تيانشان تورى   ›   جاڭالىقتار   ›   شينجياڭ حابارلارى

ءىرى ىستەر ەستەلىگى 16

 

1964 - جىلى

    2 - ايدا ورتالىق ”ونەركاسىپتە داچيڭنەن ۇيرەنۋ“ ۇندەۋىن شىعاردى، شينجياڭدا ”ونەركاسىپتە داچيڭنەن ۇيرەنۋ“ ناۋقانى بىرتىندەپ قانات جايدى.

  5 - ايدىڭ 8 - كۇنى اۆتونوميالى رايوندىق پارتكومنىڭ ءبىرىنشى شۋجيى ۋاڭ ىنماۋ ماكىت اۋدانىنىڭ اۋىل - قىستاقتارىن كوزدەن كەشىرگەننەن كەيىن، سوتسياليستىك جاڭاشا اۋىل - قىستاقتى ويداعىداي قۇرۋدا ”5 جاقسى بولۋ“ (جاقسى اتىز، جاقسى توعان، جاقسى جول، جاقسى ورمان بەلدەۋى، جاقسى تۇرعىندار تۇراعى) سياقتى تالاپقا جەتۋ كەرەكتىگىن العا قويدى، وسىدان سوڭ اۆتونوميالى رايوندىق پارتكوم ”5 جاقسى اۋىل - قىستاق قۇرۋ“ نۇسقاۋىن ءتۇسىردى.

  7 - ايدا اۆتونوميالى رايوندىق پارتكوم قىزمەت ءماجىلىسىن اشىپ، اۆتونوميالى رايوننىڭ ءبىرىنشى، ەكىنشى، ءۇشىنشى شەبىن ءبولۋدى اقىلداسىپ، ءۇش شەپ قۇرىلىسى، تيانشان تاۋلى رايونى قۇرىلىسى جانە اسكەري زاۆود قۇرىلىسى جوسپارىن العا قويدى.

  10 - ايدىڭ 16 - كۇنى ەلىمىز شينجياڭنىڭ لوپنۇر وڭىرىندە تۇڭعىش اتوم بومبىسىن ءساتتى جاردى.

  12 - ايدا ورتالىق ”اۋىل شارۋاشىلىعىندا داجايدان ۇيرەنۋ“ ۇندەۋىن شىعاردى، شينجياڭدا ” اۋىل شارۋاشىلىعىندا داجايدان ۇيرەنۋ“ ناۋقانى بىرتىندەپ قانات جايدى.

1965 - جىلى

  7 - ايدىڭ 3 - كۇنى جوۋ ىنلاي زۇڭلي مەن ورىنباسار زۇڭلي چىن ي اراب بىرلەسكەن رەسپۋبليكاسىنداعى (ەگيپەت) دوستىق ساپاردى اياقتاتىپ، ارناۋلى ۇشاقپەن ۇرىمجىگە كەلدى. 7 - ايدىڭ 4 - كۇنىنەن 7 - كۇنىنە دەيىن ءوندىرىس - قۇرىلىس بيڭتۋانى شىحىزى تىڭ يگەرۋ رايونى، قاشقار، ءۇرىمجى سياقتى جەرلەردەگى اۋىل - قىستاق، زاۆود، مەكتەپ، ورگانداردى كوزدەن كەشىردى.

  9 - ايدىڭ 5 - كۇنى «شينجياڭ گازەتى» شينجياڭدا ۇيعۇر، قازاق، حۇيزۋ، قىرعىز، تاجىك قاتارلى 10 نەشە تۋىسقان ۇلت كادرلارىنىڭ 106 مىڭنان اسقاندىعىن، 1955 - جىلى اۆتونوميالى رايون قۇرىلعان كەزدەگىدەن 1.5 ەسە ارتقاندىعىن، ازاتتىقتىڭ العاشقى مەزگىلىندەگىدەن 34.5 ەسە ارتقاندىعىن حابارلادى.

  10 - ايدىڭ 1 - كۇنى شينجياڭ ۇيعۇر اۆتونوميالى رايونى قۇرىلعاندىعىنىڭ 10 جىلدىعى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حى لۇڭ ورتالىق ۋاكىلدەر ۇيىرمەسىن باستاپ قۇتتىقتاي كەلدى.

