شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى. 5 - ايدىڭ 26 - كۇنى مەملەكەت ءتوراعاسى شي جينپيڭ دۇنيە جۇزىلىك قورشاعان ورتا ءادىليا جينالىسىنا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: جەر شارى ءبىزدىڭ ورتاق مەكەنىمىز. دۇنيە جۇزىندەگى ءار ەل ءبىر نيەتپەن سەلبەسىپ، جەدەل قيمىلداپ، ادام مەن تابيعات جاراسىمدى كورىكتى مەكەندى بىرگە قۇرۋ كەرەك. جۇڭگو جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ سىندى جاڭا دامۋ ۇستانىمىنا تاباندى بولىپ، ەكولوگيالىق قورشاعان ورتانى قورعاۋ قىزمەتىن جالپى بەتتىك كۇشەيتىپ، الەمدىك ەكولوگيالىق وركەنيەت قۇرىلىسى سەلبەستىگىنە بەلسەنە ات سالىسادى. جۇڭگو قورشاعان ورتا ءادىليا رەفورماسىندا جاڭالىق اشۋدى ۇزدىكسىز تەرەڭدەتىپ، ەكولوگيالىق قورشاعان ورتانى ءادىليالىق قورعاۋ جاعىندا ءتيىمدى تاجىريبەلەر توپتادى. جۇڭگو دۇنيە جۇزىندەگى ەلدەرمەن، حالىقارالىق ۇيىمدارمەن قول ۇستاسا سەلبەسۋدى، الەمدىك ەكولوگيالىق قورشاعان ورتانى جونگە سالۋدى بىرگە ىلگەرىلەتۋدى قالايدى.
دۇنيە جۇزىلىك قورشاعان ورتا ءادىليا جينالىسى وسى كۇنى يۇنناننىڭ كۇنميڭ قالاسىندا باستالدى، نەگىزگى تاقىرىبى: ”ءادىليالىق رولدى ساۋلەلەندىرىپ، ەكولوگيالىق وركەنيەتتى ىلگەرىلەتەيىك: جەر شارى تىرشىلىك ورتاق تۇلعاسىن بىرگە قۇرايىق“. جينالىستى ەڭ جوعارى حالىق سوتى مەكەمەسى مەن بىرلەسكەن مەملەكەتتەر ۇيىمىنىڭ قورشاعان ورتانى جوبالاۋ مەكەمەسى بىرلەسىپ وتكىزدى.
