جىڭ اۋدانى كاڭرۇي ماقتا وڭدەۋ شەكتى سەرىكتەستىگى:
باقىتتى تۇرمىس وسەك - اياڭعا بەرىلگەن ەڭ پارمەندى قايتارما سوققى
جۋىقتا H&M سياقتى شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ساقتالۋدا دەگەندى جەلەۋ ەتىپ، شينجياڭ ماقتاسىن شەكتەدى، مۇنداي نەگىزسىز ساندىراقتاردى سەرىكتەستىگىمىز قاتاڭ جازعىرادى ءارى وعان باتىل قارسى تۇرادى.
ءبىزدىڭ سەرىكتەستىكتىڭ باستى تيجارات كولەمى ماقتا ءشيتىن ساتىپ الىپ وڭدەۋ، تازا ماقتانى، ماقتا قابىعىن، ماقتا قىسقا تالشىعىن مانەرلەپ ساتۋ جانە اق ماقتا كەزدەمەسىن ءوندىرۋ، ساتۋ. وسىزاماندانعان اۋىل شارۋاشىلىعى كاسىپ سالالانعان كاسىپورىن رەتىندە، سەرىكتەستىك ”اۋىل شارۋاشىلىعىن، اۋىل - قىستاقتى، شارۋالاردى تياناق ەتىپ، اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋ“ تيجارات ۇستانىمىن نەگىز ەتىپ، ماقتاشىلاردىڭ كىرىسىن ارتتىرۋىن جەبەۋدە بەلسەندى جەتەكشىلىك رول اتقاردى.
جىڭ اۋدانىنىڭ كليماتى ماقتا ەگۋگە توتەنشە باپ كەلەدى، سەرىكتەستىك العاشىندا قولمەن تەرىلگەن ماقتانى وڭدەيتىن، ادام كۇشىمەن تەرىلگەن ماقتا ءبىرشاما تازا، ءوندىرىس تەحنولوگياسى ءبىرشاما قاراپايىم كەلەدى. ماشينامەن ماقتا تەرۋدىڭ كەڭ كولەمدى جالپىلاسۋىمەن ماقتانىڭ ساپاسىنا كەپىلدىك ەتۋ ءۇشىن سەرىكتەستىك جۋىق جىلداردان بەرى ءوندىرىس جەلىسىنە تەحنيكالىق وزگەرىس ەنگىزە باستادى. بۇرىنعى ماشينامەن تەرىلگەن ماقتانىڭ سۋ قۇرامى جوعارى بولۋ سياقتى ماسەلەلەرگە مەڭزەس، قولمەن تەرىلگەن ماقتانى ءوندىرۋ جەلىسىن توقتاتىپ، قاۋىز تازالاۋ ماشيناسى، ءشيت تازالاۋ ماشيناسى جانە قۇرعاتۋ جابدىقتارى سياقتى ماشينامەن ماقتا تەرۋدىڭ قاتىستى جابدىقتارىن كوبەيتتى.
سەرىكتەستىك ماقتا ساتىپ الۋ، مانەرلەۋ كەزىندە اشىق قىزمەتكەر قابىلداۋ ارقىلى ءىشىنارا جەرگىلىكتى اۋىل - قىستاقتارداعى ارتىق ەڭبەككۇشتەردى قىزمەتكە قابىلدادى، بارلىق جۇمىسشى - قىزمەتكەرلەرمەن زاڭ بويىنشا ەڭبەك توقتامىنا قول قويىپ، مەرزىم سايىن ەڭبەكاقىسىن تولىق بەرىپ وتىردى. سەرىكتەستىك جۇمىسشى - قىزمەتكەرلەردى جايلى، حاۋىپسىز جاتاق ورتاسىمەن تەگىن قامداپ، ءار كۇنى 3 ۋاقىت تەگىن تاماقپەن قامدادى ءارى جۇمىسشى - قىزمەتكەرلەرگە جۇمىس ۇستىندە جارالانۋ قامسىزداندىرۋ مەن ساۋدالىق قامسىزداندىرۋىن تاپسىرىپ، جۇمىسشى - قىزمەتكەرلەردى ۋايىمنان ارىلتتى.
ءداۋىردىڭ دامۋىنا، عىلىم - تەحنيكانىڭ العا باسۋىنا ىلەسە، ماقتا ەگۋ، تەرۋ الدەقاشان جوعارى دارەجەدە ماشينالاسىپ كەتتى، قاربالاس ماقتا تەرۋ ماۋسىمىندا دا قىرۋار ماقتا تەرۋشىنى قاجەت ەتپەيتىن بولدى. اناۋ شەتەل كاسىپورىندارىنىڭ شينجياڭ ماقتاسىن ءسوز ەتۋى، وسەك - اياڭ تاراتۋى، شينجياڭ ماقتاسىن شەكتەۋى ايدان انىق سۇرقيا نيەتىنەن بولعان. ءبىزدىڭ شينجياڭدىقتاردىڭ باقىتتى تۇرمىسى وسەك - اياڭدارعا بەرىلگەن ەڭ پارمەندى قايتارما سوققى بولماق!
