جاڭالىقتار   ›   سۋرەتتى حابار

پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، جاڭا دامۋ ۇستانىمىن جاپپاي دايەكتىلەندىرىپ، پارتيا قۇرىلعاندىعىنىڭ 100 جىلدىعىن ورنىقتىلىقتىڭ، دامۋدىڭ ۇزدىك ناتيجەسىمەن قۇتتىقتاۋ كەرەك

چىن چۋانگو، شوكىرات زاكىر ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى

پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، جاڭا دامۋ ۇستانىمىن جاپپاي دايەكتىلەندىرىپ، پارتيا قۇرىلعاندىعىنىڭ 100 جىلدىعىن ورنىقتىلىقتىڭ، دامۋدىڭ ۇزدىك ناتيجەسىمەن قۇتتىقتاۋ كەرەك

  5 - ايدىڭ 23 - كۇنىنەن 24 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى. سۋرەتتە: 5 - ايدىڭ 23 - كۇنى چىن چۋانگو، شوكىرات زاكىر قۇلجا قالاسى قاراءدوڭ ورتا، شاعىن، ۇساق ونەركاسىپ باقشاسىنا كەلىپ، كاسىپورىنداردى ارالاپ، ءوندىرىس، شارۋاشىلىق جۇرگىزۋ، جۇمىستانۋعا جەتەكتەۋ، قىزمەتشىلەردىڭ كىرىسى سياقتى جاعدايلاردى ۇعىستى.

  □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ ءتىلشىسى ياۋ تۇڭ 5 - ايدىڭ 24 - كۇنى قۇلجادان حابارلايدى. 5 - ايدىڭ 23 - كۇنىنەن 24 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى. چىن چۋانگو، شوكىرات زاكىر بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسىن ورىستەتۋدى وراي، قوزعاۋشى كۇش ەتىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  چىن چۋانگو، شوكىرات زاكىر قورعاس قالاسىنداعى، قۇلجا قالاسىنداعى نان، كيىم - كەشەك، ەلەكتروندىق بولشەكتەر، اۆتوموبيل بولشەكتەرى سياقتى ءوندىرىس كاسىپورىندارىنا بارىپ، كاسىپورىن جاۋاپتىلارىمەن، ءار ۇلت جۇمىسشى - قىزمەتشىلەرىمەن شىن ىقىلاسپەن پىكىرلەسىپ، ءوندىرىس، شارۋاشىلىق جۇرگىزۋ، تەحنيكا زەرتتەۋ - اشۋ، جۇمىستانۋعا جەتەكتەۋ، قىزمەتشىلەردىڭ كىرىسى سياقتى جاعدايلاردى ىشكەرىلەي ۇعىستى. چىن چۋانگو، شوكىرات زاكىر بىلاي دەپ اتاپ كورسەتتى: ەڭبەك شوعىرلانعان كاسىپ سالالارىن زور كۇشپەن دامىتىپ، كاسىپورىنداردىڭ تەحنيكالىق جاڭالىق اشۋدى كۇشەيتۋىنە، ساپالىلانۋعا، ۇلعايۋعا قۇلشىنۋىنا قولداۋ كورسەتىپ، ءار ۇلت بۇقاراسىنىڭ سول جەردە، جاقىن ماڭدا جۇمىستانۋىن، ۇزدىكسىز ورنىقتى تۇردە كىرىستەرىن ارتتىرۋىن جەبەۋ كەرەك.

  شىندىقوزى 100 ميلليارد يۋاندىق دەڭگەيدەگى كاسىپ سالاسى باقشاسىندا چىن چۋانگو، شوكىرات زاكىر كاسىپ سالاسى جوباسىن، كاسىپورىندار جەتىلدىرۋ، ساۋداگەر شاقىرىپ، قارجى ەنگىزۋ سياقتى جاعدايلار جونىندەگى مالىمەتتى تىڭداپ بىلاي دەپ باسا دارىپتەدى: ساۋداگەر شاقىرىپ، قارجى ەنگىزۋ سەرپىنىن ارتتىرىپ، كوكىرەك كەرنەگەن ىستىق ىنتامەن قىزمەت ەتۋمەن قامتاماسىز ەتۋدى ويداعىداي ىستەپ، نىسانداردىڭ تياناقتانۋىن، سالىنۋىن جەدەل ىلگەرىلەتىپ، جاڭا ەكونوميكالىق ارتۋ ۇيەگىن بەلسەنە قالىپتاستىرۋ كەرەك.

  چىن چۋانگو، شوكىرات زاكىر قۇلجا قالاسى ازاتتىق جولى ءمالىسى ليۋشيڭ كوشەسى الەۋمەتتىك اۋماعىنا كەلىپ، حالىققا قولايلى قىزمەت وتەۋدى ورىستەتۋ، نەگىزگى ساتى پارتيا قۇرىلىسىن كۇشەيتۋ سياقتى جاعدايلاردى ۇعىسىپ، بىلاي دەپ باسا دارىپتەدى: پارتيا تاريحىن ۇيرەنۋ تاربيەسىمەن بىرلەستىرىپ، نەگىزگى ساتىنى جونگە سالۋدى وسىزامانداندىرۋدى ويداعىداي يگەرىپ، حالىق ءۇشىن بولۋ، حالىققا قولايلى بولۋ، حالىقتى الاڭسىز ەتۋ يقۋاتىن كۇشەيتىپ، الەۋمەتتىك اۋماق ۇيىمدارىن ويداعىداي قۇرىپ، ءار ۇلت بۇقاراسىنىڭ ناقتى پايداعا كەنەلۋىنە مۇمكىندىك جاساۋ كەرەك. الەۋمەتتىك اۋماق تۇرعىندارى ابدىكەرم اسەن مەن پارحات ابدىكەرىمنىڭ ۇيلەرىندە چىن چۋانگو، شوكىرات زاكىر كوپشىلىكپەن قورالانا وتىرىپ، اڭگىمە دۇكەن قۇرىپ، قىزمەت، وقۋ، كىرىس سياقتى جاعدايلاردى شىن ىقىلاسپەن ۇعىسىپ، كوپشىلىكتىڭ تۇرمىستارىنىڭ بارعان سايىن باقىتتى بولۋىن تىلەدى.

  اعاشتار جاپ - جاسىل بولىپ جايقالىپ تۇراتىن ىلە وزەنىنىڭ ەكى جاعالاۋى جەرگىلىكتى تۇرعىنداردىڭ دەمالاتىن، سەيىل - سەرۋەن قۇراتىن، كوڭىل اشاتىن تاماشا ورنى. چىن چۋانگو، شوكىرات زاكىر ىلە وزەنىنىڭ سولتۇستىك جاعالاۋىنداعى ەكولوگيالىق اۋماققا كەلىپ، ەكولوگيالىق ورتانى قالپىنا كەلتىرۋ قۇرىلىسىنىڭ جاعدايىن ناقتى تەكسەرىپ كورىپ، بىلاي دەپ اتاپ كورسەتتى: وزەن، كول باستىعى ءتۇزىمىن مۇقيات تياناقتاندىرىپ، وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس جوسپارلاپ، قورعاۋ، جونگە سالۋ تۇزىلىسىندە جاڭالىق اشىپ، تۇنىق سۋ، جاسىل تاۋدان تاماشا ەكولوگيالىق، ەكونوميكالىق جانە قوعامدىق ونىمدىلىك تۋىنداتۋ كەرەك.

  چىن چۋانگو، شوكىرات زاكىر قۇلجا قالاسى چىڭدۋ وڭتۇستىك جولى مەشىتىنە كەلىپ، ءدىني قيمىلداردىڭ ورىستەتىلۋ جاعدايىن ۇعىسىپ، بىلاي دەپ اتاپ كورسەتتى: پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ءدىني قيمىلى مەن ءدىني قاجەتىن زاڭ بويىنشا قامتاماسىز ەتۋ كەرەك. قالىڭ ءدىن سالاسىنداعى قايراتكەرلەر وتاندى ءسۇيۋ، ءدىندى قاستەرلەۋ تاماشا ءداستۇرىن اسقاقتاتىپ، دىنگە سەنەتىن بۇقارانى دۇرىس سەنىم ورناتۋعا، دۇرىس جولمەن جۇرۋگە باستاۋ كەرەك.

  چىن چۋانگو، شوكىرات زاكىر تاعى ىلە لين زىشۇي ەسكەرتكىش سارايىن ەكسكۋرسيالاپ، بىلاي دەپ اتاپ كورسەتتى: وتانشىلدىق رۋحتى جالعاستىرىپ جانە اسقاقتاتىپ، تاريحپەن ادام تاربيەلەۋ رولىن اناعۇرلىم ويداعىداي ساۋلەلەندىرىپ، ءار ۇلت بۇقاراسىن ”بەستى شىنايى مويىنداۋدى“ ۇزدىكسىز كۇشەيتۋگە تاربيەلەۋ، جەتەكتەۋ كەرەك.

