تيانشان تورى   ›   جاڭالىقتار   ›   شينجياڭ حابارلارى

اۋەلگى ماقساتتى، بورىشتى شىڭداپ، ەكپىندەي ىلگەرىلەۋ كۇش - قۋاتىن الدى

رايونىمىزدىڭ جەر - جەرى پارتيا تاريحىن ۇيرەنۋ تاربيەسىن كۇندەلىكتى ىستەرگە ءسىڭىرىپ، ۇدايى مىقتى يگەردى

اۋەلگى ماقساتتى، بورىشتى شىڭداپ، ەكپىندەي ىلگەرىلەۋ كۇش - قۋاتىن الدى

انار بۇلت / شينجياڭ گازەتىنىڭ تىلشىلەرى

  پارتيا تاريحىن ۇيرەنۋ تاربيەسى باستالعاننان بەرى رايونىمىزدىڭ جەر - جەرى پارتيا تاريحىن ۇيرەنۋ تاربيەسىن كۇندەلىكتى ىستەرگە ءسىڭىرىپ، ۇدايى مىقتى يگەرىپ، قالىڭ پارتيالى كادرلاردى جەلىدەن جانە جەلىدەن تىس ۇيرەنۋگە، ءار دايىم ۇيرەنۋگە جەتەكشىلىك ەتىپ، ۇيرەنۋدىڭ ناقتى ونىمدىلىگىن ۇزدىكسىز كۇشەيتىپ، پارتيالى كادرلاردىڭ پارتيا تاريحىن ۇيرەنۋ تاربيەسى بارىسىندا اۋەلگى ماقساتتى، بورىشتى شىڭداۋىنا، ەكپىندەي ىلگەرىلەۋ كۇش - قۋاتىن الۋىنا مۇمكىندىك جاسادى.

جىلجىمالى پارتيا تاريحى ساباعى ۇيرەنۋ تاربيەسىمەن جاپپاي قامتۋعا شىنايى كەپىلدىك ەتتى

  ”سۋ ىشكەندە قۇدىق قازۋشىنى ۇمىتپاۋ كەرەك، ءبىز پارتيانىڭ قامقورلىعىن ەسىمىزدە بەرىك ساقتاپ، ماڭگى پارتياعا ىلەسەمىز!“ 5 - ايدىڭ 24 - كۇنى تۇستەن بۇرىن قۇلجا اۋدانى سادىقيۇزى اۋىلى جوعارعى سادىقيۇزى قىستاعىنىڭ ۇگىت لەكسياشىسى چىن گۇيحۋا پارتيا تاريحىن ۇيرەنۋ تاربيەسى بۇقارا وقۋلىعىن الىپ قىستاق تۇرعىنى ما شياۋلاننىڭ ۇيىنە كەلدى، كوپشىلىك شاعىن اۋلادا قورالاي وتىرىپ پارتيا تاريحىن بىرگە ۇيرەندى.

  پارتيا تاريحىن ۇيرەنۋ تاربيەسى ورىستەتىلگەننەن بەرى، ىلە قازاق اۆتونوميالى وبلىسى ارالاپ ءجۇرىپ ارناۋلى تاقىرىپتىق ساباق جەتكىزۋ ارقىلى 1752 ”جىلجىمالى كىتاپ وقۋ كلاسىن“ ۇيىمداستىرىپ قۇرىپ، بەينەجازبادا ساباق ءوتۋ، كيىز ءۇي ساباقحاناسى سياقتى تاسىلدەر ارقىلى 485 رەت ارالاپ ءجۇرىپ ارناۋلى تاقىرىپتىق ۇيرەنۋ ورىستەتتى، قاتىناسقان پارتيا مۇشەلەرى، بۇقارا 124 مىڭنان استام ادام - رەتكە جەتتى.

  ”پارتيا قۇرىلعاندىعىنىڭ 100 جىلدىعىن قۇتتىقتايمىز، باقىتتى تۇرمىس كوز الدىمىزدا. كەشەگى ءشوپ كۇركە ۇيلەر بۇل كۇندەرى قىزىل كەرپىشتەن قالانعان ۇيگە اينالدى... “ 5 - ايدىڭ 23 - كۇنى قۇتىبي اۋدانى تورعايتى قالاشىعى شيگوۋ قىستاعىنداعى مەيىربان انالار ەرىكتى قىزمەت وتەۋ اترەتىندەگىلەر پارتيا تاريحىن ۇيرەنۋ تاربيەسىن پارتيانىڭ حالىققا ءتيىمدى ساياساتتارىمەن بىرلەستىرىپ پارتيا تاريحىن ۇيرەنۋ تاربيەسىن جۇرت جۇرەگىنە ۇيالاتۋدى ىلگەرىلەتىپ، پارتيانىڭ ابزال ساياساتىن ءارقايسى ەگىنشى - مالشى وتباسىنا جەتكىزدى.

جاڭا اقپارات قۇرالدارىمەن تاراتۋ − پارتيا تاريحىن ۇيرەنۋ تاربيەسىن جانداندىردى

  5 - ايدىڭ 24 - كۇنى التاي قالاسى توعىسپالى اقپارات قۇرالدارى ورتالىعى زەر سالا جاساعان ”جۇرگىزۋشى ءسىزدى پارتيا تاريحىن ۇيرەنۋگە جەتەكتەيدى“ ايدارىن تاراتتى.

