لو بيڭحۇي:
ادامزاتتىڭ باقىتى ءۇشىن كۇرەستى
□ شينحۋا اگەنتتىگىنىڭ ءتىلشىسى / يان يۇڭ
لو بيڭحۇيدىڭ سۋرەتى.□ شينحۋا اگەنتتىگى تاراتقان
يۇننان ولكەسى جاۋتۇڭ قالاسى يلياڭ اۋدانىنا ورنالاسقان لو بيڭحۇي جياڭجۇن ەسكەرتكىش سارايىنا ءار كۇنى قىرۋار ەكسكۋرسيالاۋشىلار كەلەدى.
”جياڭجۇننىڭ شۇعىلالى ءىس - ىزدەرى ءاربىر ەكسكۋرسياشىنى اسەرلەندىردى. جۋىقتا ءبىز سىچۋاننىڭ گۋلين اۋدانىنداعى قىزىل ارميانىڭ ۇزاق جورىقتا چىشۇيدەن 4 رەت ءوتۋ مۇراجايىمەن، يۇنناننىڭ ۋيشين اۋدانىنداعى جاشي ءماجىلىسى ەسكەرتكىش سارايىمەن بىرلەسىپ توڭكەرىستىك مادەني ەسكەرتكىش سۋرەتتەر كورمەسىن وتكىزىپ، ادامداردى قىزىل گەنگە مۇراگەرلىك ەتىپ، قىزىل رۋحتى جالعاستىرۋعا شابىتتاندىردىق“، - دەپ تانىستىردى لو بيڭحۇي جياڭجۇن ەسكەرتكىش سارايىنىڭ باستىعى ۋاڭ كىشيڭ.
لو بيڭحۇي 1897 - جىلى يۇنناننىڭ يلياڭىنداعى ءبىر كەدەي ديقان وتباسىندا دۇنيەگە كەلگەن. 1915 - جىلى يۇننان ارمياسىنا كىرىپ اسكەر بولادى، سوعىستا باتىرلىق كورسەتىپ، اسكەردەن يىڭجاڭدىققا كوتەرىلىپ، يۋان شىكايدى جازالاپ، وتاندى قورعاۋ سوعىسىنا جانە سولتۇستىككە جورىق سوعىسىنا قاتىناسادى. ارمياداعى شىرىكتەسۋ قۇبىلىسىنا نارازى بولۋ جانە كونە تۇزىمگە دەگەن وشپەندىلىك سەبەبىنەن ول العاباسار يدەيانى وتە تەز قابىلداپ، 1929 - جىلى 7 - ايدا جاسىرىن تۇردە جۇڭگو كوممۋنيستىك پارتياسىنا مۇشە بولادى. سول جىلى 11 - ايدا ول قوسىندى باستاپ كوتەرىلىس جاساپ، جۇڭگو جۇمىسشى - شارۋا قىزىل ارمياسىنا قاتىناسىپ، تۋانجاڭ، لۇيجاڭ، زۇڭدۇيجاڭ، جۇنجاڭ سياقتى مىندەتتەردى وتەيدى.
ورتالىق سوۆەتتىك رايونىنداعى ءار رەتكى ”قورشاپ جويۋعا“ قارسى سوعىستا ول يكەمدى دە ۇتىمدى ستراتەگيالىق تاكتيكا قولدانىپ، قوسىنعا قولباسشىلىق ەتىپ لۇڭگاڭ، گۋاڭچاڭ، ليانتاڭ، حۋاڭپي، ساۋتايگاڭ سياقتى شايقاستارعا قاتىناسىپ، سوعىس سايىن جەڭىسكە جەتەدى. ماشاقاتتى دا قاتەرلى مىندەتتەردى ورىنداۋ بارىسىندا اقىل - پاراساتىنا ەرلىگى ساي بولىپ، سان مارتە سوعىستا ەرلىك كورسەتىپ، ورتالىق توڭكەرىستىك اسكەري ىستەر كوميتەتى سيلاعان 2 - دارەجەلى قىزىل جۇلدىز مەدالىنا يە بولادى.
5 - رەتكى ”قورشاپ جويۋعا“ قارسى شايقاس باستالىپ كوپ وتپەي، ول قىزىل ارميا 9 - جۇنتۋانىنىڭ تۋانجاڭى مىندەتىن وتەپ، قوسىندى باستاپ گۋاڭچاڭدى قورعاۋ سوعىسىنا قاتىناسادى ءارى سولتۇستىككە بارىپ جاپون شاپقىنشىلارىنا قارسى تۇراتىن شولعىنشىلار اترەتىن قورعاپ مينجياڭ وزەنىنەن وتكىزىپ سالادى. 1934 - جىلى 10 - ايدا قوسىندى باستاپ ۇزاق جورىققا قاتىناسادى، جورىق بارىسىندا ماڭىزدى مىندەت ارقالاپ، ورتالىقتىڭ ورگاندارى مەن قىزىل ارميانىڭ نەگىزگى كۇشىن قورعاپ سولتۇستىككە جورىق جاساۋدا ەرەن قولباسشىلىق ونەرىن ايگىلەيدى. ورتالىق اسكەري ىستەر كوميتەتى قىزىل ارميا 9 - جۇنتۋانىن ”ستراتەگيالىق ساڭلاقتار“ دەپ ماداقتايدى.
