تيانشان تورى   ›   جاڭالىقتار   ›   ەل ءىشى حابارى

ەشنارسەدەن تايسالمايتىن ەر جۇرەك باتىرلىقپەن سوڭىنا دەيىن قاندى شايقاس جۇرگىزدى

  ”ليۋلاۋجۋاڭ ليانى“:

ەشنارسەدەن تايسالمايتىن ەر جۇرەك باتىرلىقپەن سوڭىنا دەيىن قاندى شايقاس جۇرگىزدى

سۋرەتتە: جياڭسۋ ولكەسى حۋاي - ان قالاسى حۋاييىن رايونىنداعى 82 قۇرباننىڭ ەسكەرتكىشى (ماتەريال سۋرەت).□ شينحۋا اگەنتتىگى تاراتقان

    □ شينحۋا اگەنتتىگىنىڭ تىلشىلەرى ليۋ جيمەي، گاۋ يۇيجياۋ

  جياڭسۋ ولكەسى حۋاي - ان قالاسى حۋاييىن رايونىنداعى ليۋ لاۋجۋاڭ 82 قۇربان قابىرستانىندا جاسىل قاراعايلار بوي سوزىپ، قالىڭ ورمانمەن جايقالىپ تۇر. ايبىندى 82 قۇربان ەسكەرتكىشى مەن نارت قىزىل ”ليۋلاۋجۋاڭ ليانىنىڭ“ ليان تۋىنا قاراپ، قۇرلىق ارمياسى 82 - جيتۋانجۇن بەلگىلى لۇيى ”ليۋلاۋجۋاڭ ليانىنىڭ“ ساياسي جەتەكشىسى ياڭ جين كوماندير - جاۋىنگەرلەرگە 78 جىلدىڭ الدىنداعى سول ءبىر ”قاندى“ شايقاس تۋرالى ءسوز قوزعاعان كەزدە كوڭىلى كولدەي تولقىدى.

  ”ليۋلاۋجۋاڭ ليانىنىڭ“ توركىنى جياڭسۋ فىڭشيان اۋدانى سىچۇي رايونىنداعى پارتيزاندار اترەتى، 1938 - جىلى 11 - ايدا قۇرىلعان، 1941 - جىلى 2 - ايدا جاڭا 4 - ارميا 3 - شى 7 - لۇي 19 - تۋان 2 - يىڭ 4 - ليان بولىپ وزگەرتىلىپ قۇرىلعان.

  1943 - جىلى 3 - ايدا جۇڭگوعا شاپقىنشىلىق جاساعان جاپون ارمياسى جياڭسۋدىڭ سولتۇستىك بولىگىندەگى حۋايحاي جاپون شاپقىنشىلارىنا قارسى تۇرۋ بازاسىنا زور كولەمدە ”تازالاۋ“ جۇرگىزەدى، 3 - ايدىڭ 17 - كۇنى جاپون ارمياسىنداعى، قۋىرشاق ارمياداعى 1600دەن ارتىق ادام جان - جاقتان كەلىپ ليۋتاڭحى وزەنىنىڭ سولتۇستىك جاعالاۋىنداعى حۋايحاي رايونى پارتيا، ۇكىمەت باسشىلىق ورگانىن قورشاۋعا الادى.

  حۋايحاي رايونىنداعى پارتيا، ۇكىمەت ورگانى مەن حالىق بۇقاراسىنىڭ وزگە وڭىرگە حاۋىپسىز قونىس اۋدارۋىن قورعاۋ ءۇشىن، 4 - ليانداعى 82 كوماندير - جاۋىنگەر ليانجاڭ باي سىساي، جەتەكشى لي يۇنپىڭنىڭ باسشىلىعىندا، ءار باعىتتاعى جاۋدى ەرلىكپەن توسقاۋىلداپ سوقىلايدى.

  سول كۇنى جاپون ارمياسى، قۋىرشاق ارميا 2 - رەت قورشاۋعا العان كەزدە 4 - ليان جاپون ارمياسىمەن، قۋىرشاق ارميامەن حۋايياڭنىڭ سولتۇستىگىندەگى لاۋجاڭجي، جۋدۋجۋاڭ وڭىرىندە ۇشىراسادى. جارىم كۇن قيان - كەسكى سوعىس جۇرگىزگەن 4 - ليان قاس قارايعان سوڭ قورشاۋدى تاعى بۇزىپ شىعىپ، لاۋجاڭجيدىڭ باتىس سولتۇستىگىندەگى ليۋلاۋجۋاڭ وڭىرىنە ويىسادى.

  3 - ايدىڭ 18 - كۇنى تاڭ سارىدە جاپون ارمياسى، قۋىرشاق ارميا 3 - رەت قورشاۋعا العان كەزدە 4 - ليان جاپون ارمياسىنىڭ، قۋىرشاق ارميانىڭ شابۋىلىن ەرلىكپەن تويتارىپ، نەگىزگى قوسىن مەن پارتيا، ۇكىمەت ورگانىنىڭ وزگە جەرگە حاۋىپسىز قونىس اۋدارۋىنا كەپىلدىك ەتەدى، الايدا تۇتاس ليان جاپون ارمياسىنىڭ، قۋىرشاق ارميانىڭ قات - قابات قورشاۋىندا قالادى.

