تيانشان تورى
تيانشان تورى   ›   جاڭالىقتار   ›   شينجياڭ حابارلارى

ءىرى ىستەر ەستەلىگى 17

 

1967 - جىلى

  3- ايدىڭ 10 - كۇنى ورتالىقتىڭ نۇسقاۋىنا ساي، شينجياڭ اسكەري رايونى پارتكومىنىڭ باسشىلىعىندا اۆتونوميالى رايوندىق ءوندىرىس كەڭسەسى قۇرىلىپ، اۆتونوميالى رايوننىڭ ەكونوميكالىق قىزمەتىن يگەرۋگە جاۋاپتى بولدى.

  6 - ايدىڭ 17 - كۇنى ەلىمىز شينجياڭنىڭ لوپنۇرىندا تۇڭعىش سۋتەگى بومبىسىن ءساتتى جاردى.

  8 - ايدا چيڭحايدىڭ ماڭياسىنان شينجياڭنىڭ حوتانىنا دەيىنگى چيڭحاي - شينجياڭ تاس جولى قۇرىلىسى باستالدى.

1968 - جىلى

  9 - ايدىڭ 28 - كۇنى ەلىمىز ءوزى جوبالاعان، ءوزى قۇرىلىس جۇرگىزگەن شينجياڭ ءىرى تۇرپاتتى وسىزاماندانعان كومىر شاحتاسى −ءۇرىمجى 1 - ءنومىرلى تىك شاحتاسى رەسمي وندىرىسكە قوسىلدى.

  10 - ايدىڭ 10 - كۇنىنەن 22 - كۇنىنە دەيىن اۆتونوميالى رايوندىق توڭكەرىستىك كوميتەت ۇرىمجىدە ەگىن، مال شارۋاشىلىعى ءوندىرىسى اڭگىمە ءماجىلىسىن اشىپ، ”توڭكەرىستى يگەرىپ، ءوندىرىستى جەبەپ“، ”اۋىل شارۋاشىلىعىندا داجايدان ۇيرەنۋدى“ ونان ارى جوعارى ورلەۋگە كوتەرۋدى تالاپ ەتتى.

  1969 - جىلى

  2 - ايدىڭ 3 - كۇنى ءۇرىمجى وڭىرىندەگى تۇڭعىش توپتاعى 2000نان استام زيالى جاس ماۋ زىدۇڭنىڭ ۇندەۋىنە ءۇن قوسىپ، اۋىل - قىستاقتارعا بارىپ، كەدەي، تومەن، ورتا ديقان قايتالاي تاربيەسىن قابىلدادى.

  6 - ايدىڭ 10 - كۇنى سوۆەت وداعىنىڭ اسكەري قوسىنى ەلىمىزدىڭ شاعانتوعاي اۋدانىنىڭ بارلىق تاۋى وڭىرىنە سۇعاناقتىق جاسادى. شينجياڭ ءوندىرىس - قۇرىلىس بيڭتۋانى اۋىل شارۋاشىلىق 9 - شىسى 161 - تۋانىنىڭ ايەل قىزمەتكەرى سۇن لۇڭجىن وتان تەرريتورياسىن سۇعاناقتىقتان قورعاۋ جولىندا ەرلىكپەن قۇربان بولدى.

1970 - جىلى

  7 - ايدىڭ 1 - كۇنى ياركەن وزەنىنىڭ شىعىس جاعالاۋىنداعى تاسقىن سۋدى باستاۋ ۇلكەن توعانىندا تۇتاس توعانعا سۋ جىبەرۋ سالتى وتكىزىلدى. بۇل سۋ يگىلىگى ينجەنەرياسىن شينجياڭ ءوندىرىس - قۇرىلىس بيڭتۋانى ونەركاسىپ 3 - شىسى 23 - تۋانى ۇستىنە الىپ سالعان، توعاننىڭ جالپى ۇزىندىعى 29.6 كيلومەتر، 2 ميلليون 300 مىڭ مۋ اتىزدى سۋارۋعا بولادى.

  10 - ايدىڭ 15 - كۇنى بيڭتۋان ۇلانباي تىڭايتقىش زاۆودى پوليۆينيلحوريد بولىمشە زاۆودى سالىنىپ، وندىرىسكە قوسىلىپ، شينجياڭنىڭ سۋلياۋ وندىرىسىندەگى اقتاڭداقتى تولتىردى.

  12 - ايدا اۆتونوميالى رايون «شينجياڭ ۇيعۇر اۆتونوميالى رايوننىڭ 4 - بەسجىلدىق (1971 - جىلدان 1975 - جىلعا دەيىنگى) حالىق شارۋاشىلىعى جوسپارىن (جوبا نۇسقا)» جاريالادى.

  □ اۆتونوميالى رايوندىق پارتكوم پارتيا تاريحى جانە حۇجات زەرتتەۋ ورنى بەرگەن

  □ انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن

  □ سۋرەتتەردى رەتتەگەن / جوبالاعان لياڭ ۋي

 

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.