  چىن چۋانگو تەكسەرۋ - زەرتتەۋ بارىسىندا ىلە قازاق اۆتونوميالى وبلىسىنىڭ ورنىقتىلىق، دامۋ قىزمەتتەرىندە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”14 - بەسجىلدىق“ مەزگىلدەگى تاريحي ورايدى مىقتى يگەرىپ، ويداعىداي پايدالانىپ، ىلەنىڭ ورنىقتىلىق، دامۋ جاڭا جاعدايىن اشۋعا قۇلشىنۋ كەرەك. ەكونوميكانىڭ جوعارى ساپالى دامۋىن كۇش سالا ىلگەرىلەتىپ، جاڭا دامۋ ارناسىن قالىپتاستىرۋعا قىزمەت وتەۋ مەن توعىسۋداعى ورنىن ءدال تاۋىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، قورعاس ەكونوميكالىق اشۋ رايونىن قوزعالتقىش ەتىپ، ”قورعاس اۋدانى، قورعاس قالاسى، قۇلجا قالاسى، قۇلجا اۋدانىن“ ءبىر تۇلعالاندىرا دامىتۋ باسىمدىعىن ساۋلەلەندىرىپ، ناقتى ەكونوميكانى، شەكارا وتكەلى ەكونوميكاسىن، ساياحات ەكونوميكاسىن زور كۇشپەن دامىتىپ، ەڭبەك شوعىرلانعان كاسىپ سالالارىن زور كۇشپەن دامىتىپ، ەرەكشەلىككە، باسىمدىققا يە كاسىپ سالالارى مەن جوعارى، جاڭا تەحنيكالىق كاسىپ سالالارىن زورايتىپ، وسى زامانعى مال شارۋاشىلىعىن جەدەل دامىتىپ، كەدەيلىكتەن ارىلتۋدان قامال الۋ تابىستارىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. حالىق تۇرمىسىن زور كۇشپەن قامتاماسىز ەتىپ جانە جاقسارتىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىمەن ويلاستىرۋدى كۇشەيتىپ، ءتۇيىندى شوعىرلاردىڭ جۇمىستانۋىن كورنەكتىلەندىرە وتىرىپ ويداعىداي يگەرىپ، حالىققا ءتيىمدى ينجەنەريالاردى ىشكەرىلەي اتقارىپ، ءار ۇلت بۇقاراسىنىڭ اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە بولەنۋىنە مۇمكىندىك جاساۋ كەرەك. ۇلتتار ىنتىماعىن شىنايى كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ىشكەرىلەي ورىستەتىپ، ۇلتتار ىنتىماعىنداعى، العاباسارلىعىنداعى وزات ورىن قۇرۋدى كەڭىنەن ورىستەتىپ، جۇڭحۋا ۇلتى ورتاق تۇلعا تانىمىن مىقتاپ ورناتۋ كەرەك. ءدىننىڭ اقاۋسىز دامۋىن ىلگەرىلەتىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ەكولوگيالىق ورتانى قورعاۋدى كۇشەيتىپ، شي جينپيڭنىڭ ەكولوگيالىق وركەنيەت يدەياسىن امالياتتا ايگىلەپ، تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، تاۋ، سۋ، ورمان، ەگىنجاي، كول، جايلىم، قۇمدى ءشولدى جۇيەلى جونگە سالۋدى ءبىر تۇتاس جوسپارلاپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ بىرلىگىن جۇزەگە اسىرۋ كەرەك. ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، قوعام ورنىقتىلىعىنىڭ، ىندەتتەن ساقتانۋ - تىزگىندەۋدى ۇدايىلاندىرۋدىڭ، ءوندىرىس حاۋىپسىزدىگىنىڭ ءتۇرلى قىزمەتتەرىن تىڭعىلىقتى، ويداعىداي ىستەپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا ازىرلەۋ؛ پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى شىنايى ورىنداۋ كەرەك.

  اۆتونوميالى رايون باسشىلارىنان ەركىن تۇنياز، چيۋ شۋحۋا قاتارلىلار تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.