  التاي ايماعى جاڭا اقپارات قۇرالدارى تۇعىرىنىڭ تاراتۋ ارتىقشىلىعنان تولىق پايدالانىپ پارتيا تاريحى حيكايالارىن جاقسى بايانداپ، قىزىل گەندى جالعاستىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتۋدى ىلگەرىلەتتى. ”كۇنىنە ءبىر رەت ۇيرەنۋ، اپتاسىنا ءبىر رەت اسەر جازۋ، ايىنا ءبىر رەت ەمتيحان الۋ، ماۋسىم سايىن ءبىر رەت باعالاۋ“ پارتيا تاريحىن ۇيرەنۋ مەحانيزمىن اتقارىپ، جاڭا اقپارات قۇرالدارى تۇعىرىنان پايدالانىپ ”تىڭداعىسى كەلەتىن، كورە الاتىن، ۇيرەنۋدى سۇيەتىن“ تاراتۋ جۇيەسىن كۇش سالا ورناتىپ، «گازەت وقۋ ۋاقىتى»، «پارتيا تاريحىنىڭ 100 جىلىن كۇندەلىكتى وقۋ» سياقتى راديو تاڭدامالى ايدارىن ۇسىندى؛ نولدىك ارالىق ۋيچات الەۋمەتتىك تۇعىرىندا «پارتيا تاريحىن وزدىگىنەن ۇيرەنۋ» ارناۋلى ايدارىن اشتى.

  سانجى حۇيزۋ اۆتونوميالى وبلىسى كىتاپ جەتكىزۋ، گازەت جەتكىزۋ، ۇيرەنۋ جەتكىزۋ سياقتى قيمىلداردى دەر كەزىندە ورىستەتىپ، ”ماڭگى پارتياعا ىلەسەمىز“ پارتيا تاريحىن ۇيرەنۋ تاربيەسى زەيىن سىناۋ جارىسى، ”ۇيرەنۋدە قۇدىرەتتى ەل“، ”انار بۇلت“ سياقتى تۇعىرلاردان پايدالانىپ، جىلجىمالى پارتيا مۇشەلەرىنىڭ، بۇقارا پارتيا مۇشەلەرىنىڭ شوعىرلى ۇيرەنۋگە قاتىناسۋى قولايسىز بولۋ سياقتى ماسەلەلەردى شەشىپ، پارتيا تاريحىن ۇيرەنۋ تاربيەسىمەن جاپپاي قامتۋعا، بىردە - ءبىر ادامدى قاعىس قالدىرماۋعا كەپىلدىك ەتتى.

پارتيا تاريحىن كۇن سايىن وقىپ، ۇيرەنۋ بەلسەندىلىگىن قوزعادى

  5 - ايدىڭ 23 - كۇنى قۇمىل قالاسى يجوۋ رايونى قارا ءدوۋا قالاشىعىنىڭ بوستان قىستاعىندا قىستاق كادرى رىزۋانگۇل امدۇل ءجۇزىم سورەسىنىڭ استىندا قول تەلەفونىن قولىنا الىپ وقي باستادى. ول جونىنەن ايتقاندا ءار كۇنى ”وزىنە سەنىمدى جۇڭگولىق“ ۋيچات وقۋ توبى ارقىلى پارتيا تاريحىن وقۋ − ءبىر كۇندەگى ەڭ ءماندى ءىس سانالادى. قارا ءدوۋا قالاشىعىنداعى ءارقايسى قىستاق ”وزىنە سەنىمدى جۇڭگولىق“ ۋيچات وقۋ توبى ارقىلى پارتيا تاريحىن كۇندە وقۋ قيمىلىن ورىستەتتى.

  قازىر قۇمىل قالاسى ءتۇرلى فورماداعى كىتاپ وقۋ كلاسىن اشىپ، تاڭعى وقۋ، كەشكى كىتاپ وقۋ كلاسى، ەگىنشى - مالشىلار كەشكى مەكتەبى، جاستار - ورەندەر وقۋ باسەكەلەسە ۇيرەنۋ سياقتى فورمالار ارقىلى پارتيا تاريحىن، قىزىل كلاسسيك شىعارمالاردى، ۇلتتار ىنتىماعى حيكايالارى سياقتىلاردى ۇيرەنىپ، پارتيا تاريحى ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.

  سانجى وبلىستىق پارتكوم ۇيىمداستىرۋ ءبولىمى پارتيا تاريحىن ۇيرەنۋدى ”زەردەلى ۇيرەنۋ، ەمتيحان بەرۋمەن“ تىعىز ۇشتاستىرىپ، ”سانجى وبلىسىنداعى پارتيالى كادرلاردىڭ ۇيرەنۋ - ەمتيحان بەرۋ تۇعىرى“ شاعىن پروگرامماسىن قۇرىپ، ەمتيحان ارقىلى ۇيرەنۋدى جەبەۋدى، جەلىدە ۇيرەنۋدى قۋزاۋدى جۇزەگە اسىرىپ، پارتيالى كادرلاردىڭ پارتيا تاريحىن ۇيرەنۋ بەلسەندىلىگى مەن ىرىقتىلىعىن ءونىمدى قوزعادى.

  (ءتىلشى شيا چيڭ، قاتىناسقان تىلشىلەر: ىلە تىلشىلەر پۋنكتىنەن شى شۋەحۇڭ، التاي تىلشىلەر پۋنكتىنەن حۋ جۇنشيۋ، قۇمىل تىلشىلەر پۋنكتىنەن ان يان، كوۋ جۇنفىڭ، سانجى تىلشىلەر پۋنكتىنەن ياڭ حايجۇن)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.