− باس شۋجي شي جينپيڭ بارعان قىزىل قاسيەتتى جەرلەر: شاندۇڭ ءبولىمى
شينحۋا اگەنتتىگىنىڭ تىلشىلەرى/ ياڭ شوۋيۇڭ، ياڭ ۋىن
شاندۇڭ − توڭكەرىستىك بايىرعى رايون، تەرەڭ قاتپارلى ءداستۇرلى مادەنيەت پەن قىزىل گەن ۇندەسىپ، وسى قۇتتى مەكەننىڭ ەرلىكپەن العا باسقان قۇدىرەتتى كۇش - قۋاتىن جەتىلدىردى.
باس شۋجي شي جينپيڭ ىلگەرى شاندۇڭعا تالاي رەت كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، يمىڭ بايىرعى رايونىنىڭ داڭقتى جىلدارىن قايتا ەسكە الىپ، ”ەتەنە توعىسقان، ءومىر مەن ءولىم ارپالىسىن بىرگە وتكەرگەن يمىڭ رۋحىن“ ساۋلەلەندىرۋدى تالاپ ەتتى. ول بىلاي دەپ باسا دارىپتەدى: جاڭا دامۋ ۇستانىمىن شىن مانىندە ناقتى تياناقتاندىرىپ، جوعارى ساپالى دامۋدا جاڭا تابىستارعا ۇزدىكسىز قول جەتكىزىپ، ەكونوميكالىق، قوعامدىق دامۋدا جاڭالىق اشۋ قۋاتىن ۇزدىكسىز كۇشەيتىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم ويداعىداي قاناعاتتاندىرۋ كەرەك.
ىقىلاستى تاپسىرمانى ەستە بەرىك ساقتادى، شاندۇڭدا جوعارىدان تومەنگە دەيىن ۇزدىكسىز رەفورما جاساپ، جاڭالىق اشىپ، قايراتتانا ىلگەرىلەدى، شاندۇڭنىڭ بايتاق دالاسىندا تىڭ تىرشىلىك تىنىسى ەستى.
حالىقتىڭ قولداۋى جەڭىستىڭ قاينارى
[قىزىل ىزدەر]
2013 - جىلى 11 - ايدىڭ 25 - كۇنى باس شۋجي شي جينپيڭ حۋادۇڭ توڭكەرىستىك قۇرباندار قابىرستاندىعىنا كەلىپ، توڭكەرىستىك قۇرباندار ەسكەرتكىش مۇناراسىنا گۇل شارباق قويدى، يمىڭ رۋحى كورمەسىن ەكسكۋرسيالادى، يمىڭ ءوڭىرىنىڭ توڭكەرىستىك سوعىس تاريحى جونىندەگى تانىستىرۋدى تىڭدادى ءارى جەرگىلىكتى ورىنداعى وزات ۇلگىلەرمەن جانە سول جىلداردا الدىڭعى شەپكە كومەكتەسكەن ۇلگىلەر ۇرپاقتارىنىڭ ۋاكىلدەرىمەن كەزدەستى.
”مەن بۇل اراعا كەلسەم بولدى، توڭكەرىستىك سوعىس جىلدارىنداعى جىر ەتەرلىك داڭقتى جىلدار ەسىمە ورالادى“. باس شۋجي شي جينپيڭ تەرەڭ سۇيىسپەنشىلىكپەن بىلاي دەدى: يمىڭ سىندى وسى قىزىل توپىراقتا سانسىزداعان جىر ەتەرلىك قاھارمان ۇل - قىزدار دۇنيەگە كەلگەن، يمىڭدىق 6 اپەكە - ءسىڭلىنىڭ، يمىڭدىق شەشەنىڭ، يمىڭدىق قىزىل جەڭگەنىڭ ىزگى ىستەرى ادامدى ەرەكشە اسەرلەندىرەدى. يمىڭ رۋحى يان - ان رۋحىمەن، جيڭگاڭشان رۋحىمەن، شيبايپو رۋحىمەن بىردەي پارتيا مەن مەملەكەتتىڭ قىمباتتى رۋحاني بايلىعى، جاڭا ءداۋىردىڭ شارت - جاعدايىمەن ۇزدىكسىز ۇشتاستىرىپ ساۋلەلەندىرە بەرۋ كەرەك.