جاپون شاپقىنشىلارىنا قارسى جالپى بەتتىك سوعىستىڭ باستاپقى مەزگىلىندە لو بيڭحۇي 8 - ارميانىڭ ورىنباسار سانموۋجاڭى رەتىندە، 8 - ارميانىڭ ۋحانداعى ءىس باسقارماسىندا بىرلىكساپ قىزمەتىمەن شۇعىلدانادى. 1939 - جىلى جاڭا 4 - ارميا 1 - تارماق اترەتىنىڭ ورىنباسار سىليڭيۋانى، 5 - تارماق اترەتىنىڭ سىليڭيۋانى بولىپ، قوسىندى باستاپ ۋاندۇڭ جاپون شاپقىنشىلارىنا قارسى تۇرۋ بازاسىن قۇرادى. 1940 - جىلدان كەيىن جياڭبەي قولباسشىلىق شتابىنىڭ ورىنباسار قولباسشىسى، قوسىمشا 5 - تارماق اترەتتىڭ سىليڭيۋانى، 2 - شىنىڭ شىجاڭى، قوسىمشا حۋاينان اسكەري رايونىنىڭ سىليڭيۋانى قاتارلى مىندەتتەردى وتەپ، حۋاينان جاپون شاپقىنشىلارىنا قارسى تۇرۋ بازاسىن بەكەمدەۋدە جانە كەڭەيتۋدە ماڭىزدى ۇلەس قوسادى.
ازاتتىق سوعىس مەزگىلىندە لو بيڭحۇي جاڭا 4 - ارميانىڭ ەكىنشى ورىنباسار جۇنجاڭى، قوسىمشا شاندۇڭ اسكەري رايونىنىڭ ورىنباسار سىليڭيۋانى مىندەتىن وتەدى. اۋىر ناۋقاسقا شالدىققان بولسا دا، الدىڭعى شەپكە ءوزى بارىپ سوعىسقا ورنالاستىرۋ جاسادى. 1946 - جىلى 6 - ايدا لو بيڭحۇيدىڭ اۋرۋى تۇتقيىل اسقىنىپ، باقىتقا قارسى قايتىس بولدى.
لو بيڭحۇي ومىرلىك كۇش - قۋاتىن جۇمساپ ”ومىردەگى ەڭ جۇبانارلىق ءىس − شىنايى ەرلىكپەن بارلىق جەكە مۇددەنى قۇربان ەتىپ، ەڭ شىن پەيىلمەن ۇلتتىڭ تاۋەلسىزدىگى، ەركىندىگى، ازاتتىعى ءۇشىن، اسىرەسە، ەڭبەكشى بۇقارانىڭ ازاتتىعى مەن مۇددەسى ءۇشىن قۇلشىنا كۇرەس جۇرگىزۋ، اقيقات، ادىلدىك، تۋراشىلدىق ارقىلى ادامزاتتىڭ باقىتى ءۇشىن كۇرەس جۇرگىزۋ“ دەگەن سەرتىن ورىندادى.
لو بيڭحۇي جياڭجۇننىڭ ۇلى، شاڭحاي جاپون شاپقىنشىلارىنا قارسى تۇرۋ اسكەري - اكىمشىلىك داشۋەسى زەرتتەۋ قوعامىنىڭ باستىعى لو شين - اننىڭ كوڭىلىندە اكەسى ءوزىنىڭ ءومىر بويى تالپىنعان جانە ۇيرەنگەن ۇلگىسى. اكەسى قۇربان بولعان سوناۋ جىلدارى ول 3 جاسقا دا تولماعان بولاتىن. جاسىنىڭ ۇلعايۋىنا ىلەسە، لو شين - ان ىرىقتىلىقپەن اكەسىن تۇسىنۋگە ۇمتىلا باستايدى ءارى مۇنى ومىرلىك ءىسى رەتىندە ىستەپ كەلدى؛ تالاي جىلدان بەرى ول شار تاراپقا شاپقىلاپ اكەسىنىڭ سوعىس ىزدەرىن ىزدەدى.
لو بيڭحۇي جياڭجۇننىڭ قاھارماندىق ىزگى ىستەرىن اۋىلىنداعى حالىق جۇرەكتەرىندە ساقتاپ، ۇنەمى ىرىقتىلىقپەن سىرتتان كەلگەن ەكسكۋرسيالاۋشىلارعا مىندەتتى تۇردە ءتۇسىندىرۋشى بولىپ، جياڭجۇننىڭ حيكايالارىن ايتىپ، كوڭىلدەرىندەگى قۇرمەتى مەن ماقتانىشىن بەينەلەيدى.
5 - ايدىڭ 17 - كۇنى يلياڭ اۋداندىق ۇلتتىق ورتا مەكتەپ ”جياڭجۇن رۋحىن شۇعىلا شاشتىرىپ، قىزىل ىرىستى مەكەندە جاڭا داستان جازايىق“ نەگىزگى تاقىرىپتىق تاربيە قيمىلىن ورىستەتتى. تولىق ورتا 1 - جىلدىق وقۋشىسى نيۋ سىسى تىلشىگە: ”كىشكەنتايىمنان جياڭجۇننىڭ قاھارماندىق ىزگى ىستەرىن ەستىپ ءوستىم، قازىر جياڭجۇنعا دەگەن تۇسىنىگىم ءتىپتى دە تەرەڭدەدى. بۇگىنگى باقىتتى تۇرمىسىمىز وڭاي - وسپاق قولعا كەلمەگەن، ءبىز قاجىرلىلىقپەن ۇيرەنىپ، بولاشاقتا وتانعا ءتيىستى ۇلەسىمىزدى قوسۋىمىز كەرەك“، - دەدى.
(شينحۋا اگەنتتىگىنىڭ 5 - ايدىڭ 20 - كۇنى كۇنميڭنەن بەرگەن حابارى)
