تيانشان تورى   ›   جاڭالىقتار   ›   شينجياڭ حابارلارى

ەڭ جاقسى ماقتا ەگىپ، اسا تاباندىلىقپەن اقشا تاپتىم

□ ساۋان قالاسى سىداۋحىزى قالاشىعىنىڭ ماقتاشىسى دۇيسەنبەك

  مەن ساۋان قالاسى سىداۋحىزى قالاشىعىنىڭ ماقتاشىسىمىن. مەن 2012 - جىلى ۇيلەندىم، كەلىنشەگىم بۇراتالا قالاسىنان ۇزاتىلىپ كەلدى. العاش توي جاساعان كەزدە ۇيىمدە 10 مۋ جەر عانا بار، كىرىسىم دە ادەتتەگىدەي بولاتىن. جاقسىلاپ اقشا تاۋىپ وتباسىمنىڭ تۇرمىسىن شالقىتۋ ءۇشىن، مەن قىستاقتاعى اۋىل شارۋاشىلىق تەحنيگىنىڭ ۇسىنىسىن تىڭداپ، ماقتا ەگە باستادىم. ءبىز ماقتا ەگۋگە سۇيەنىپ كىرىسىمىزدى ارتتىردىق، ەكى قىزىمىزدى تاربيەلەپ جاتىرمىز، كۇندەرىمىز ءماندى وتۋدە.

  جۋىقتا H&M سياقتى ءىشىنارا شەتەل كاسىپورىندارى شينجياڭعا جالا جاۋىپ، ءبىزدى ماقتا وندىرۋگە زورلاپ سالدى دەپتى، ولار تاعى وسىنى سىلتاۋراتىپ، شينجياڭ ماقتاسىن شەكتەدى، ايەلىم ەكەۋىمىز مۇنى ەستىپ قاتتى اشۋلاندىق.

  بىرنەشە جىلدان بەرى ماشينالاسقان ماقتا ەگىمشىلىگى بارعان سايىن جالپىلاسىپ، بەيدوۋ جۇيەسى تۇقىم سەبۋ ماشيناسىن قولدانىپ، تۇقىم مەن سۋلياۋ جارعاقتى جاقسىلاپ ورنالاستىرىپ، ءبىرسىپىرا ساندى مالىمەتتەردى كىرگىزگەننەن كەيىن اۆتوماتتى تۇردە تۇقىم سىڭىرەدى، ماقتا تەرگەندە دە ماشينا ىستەتىلىپ، ماقتا تەرۋ، تايلاۋ، ساتۋعا وتكىزۋ ءبىر جولدا بىتەدى. وسىنداي جاقسى عىلىم - تەحنيكاعا سۇيەنىپ، 2019 - جىلى مەن تاعى 50 مۋ جەردى كوتەرمەگە الىپ ماقتا ەكتىم، ماقتا ەككەن جەر اۋماعى ارتقانىمەن، جالعىز ءوزىم جەتىسە الامىن، ايەلىم ۇيدە بالالارعا الاڭسىز قاراي بەرەدى. قازىر مەنىڭ ماقتا ەگۋدەن تاباتىن كىرىسىم 300 - 400 مىڭ يۋانعا جەتىپ، شاعىن اۆتوكولىك، جوعارى ات كۇشىندىك تراكتور ساتىپ الدىم، الدىڭعى جىلى قالا رايونىنان ءبىر قابات ءۇي دە ساتىپ الدىم، تۇرمىسىمىز بارعان سايىن شالقىدى.

  مەن شينجياڭ ماقتاسىنا جالا جاپقان، سوقتىققان شەتەل كاسىپورىندارىنا مىنانى ايتامىن: شينجياڭدا ايتىلمىس ”زورلىقپەن ەڭبەككە سالۋ“ مۇلدە ءومىر سۇرگەن ەمەس، شينجياڭنىڭ ماقتاسى ەڭ جاقسى ماقتا، ءبىز جاقسى تۇرمىس كەشىرۋ ءۇشىن، ءوز قالاۋىمىزبەن ماقتا ەگىپ اقشا تاپتىق، ونىڭ ۇستىنە قازىر عىلىم - تەحنيكا وسىنشاما دامىدى، ءبىزدىڭ ماقتا ەگۋىمىز دە بارعان سايىن وڭايلاستى، ەگىلەتىن جەر اۋماعىن ىرىقتىلىقپەن ۇلعايتىپ، اناعۇرلىم كوپ ماقتا ەگىپ، اناعۇرلىم كوپ اقشا تابامىز، مۇنىڭ ”زورلىقپەن ەڭبەككە سالۋ“ دەگەنمەن ەش قاتىسى جوق. شينجياڭنىڭ شارۋالارى ەڭ جاقسى ماقتا ەگىپ، اسا تاباندىلىقپەن اقشا تابادى، مۇنداي باقىتتى تۇرمىستى بۇلدىرەم دەپ دامەلەنبەڭدەر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.