تيانشان تورى   ›   بىلگەنگە مارجان   ›   وتباسى جانە تۇرمىس

ٴسىز بىلمەيتىن ۆيتامين D

  ۆيتامين D (تومەندە قىسقارتىلىپ ” VD“ دەلىندى) كوپتەگەن انالار جونىنەن العاندا بەيتانىس ەمەس. ول كالتسيدىڭ سۇيەكتە تۇنۋىن تەزدەتىپ، بالالاردىڭ سۇيەك اقاۋسىزدىعىندا ورنىن وگەيسىتۋگە بولمايتىن رولعا يە. الايدا، VD تەك بالالاردىڭ دەنساۋلىعىندا وتە ماڭىزدى بولىپ قانا قويماي، ۇقساماعان جاستاعى ادامدار جونىنەن دە ۇقساماعان ماڭىزدى رولعا يە.

  شينجياڭ مەديتسينا داشۋەسىنە قاراستى جۇڭي شيپاحاناسى (اۆتونوميالى رايوندىق جۇڭي شيپاحاناسى) قورەكتىك ٴبولىمىنىڭ ورىنباسار مەڭگەرۋشىسى شۋە مەي بىلاي دەپ تانىستىردى: كالتسيدىڭ تۇنۋىن تەزدەتۋدەن سىرت، VD قابىنۋدى باسۋ، اسىرە سەزىمتالدىققا قارسى تۇرۋ، ادام دەنەسىنىڭ يممۋنيتەت جۇيەسىن قورعاۋ، وسپەنىڭ الدىن الۋ سياقتى جاقتاردا دا ماڭىزدى رول اتقارادى، VDنى ۇيلەسىمدى تولىقتاۋدىڭ دا وسى سەبەپتى ماڭىزدى ٴمانى بار.

  باسقا قورەكتىك زاتتارعا ۇقسامايتىنى VD — ادام دەنەسىندەگى كلەتكالاردىڭ وزدىگىنەن سينتەزدەلۋىندەگى بىردەن – ٴبىر ۆيتامين. ٴبىراق كۇن نۇرى كەمشىل قىس ماۋسىمىندا، سونداي-اق جوعارى ەندىكتەگى رايونداردا وزدىگىنەن سينتەزدەلۋ جەتكىلىكسىز بولۋى ابدەن مۇمكىن، وسى كەزدە سىرتقى دۇنيەدەن قوسىمشا قابىلداۋعا تۋرا كەلەدى.

  VD قۇرامى مول ازىقتىقتار ٴبىرشاما از، جاستار جونىنەن العاندا، ەڭ نەگىزگى تولىقتاۋ قاينارى — كۇن نۇرى. كۇن نۇرى تەرىگە تۇسكەندە، دەنەدە VD پايدا بولادى، ٴبىراق كۇنگە كوپ قاقتالماۋعا كنازار سالىپ، كۇنگە كۇيۋدەن ساقتانۋ شارالارىن ويداعىداي ىستەپ، تەرىنى قورعاۋ كەرەك.

  قارتتار جونىنەن العاندا، تەك قانا كۇن نۇرىنا قاقتالۋ جەتكىلىكسىز. ورتا جاستاعىلار مەن قارتتار دالالىق ارەكەتى ٴبىرشاما از ءارى دەنساۋلىق تەكسەرۋ ناتيجەسىندە VD كەمشىل دەپ كورسەتىلگەن ادامدار شوعىرى، قۋاتتاندىرعىش ٴدارى – دارمەكتەرى ارقىلى تولىقتاۋدى ويلاستىرۋىنا بولادى. «جۇڭگو تۇرعىندارىنىڭ ازىق – تۇلىك قورەكتىك زاتتاردى پايدالانۋدى قابىلداۋ مولشەرىنىڭ» تانىستىرۋىندا، 0 – 64 جاس ارالىعىنداعى ادامدار كۇنىنە 400IU مولشەرىندە VD قابىلداۋى؛ 65 جاس جانە ودان جوعارى جاستاعىلار كۇنىنە 600IU مولشەرىندە VDنى قابىلداسا بولاتىندىعى كورسەتىلگەن.

  شيپاگەر شۋە مەي مىنانى ەسكەرتتى: اياقتىڭ ٴسىڭىرى تارتىلۋ، ەكى اياق دارمەنسىزدەنۋ، شىلدە قوتىر، ەسەك جەم، دەمىكپە، اسىرە سەزىمتالدىق، قابىرعا سۇيەگى تەرىس اينالۋ، قايقى ٴتوس، قۇس كوكىرەك جانە بالالاردىڭ تۇندە جىلاپ كوپ تەرلەۋى تۇگەلدەي VDنىڭ كەمشىلدىگىنىڭ بەينەسى. وزىڭىزدە VD كەمشىل بولعان – بولماعانىن بىلمەكشى بولساڭىز، شيپاحاناعا بارىپ، قان الىپ، 25 گيدروكسيلدى ۆيتامين 3 D تى تەكسەرتىپ، شيپاگەردىڭ تاپسىرۋى بويىنشا تولىقتاساڭىز بولادى.

  (انار بۇلت / شينجياڭ گازەتىنىڭ ٴتىلشىسى سۋ لۋپيڭ رەتتەگەن)

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە