تارباعاتاي ايماعى پارتيا تاريحىن ۇيرەنۋ تاربيەسىن ىشكەرىلەي ورىستەتتى
تاريحتى ۇيرەنىپ، ۇمتىلا ىستەپ، ناقتى ءىس ىستەدى
□ انار بۇلت / شينجياڭ گازەتىنىڭ ءتىلشىسى ءرايدا
”5 - ايدىڭ باسىندا مەن 20 شوجە تەگىن تاپسىرىپ الدىم، ءبىر مەزگىل ۋاقىتتان كەيىن بۇل شوجەلەردى ساتقان سوڭ، تاعى ءبىراز شوجە ساتىپ الايىن دەپ وتىرمىن“، - دەدى 5 - ايدىڭ 26 - كۇنى قوبىقسارى موڭعۇل اۆتونوميالى اۋدانى ساعانكول اۋىلى ساعانكول قىستاعىنىڭ تۇرعىنى قاميتقان جۇمابەك.
شوجە بەرىپ، بۇقارانى اۋلا شارۋاشىلىعىن دامىتۋعا جەتەكتەۋ − تارباعاتاي ايماعىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتىپ، اۋىل - قىستاقتى گۇلدەندىرۋگە دەم بەرۋىنىڭ شاعىن كورىنىسى. پارتيا تاريحىن ۇيرەنۋ تاربيەسى ورىستەتىلگەننەن بەرى تارباعاتاي ايماعى پارتيا تاريحىن ۇيرەنۋدى ءىس جۇزىندىك ماسەلەلەردى شەشۋمەن ۇشتاستىرىپ، تانىم مەن ارەكەتتى بىرلىككە كەلتىرىپ، ۇيرەنگەندى قولدانىپ، جاقسى ءىس، ناقتى ءىس ىستەپ، بۇقارانىڭ كوڭىلىنەن شىقتى.
ۇيرەنۋ ارقىلى ىستەۋدى جەبەپ، دامۋدى جوسپارلادى
”پارتيا تاريحىن ۇيرەنۋ تاربيەسى ورىستەتىلگەننەن بەرى ءبىز ماڭىزدى ءتۇيىندى ۇيرەنۋمەن تىعىز بايلانىستىرىپ، ’نەنى ۇيرەنۋدى‘ جان - جاقتىلى ۇعىنىپ، ’قالاي ۇيرەنۋدى‘ عىلمي جوسپارلاپ، ’قالاي ىستەۋدى‘ تەرەڭدەي ىلگەرىلەتتىك. ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن تىڭعىلىقتى ورىستەتۋدى تابان تىرەر تياناق جانە كۇش سالۋ ءتۇيىنى ەتىپ، پارتيا تاريحىن ۇيرەنۋ تاربيەسىن اۋىل - قىستاقتى گۇلدەندىرۋمەن ورگانيكالى ۇشتاستىرىپ، كەدەيلىكتەن ارىلتۋدان قامال الۋدىڭ تابىستارىن ونان ارى بەكەمدەدىك، كەڭەيتتىك“، - دەدى تارباعاتاي ايماقتىق پارتكومنىڭ شۋجيى شۋە بين 5 - ايدىڭ 26 - كۇنى.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى تياناقتاندىرۋ ءۇشىن، تارباتاعاي ايماعى حابارلاندىرۋ شىعارىپ، نەگىزگى ساتى پارتيا ۇيىمدارىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋىن 8 ناقتى مىندەتكە اشالادى، سونداي - اق اتقارۋ جوباسىن، مىندەتتى ءبولۋ جوباسىن جانە تياناقتاندىرۋدى ىلگەرىلەتۋ جوباسىن جاسادى.
سونىمەن بىرگە تارباعاتاي ايماعى كەدەيلىكتەن ارىلتۋدان قامال الۋ تابىستارىن بەكەمدەۋ، كەڭەيتۋ قىزمەتىنىڭ نىسانا - مىندەتتەرىن ارقاۋ ەتە وتىرىپ، پارتيا تاريحىن ۇيرەنۋ تاربيەسىنىڭ ”قاۋىرت ۇيرەنۋ، قاۋىرت تالقى جۇرگىزۋ“ ۋاقىتىنان تولىق پايدالانىپ، پارتيا باسشىلىق گرۋپپاسىنىڭ جيىنى، پارتيالى كادرلاردىڭ ۇيرەنۋ جيىنى سياقتى تاسىلدەر قولدانىپ، كوپ بولىپ كۇش سالىپ، بىرگە زەرتتەۋ - تالقىلاۋ جۇرگىزدى.
شۋە بين مىنالاردى ءبىلدىردى: تارباعاتاي ايماعى پارتيا تاريحىن ۇيرەنۋ تاربيەسىن وراي ەتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، كەدەيلىكتەن ارىلتۋدان قامال الۋ تابىستارىن ونان ارى بەكەمدەپ، كەڭەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتەدى.
جاقسى ءىس ىستەپ، بۇقارانىڭ كوڭىلىنەن شىقتى
”ءبىزدى ۇزاق جىل مازالاعان ماسەلە اقىرى شەشىلدى، قىستاقتا تۇراتىن قىزمەت اترەتىنىڭ، قىستاق ’ەكى كوميتەتىنىڭ‘ بۇقارا ءۇشىن جاقسى ءىس ىستەپ بەرگەندىگىنە ايرىقشا العىس ايتامىز“، - دەدى ساۋان قالاسى كونەساۋان قالاشىعى بايجياجۋاڭ قىستاعىنىڭ تۇرعىنى ياڭ جۇڭيۋان 5 - ايدىڭ 25 - كۇنى.
