چىن چۋانگو بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
پارتيا تاريحىن ۇيرەنۋ تاربيەسىن ورىستەتۋدى وراي، قوزعاۋشى كۇش ەتىپ، نازاردى باس نىساناعا شوعىرلاندىرۋ، ورنىقتىلىقتى، دامۋدى ىلگەرىلەتۋ، جاڭا جاعداي اشۋ كەرەك
5 - ايدىڭ 28 - كۇنى اۆتونوميالى رايوندىق پارتكومنىڭ شۋجيى چىن چۋانگو بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو بۇراتالا قالاسى ۇتىبۇلاق قالاشىعى كوكعوتعور قىستاعىنداعى ساقا پارتيا مۇشەسى ۋارىس سۇپيدىڭ ۇيىندە جۇمىستانۋ، بالا وقىتۋ، وتباسى كىرىسى سياقتى جاعدايلاردى ىقىلاسپەن ۇعىسۋدا.
□سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ياۋ تۇڭ 5 - ايدىڭ 28 - كۇنى بۇراتالادان حابارلايدى. 5 - ايدىڭ 28 - كۇنى اۆتونوميالى رايوندىق پارتكومنىڭ شۋجيى چىن چۋانگو بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسىن وراي، قوزعاۋشى كۇش ەتىپ، ورنىقتىلىق، دامۋ قىزمەتتەرىن ىلگەرىلەتىپ، جاڭا جاعداي اشۋ كەرەك.
چىن چۋانگو بۇراتالا شەكارا ەكونوميكالىق سەلبەستىك رايونىنا كەلىپ، كاسىپورىن ءوندىرىس سەحىنا ىشكەرىلەي بارىپ، كاسىپورىن جاۋاپتىلارىمەن، ءار ۇلت قىزمەتكەرلەرمەن ىقىلاسپەن اڭگىمەلەسىپ، ءوندىرىس تيجاراتى، جۇمىسقا قابىلداۋ، كىرىستى ارتتىرۋدى جەبەۋ سياقتى جاعدايلاردى ۇعىستى. ول بىلاي دەدى: ەڭبەككۇش شوعىرلى كاسىپ سالاسىن كۇش سالا دامىتىپ، ءتۇيىندى شوعىرلاردىڭ جۇمىستانۋىنا كومەكتەسۋ - سۇيەمەلدەۋدى مىقتاپ يگەرىپ، جاقىن ماڭنان، ءوز جەرىندە جۇمىستاندىرۋ مەن ءتارتىپتى تۇردە باسقا كاسىپ سالاسىنا ويىستىرىپ، باسقا جەرگە شىعارىپ جۇمىستاندىرۋدى ورگانيكالى بىرلەستىرۋگە تاباندى بولىپ، جۇمىستاندىرۋدى كەڭەيتۋ ارقىلى كىرىستى ورنىقتى ارتتىرۋدى جەبەۋ كەرەك.
بۇراتالا قالاسى زەردەلى جاساۋ ەلەكتروندىق كاسىپ سالاسى باقشاسى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ساۋدا ارقىلى ساۋداگەر شاقىرۋدى جۇزەگە اسىرىپ، كاسىپورىنداردى ىرگە تەبۋگە باۋراپ، كەمەلدى كاسىپ سالاسى تىزبەگىنە يە كاسىپ سالاسى شوعىرىن قالىپتاستىردى. چىن چۋانگو باقشا رايونىنا ىرگە تەپكەن كاسىپورىنداردى جاڭالىق اشا دامۋدى كۇشەيتىپ، شارۋاشىلىقتى ۇلعايتۋعا، كۇشەيتۋگە جىگەرلەندىردى. ول بىلاي دەپ باسا دارىپتەدى: بىرەگەي شارۋاشىلىق - ساۋدا ورتاسى قۇرىلىسىن تۇتقا ەتىپ، ۇكىمەتتىك قىزمەت وتەۋدى ۇزدىكسىز ساپالىلاندىرىپ، سالىقتى ازايتىپ، اقىنى تومەندەتۋ ساياساتىن تياناقتاندىرىپ، كاسىپورىننىڭ وزىندىك قۇنىن تومەندەتىپ، ەكونوميكانىڭ جوعارى ساپالى دامۋىن ىلگەرىلەتەتىن تاماشا ورتانى كۇش سالا قالىپتاستىرۋ كەرەك.
