تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ كەرەك

اۆتونوميالى رايوندىق 13 - كەزەكتى حالىق ۇكىمەتىنىڭ 3 - رەتكى پاكتىك قىزمەتى ءماجىلىسى اشىلدى

پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ كەرەك

  انار بۇلت / شينجياڭ گازەتىنىڭ ءتىلشىسى لي ياڭ 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 25 - كۇنى تۇستەن كەيىن اۆتونوميالى رايوندىق 13 - كەزەكتى حالىق ۇكىمەتىنىڭ 3 - رەتكى پاكتىك قىزمەتى ءماجىلىسى اشىلدى. ءماجىلىس باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك كەڭەستىڭ 4 - رەتكى پاكتىك قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ التىنشى جالپى ءماجىلىسىنىڭ ورنالاستىرۋى، جايعاستىرۋى بويىنشا، ۇكىمەت جۇيەسىنىڭ پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن تىڭعىلىقتى جاقسى ىستەپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: بىلتىردان بەرى بۇكىل رايوننىڭ ۇكىمەت جۇيەسى پارتيانى جاپپاي قاتاڭ جونگە سالۋدىڭ تالاپتارىن ىشكەرىلەي دايەكتىلەندىرىپ، قاتاڭ بولۋدى ماڭداي الدى ورىنعا قويۋعا تاباندى بولىپ، ستيلدى دۇرىستاپ، ءتارتىپتى قاتايتۋدى كۇشەيتىپ، قىزمەتتى تياناقتاندىرۋدى مىقتاپ يگەرىپ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىنىڭ كورنەكتى ونىمدىلىككە قول جەتكىزۋىن ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ تىڭعىلىقتى تياناقتانۋىنا شىنايى كەپىلدىك ەتىپ، ىندەتتەن ساقتانۋ - تىزگىندەۋدى، ەكونوميكالىق، قوعامدىق دامۋدى جانە قوعامنىڭ جاراسىمدىلىعىن، ورنىقتىلىعىن پارمەندى جەبەدى.

  ءماجىلىس مىنالاردى اتاپ كورسەتتى: ۇكىمەت جۇيەسىنىڭ پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن جاقسى ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانى جاپپاي قاتاڭ جونگە سالۋدى تىڭعىلىقتى ىلگەرىلەتىپ، پاك ۇكىمەت قۇرىلىسىن كۇشەيتۋ كەرەك.

  ءماجىلىس مىنالاردى باسا دارىپتەدى: زاڭعا، ەرەجەگە نەگىزدەلىپ، باقىلاۋ - باسقارۋدى كۇشەيتىپ، ورتالىقتىڭ سالىقتى ازايتىپ، اقىنى تومەندەتۋ، فينانس ارقىلى كاسىپورىندارعا تيىمدىلىك جاساۋ، جۇمىستانۋدى جەبەۋ، ەمدەۋ قامسىزداندىرۋى، قوعامدىق قامسىزداندىرۋ، قارتتاردى كۇتۋ قامتاماسىزدىعى سياقتى قازىنا - فينانس، كاسىپورىندارعا تيىمدىلىك جاساپ، حالىققا پايدا جەتكىزۋ ساياساتتارىنىڭ، ناقتى ەگجەي - تەگجەيلى تياناقتانۋىنا شىنايى كەپىلدىك ەتۋ كەرەك؛ ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، ءتىپتى دە كوپ تەكسەرىپ بەكىتىلەتىن ىستەردىڭ ”ينتەرنەتتە ءبىتىرىلۋىن“، ”ءبىر جولدا ءبىتىرىلۋىن“ ىلگەرىلەتىپ، 12345 ۇكىمەت ىستەرى ىستىق لەنيالارىن قوسىپ بىرىكتىرۋدى ىلگەرىلەتىپ، ”ينتەرنەت + قۋزاۋ - تەكسەرۋ“ حالىققا قىزمەت وتەۋدىڭ تەرەزەلىك رولىن تولىق ساۋلەلەندىرىپ، ”ەتەنە“، ”پاك“ ۇكىمەت - ساۋدا قاتىناسىن ورناتىپ، بازار تۇلعالارىنىڭ ومىرشەڭدىك كۇشى مەن جاسامپازدىق قۋاتىن ونان ارى قاۋلاتۋ كەرەك؛ ءتۇيىندى سالالاردى كورنەكتىلەندىرىپ، ەكولوگيالىق ورتا، ازىق - تۇلىك، ءدارى - دارمەك، قوجالىق قىزمەت وتەۋ، قاتىناس، ساپار سياقتى سالالارداعى بۇقارانىڭ جانىنداعى شىرىكتەسۋدى جانە بۇرىس ستيلدى باتىل رەتتەپ - جونگە سالىپ، حالىق تۇرمىسى سالاسىنداعى ”ميكرو شىرىكتەسۋدى“، قارا كۇشتەرگە ساياتىن، سۇرقيا كۇشتەرگە ساياتىن ”باسقالقالاردى“، حالىققا تيىمدىلىك جاساۋ ساياساتىن تياناقتاندىرۋداعى ”اياققاعارلاردى“ باتىل جازالاپ ءبىر جاقتى ەتۋ كەرەك؛ ۇكىمەتتىڭ ۇنەمشىلدىگى ارقىلى بۇقارانىڭ تاماشا تۇرمىسىنا قول جەتكىزىپ، حالىق ءۇشىن ۇنەمدەپ پايدالانۋدى شىن مانىندە ورىنداپ، ءار ۇلت بۇقاراسىنىڭ كورە الۋىنا، سەزىنە الۋىنا مۇمكىندىك جاساۋ كەرەك. وتە - موتە دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، ءوندىرىس حاۋىپسىزدىگى جاۋاپكەرشىلىگىن ناقتىلاندىرىپ، ءوندىرىس حاۋىپسىزدىگىنىڭ قىزىل سىزىعىن، تىرشىلىك سىزىعىن باتىل ساقتاپ، ءار ۇلت حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن شىن مانىندە قامتاماسىز ەتۋ كەرەك.

  ءماجىلىس مىنالاردى تالاپ ەتتى: ءار دارەجەلى ۇكىمەتتەر، سونداي - اق ۇكىمەت تاراۋلارى پارتيا ستيلى، پاكتىك قۇرىلىسىنىڭ تۇلعالىق جاۋاپكەرشىلىگىن باتىل تياناقتاندىرىپ، ”ءتورت ءتۇرلى بۇرىس ستيل“ دەرتىن العان بەتتەن قايتپاي تۇزەتىپ، شارلاۋ ارقىلى رەتتەۋ - تۇزەتۋ، دەلو ارقىلى تۇزەتۋدى جەبەۋ سياقتى قىزمەتتەردى كۇش سالا جاقسى ىستەپ، ۇكىمەتتىڭ ونىمدىلىگىن شىن مانىندە كۇشەيتۋ كەرەك. پارتيا تاريحىن ۇيرەنۋ تاربيەسىن تىڭعىلىقتى جاقسى ورىستەتىپ، ناقتى ونىمدىلىككە قول جەتكىزۋگە شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى. اۆتونوميالى رايون باسشىلارىنان پىڭ جيارۇي، جاروللا يسامدين، جاۋ چۇڭجيۋ، ماڭلىك سەيىت، قادىلبەك قامزا، چىن ميڭگو، سۇن حۇڭمەي، ليۋ سۋشى، ياڭ فاسىن قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.