ساۋان قالالىق اۋىل شارۋاشىلىعى جانە اۋىل - قىستاق مەكەمەسىنىڭ كونەساۋان قالاشىعى بايجياجۋاڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ وتباسىلاردى ارالاۋ بارىسىندا ەگىنجايلار اراسىنداعى نەگىزگى جولدىڭ قىستاق تۇرعىندارىنىڭ ەگىس كولىكتەرى، ءسوزسىز، وتەتىن جول ەكەندىگىن، ءبىراق بۇل جولدىڭ تار ەكەندىگىن، جاۋىندى كۇنى لاي - باتپاق كولكىپ جاتاتىندىعىن، ءار جىلى قار - مۇز ەرىگەندە قالىپتى ءجۇرىس - تۇرىسقا ىقپال جاسايتىندىعىن، بۇل جولدى دۇرىستاپ جوندەۋ قىستاق تۇرعىندارىنىڭ ەڭ ۇلكەن تىلەگى بولىپ وتىرعاندىعىن بايقايدى.
قاتىستى جۇمىستاردى سايكەستىرە كەلە ءبىر اپتادان كەيىن شاعىل توسەلگەن ۇزىندىعى 4.5 كيلومەترلىك، كەڭدىگى 6 مەترلىك جول جوندەلىپ، قىستاقتاعى 180 وتباسى تۇرعىندارىنىڭ شامامەن 10 مىڭ مۋدان اساتىن جەرىندە ەگىس جۇمىستارى كەزىندەگى ادام مەن كولىكتەردىڭ قاتىناۋ ماسەلەسىن شەشىپ، بۇقارانىڭ ءبىراۋىزدى القاۋىنا بولەندى.
قوبىقسارى موڭعۇل اۆتونوميالى اۋدانى 7 ميلليون 260 مىڭ يۋان قارجى سالىپ، جاڭا ەنەرگيالى، بۇكىلدەي ەلەكترمەن جۇرەتىن 10 كوشە اۆتوبۋزىن ساتىپ الىپ، جاڭادان 25 ايالداما (بەلگى) سالىپ، 3 زاريادتاۋ قۇرىلعىسىن ورناتىپ، قىستاق تۇرعىندارىنىڭ ءجۇرىس - تۇرىس ورتاسىن جاقسارتتى؛ شيحۋ قالاسى تەرەكتى قالاشىعى كوش جولدارىنا، كوپىرلەرگە جالپى بەتتىك بارلاۋ - ولشەۋ جۇرگىزىپ، مالشىلاردىڭ كوش جولدارىمەن ءجۇرۋى قيىن بولۋ ماسەلەسىن شەشۋ ءۇشىن جوندەۋ، بەكەمدەۋ جوباسىن ورتاعا قويدى.
قازىر تارباعاتاي ايماعى جيىنى 90 ناقتى ءىس، جاقسى ءىس ىستەۋ ۇستىندە، وعان سالىنعان قارجى 133 ميلليون يۋانعا جەتتى.
دالمە - ءدال شارا قولدانىپ، كىرىستىڭ ارتۋىن جەبەدى
”4 - ايدىڭ باسىندا الەۋمەتتىك اۋماق كادرلارىنىڭ كومەگىندە، مەن قارامايلى قالاسىنداعى ءبىر ساياحاتتان قىزمەت وتەۋ ورتالىعىنان جۇمىس تاپتىم، ايلىق ەڭبەكاقىم 3500 يۋان“، - دەدى تولى اۋدانى تەمىرتام قالاشىعى جوڭعار الەۋمەتتىك اۋماعىندا تۇراتىن ەلزات جەڭىس 5 - ايدىڭ 26 - كۇنى.
جوڭعار الەۋمەتتىك اۋماعىندا جاعراپيالىق ورىن جانە سۋ قاينارى شارت - جاعدايىنىڭ شەكتەمەسى سەبەبىنەن ەگىنشى - مالشىلاردىڭ كىرىس ارتتىرۋى قيىنعا سوققان ەدى. اتالعان الەۋمەتتىك اۋماقتىڭ پارتيا ياچەيكاسى ”اقىل كوزىن اشۋعا باۋلۋ + شەبەرلىككە باۋلۋ، ىشكى جاقپەن تۇتاسۋ + سىرتقى جاقپەن بايلانىس ورناتۋ، كومەكتەسۋ - سۇيەمەلدەۋ + جەتەكتەۋ“ ءتاسىلى ارقىلى الەۋمەتتىك اۋماقتاعى بۇقارانىڭ جۇمىستانىپ، كىرىسىن ارتتىرۋىن جەبەدى.
”ءبىز الەۋمەتتىك اۋماق ەڭبەككۇش بايلىعى بازارىنىڭ باسىمدىعىنان تولىق پايدالانىپ، شەبەرلىككە باۋلۋدى كۇشەيتۋدى ەگىنشى - مالشىلاردىڭ كىرىس ارتتىرۋىنىڭ، بايۋ جولىنا ءتۇسۋىنىڭ ماڭىزدى تۇتقاسى ەتتىك؛ سونىمەن قاتار قارامايلى قالاسىمەن جانە جاقىن ماڭداعى كاسىپورىندارمەن بايلانىس جاساۋ مەحانيزمىن ورناتىپ، جۇمىستاندىرۋعا كوپىر سالدىق جانە قاداعالاپ قىزمەت وتەۋ ءىسىن ويداعىداي ىستەدىك“، - دەدى تولى اۋدانى تەمىرتام قالاشىعى جوڭعار الەۋمەتتىك اۋماعى ەڭبەككۇش بايلىعى بازارى كەڭسەسىنىڭ مەڭگەرۋشىسى ۋاڭ زىرۇڭ.