[رۋحاني كوورديناتا]
يرەلەڭدەگەن 800 شاقىرىم يمىڭ، ايبىنى اسقاق 72 تەپسەڭ. يمىڭ توڭكەرىستىك بايىرعى رايونى جۇڭگو توڭكەرىسىنىڭ جەڭىسىنە ماڭىزدى ۇلەس قوستى. سول كەزدە يمىڭ بازاسىندا 4 ميلليون 200 مىڭ جان سانى بار بولاتىن، ولاردىڭ اراسىنداعى ءبىر ميلليون 200 مىڭنان استام ادام ارميانى قولداپ الدىڭعى شەپكە كومەك كورسەتتى، 100 مىڭنان استام قاھارمان قۇربان شايقاس مايدانىندا ەرلىكپەن قۇربان بولدى.
لين - ي قالاسىنا ورنالاسقان حۋادۇڭ توڭكەرىستىك قۇرباندار قابىرستاندىعى جاسىل ورمانمەن كومكەرىلىپ، قىزىل گۇلدەر جايقالا اشىلعان. قابىرستاندىقتىڭ ءدال ورتاسىندا توڭكەرىستىك قۇرباندار ەسكەرتكىش مۇناراسى بوي سوزىپ تۇر؛ توڭكەرىستىك قۇرباندار ەسكەرتكىش سارايىنىڭ ىشىندە 62 مىڭ 576 قۇرباننىڭ قۇرمەتتى ەسىمى قابىرعاعا ويىپ جازىلعان. قۇرباندار قابىرستاندىعىنىڭ ءتۇسىندىرۋشىسى دۋ يفي بىلاي دەدى: بۇل ارا سۋ يۇي جياڭجۇننىڭ ءبىر ءبولىم سۇيەك كۇلى قويىلعان ورىن، سونداي - اق چىن ميڭ، شين رۇي، لو بيڭحۇي قاتارلى پارتيامىزدىڭ، ارميامىزدىڭ تاڭداۋلى ۇل - قىزدارى ماڭگى ۇيقىدا جاتقان جەر.
[كۇش - قۋات قاينارى]
يمىڭ توڭكەرىستىك ەسكەرتكىش سارايىندا «كۇش - قۋات» دەپ اتالعان الىپ توپتىق ءمۇسىننىڭ ايبىنى اسقاقتاپ، وتكەندى اينىعىسىز ايگىلەپ تۇر: الدىڭعى شەپكە كومەكتەسكەن اۋىلداستار بەلدەرىن ءيىپ، زاتتىق ماتەريال تولتىرا تيەلگەن كىشكەنە قول اربانى يتەرىپ بارادى، جەر قايىسقان الدىڭعى شەپكە كومەكتەسەتىن قالىڭ قوسىن يرەلەڭدەگەن جولدا العا تارتىپ بارادى... تاريحي ماتەريالداردا جازىلۋىنشا، مىڭلياڭگۋ شايقاسى كەزىندە 200 مىڭ عانا ادام بار مىڭيىن اۋدانى الدىڭعى شەپكە كومەكتەسەتىن حالىق جۇمىسكەرىنەن 100 مىڭنان استام ادامدى جۇمىلدىرعان، بۇل بۇكىل اۋدانداعى جالپى جان سانىنىڭ تەڭ جارىمىنان اسادى. حالىق سوكپەن توڭكەرىستى قامتاماسىز ەتتى، كىشكەنە قول اربامەن جەڭىسكە دەم بەردى.
