□ شەريا اۋدانى بوستان اۋىلىنداعى ماقتا تەرۋشى اميناحان
مەن شەريا اۋدانى بوستان اۋىلىنىڭ ديقانىمىن، بۇرىن ماقتا تەرۋشى بولعامىن. جۋىقتا ءىشىنارا شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ورىن تەۋىپ وتىر دەپ جالا جاۋىپ، شينجياڭ ماقتاسىنا كۇيە جاقتى. بۇل ناعىز اۋزىنا كەلگەندى كوكىگەن ساندىراق! ماقتا تەرۋشى بولعان مەن سويلەۋگە ەڭ ۇقىقتىمىن، مەنى ەشكىم دە ماقتا تەرۋگە زورلاعان جوق، ايتىلمىس ”زورلىقپەن ەڭبەككە سالۋ“ مۇلدە بولعان ەمەس.
2018 - جىلى مەن تۇڭعىش رەت چەرچەن اۋدانىنا ماقتا تەرۋگە بارىپ، 2 ايدا 9000 يۋاننان ارتىق اقشا تاپتىم. ماقتاشىلار بىزگە وتە جاقسى مامىلەدە بولدى، ەڭبەكاقىمىزدى ءار كۇنى بەرىپ وتىردى، تاماقپەن، جاتار ورىنمەن قامدادى، ولار بىزگە ماقتانى قايتكەندە تەز تەرىپ، اناعۇرلىم كوپ اقشا تابۋعا بولاتىندىعىن ۇيرەتتى. ماقتاشىلار مەنىڭ قاجىرلى ەڭبەكقور ەكەندىگىمدى بايقاپ، مەنىڭ ۇيگە قايتاتىن كىرە اقىمدى دا تولەپ بەردى.
ماقتا تەرىپ قايتىپ كەلگەنىمدە كۇيەۋىمە جانە 3 بالاما جاڭا كيىم - كەشەك ساتىپ الىپ بەردىم، وتباسىمىزعا كىر جۋۋ ماشيناسىن الدىم. بۇل جولى ماقتا تەرۋ بارىسىندا مەن اقشا تاۋىپ قانا قويماي، ماڭايىمدا كوپتەگەن جۇمىستانۋ ورايى بار ەكەندىگىن، جەردى باسقارۋ ارقىلى اقشا تابۋعا بولاتىنىن، ماقتا تەرىپ اقشا تابۋعا بولاتىنىن، ۇساق - تۇيەك جۇمىس ىستەپ اقشا تابۋعا بولاتىندىعىن ءتۇسىندىم.
ماقتا تەرۋدىڭ پايداسىن بىلگەننەن كەيىن 2019 - جىلى كۇيەۋىمىز ەكەۋىمىز چەرچەن اۋدانىنا بارىپ، باسقالاردىڭ ماقتا اتىزىن باسقاردىق، سول جىلى ماقتا اتىزىن باسقارۋدان 30 مىڭ يۋاننان ارتىق اقشا تاپتىق، ماقتا تەرگەن اقشامىزدى قوسقاندا 60 مىڭ يۋانعا تاياۋ اقشا تاۋىپپىز.
مەن جات نيەتتى شەتەل كاسىپورىندارىنا الباتى وسەك - اياڭ قۇراپ، دۇرىس پەن بۇرىستى شاتاستىرماڭدار، ويتپەگەندە، وزدەرىڭ قازعان ورعا وزدەرىڭ تۇسەسىڭدەر دەپ ەسكەرتەمىن.
