تيانشان تورى – شينجياڭ گازەتى حابارى (ٴتىلشى ما بەي حابارلايدى). ”بىرنەشە كۇننىڭ الدىندا دارىندىلار بازارىنا بارىپ ارحيۆ اۋىستىرۋدى بىتىرگەنىمدە، قىزمەتكەر ماعان ارحيۆ ساقتاۋ اقىسى كۇشىنەن قالدىرىلعانىن، 2015 – جىلدان بۇرىنعى تولەنبەگەن اقىنى قايتا تولىقتاپ تاپسىرماسا دا بولاتىنىن ايتتى“. قالا تۇرعىنى شۋە لۋدىڭ داشۋە تاۋىسقانىنا 10 جىل بولعان، ٴاسىلى ارحيۆ اۋىستىرعان كەزدە تولەنبەگەن اقىنى تولىقتاپ تاپسىرامىن دەپ ويلاعان ەدى، بۇل بەلگىلەمەنىڭ كۇشىنەن قالعانىن قايدان ٴبىلسىن.
5 – ايدىڭ 26 – كۇنى ٴۇرىمجى قالالىق الەۋمەتتىك جۇمىستانۋعا قىزمەت وتەۋ ورتالىعى كادرلار ٴىسى ۋاكىلدىك ٴبولىمىنىڭ جاۋاپتىسى مۇراتجان ايدىن بىلاي دەپ تانىستىردى: ”2015 - جىلدان باستاپ ٴۇرىمجى قالاسى ارحيۆ ساقتاۋ اقىسىن جاپپاي كۇشىنەن قالدىردى، ٴبىراق ارحيۆتى العان كەزدە بۇرىنعى تاريحتا تولەنبەگەن اقىنى تولىقتاپ تاپسىرۋعا تۋرا كەلەتىن. بيىل 4 – ايدان باستاپ، ارحيۆ ساقتاۋداعى تاريحي تولەنبەگەن اقى جونىندەگى بەلگىلەمە جاپپاي كۇشىنەن قالدىرىلدى، بۇدان بۇرىنعى اقىنى قايتا تولىقتاپ تاپسىرۋدىڭ قاجەتى جوق “.
ٴتىلشىنىڭ ۇعىسۋىنشا، ٴۇرىمجى قالاسىنىڭ ارحيۆ ساقتاۋ اقىسىن جاپپاي كۇشىنەن قالدىرۋى 2015 – جىلى 1 – ايدىڭ 1- كۇنىنەن باستاپ اتقارىلعان ساياسات بولىپ، بۇل كادرلار قاتىناسى جانە ارحيۆ ساقتاۋ اقىسى، كورۋ اقىسى، انىقتاما اقىسى، ارحيۆتى جەتكىزىپ بەرۋ اقىسى سياقتى ٴتۇرلى اقىلاردى الۋدى كۇشىنەن قالدىرۋدى قامتىپ، ٴار دارەجەلى الەۋمەتتىك جۇمىسقا ورنالاستىرۋ جانە دارىندىلارعا قىزمەت وتەۋ قۇرىلىمدارىن جىلجىمالى ادامداردىڭ كادرلار ارحيۆى نەگىزگى قىزمەت وتەۋىمەن تەگىن قامداۋ ەكەن.
ارحيۆ جوعارى مەكتەپ تاۋىسقان وقۋشىلاردىڭ بۇدان بىلاي جوعارىلاپ وقۋ، جۇمىسقا ورنالاسۋ، قىزمەت مىندەتى ٴوسۋ، دارىندىلاردى ەنگىزۋ جاقتارىندا توتەنشە ماڭىزدى رول اتقارادى، مەكتەپ تاۋىسقان وقۋشىلار ارحيۆتىڭ قايدا كەتكەنىن انىق ٴبىلۋى كەرەك.
مۇراتجان ايدىن بىلاي دەپ تانىستىردى: وقۋ تاۋىسقان وقۋشىلار ەگەر ورگانداردا، ٴىس ورىندارىندا جانە مەملەكەت مەنشىگىندەگى كاسىپورىندارعا جۇمىسقا ورنالاسسا، مەكتەپ ارحيۆتى ادام ىستەتۋشى ورىندارعا تىكەلەي جەتكىزىپ بەرەدى؛ ەگەر جالپىلىق مەنشىككە جاتپايتىن كاسىپورىندارعا جۇمىسقا ورنالاسسا، مەكتەپ ارحيۆتى جۇمىسقا ورنالاسقان جەردەگى الەۋمەتتىك جۇمىسقا ورنالاستىرۋ جانە دارىندىلارعا قىزمەت وتەۋ قۇرىلىمىنا جەتكىزىپ بەرەدى. ”جۇمىسقا ورنالاسپاعان جوعارى مەكتەپ تاۋىسقان وقۋشىلاردىڭ ارحيۆىن مەكتەپ وقۋ تاۋىسقان وقۋشىلاردىڭ نوپوسى تۇرعان جەردەگى الەۋمەتتىك جۇمىسقا ورنالاستىرۋ جانە دارىندىلارعا قىزمەت وتەۋ قۇرىلىمدارىنا تىكەلەي جەتكىزىپ ساقتايدى“.
اۋدارعان: قادىر ماقان