”ەتەنە توعىسقان ءومىر مەن ءولىم ارپالىسىن بىرگە وتكەرۋ“، بۇل يمىڭ رۋحىنىڭ ەرەكشەلىگى ءارى جۇڭگو كوممۋنيستەرىنىڭ قىمباتتى رۋحاني بايلىعى. يمىڭدىق شەشە ۋاڭ حۋانيۇي سوعىس كەزىندە بالاباقشا اشىپ، توڭكەرىسشىلەردىڭ 40 نەشە ۇرپاعىن باعىپ - قاعىپ قاتارعا قوستى؛ ”قىزىل جەڭگەنىڭ“ سۇتپەن جانە سوك كوجەمەن توڭكەرىسشىلەردى اسىراۋ رۋحى ماڭگى جالعاسادى؛ لي گۇيفاڭ قاتارلى 32 ايەل ءوز ۇيلەرىنىڭ ەسىك تاقتايلارىن الىپ، مۇزداي سۋىق وزەنگە سەكىرىپ ءتۇسىپ ءالسىز دەنەلەرىمەن ”ۇرىس شەبى كوپىرىن“ سالدى...
”اناسى بالاسىن اتتاندىردى، كەلىنشەگى كۇيەۋىن اتتاندىردى، سوڭعى تۇياقتى سوعىس مايدانىنا اتتاندىردى. ءبىر شىنى اسىن اسكەردىڭ ازىعىنا ارنادى؛ ءبىر شارشى بۇلدى اسكەري كيىمگە ىستەتتى؛ ەڭ سوڭعى ءبىر توزىعى جەتكەن ماقتالى مەشپەتتى زۋزانىڭ ۇستىنە جاپتى“. كوممۋنيستەر ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيدى، حالىق كۇش - قۋاتتىڭ قاينارى. يمىڭ كادرلار شۋەيۋانىنىڭ دوتسەنتى ليۋ جانچۋان بىلاي دەدى: الدىڭعى شەپكە كومەكتەسكەن سانسىزداعان بۇقارا مەن قاھارمان ۇلگىلەر شايقاس جەڭىسى ءۇشىن ماڭىزدى ۇلەس قوستى، ”اسكەر مەن حالىق جەڭىستىڭ ارقاۋى“ دەگەن وسى يىلمەيتىن اقيقاتتى تالاسسىز دالەلدەدى.
حالىق باقىتىنىڭ سالتاناتتى ۋادەسى
[ەرەكشە سالت]
العاش سالىنعان شوشىرەمەن قاھارمان قۇرباندارعا ازا بىلدىرەدى. ءار جىلى جاڭا جىلدىڭ العاشقى كۇنى يمىڭ بايىرعى رايونى لينشۋ اۋدانى ساۋجۋاڭ قالاشىعى جۋسۇن قىستاعىنىڭ تۇرعىنى ۋاڭ جيڭچىن ءبىرىنشى ىدىسقا سالىنعان شوشىرەنى قىستاقتاعى قۇرباندار قابىرىنىڭ باسىنا اپارىپ قويىپ، جۋسۇن قىستاعىن قورعاۋ جولىندا قۇربان بولعان 24 جاس جاۋىنگەرگە ازا بىلدىرەدى. مۇنداي سالتتىڭ بۇكىل قىستاقتا جالعاسىپ كەلە جاتقانىنا 70 جىلدان استى.
1944 - جىلى 1 - ايدىڭ 24 - كۇنى جاپون قۋىرشاق ارمياسىنىڭ 500 نەشە ادامى جۋسۇن قىستاعىنا شابۋىل جاسايدى. قاھارمان ”قۇرىش 8 - ليان“ جاۋمەن قيان - كەسكى شايقاس جۇرگىزەدى. 6 ساعاتتان استام قاندى شايقاستان كەيىن جۋسۇن قىستاعى امان قالادى، 24 جاس جاۋىنگەر جۋسۇن قىستاعىندا ماڭگى كوز جۇمادى.