چىن چۋانگو بۇراتالا قالاسى چىندەل ءمالى باسقارماسى دۇڭفاڭحۇڭ الەۋمەتتىك اۋماعىنا كەلىپ، شەپ قۇرىلىسى، بۇقاراعا قىزمەت وتەۋ سياقتى قىزمەتتەردى ەگجەي - تەگجەيلى ۇعىستى. ول بىلاي دەپ اتاپ كورسەتتى: نەگىزگى ساتى پارتيا ۇيىمى پارتيانىڭ بۇقارامەن بايلانىس جاسايتىن كوپىرى جانە دانەكەرى، قالانى جونگە سالۋ ءتۇيىنىنىڭ جانە سايكەستى بايلىقتىڭ مالىلەرگە، الەۋمەتتىك اۋماقتارعا ويىسۋىن ىلگەرىلەتىپ، قىزمەت وتەۋدىڭ، جۇمىس ءبىتىرۋدىڭ قولايلىلاسۋىن ىلگەرىلەتىپ، ءار ۇلت بۇقاراسىن مازالاعان، ۋايىمعا سالعان، الاڭداتقان ىستەردى تاسقىنداعان ىنتامەن جاقسى شەشۋ كەرەك.
بۇراتالا كاسىپتىك - تەحنيكالىق شۋەيۋانىندا چىن چۋانگو ناقتى جاتتىعۋ كلاسىنا كىرىپ، ءار ۇلت وقىتۋشى - وقۋشىلارىمەن ىقىلاسپەن اڭگىمەلەسىپ، ساباق ورنالاستىرۋ، وقۋ - وقىتۋ، ۇيرەنۋ - تۇرمىس سياقتى جاعدايلاردى ەگجەي - تەگجەيلى ۇعىستى. ول بىلاي دەدى: سوتسياليستىك ءبىلىم بەرۋ بەتالىسىن مىقتاپ يگەرىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، جۇمىستاندىرۋدى باعدار ەتۋگە تاباندى بولىپ، جوعارى ساپالى تەحنيكالىق، شەبەرلىك دارىندىلارىن قۇلشىنا تاربيەلەپ، ورنىقتى جۇمىستاندىرۋدى جەبەپ، كاسىپ سالاسىنىڭ دامۋىن ىلگەرىلەتۋگە تىرەك ازىرلەۋ كەرەك.
بۇراتالا قالاسى ۇتىبۇلاق قالاشىعى كوكعوتعور قىستاعىنداعى قارت پارتيا مۇشەسى ۋارىس سۇپيدىڭ ۇيىندە چىن چۋانگو ءبىر ءۇيلى جانمەن ءجۇزىم سورەسى استىندا قورالاي وتىرىسىپ، اڭگىمە - دۇكەن قۇرىپ، جۇمىستانۋ، وقۋعا ءتۇسۋ، وتباسى كىرىسى سياقتى جاعدايلاردى كوڭىل بولە ۇعىسىپ، ولاردى ەڭبەكشىل قوس قولدارىنا سۇيەنىپ، ۇزدىكسىز كىرىسىن ارتتىرىپ بايىپ، تۇرمىستارىن بارعان سايىن جاقسارتۋعا جىگەرلەندىردى.
