انار بۇلت/ شينجياڭ گازەتىنىڭ تىلشىلەرى ۋاڭ يۇيجاۋ، جىڭ جو 5 - ايدىڭ 29 - كۇنى ۇرىمجىدەن حابارلايدى. 5 - ايدىڭ 26 - كۇنى كامەرۋن، بەنين، بۋرۋندي، موزامبيك، سەررا - لەون، سومالي، بۋركينافاسو، ماۋريتيۋس قاتارلى افريكاداعى 30 ەلدىڭ جۇڭگودا تۇراتىن ەلشىلەرى، سونداي - اق ديپلوماتتارى جانە افريكا ەلدەرى وداعىنىڭ جۇڭگودا تۇراتىن ۋاكىلدەرىنەن 30 نەشە ادام ۇسىنىسپەن شينجياڭعا كەلىپ، ەكسكۋرسيادا، ساپاردا بولىپ، شينجياڭنىڭ ەكونوميكالىق دامۋى مەن حالىق تۇرمىسىنىڭ جاقسارۋ تابىستارىن شىنايى سەزىندى.
5 - ايدىڭ 26 - كۇنى ۋاكىلدەر ۇيىرمەسى ۇرىمجىگە جەتكەن سوڭ ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالاپ، وتكەن ءبىر مەزگىلدەگى جۇڭگو شينجياڭىنىڭ لاڭكەستىككە قارسى تۇرىپ، ورنىقتىلىقتى قورعاۋ كۇردەلى دە قيان - كەسكى جاعدايىن ۇعىسىپ، جۇڭگو شينجياڭىنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاعىندا قولدانعان ءونىمدى شارالارى مەن ناتيجەلەرىن تولىق تۇراقتاندىردى.
ءۇرىمجى قالاسىنداعى اق مەشىتتە ۋاكىلدەر ۇيىرمەسىنىڭ مۇشەلەرى يماممەن بەلسەندى پىكىر اۋىستىرىپ اڭگىمەلەسىپ، دىنگە سەنەتىن بۇقارانىڭ ءدىني قيمىلدار ورىستەتۋى سياقتى جاقتارداعى جاعدايلارىن ۇعىسىپ، جۇڭگو شينجياڭىنىڭ ازاماتتاردىڭ ءدىني سەنىم ەركىندىگىن زاڭ بويىنشا قامتاماسىز ەتۋدە ىستەگەن قىزمەتتەرىن قۇپتادى.
شينجياڭ حالىقارالىق ۇلكەن بازارىندا ۋاكىلدەر ۇيىرمەسىنىڭ مۇشەلەرى ەرەكشە نان دۇكەنىندە ايالداپ، حوش ءيىسى بۇرقىراعان نان مەن اق شايدان ءدام تاتتى؛ قىزۋ مەرەيلى ۇلتتىق ءان - ءبي كونسەرتىن كورگەن ۋاكىلدەر ۇيىرمەسىنىڭ مۇشەلەرى ىركەس - تىركەس سۋرەتكە ءتۇسىپ، ەستەلىك قالدىردى. بازاردا ۇلتتىق ەرەكشەلىككە يە مۋزيكا اسپاپتارىن، الۋان ءتۇرلى مىس بۇيىمداردى، كوز جاۋىن الاتىن اتلاس تورعىنداردى، اسىرەسە، شينجياڭ ەرەكشەلىگىنە يە قول تىككەن كىشكەنە دوپپالاردى ۋاكىلدەر ۇيىرمەسىنىڭ مۇشەلەرى قولدان - قولعا الىپ اۋىز جاپپاي ماقتادى.
ۋاكىلدەر ۇيىرمەسىنىڭ مۇشەلەرى شينجياڭنىڭ وزگەشە جەرگىلىكتى سالت - ساناسىنا جانە باي مازمۇندى ۇلتتىق مادەنيەتىنە تۇگەل تەبىرەنىپ، جۇڭگو شينجياڭىنىڭ ءار ۇلت مادەنيەتىن جالعاستىرعاندىعىن، قورعاعاندىعىن القادى.
بەنيننىڭ جۇڭگودا تۇراتىن باس ەلشىسى سيمون ادوۆەلانت شينجياڭ حالىقارالىق ۇلكەن بازارىن ەكسكۋرسيالاعاننان كەيىن، شينجياڭنىڭ ەكونوميكالىق دامۋىنىڭ ومىرشەڭدىگىنىڭ تەرەڭ اسەر قالدىرعاندىعىن ايتتى. ول وسى رەتكى ەكسكۋرسيا، ساپار ارقىلى شينجياڭعا بولعان تۇسىنىكتى تەرەڭدەتىپ، ەكى جاقتىڭ ەكونوميكا، مادەنيەت سياقتى جاقتارداعى ۇيلەسۋ ءتۇيىنىن تاۋىپ، اۋىس - ءتۇيىستى، سەلبەستىكتى اناعۇرلىم ىلگەرىلەتۋدى ءۇمىت ەتتى.
ەكسكۋرسيا، ساپار كەزىندە ۋاكىلدەر ۇيىرمەسى اقسۋ، قاشقار سياقتى جەرلەرگە بارىپ كاسىپورىن، كاسىپ باقشاسى، مەكتەپ، حالىق تۇرمىسى ينجەنەرياسى قاتارلىلاردى ەكسكۋرسيالايدى ءارى جاي بۇقارانىڭ ۇيلەرىن ارالاپ، ناعىز شينجياڭدى جان - جاقتى تۇسىنەتىن بولادى.