  تالاي رەت قورشاۋدى بۇزۋعا قۇلشىنعانىمەن، تۇگەلدەي ءساتسىز بولادى، 4 - ليان شەپتى بەرىك قورعاۋعا بەكيدى. جاپون ارمياسى، قۋىرشاق ارميا زەڭبىرەك كۇشىن شوعىرلاندىرىپ 4 - ليان شەبىن سۇراپىل سوققىلايدى ءارى ۇلكەن اترەتتىڭ اتتى اسكەرىمەن شابۋىل جاسايدى. ءۇرتىس بىرنەشە ساعاتقا جالعاسقان بومبىلاۋدان كەيىن، 4 - ليان اسكەرلەرىنىڭ وققا ۇشۋ، جارالانۋ جاعدايى وتە اۋىر بولىپ، ەڭ سوڭىندا، 20دان ارتىق ادام عانا قالادى.

  جاۋعا كەرەكتى ينفورماتسيا قالدىرماۋ ءۇشىن، ليانجاڭ باي سىساي بارلىق حۇجاتتى ورتەۋگە بۇيرىق بەرىپ، جاۋمەن قويان - قولتىق ايقاسۋعا دايىندالادى.

  جالپى شايقاستا 4 - ليان 12 ساعات قاندى شايقاس جۇرگىزىپ، وقتارى تاۋسىلعاندا نايزامەن شانشىپ، مىلتىقتىڭ دۇمىمەن ۇرىپ، كۇرەكپەن شابادى... جاۋدىڭ 170تەن استام ادامىن اتىپ، 200دەن ارتىق ادامىن جارالاپ، وق - ءدارى جانە ازىق - تۇلىكتەرى تاۋسىلىپ، قالىڭ جاۋعا توتەپ بەرە الماي، بارلىعى ەرلىكپەن قۇربان بولادى.

  جەرگىلىكتى ورىنداعى بۇقارا 82 قۇربانعا قۇلىپتاس ورناتىپ، 82 ۇزدىك پەرزەنت تاڭداپ 4 - لياندى قايتا قۇرادى، جاڭا 4 - ارميانىڭ 3 - شى 7 - لۇيى وسى ليانگە ”ليۋلاۋجۋاڭ ليانى“ دەگەن ات بەرەدى.

  قاھارماندار قۇربان بولعانىمەن، ەرلىك رۋحى قالدى، قاھارمانداردىڭ ءىزباسارلارى قايتادان اتتاندى. ءار جىلى 3 - ايدىڭ 18 - كۇنى ليۋلاۋجۋاڭ ءوڭىرى وتان ءۇشىن قۇربان بولعان قۇربانداردى ەسكە الۋ قيمىلىن ورىستەتىپ، توڭكەرىستىك ارداگەر قۇربانداردى ساعىنىشپەن ەسكە الادى. ”ليۋلاۋجۋاڭ ليانى“ دا سول كۇنى ليانعا كىرۋ سالتىن سالتاناتپەن وتكىزىپ، كوماندير - جاۋىنگەرلەردى قاھارمانداردىڭ ىزگى ىستەرىن قايتالاي ەسكە الىپ، قاھارمانداردىڭ ەرلىگىن ەسكە تۇسىرۋگە جەتەلەيدى.

  ”مەن ليۋلاۋجۋاڭ اۋىلىندا ەسەيىپ، ’ليۋلاۋجۋاڭ ليانىندا‘ اسكەرگە قاتىناستىم، مەن، ءسوز جوق، جەڭىسكە جەتۋگە ونەرىمدى قاجىرلىلىقپەن شىڭداپ، وتانعا تاعى تىڭ ۇلەس قوسۋعا قۇلشىنامىن“! ليۋلاۋجۋاڭدىق جاۋىنگەر جىڭ اۋحۇي پارتياعا كىرۋ ءوتىنىشىن الىپ شىعىپ، بايسالدى تۇردە 82 قۇرباننىڭ ەسكەرتكىشىنىڭ الدىنا قويدى.

  جاڭا داۋىرگە قادام تاستاعان سوڭ، ”ليۋلاۋجۋاڭ ليانىنىڭ“ سان ۇرپاق ءىزباسارلارى ارميانى قۇدىرەتتەندىرۋ، ارميانى گۇلدەندىرۋ جولىندا ارشىندى قادام تاستادى. 2017 - جىلدان بەرى لياندۇي پارتيا ياچەيكاسى سوعىس رايونى قۇرلىق ارمياسى جاعىنان ”ۇزدىك پارتيا ۇيىمى“ بولىپ باعالانىپ، لياندۇي سوعىس رايونى قۇرلىق ارمياسى جاعىنان ” ارت - ارتىنان 3 رەت ەلەۋلى ەڭبەك كورسەتكەن“ لياندۇي بولىپ باعالانىپ، ىلگەرىندى - كەيىندى 4 رەت كوللەكتيۆ ەڭبەك كورسەتتى.

  (شينحۋا اگەنتتىگىنىڭ 5 - ايدىڭ 22 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.