تيانشان تورى   ›   جاڭالىقتار   ›   شينجياڭ حابارلارى

ءبىر جەدەل جەتكىزۋشىنىڭ نازارىنداعى اۋىل - قىستاقتىڭ وزگەرىسى

انار بۇلت / شينجياڭ گازەتىنىڭ ءتىلشىسى شىن زۋشياۋ

  5 - ايدىڭ 16 - كۇنى تاڭ ءسارى، شاپشال سىبە اۆتونوميالى اۋدانى ۇلان كوشەسىندەگى اۋداندىق زات اينالىمى ءبولىپ تاراتۋ ورتالىعى، اۋادان انتەك دىمقىلدىق بىلىنەدى، الگىندە عانا تاڭعى اسىن ىشكەن جەدەل جەتكىزۋشى باي جيانگو قاربالاستاي باستادى: زارارسىزداندىرىپ، جايمالاپ، ءبىر - بىرلەگەن جولدامالاردى مينبۋسقا تيەدى.

  ءبىر ساعاتتان كەيىن مينبۋسقا سول كۇنى جەتكىزىلگەن جەدەل جولدامالار تيەلىپ بولدى، جيىنى 20 جولداما ەكەن، ۇلكەنى مۇزداتقىش، تەلەۆيزور، كىشكەنەسى كۇندەلىكتى تۇتىنۋ بۇيىمدارى، سول كۇنگى جەتكىزۋ كولەمى 3 اۋىل، 6 قىستاقتى قامتىدى، ەڭ ۇزاق ارالىق اۋدان قالاشىعىنان 50 نەشە كيلومەتر، ەڭ جاقىنى 20 نەشە كيلومەتر.

  ساعات سترەلكاسى 10دى كورسەتكەندە، باي جيانگو اۋىل - قىستاق جولىندا اۆتوكولىك جۇرگىزىپ بارا جاتتى. ءبىرىنشى بەكەت قاينۇق اۋىلى قاينۇق قىستاعى، اۋدان قالاشىعىنان 30 كيلومەترگە جۋىق ارالىقتا، ءبىر قىستاق تۇرعىنى ساتىپ العان اجارلاندىرۋ بۇيىمىن جەتكىزىپ بەرمەكشى.

  ”وسى جىلدارى ءداۋىر العا باستى، قوعام دامىدى، قىستاق تۇرعىندارىنىڭ توراپ ارقىلى ساتىپ الۋىندا دا وزگەرىستەر تۋىلدى“. باي جيانگو تىلشىگە بىلاي دەدى: بۇرىن قىستاق تۇرعىندارى توراپ ارقىلى ساتىپ الا المايتىن، بانكە كارتچكاسىن جالعاۋدى دا بىلمەيتىن، ءىشىنارا ادامدار توراپ ارقىلى ساتىپ الۋعا قاراتا ءجونسال كوڭىل كۇيدە بولدى. بىرتە - بىرتە، توراپ ارقىلى ساتىپ الۋدىڭ جالپىلاسۋىنا ىلەسە، وعان قوسا باعاسى ارزان بولعاندىقتان، قىستاق تۇرعىندارى توراپ ارقىلى ساتىپ الۋدى ۇيرەنە باستادى. العاشىندا توراپ ارقىلى پاراشوك، كىر سابىن سۇيىقتىعى، تازالىق قاعازى سياقتى كۇندەلىكتى تۇتىنۋ بۇيىمدارىن ساتىپ الۋدان بۇل كۇندەرى ۇلكەن زاتتاردى، مىسالى، مۇزداتقىش، تەلەۆيزور، كىرجۋعىش سياقتىلاردى ساتىپ الاتىن بولدى.

  ”گۇلي، ۇيدە بارسىڭ با؟ سەنىڭ جەدەل جولداماڭ كەلدى“. 50 مينۋتتان كەيىن باي جيانگو اۆتوكولىگىن جۇرگىزىپ قاينۇق قىستاعىنىڭ تۇرعىنى ايگۇل تۇرسۇننىڭ ءۇيىنىڭ ەسىك الدىنا كەلدى. ”نەتكەن تەز، كەشە عانا الىپ ەدىم بۇگىن جەتىپ كەلدى - عوي“. ۇيىندە قاربالاس جۇمىس ىستەپ جاتقان ايگۇل تەز - تەز باسىپ ەسىكتەن شىقتى، جەدەل جولداماسىن العاننان كەيىن كۇلىمسىرەي بىلاي دەدى: ”جاپا شەكتىڭىز، راقىمەت!“.

