تيانشان تورى   ›   جاڭالىقتار   ›   عىلىم جالپىلاستىرۋ

شينجياڭنىڭ ساندىك بۇيىمدار حاۋىپسىزدىگىنە قاتىستى عىلىم جالپىلاستىرۋ ۇگىت اپتالىعى باستالدى

  5-ايدىڭ 24-كۇنى، شينجياڭنىڭ ساندىك بۇيىمدار حاۋىپسىزدىگىنە قاتىستى عىلىم جالپىلاستىرۋ ۇگىت اپتالىعى باستالدى. سۋرەتتى تيانشان تورى-شينجياڭ گازەتىنىڭ ءتىلشىسى جاڭ ۋاندى تۇسىرگەن

  تيانشان تورى-شينجياڭ گازەتىنىڭ حابارى (ءتىلشى جاۋ ميىن حابارلايدى). 5-ايدىڭ 24-كۇنى، شينجياڭنىڭ ساندىك بۇيىمدار حاۋىپسىزدىگىنە قاتىستى عىلىم جالپىلاستىرۋ ۇگىت اپتالىعى (تومەندە ۇگىت اپتالىعى دەپ الىنادى) ءۇرىمجى قالاسىندا باستالدى. سول كۇنى، ۇگىت اپتالىعى بۇكىل شينجياڭنىڭ جەر-جەرىندە ۇقساس ۋاقىتتا باستالدى.

  اتالعان ۇگىت اپتالىعىن اۆتونوميالى رايوندىق ءدارى-دارمەكتەردى باقىلاپ-باسقارۋ مەكەمەسى ۇيىمداستىردى، ”ساندىك بۇيىمداردى حاۋىپسىز پايدالانۋ، سۇلۋلىقتىڭ جولى“ تاقىرىپ ەتىپ، «ساندىك بۇيىمداردى باقىلاپ-باسقارۋ ەرەجەسىندەگى» زاڭ ەرەجەلەرى ۇگىت قىزمەتىن نەگىزگى ارقاۋ ەتە وتىرىپ، بالالار ساندىك بۇيىمدارىن حاۋىپسىز پايدالانۋ جانە ساندىك بۇيىمداردى حاۋىپسىز پايدالانۋ جاي ساۋاتتارى سياقتىلاردى ۇگىتتەپ، كوپشىلىكتىك بالالار ساندىك بۇيىمدارىن حاۋىپسىز پايدالانۋ تۇسىنىگىن جوعارىلاتىپ، تۇتىنۋشىلاردى ساندىك بۇيىمداردى عىلىمي، ۇيلەسىمدى پايدالانۋعا جەتەكتەدى.

  ”ساندىك بۇيىمداردى پايدالانعاننان كەيىن كەرى اسەر بايقالسا قالاي ىستەۋ كەرەك؟“، ” ساندىك بۇيىمداردىڭ راس-جالعاندىعىن قالاي پارىقتاۋعا بولادى؟“ سول كۇنى، اۆتونوميالى رايوندىق ءدارى-دارمەكتەردى باقىلاپ-باسقارۋ مەكەمەسى، اۆتونوميالى رايوندىق ءدارى-دارمەكتەردى تەكسەرىپ-زەرتتەۋ مەكەمەسىنىڭ قاتىستى قىزمەتكەرلەرى ءۇرىمجى قالاسىنىڭ تۇرعىندارىنا ساندىك بۇيىمداردى حاۋىپسىز پايدالانۋ جونىندە ءبىلىم جالپىلاستىردى.

  اۆتونوميالى رايوندىق ءدارى-دارمەكتەردى باقىلاپ-باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ما ميڭحۇي بىلاي دەدى: بۇل رەتكى قيمىلدى ورىستەتۋدەگى ماقساتىمىز، ساندىك بۇيىمداردى ءوندىرۋ، تيجارات ەتۋمەن اينالىساتىن كاسىپورىندارعا ساپا حاۋىپسىزدىگىنىڭ باستى جاۋاپكەرشىلىگىن تياناقتاندىرۋ، سونىمەن قاتار ”مەن بۇقارا ءۇشىن ناقتى ءىس ىستەيمىن“ قيمىلىن ءونىمدى جۇزەگە اسىرىپ، ءار ۇلت بۇقاراسىنىڭ ساندىك بۇيىمدار حاۋىپسىزدىگىنە قاتىستى عىلىمي بىلىمدەرگە دەگەن قاجەتىن قاناعاتتاندىرۋ بولىپ تابىلادى.

  باستالۋ سالتىندا، قىزمەتكەرلەر جۇرتشىلىققا ساندىك بۇيىمداردىڭ شىن-جالعاندىعىن پارىقتاۋدى ۇيرەتۋدە. سۋرەتتى تيانشان تورى-شينجياڭ گازەتىنىڭ ءتىلشىسى جاڭ ۋاندى تۇسىرگەن

  ءتىلشىنىڭ ۇعىسۋىنشا، ساندىك بۇيىمدار حاۋىپسىزدىگىنە قاتىستى عىلىم جالپىلاستىرۋ ۇگىت اپتالىعى وسى ايدىڭ 30-كۇنىنە دەيىن جالعاسادى، ۇگىت اپتالىعى مەزگىلىندە ”تەرىنى كۇتىمدەۋ كۇنى ماماندار تىكە تاراتۋ بولمەسىندە ساباق بەرۋ“، ”جەلىدەگى الەۋمەتتىك يگىلىك كۋرسى“، ”ءوندىرىس كاسىپورىندارىنىڭ اشىلۋ كۇنى“، ”عىلىم جالپىلاستىرۋ ۇلكەن ساباقحاناسى“ سياقتى قيمىلدار وتكىزىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.