تيانشان تورى   ›   جاڭالىقتار   ›   عىلىم-تەحنيكا

اۆتونوميالى رايوندىق عىلىم – تەحنيكا قيمىلى اپتالىعى حوتاندا باستالدى

  تيانشان تورى – شينجياڭ گازەتى حابارى (ەرىكتى ٴتىلشى دۇڭ رۇيچياڭ، ٴتىلشى شيە حۇيبيان حابارلايدى). 5 – ايدىڭ 22 – كۇنى تۇستەن بۇرىن حوتان قالاسىنىڭ ىنتىماق الاڭىندا كۇن شايداي اشىق، اۆتونوميالى رايوندىق عىلىم – تەحنيكا مەڭگەرمەسى، اۆتونوميالى رايوندىق پارتكوم ۇگىت ٴبولىمى، اۆتونوميالى رايوندىق عىلىم – تەحنيكا قوعامى جانە حوتان ايماقتىق اكىمشىلىك مەكەمەسى بىرلەسىپ ۇيىمداستىرعان اۆتونوميالى رايوندىق عىلىم – تەحنيكا قيمىلى اپتالىعى باستالدى، قالعان ايماق، وبلىس، قالالاردا جەلىدە جانە جەلىدەن تىس ٴوزارا ۇشتاستىرۋ ٴتاسىلى ارقىلى ٴبىر ۋاقىتتا جۇرگىزىلدى. بۇل قيمىل 28 كۇنىنە دەيىن جالعاسادى.

  عىلىم – تەحنيكا قيمىلى اپتالىعى ”100 جىلعا نازار: جۇڭگو كوممۋنيستىك پارتياسى عىلىم – تەحنيكانىڭ دامۋىنا باسشىلىق ەتتى“ دەگەندى نەگىزگى تاقىرىپ ەتىپ، جۇڭگو كوممۋنيستىك پارتياسىنىڭ 100 جىلدىق تاريحىنداعى عىلىم – تەحنيكا ىستەرى رەفورماسى مەن دامۋى جونىندەگى ٴدانىشپاندىق شەشىمدەر مەن ۇلى جاسامپازدىقتى ٴتۇيىندى تۇردە ۇگىتتەپ، پارتيا 18 – قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭالىق اشىپ دامۋدى ىلگەرىلەتۋ ستراتەگياسىنا باسشىلىق ەتۋ، اتقارۋدا قول جەتكىزگەن كەلەلى ىلگەرلەۋشىلىكتەرى مەن كورنەكتى تابىستارىن كورنەكتى تۇردە ايگىلەپ، عىلىم – تەحنيكادا جاڭالىق اشۋ جەتىستىكتەرى مەن عىلىم – تەحنيكانى جالپىلاستىرىپ، حالىققا تيىمدىلىك جاساۋدى ونان ارى ىلگەرىلەتەدى.

  عىلىم – تەحنيكا قيمىلى اپتالىعى كەزىندە ”100 جىلعا نازار سالۋ . عىلىم – تەحنيكادا جاڭالىق اشۋ جەتىستىكتەرى كورمەسى“، ”عىلمي زەرتتەۋ قۇرىلىمدارى مەن داشۋەلەردى اشىق ۇستاۋ قيمىلى“، ”ينتەرنەت عىلىم – تەحنيكا قيمىلى اپتالىعى“، ”ىندەتتەن ساقتانۋ عىلىمىن جالپىلاستىرۋ بىلىمدەرىن اۋىل – قىستاقتارعا، الەۋمەتتىك اۋماقتارعا، ورگاندارعا، مەكتەپتەرگە، كاسىپورىندارعا جەتكىزۋ“، ”عىلىم – تەحنيكا ارقىلى كەدەيلىكتەن ارىلتۋدان قامال الۋعا دەم بەرۋ جەتىستىكتەرى كورمەسى“، ”عىلىم – تەحنيكا ارقىلى حالىق تۇرمىسىنا قىزمەت وتەۋ جەتىستىكتەرى كورمەسى“ سياقتى قيمىلدار ورىستەتىلەدى. بۇدان سىرت، بۇكىل شينجياڭداعى ايماقتار، وبلىستار وزىندىك ەرەكشەلىككە يە، باي مازمۇندى، تۇتاس جىلعا قاتىستى عىلىم- تەحنيكانى جالپىلاستىرۋ قيمىلدارىن دا وتكىزەدى، بۇلار جاڭالىق اشۋ، كاسىپ كوزىن اشۋ جارىسى، مەكتەپتەردىڭ عىلىم- تەحنيكا اپتالىعى، عىلىم – تەحنيكالىق مادەنيەت، كوركومونەر مەرەكەسى، قارتتارعا عىلىم – تەحنيكالىق بىلىمدەردى جالپىلاستىرۋ لەكسياسى، ەمدەۋ ماماندارىنىڭ تەگىن اۋرۋ كورۋى سياقتىلاردى قامتيدى.

  باستالۋ سالتىندا مەملەكەتتىڭ عىلىم – تەحنيكانى جالپىلاستىرۋ قىزمەتىندەگى وزات كوللەكتيۆتەر مەن وزات قىزمەتكەرلەردىڭ ۋاكىلدەرىنە مەدال تاراتىلدى؛ جاڭادان بەكىتىلگەن اۆتونوميالى رايوندىق جاستار مەن ورەندەردىڭ عىلىم – تەحنيكالىق تاربيەلەۋ بازاسىنىڭ ۋاكىلدەرىنە ماڭدايشالىق بەرىلدى؛ كەريا اۋدانى سەنبىبازار قالاشىعى ورتالاۋ مەكتەبى، گۇما اۋدانى 2 – ورتا مەكتەبى جانە شەريا اۋداندىق 3 – ورتا مەكتەبى سىندى 3 اۋىل – قىستاق ورتا مەكتەبىنىڭ عىلىم – تەحنيكا سارايىنا ماڭدايشالىق بەردى؛ عىلىم – تەحنيكالىق قىزمەت وتەۋ بولىمشە اترەتتەرىنە، عىلىم – تەحنيكا جالپىلاستىرۋ قىزمەت وتەۋ بولىمشە اترەتتەرىنە تۋ بەرىلدى؛ حوتان ايماعىنا عىلىم – تەحنيكا، مادەنيەت، دەنساۋلىق ساقتاۋ ”ٴۇشتى اۋىل –قىستاققا جەتكىزۋ“ عىلىم – تەحنيكالىق كىتاپتارى مەن عىلىم – تەحنيكا جالپىلاستىرۋ ماتەريالدارىن تارتۋ ەتتى.

  سول كۇنى 60تان استام كاسىپورىن، سونداي - اق عىلمي زەرتتەۋ ورىندارى، مەكتەپتەر كورمەگە قاتىناسىپ، عىلىم – تەحنيكادا جاڭالىق اشۋدىڭ، عىلىم – تەحنيكا امالياتىنىڭ ەڭ جاڭا جەتىستىكتەرىن كورسەتىپ، كوپتەگەن كورەرمەندەردى باۋرادى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە