انار بۇلت / شينجياڭ گازەتىنىڭ ءتىلشىسى چىن چياڭۋي 5 - ايدىڭ 29 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 4 ايدا رايونىمىزدىڭ سىرتقى ساۋدا يمپورت - ەكسپورت جالپى قۇنى 39 ميلليارد 10 ميلليون يۋان بولىپ، سايكەس مەزگىلدەگىدەن ％9.5 ارتىپ، يمپورت - ەكسپورت ساۋدا جاعدايى ۇزدىكسىز جاقسارعان.
3 - ايدان باستاپ رايونىمىزدىڭ سىرتقى ساۋداسى ۇزدىكسىز جاقسارىپ، يمپورت - ەكسپورتتا جالپى تۇلعالىق جاعىنان العاندا، جاندانۋ، ارتۋ جاعدايى جارىققا شىقتى. 4 - ايداعى سىرتقى ساۋدانىڭ يمپورت - ەكسپورت جالپى قۇنى 10 ميلليارد 960 ميلليون يۋان بولىپ، سايكەس مەزگىلمەن، الدىڭعى ايداعىمەن سالىستىرعاندا، جەكە - جەكە ％30.6، ％6 ارتىپ، ”قوس ارتۋ“ جاعدايى جارىققا شىقتى. شەكارا وتكەلى جاعىنان قاراعاندا، الاتاۋ ساعاسى، قورعاس ەكى نەگىزگى شەكارا وتكەلىنىڭ ساۋدا قۇنى سايكەس مەزگىلدەگىدەن جەكە - جەكە ％36.8، ％15.2 ارتىپ، باقتى، ەركەشتام، قاراسۋ، تورعات سياقتى شەكارا وتكەلدەرىنىڭ ساۋدا قۇنىندا ەسەلەپ ارتۋ جارىققا شىقتى. ساۋدا ءتاسىلى جاعىنان قاراعاندا، ادەتتەگى ساۋدا تاسىلىندەگى يمپورت - ەكسپورت سوماسى 18 ميلليارد 220 ميلليون يۋان بولىپ، سايكەس مەزگىلدەگىدەن ％24.9 ارتىپ، يمپورت - ەكسپورت بىردەي ارتتى. مانەرلەۋ ساۋدا تاسىلىندەگى يمپورت - ەكسپورت سوماسى 770 ميلليون يۋان بولىپ، سايكەس مەزگىلدەگىدەن ％87.5 ارتتى؛ شەكارالىق شاعىن سومالى ساۋدادا قايتا ورلەۋ جاعدايى جارىققا شىعىپ، ساۋدا سوماسى 17 ميلليارد 450 ميلليون يۋان بولدى.
ءونىم تۇرلەرى جاعىنان قاراعاندا، ەكسپورت تاۋارلارى اراسىندا ماشينا ەلەكتر ونىمدەرى ەكسپورت جالپى مولشەرىنىڭ 30 پايىزىنان كوبىن ۇستاپ، سايكەس مەزگىلدەگىدەن ％59.7 ارتتى؛ كيىم - كەشەك جانە كيىم - كەشەك قوسالقى بۇيىمدارى، اياق كيىمدەر جەكە - جەكە سايكەس مەزگىلدەگىدەن ％21.7، ％48.8 ارتتى؛ اۋىل شارۋاشىلىق ونىمدەرى، توقىما ءجىپ، توقىما بۇيىم جانە باسقا بۇيىمداردىڭ ەكسپورت مولشەرىنىڭ سالىستىرماسى جوعارى بولماعانىمەن، ءبىراق جەكە - جەكە سايكەس مەزگىلدەگىدەن ％6.8، ％4.5 ارتقان.
سىرتقى ساۋدا ساپاسىنىڭ ورنىقتى جوعارىلاۋىن جەبەۋ ءۇشىن، ءۇرىمجى كەدەنى شەكارا وتكەلدەرىنىڭ ىندەتتەن ساقتانۋ، كەدەننەن وتكىزۋ، قامبادا ساقتاۋ، زات اينالىمى سياقتى جاقتارداعى سايكەستىرۋ ونىمدىلىگىن ۇزدىكسىز ساپالىلاندىرىپ، حالىقارالىق پوچتا جولدامالارى، شەكارا اتتاعان ەلەكتروندى ساۋدا سياقتى جاڭا كاسىپ كۇيىنىڭ دامۋىن قولداپ، جالپىلىق باجىسىز اۋماق، شەكارا اتتاعان ەلەكتروندى ساۋدا ىستەرى كەشەندى سىناق رايونى ءتيىمدى ساياساتتارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتەدى.