”قارشادايىمىزدان باستاپ، اجەمىز بىزگە كوكتەم مەرەكەسىندە ءبىرىنشى ىدىسقا سالىنعان شوشىرەنى جۋسۇن قىستاعى ءۇشىن قۇربان بولعان توڭكەرىستىك قۇرباندارعا ۇسىنىڭدار دەپ تاربيە بەرەتىن“. بيىل 72 جاسقا كەلگەن ۋاڭ جيڭچىن جۋسۇن قىستاعى جاپون شاپقىنشىلارىنا قارسى سوعىس ەسكەرتكىش سارايىنىڭ مىندەتتى ءتۇسىندىرۋشىسى. ول: اۋىلداستار كومپارتيانىڭ مەيىرىن ماڭگى ۇمىتپايدى، - دەدى.
[ايبىندى ۋادە]
2013 - جىلى 11 - ايدىڭ 25 - كۇنى تۇستەن كەيىن باس شۋجي شي جينپيڭ لينشۋ اۋدانى ساۋجۋاڭ قالاشىعى جۋسۇن قىستاعىنا بارىپ، جاپون شاپقىنشىلارىنا قارسى سوعىستىڭ العاشقى مەزگىلىندە پارتيا ۇيىمىن قۇرعان، الدىڭعى شەپكە كومەكتەسكەن وسى ۇلگىلى قىستاقتىڭ قىستاق تاريحى كورمەسىن كورىپ، توڭكەرىستىك بايىرعى رايونداعى بۇقارانىڭ ءوندىرىسىن، تۇرمىسىن ۇعىستى. سول كەزدە 83 جاسقا كەلگەن ”ساقا الدىڭعى شەپكە كومەكتەسۋشى“ ۋاڭ كىچاڭنىڭ ۇيىندە ول ءاربىر بولمەنى ارالاپ كوردى ءارى جايعاسىپ وتىرىپ كوپشىلىكپەن بىرگە اڭگىمە دۇكەنىن قۇردى.
ول بىلاي دەپ باسا دارىپتەدى: تۇرمىسىمىز كۇننەن - كۇنگە جاقسارىپ كەلە جاتقانىمەن، ءبىز تاريحتى ەستەن شىعارماۋىمىز، جاڭا جۇڭگونىڭ دۇنيەگە كەلۋى ءۇشىن تولارساقتان قان كەشىپ جان قيارلىقپەن شايقاسقان سول قۇربانداردى، قاھارمانداردى ەستەن شىعارماۋىمىز، توڭكەرىس ءۇشىن ماڭىزدى ۇلەس قوسقان بايىرعى رايون حالقىن ەستەن شىعارماۋىمىز كەرەك. ءار دارەجەلى پارتكومدار مەن ۇكىمەتتەر توڭكەرىستىك بايىرعى رايونداردى قولداۋدى ۇزدىكسىز كۇشەيتىپ، توڭكەرىستىك بايىرعى رايونداردىڭ جىلدام دامۋىن جەبەيتىن قۋاتتى بىرىككەن كۇش قالىپتاستىرۋ كەرەك.
[اۋىل - قىستاقتىڭ جاڭا كەلبەتى]
”تۇرمىسىمىزدا زور وزگەرىس بولدى!“، - دەدى 91 جاستاعى ۋاڭ كىچاڭ سۇيىنە. سوعىس ءتۇتىنى الدەقاشان سەيىلدى، جۋسۇن قىستاعىنىڭ كونە بەت - بەينەسىندە شىت جاڭا وزگەرىس بولدى: اق قابىرعا، قارا كەرپىش، جاپ - جاسىل قاراعاي، قاتار - قاتار سالىنعان ەكى قاباتتى شاعىن عيماراتتار ورمانمەن كومكەرىلگەن.
