□ بۇگۇر اۋدانى جاستار جولى الەۋمەتتىك اۋماعىنداعى ماقتاشى اسەن گايت
مەنىڭ اتىم اسەن گايت، بۇگۇر اۋدانىندا تۇرمىس كەشىرگەنىمە 40 جىلدان استى، ماقتامەن اينالىسقانىما دا 10 جىلدان استى، قازىر 400 مۋ جەرگە ماقتا ەكتىم. جۋىق جىلداردان بەرى مەنىڭ ءۇيىمنىڭ ءار جىلعى ماقتا ءونىم مولشەرى 160 توننا توڭىرەگىندە بولىپ كەلەدى، جەرگىلىكتى ورىندا ماقتا ەگەتىن ءىرى وتباسى سانالامىن. ماقتادان جىل سايىن مول ءونىم العاندىقتان، وتباسىمنىڭ تۇرمىسىندا دا وتە ۇلكەن وزگەرىستەر تۋىلدى، عيمارات ۇيگە كوشىپ كىردىم، اۆتوموبيىل دە ساتىپ الدىم، تۇرمىسىم بارعان سايىن جاقسارىپ كەلەدى!
ماقتا ءبىزدىڭ شينجياڭنىڭ ساپالى اۋىل شارۋاشىلىق ءونىمى، سونداي - اق ءبىز شارۋالاردىڭ كىرىسىمىزدىڭ ماڭىزدى قاينار كوزىنىڭ ءبىرى. ەس بىلگەننەن باستاپ، ءار جىلى كوكتەمدە مەن اكەمە ىلەسىپ اتىزدا ماقتا ەگەتىنمىن، ءبىر ءۇيلى جان ماقتا اتىزىندا ءۇمىت ارقالاپ، باقىتقا كەنەلەتىن. سول ۋاقىتتان باستاپ، مەندە ماقتاعا دەگەن ەرەكشە ءبىر ءتۇرلى سۇيىسپەنشىلىك ورنادى. شينجياڭنىڭ جەرگىلىكتى ورىنداعى كوپتەگەن بالالار ماقتا اتىزىنىڭ باسىندا اسىر سالىپ ويناپ ءجۇرىپ ەرجەتكەن، ءار جولى ماقتا تەرۋ ماۋسىمىندا ۇيىمىزدەگىلەردىڭ بارلىعى اپپاق قارداي ماقتا اتىزىندا قاجىرلىلىقپەن ەڭبەك ەتىپ، تاۋ توبە ماقتانى تەرىپ قايتاتىن. ماقتا ءبىز شارۋالاردىڭ باقىتتى تۇرمىسىنىڭ تىرەگى، سونداي - اق ءبىزدىڭ بولاشاققا دەگەن ءۇمىتىمىزدىڭ تىرەگى.
ەسەيگەننەن كەيىن، مەن اكەمنىڭ شارۋاشىلىعىنا مۇراگەرلىك ەتىپ، جالعاستى ماقتا ەكتىم. بىرنەشە جىلدىڭ الدىندا، ماقتا تەرەتىن ماۋسىم كەلگەن سايىن ۇيىمىزدەگىلەر ۇلگىرە الماي، ءبىز جەرگىلىكتى جانە حىنان، گانسۋ، سىچۋان سياقتى جەرلەردەن كەلگەن ماقتا تەرەتىن جۇمىسكەرلەردى ۇسىنىس ەتەتىنبىز. قازىر ماقتا ەگۋ تۇقىم سەبۋدەن، تىڭايتقىش بەرۋدەن، جەر جىرتۋدان، مايسا تۇراقتاندىرۋدان تەرۋگە دەيىنگى ءارقايسى بۋىنداردىڭ بارلىعىندا جاپپاي اۋىل شارۋاشىلىق ماشينالارى مەن ۇشقىشسىز ۇشاقپەن جۇمىس ىستەلەدى. ءار جىلى 9 - ايدا اپپاق ماقتا اتىزى ىشىندە ماقتا تەرۋ ماشينالارى قايشالىسادى. وسىزاماندانعان ەگىمشىلىك فورماسى ادام كۇشى وزىندىك قۇنىن ۇنەمدەپ قالماستان، تاعى ماقتانىڭ ءونىم مولشەرىن ەرەكشە كوبەيتىپ، كىرىسىمىزدى ارتتىردى. ءبىزدىڭ تۇتاس وتباسىمىز ماقتا ەگىمشىلىك كاسىبىنە ءتىپتى دە مول ءۇمىت ارتىپ، ماقتا ەگۋ بەلسەندىلىگىمىز بارعان سايىن جوعارىلادى.
ماقتا ەگىمشىلىگى وتباسى رەتىندە، مەن M&H سياقتى ءىشىنارا جات نيەتتەگى شەتەل كاسىپورىندارىنا مىنانى قاتاڭ ەسكەرتەمىن: شينجياڭ ماقتاسى جۇمساق بولعانىمەن، ءبىزدىڭ جىگەرىمىز بەرىك، سەندەر مەيلى اۋىزدارىڭا كەلگەندەرىڭدى قالاي كوكىگەندەرىڭمەن دە، ءبىز شينجياڭداعى شارۋالاردىڭ ماقتا ەگۋ بەلسەندىلىگىمىزگە كەدەرگى بولا المايسىڭدار، سەندەردىڭ سۇرقيالىقتارىڭ بوسقا ارامتەر بولۋمەن تىنادى.
