تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى 4 ايدا شينجياڭنىڭ كولەمنەن جوعارى ونەركاسىپ ارتقان قۇنى %14.1 ارتتى

  انار بۇلت / شينجياڭ گازەتىنىڭ ءتىلشىسى ما ينيڭ 5 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، الدىڭعى 4 ايدا شينجياڭنىڭ كولەمنەن جوعارى ونەركاسىپ ارتقان قۇنى سايكەس مەزگىلدەگىدەن %14.1 ارتىپ، ونەركاسىپ ەكونوميكاسى ۇزدىكسىز جاقسارۋعا بەت العان.

  بيىل جىل باسىنان بەرى حيميا ونەركاسىبى، توقىماشىلىق، بولات - تەمىر، ءتۇستى مەتال سياقتى ءتۇيىندى سالالارداعى كاسىپورىندار بار كۇشىن سالا ءوندىرىس جۇرگىزىپ، ونىمدىلىگىن ۇزدىكسىز جاقسارتتى. 1 - ماۋسىمدا شينجياڭنىڭ كولەمنەن جوعارى ونەركاسىپ كاسىپورىندارىنىڭ شارۋاشىلىق كىرىسى سايكەس مەزگىلدەگىدەن %33.4 ارتىپ، پايدا جالپى سوماسى سايكەس مەزگىلدەگىدەن 2.1 ەسە ارتقان. ونەركاسىپتە قازىر اتقارىلىپ وتىرعان كورسەتكىش رەتىندە، ەلەكتردەن پايدالانۋ مولشەرىنىڭ، تەمىر جول تاسىمال مولشەرىنىڭ وزگەرىسى ەندى ءبىر جاعىنان وڭىرلىك ەكونوميكانىڭ تەبىندەۋ دەڭگەيىن كورسەتەدى. الدىڭعى 4 ايدا شينجياڭنىڭ ەلەكتر تاراتۋ مولشەرى 150 ميلليارد 75 ميلليون كيلوۆات - ساعات بولىپ، سايكەس مەزگىلدەگىدەن %17.9 ارتقان؛ تۇتاس قوعامنىڭ ەلەكتر پايدالانۋ مولشەرى 114 ميلليارد 522 ميلليون كيلوۆات - ساعات بولىپ، سايكەس مەزگىلدەگىدەن %12.6 ارتقان؛ شينجياڭ تەمىر جولىنىڭ جۇك جونەلتۋ مولشەرى 60 ميلليون 341 مىڭ 200 توننا بولىپ، سايكەس مەزگىلدەگىدەن %10.5 ارتقان.

  4 - ايدا شينجياڭنىڭ جەر - جەرى ىركەس - تىركەس قۇرىلىس جۇرگىزۋ مەزگىلىنە ءوتتى، ونەركاسىپكە قارجى قوسۋ جەدەل ارتۋ بەتالىسىن ۇزدىكسىز ساقتادى. الدىڭعى 4 ايدا شينجياڭنىڭ ونەركاسىپكە قارجى قوسۋى سايكەس مەزگىلدەگىدەن %25 ارتىپ، بۇكىل ەلدىكىنەن 3.3 پايىز جوعارى بولدى. شينجياڭداعى 50 ونەركاسىپ جانە ينفورماتسيالاندىرۋ كەلەلى نىسانىنىڭ اياق الىسى ءساتتى بولىپ، جالپىلىق جۇمىس باستاۋ سالىستىرماسى 70 پايىزدان جوعارى بولدى، مۇنىڭ ىشىندە ۇزدىكسىز سالىنىپ جاتقان نىساندار تۇگەلدەي جۇمىس باستاپ، ءىشىنارا نىساندار وندىرىسكە قوسىلدى نەمەسە سىناق رەتىندە ءوندىرىس باستادى.

  الدىڭعى 4 ايدا 14 ايماقتىڭ، وبلىستىڭ، قالانىڭ ونەركاسىپ ارتقان قۇنى تۇگەلدەي وڭ ارتۋدى جۇزەگە اسىردى. 10 ءتۇيىندى ونەركاسىپ سالاسىنىڭ ىشىندە حيميا ونەركاسىبى، ەلەكتر كۇشى، توقىماشىلىق، ءتۇستى مەتال، بولات - تەمىر، قۇرىلىس ماتەريالدارى، جابدىق جاساۋ كاسىبى، اۋىل شارۋاشىلىق قوسىمشا ونىمدەرىن مانەرلەۋ سياقتى كاسىپ سالالارىنىڭ ونەركاسىپتەگى ارتۋ قارقىنى ەكى ورىندى سانمەن ارتتى، مۇناي، كومىر كاسىپ سالالارى ورنىقتى ارتۋدى ساقتادى.

  الداعى جەردە رايونىمىز ءتۇيىندى كاسىپ سالالارىنىڭ، ءتۇيىندى كاسىپورىنداردىڭ اينالىمىن باقىلاۋ - تەكسەرۋ تەبىنىن اناعۇرلىم كۇشەيتىپ، ءتۇيىندى كاسىپ سالالارىنىڭ، ءتۇيىندى كاسىپورىنداردىڭ ءوندىرىس اينالىمى جاعدايىن دەر كەزىندە يگەرىپ وتىرادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.