5 - ايدىڭ 19 - كۇنى لينشۋ اۋدانى ليۋبيان شاعىن قالاشىعىنداعى جەتىلدىرۋ ورتالىعىنىڭ ۇلكەن عيماراتىندا ”80 - جىلدىڭ“ تۇلەگى، اۋىلعا قايتىپ شارۋاشىلىق قۇرۋشى گۋان چيلۇڭ قاريدارلارمەن قاربالاس بايلانىس جاساپ جاتتى. ”جەلى مەن جەلىدەن تىستى ۇشتاستىرىپ، ءداستۇرلى كاسىپ سالاسى ارقىلى ەلەكتروندى ساۋدا تىكە تاراتۋعا جەتەكشىلىك ەتۋ، باستاۋ سياقتى كوپ جاقتى ساتۋ ارناسىن كەڭەيتپەكپىز، بيىل كىرىس ءبىر ميلليون يۋان اينالاسىندا ارتادى دەپ مەجەلەدىك“.
سارى تال ەگىپ، تال توقىمالارىن جاسادى، لينشۋ اۋدانىنداعى 670 مىڭنان استام ادامنىڭ شامامەن التىدان ءبىرى تال توقىما كاسىبىمەن شۇعىلدانادى. تەحنولوگيادا جاڭالىق جاراتىپ، جاڭا ءونىم اشىپ، تىزبەكتى ۇزارتىپ، ەلەكتروندىق ساۋدانى كۇشەيتىپ، ءشوپ، تالدان باقىتتى جاڭا تۇرمىستى كەستەلەدى.
عىلىم - تەحنيكا فاكتورلارى بايىرعى رايوننىڭ اۋىل شارۋاشىلىعى ءوندىرىسىنىڭ جىلدام دامۋىنا كۇش ۇستەدى. كوكونىس ەگەتىن ءىرى اۋدان لانليڭدا جىلىجايلار زات اينالىمى بىرلەسپە تورى، تەگىن تەكتەۋ بۇلتى سياقتى تەحنيكالاردان پايدالانىپ، ءتىنتۋىردى باسىپ قانا جىلىجايعا اۋا الماستىرۋعا، سۋارۋعا بولادى، قاريدارلار دا ينتەرنەت، ەكى ولشەمدى جايمالاۋ سياقتى تاسىلدەر ارقىلى ناق ۋاقىتىندا كوكونىس ەگۋ، مايسا جەتىلدىرۋ، تىڭايتقىش بەرۋ، ءۇزۋ، تاسۋ، جۋۋ، جەتكىزۋ سياقتى تۇتاس بۋىندى تەكسەرىپ كورىپ، كوكونىس ساپاسىن قامتاماسىز ەتە الادى.
توڭكەرىستىك بايىرعى رايون ”دامۋدىڭ بيىك بەلەسىنە“ اينالدى
[ساۋدا ايگىلى قالاسى]
5 - ايدىڭ 20 - كۇنى لين - ي قالاسى لانشان رايونىنداعى شاندۇڭ جينلان زات اينالىمى بازاسىندا ينفورماتسيا، ساۋدا ورتالىعى ۇلكەن ەكرانىنان تاسىمال باعاسى، ناقتى زات تاسىمالى، قاتىناۋ جەلىسى جانە تاپسىرىس ينفورماتسياسى ناقتى ۋاقىتتا ۇزدىكسىز كورىنىپ تۇردى. ءۇي سىرتىندا زاتتى تولتىرا تيەگەن اۆتوكولىكتەر رەت تارتىبىمەن باقشا رايونىنا كىرىپ - شىعىپ، بۇكىل ەلدىڭ جەر - جەرىنە اتتانۋدا.
ىلگەرى ”توماعا تۇيىقتالعان، قايىق،كولىك قاتىنامايتىن“ بۇل ارا قازىر كولەمدى تاۋار ايىرباس، تولايىم ساتۋ ورتالىعىنا اينالدى. كەشەگى ”وندىرگەن تاۋارلارى سىرتقا شىقپايتىن، سىرتتىڭ تاۋارلارى كىرمەيتىن“ قالا بۇگىنگى تاڭدا زات اينالىمى ايگىلى قالاسىنا اينالدى.