چىن چۋانگو تاعى كوكعوتعور قىستاعىنداعى مەشىتكە كەلىپ ءدىني قيمىلداردىڭ ورىستەتىلۋ جاعدايىنا تەكسەرۋ - زەرتتەۋ جۇرگىزىپ، قالىڭ ءدىن سالاسى قايراتكەرلەرىنىڭ وتاندى ءسۇيۋ، ءدىندى قادىرلەۋ تاماشا ءداستۇرىن زور كۇشپەن ساۋلەلەندىرىپ، دىنگە سەنەتىن بۇقارانى مەملەكەت تانىمىن، ازامات تانىمىن، زاڭمەن جونگە سالۋ تانىمىن بەرىك ورناتۋعا جەتەلەپ، وتان تۇتاستىعىن، قوعام ورنىقتىلىعىن، ۇلتتار ىنتىماعىن، ءدىن تاتۋلىعىن قورعاۋعا ۇزدىكسىز بەلسەنە ۇلەس قوسۋىن ءۇمىت ەتتى.
چىن چۋانگو تەكسەرۋ - زەرتتەۋدە بۇراتالا موڭعۇل اۆتونوميالى وبلىسىنىڭ ورنىقتىلىق پەن دامۋدىڭ ءتۇرلى قىزمەتتەرىندە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى اناعۇرلىم جاقسى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى جاقسى ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك. جوعارى ساپالى دامۋدى كۇش سالا ىلگەرىلەتىپ، جاڭا دامۋ ارناسىن قالىپتاستىرۋعا قىزمەت وتەۋ جانە توعىسۋ بارىسىنداعى سالىستىرمالى ابزالدىلىقتى ءدال يگەرىپ، رەفورمانى ۇزدىكسىز تەرەڭدەتىپ، ەسىك اشۋدى كەڭەيتىپ، ناقتى ەكونوميكانى كۇش سالا دامىتىپ، جاڭادان وركەندەگەن كاسىپ سالالارىن بەلسەندىلىكپەن جەتىلدىرىپ، 1 - ، 2 - ، 3 - كاسىپتەردىڭ توعىسا دامۋىن ىلگەرىلەتىپ، كاسىپ سالاسى تىزبەگىنىڭ جاقسارۋىن، دارەجەسىنىڭ جوعارىلاۋىن جەبەپ، بۇراتالا وبلىسىنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋ كەرەك. حالىق تۇرمىسىنداعى ناقتى ىستەردى كۇش سالا جاقسى ىستەپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتىلاردى ءتۇيىن ەتكەن حالىق تۇرمىسى ينجەنەريالارىن ۇزدىكسىز ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ تابىستارىنىڭ اۋىل - قىستاقتى گۇلدەندىرۋمەن ءونىمدى ۇشتاسۋىن ىلگەرىلەتىپ، ءار ۇلت بۇقاراسىنىڭ اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلۋىنە مۇمكىندىك جاساۋ كەرەك. ۇلتتار ىنتىماعىن بارىنشا كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعى، العاباسارلىعى ۇگىت تاربيەسىن جانە وزات ورىن قۇرۋدى تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلتتىڭ كەڭىنەن ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەۋ كەرەك. ءدىننىڭ اقاۋسىز دامۋىن كۇش سالا ىلگەرىلەتىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، زاڭدىلارىن قورعاۋعا، زاڭسىزدارىن تيۋعا، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك. پارتيا تاريحىن ۇيرەنۋ تاربيەسىن كۇش سالا ىلگەرىلەتىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، ”ءتورت تاريح“ ۇگىت تاربيەسىن كەڭىنەن قانات جايدىرىپ، پارتيا تاريحىن ۇيرەنۋ تاربيەسىنىڭ بۇقاراعا تەرەڭدەۋىن، نەگىزگى ساتىعا تەرەڭدەۋىن، جۇرت كوڭىلىنە ۇيالاۋىن ىلگەرىلەتۋ كەرەك. ءتۇرلى ءتۇيىندى قىزمەتتەردى كۇش سالا جاقسى يگەرىپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ىندەتتەن ساقتانۋ - تىزگىندەۋدى ۇدايىلاندىرۋدى ەش بوساڭسىماستان مىقتاپ يگەرىپ، اۋىر، ەرەكشە ۇلكەن ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانىپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا جاراتۋ كەرەك.