  ءبىر جىلدان استام توراپ ارقىلى ساتىپ الۋ تاجىريبەسى بار ايگۇل العاشىندا توراپ ارقىلى ساتىپ الۋعا سەنبەۋدەن بۇگىنگى ۇيىندەگى كۇندەلىكتى تۇتىنۋ بۇيىمدارىنىڭ، ەلەكتر جابدىقتارىنىڭ جانە اجارلاندىرۋ بۇيىمدارىنىڭ بارلىعىن توراپ ارقىلى ساتىپ الاتىن بولدى. ايگۇل بىلاي دەدى: ”مەن سياقتى توراپ ارقىلى ساتىپ الۋعا قۇشتار قىستاق تۇرعىندارى بارعان سايىن كوبەيۋدە. مەن اپەكە - سىڭلىلەرىممەن بىرگە توراپتاعى قايسى اجارلاندىرۋ بۇيىمىنىڭ جاقسى ەكەنىن، قايسى دۇكەندىكى ءتيىمدى، ارزان ەكەنىن تالقىلايمىز“.

  ءبىرىنشى جەدەل جولدامانى جەتكىزىپ بولعاننان كەيىن، باي جيانگو كەلەسى جولدامانى جەتكىزۋگە بۇرىلدى، نىسانالى جەر كەن اۋىلىنىڭ ءبىر قىستاعى، جەتكىزەتىنى قىستاق تۇرعىنى ساتىپ العان مۇزداتقىش ەدى.

  26 جاستاعى باي جيانگو جەدەل جولداما ىستەرىمەن شۇعىلدانعانىنا ءبىر جىلدان استى. ”مەن وسى قىزمەتىمدى ۇناتامىن، ۇنەمى جولدا جۇرەسىڭ، ۇلى تابيعاتتىڭ كوركەمدىگىنەن ءلاززاتتاناسىڭ، قىستاق تۇرعىندارى توراپ ارقىلى ساتىپ العان نارسەلەرىن ولاردىڭ ۇيىنە جەتكىزىپ بەرۋ، مەن ءۇشىن العاندا، ءبىر ءتۇرلى تابىس سەزىمى ەسەپتەلەدى“. باي جيانگونىڭ نازارىندا جەدەل جولداما جەتكىزۋ قىستاق تۇرعىندارىنىڭ كوپتەگەن ءۇمىتى مەن تىلەگىن ارقالاعان. ول مىنا وقيعانى ەسىنەن شىعارمايدى: ءبىر رەت كەن اۋىلىندا تۇراتىن ءبىر قىستاق تۇرعىنىنا تەلەفون بەرىپ، زات جەتكىزىپ بەرۋ ۋاقىتىنا ۋادەلەسەدى. ”تاياپ قالعان شاعىمدا، مەن ونىڭ جول اۋزىندا مەنى توسىپ تۇرعانىن الىستان كورەرىمدى ويلاماپپىن“. ءاسىلى جەدەل جولداماعا سالىنعان نارسە سول قىستاق تۇرعىنىنىڭ ىشكى وڭىردە داشۋە وقيتىن ۇلى جىبەرگەن تۋعان كۇن تارتۋى ەكەن. ”بۇل استە قاراپايىم جەدەل جولداما ەمەس، بالالىق بورىشتىڭ، سۇيىسپەنشىلىكتىڭ تارتۋى!“، - دەدى باي جيانگو.

  باي جيانگو تۇراتىن شاپشال سىبە اۆتونوميالى اۋدانى جيڭدۇڭ جەدەل جولداما تيجارات ءبولىمىنىڭ جاۋاپتىسى لەي شياۋلەي بىلاي دەدى: 2016 - جىلى العاش پۋنكت قۇرىلعاننان بەرى تيجارات ءبولىمىنىڭ جۇمىس مولشەرى كۇنىنە 40 دانادان كوبەيىپ كۇنىنە 500 داناعا جەتتى، ساتۋدى جەبەۋ مەزگىلىندە ەڭ كوپ بولعاندا 1400 داناعا جەتتى، مۇنىڭ جارتىسىن قاراستى اۋماقتارداعى اۋىل - قالاشىق، قىستاق تۇرعىندارى ساتىپ العان.

  ”مەملەكەت اۋىل - قىستاق جەدەل جولدامالارىنىڭ قىستاقتارعا كىرۋ قىزمەتىنە وسكەلەڭ ءمان بەرىپ كەلەدى، بولاشاقتا اۋىل - قىستاق جەدەل جولدامالارىنىڭ بارعان سايىن داميتىنىنا سەنەمىن، بۇل كاسىپتىڭ بولاشاعى دا بارعان سايىن جارقىن بولىپ كەلەدى، مەن ۇزبەي ىستەپ، قىستاق تۇرعىندارىنىڭ ەڭ قيماس جەدەل جولداماشىسى بولامىن“، - دەدى باي جيانگو تولىق سەنىممەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.