تالاي جاڭارۋدى باستان كەشكەن لين - ي بۇرىنعى ساۋدا ماڭىزدى قالاشىعىنان ”بۇكىل الەمنەن ساتىپ الاتىن، بۇكىل الەمگە ساتاتىن“ سولتۇستىكتەگى ساۋدا ورتالىعىنا اينالدى. 130 نەشە ارنايى تولايىم ساتۋ بازارى بار، ءار كۇنگى جىلجىمالى حالىق 360 مىڭنان اسادى، تاۋارلارى الىستاعى 60 نەشە ەل مەن رايونعا ساتىلادى.
[ىقىلاستى تاپسىرما]
2013 - جىلى 11 - ايدىڭ 25 - كۇنى باس شۋجي شي جينپيڭ جينلان زات اينالىمى بازاسىنا كەلىپ، زات اينالىمى ينفورماتسيا ورتالىعىن كوزدەن كەشىردى، زات اينالىمى تاسىمال كاسىپورىندارىندا قىزمەت تەكسەردى. ول باسقارۋشى قىزمەتكەرلەرمەن جانە جۇك تيەيتىن - تۇسىرەتىن جۇمىسشىلارمەن ىقىلاسپەن اڭگىمەلەسىپ، زات اينالىمى كاسىبىنىڭ اينالىم بارىسى مەن وزىندىك قۇن ونىمدىلىگىن تاپتەشتەي ۇعىسىپ، ولاردان ۇكىمەتتىڭ كومەكتەسىپ شەشۋىن قاجەت ەتەتىن تاعى قانداي ماسەلەلەر بار ەكەندىگىن سۇرادى. شي جينپيڭ بىلاي دەپ اتاپ كورسەتتى: زات اينالىمى كاسىبىنىڭ ءبىر ۇشى وندىرىسپەن جالعاسادى، ءبىر ۇشى تۇتىنۋمەن جالعاسادى، بازار ەكونوميكاسىنداعى ورنى بارعان سايىن كورنەكتىلەنىپ كەلەدى. زات اينالىمىن ولشەمدەندىرۋ، ينفورماتسيالاندىرۋ قۇرىلىسىن جەدەلدەتىپ، وتكىزۋ ونىمدىلىگىن جوعارىلاتىپ، زات اينالىمى كاسىبىنىڭ اقاۋسىز دامۋىن ىلگەرىلەتۋ كەرەك.
8 جىلدان بەرى لين - ي بۇكىل ەلدەگى 2000نان استام قالانى قامتىعان ينفورماتسيا تۇعىرىن ورناتتى، قازىر زات اينالىمى تيجاراتىمەن شۇعىلداناتىن 2300دەن استام كاسىپورىن، زات اينالىمى باقشاسى رايونىنان 23ى بار، ەل ىشىندەگى 2000 نەشە تيەۋ جەلىسى بۇكىل ەلدەگى بارلىق كەمەجايلارعا جانە شەكارا وتكەلدەرىنە تۇتاسقان. 2020 - جىلى لين - ي ساۋدا قالاسى 440 ميلليارد 350 ميلليون يۋاندىق بازار ساۋدا سوماسىن جۇزەگە اسىرىپ، زات اينالىمى جالپى سوماسى 684 ميلليارد 700 ميلليون يۋان بولدى؛ ەل قاقپاسىنان اتتاپ، شەتەلدە ساۋدا بازارىن، شەتەلدە قامبا قۇردى، جۇڭگو - ەۆروپا كەزەكشى پويەزى، ەۆروپا - ازيا كەزەكشى پويەزى قاتىنادى.