  11 - ايدىڭ 10 - كۇنىنەن 12 - ايدىڭ 18 - كۇنىنە دەيىن اۆتونوميالى رايوندىق پارتكوم كەڭەيتىلگەن ءماجىلىس اشىپ، «اۆتونوميالى رايوننىڭ 3 - بەسجىلدىق جوسپارىن (جوبا)» قاراپ ماقۇلدادى.

  12 - ايدا اۆتونوميالى رايون حالىق شارۋاشىلىعىن رەتتەۋدى جەڭىسپەن اياقتاتىپ، جالپى بەتتىك دامۋعا قاراي بۇرىلىس جاسادى.

  سول جىلى بازاردىڭ قامداۋ جاعدايى كورنەكتى جاقسارىپ، حالىق تۇرمىسى ەداۋىر جاقساردى.

1966- جىلى

  2 - ايدىڭ 10 - كۇنى اۆتونوميالى رايوندىق پارتكوم «بارلىق پارتيا مۇشەلەرىن جانە كادرلاردى جياۋ يۇيلۋ جولداستان مۇقيات ۇيرەنۋگە ۇيىمداستىرۋ جونىندەگى حابارلاندىرۋدى» تاراتىپ، بۇكىل پارتيا مۇشەلەرىن، اسىرەسە، اۋداننان جوعارى باسشى كادرلاردى جياۋ يۇيلۋ جولداستى ۇلگى ەتىپ، ماۋ زىدۇڭ يدەياسىن قۇلشىنا ۇيرەنىپ، بۇكىل ىنتا - پەيىلىمەن ءار ۇلت حالقى ءۇشىن قىزمەت ىستەپ، ءبىرىنشى شەپكە تىكە بارىپ، ىشكەرىلەي تەكسەرۋ - زەرتتەۋ جۇرگىزىپ جانە بۇقاراعا كوڭىل ءبولىپ، بۇقارامەن تىعىز بايلانىس جاساۋ تاماشا ستيلىن ساۋلەلەندىرۋگە ۇندەدى.

  2 - ايدا جۇڭگو كوممۋنيستىك پارتياسى ورتالىق كوميتەتى شيزاڭ اۆتونوميالى رايونىندا اۋىل شارۋاشىلىعى قۇرىلىس شىسىن قۇرىپ، اسكەري تىڭ يگەرۋ ىستەرىن دامىتۋدى ۇيعاردى. جوۋ ىنلاي زۇڭلي: شينجياڭ ءوندىرىس - قۇرىلىس بيڭتۋانىنان قۇرىلىمدىق تۋان ۇيىمداستىرىپ، شيزاڭ قۇرىلىسىنا ات سالىسىپ، شيزاڭدا مەملەكەت مەنشىگىندەگى ەگىس الاڭىن دامىتۋعا ۇلگى بولۋ كەرەك، - دەپ نۇسقاۋ بەردى.

  3 - ايدىڭ 24 - كۇنى ليۋ شاۋچي اۆتونوميالى رايوندىق پارتكومنىڭ «مال شارۋاشىلىعى، ەگىن شارۋاشىلىعى جانە ونەركاسىپ، ت ب جونىندەگى ماسەلەلەر» قىزمەت مالىمەتىن تىڭداعاننان كەيىن بىلاي دەپ اتاپ كورسەتتى: جايلىم جاقسى قورعالسا، شينجياڭنىڭ مال شارۋاشىلىعى قارىشتاپ دامي الادى، بولاشاعى نۇرلى بولادى؛ ەگىن شارۋاشىلىعىندا ۇزاق ۋاقىتتىق وي - مەجە بولۋ كەرەك، ونەركاسىپتە دە ۇزاق ۋاقىتتىق جوبا بولۋ كەرەك.

  5 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتى حابارلاندىرۋ شىعارىپ، ”پرولەتاريات مادەنيەت زور توڭكەرىسىنىڭ“ شىمىلدىعىن اشتى.

  5 - ايدا اۆتونوميالى رايوندىق پارتكوم تۇراقتى كوميتەتىنىڭ ءماجىلىسى «اۆتونوميالى رايوننىڭ سوتسياليستىك قۇرىلىس بولاشاقتىق جوباسىن (1965 - جىلدان 1980 - جىلعا دەيىن)» تالقىلاپ ماقۇلدادى.

  □ اۆتونوميالى رايوندىق پارتكوم پارتيا تاريحى جانە حۇجات زەرتتەۋ ورنى بەرگەن

  □ انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن

  □ سۋرەتتەردى رەتتەگەن / جوبالاعان لياڭ ۋي

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.