[بايىرعى رايون ەڭسە كوتەردى]
يحى وزەنى ەكى جاعالاۋىنىڭ كورىنىسى كوز تارتادى. لين - ي بەيچيڭ جاڭا رايونىندا بيىك عيماراتتار ءيىن تىرەسەدى، لين - ي ساۋدا بازارىنىڭ ىشىندەگى ۇلكەن تولايىم بازارلارىندا ادام قايشالىسادى. قالانىڭ كوركەيۋىنەن اۋىل - قىستاقتىڭ گۇلدەنۋىنە دەيىن، جوعارى قارقىندى تەمىر جولدىڭ اشىلۋىنان تىكە تاراتىلىم ەكونوميكاسىنا دەيىن بۇرىنعى توڭكەرىستىك بايىرعى رايون لين - ي الدەقاشان كوركەيىپ، وسىزاماندانعان قالاعا اينالدى...
100 جىلدىق شۇعىلا، اۋەلگى ماقساتتان اينىماۋ. جۇينان اۋدانى پارتيا ياچەيكاسى سەلبەستىك كووپەراتيۆتى باستاپ قۇرۋدى جولعا قويدى، ياچەيكا كىرىستى ارتتىرىپ بايۋعا جول باستادى، كولەمدەنگەن قىزمەت وتەۋدەن كىرىسىپ ىستەپ، اۋىل - قىستاقتى گۇلدەندىرۋگە كۇش ۇستەدى. قىستاق پارتيا ياچەيكاسىنىڭ جەتەكشىلىگىندە قىستاق تۇرعىندارى جەر باسقارۋ ۇقىعىن جارناعا قوستى، قىستاق تۇرعىندارى بايىپ قالماستان، قىستاق كوللەكتيۆى دە كىرىستەرىن ارتتىردى.
جەرلەۋ رەفورماسىن جۇرگىزىپ، وركەنيەتتى، ۇنەمشىل بولدى. يشۇي اۋدانى ”تيىمدىلىك جاساپ جەرلەۋدى، جول - جوسىن بويىنشا جەرلەۋدى“ وزەك ەتكەن جەرلەۋ رەفورماسىن اتقارىپ، بۇكىل ەل بويىنشا ”بۇكىلدەي تەگىن جەرلەۋ“ ساياساتىن الدىمەن جۇرگىزدى. جاڭا سالت كونە سالت - سانانىڭ ورنىن باستى، بۇنى قىستاق تۇرعىندارىنىڭ بارلىعى قولدادى.
جوعارى قارقىندى تەمىر جول تاۋ قويناۋىنا جەتىپ، دامۋ تەزدەدى. رىجاۋ - لانكاۋ جوعارى قارقىندى تەمىر جولىنىڭ رىجاۋ - چۇيفۋ بولىگى اشىلىپ ىسكە قوسىلدى، يمىڭ بايىرعى رايونى العاش رەت بۇكىل ەلدىڭ جوعارى قارقىندى تەمىر جول تورىنا تۇتاستى، سونىمەن بىرگە شاندۇڭ ولكەسى ىشىندەگى جوعارى قارقىندى تەمىر جولداردىڭ اينالا تۇتاسۋىن جۇزەگە اسىرىپ، جەلى بويىنداعى قالالاردىڭ ەكونوميكالىق دامۋىن ءونىمدى دەمەدى...
حالىقتىڭ سەنىمىنە يە بولىپ، بۇقارانىڭ قولداۋىن الاتىن بولساق، ءبىز قيىندىقتى جەڭىپ، جەڭىستەن - جەڭىسكە جەتەمىز، مۇنى يمىڭ بايىرعى رايونىنىڭ توڭكەرىستىك امالياتى سىننان وتكىزگەن. جاڭا داۋىردە بايىرعى رايون قىزىل گەندى ونان ارى جالعاستىرىپ، يمىڭ رۋحىن اسقاقتاتادى، دامۋدىڭ بيىك بەلەسى، باقىتتىڭ ىرىستى مەكەنى ەڭبەكشىل قولداردا تولقيدى، تولىسادى، شىرقالادى!
(شينحۋا اگەنتتىگىنىڭ 5 - ايدىڭ 25 - كۇنى جيناننان بەرگەن حابارى)
