تيانشان تورى   ›   جاڭالىقتار   ›   شينجياڭ حابارلارى

حالىق ءۇشىن ناقتى ءىس ىستەپ، اۋىل - قىستاققا ومىرشەڭدىك كۇش ۇستەدى

سانجى وبلىسى ۇيرەنۋ ارقىلى ىستەۋدى جەبەدى

حالىق ءۇشىن ناقتى ءىس ىستەپ، اۋىل - قىستاققا ومىرشەڭدىك كۇش ۇستەدى

انار بۇلت / شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى ۋاڭ ۋي

  پارتيا تاريحىن ۇيرەنۋ تاربيەسى باستالعاننان بەرى سانجى حۇيزۋ اۆتونوميالى وبلىسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن نەگىزگى تاقىرىپ ەتىپ، ۇيرەنۋ ارقىلى ىستەۋدى جەبەۋگە، ۇيرەنگەندى قولدانۋعا تاباندى بولىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ ءىس جۇزىندىگىن تياناق ەتىپ، حالىق تۇرمىسىنا جاسالعان قامقورلىقتاردى ايگىلەيتىن امالياتتىق قيمىلدار ورىستەتىپ، پارتيا تاريحىن ۇيرەنۋ تاربيەسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتتى.

كوڭىل قويا ۇيرەنىپ، جاقسى ءىستى تىڭعىلىقتى تىندىردى

  ”كوممۋنيستىك پارتيا بولماسا جاڭا جۇڭگو بولماس ەدى...“ موري قازاق اۆتونوميالى اۋدانى دۇڭچىڭ قالاشىعى شىنجياگوۋ قىستاعى قىستاق تۇرعىندار كوميتەتىنىڭ جيىن زالىندا، ءار كۇنگى تاڭەرتەڭگى جيىننىڭ الدىندا، قىستاقتاعى پارتيا مۇشەلەرى تۇگەلدەي رەتتى قاتار تۇزەپ، وتانشىلدىق اندەردى كوكىرەك كەرنەگەن اسقاق سەزىممەن شىرقاپ، كوپتەگەن قىستاق تۇرعىندارىن كىدىرىپ قۇلاق ءتۇرىپ، ىلەسە ايتۋعا باۋرايدى.

  ”ءبىزدىڭ قازىرگى باقىتتى تۇرمىسىمىزدى كوممۋنيستىك پارتيا اكەلگەن، ءبىز پارتياعا جانە مەملەكەتكە دەگەن العىسىمىزدى انمەن جەتكىزىپ، پارتيانى سۇيەتىن، وتاندى سۇيەتىن قىزىل گەندى ويداعىداي جالعاستىرۋىمىز كەرەك“. قىستاق تۇرعىنى ۋي حۇڭشيانىڭ سوزىندە پارتياعا دەگەن تەرەڭ سۇيىسپەنشىلىك قامتىلىپ جاتتى.

  ءار كۇنى تاڭەرتەڭ ساعات 10دا فۋكاڭ قالاسى جيۋيۇنجيە قالاشىعى حۋاڭتۋلياڭنان ورتالىق قىستاعىنداعى ”ۇلكەن لابا“ ءدال ۋاعىندا ساڭقىلداپ، ”قىزىل ءۇن“ اۋىل - قىستاقتى ارالاپ، جۇرەكتەرگە ۇيالادى.

  ”قىستاقتىڭ باس جاعىنداعى بوس الاڭقايعا بىرەۋلەر كەلسە - كەلمەس قوقىر - قوقسىق توگىپتى، رەتتەپ، جونگە سالىپ قويۋعا بولا ما؟“، ”مەملەكەت تاراتقان قوسىمشا قاراجاتتىڭ قىستاقتا اشىق جاريالانۋى ەگجەي - تەگجەيلى ەمەس، كەيبىرەۋىن انىق كورە المادىق...“ تاياۋدا قۇتىبي اۋدانى دافىڭ قالاشىعى شىباحۋ قىستاعىنداعى قىستاق تۇرعىندار كوميتەتىنىڭ اۋلاسىندا، قىستاق تۇرعىندارى بىرىنەن سوڭ ءبىرى ءسوز الىپ كادرلارعا ”جۇمىس ايتىپ“ جاتتى. بۇل سانجى وبلىسىنداعى ”قىستاق تۇرعىندارىنىڭ جۇمىس ايتۋ كۇنىندە“ بولاتىن جاعداي.

  ”قىستاق تۇرعىندارىنىڭ جۇمىس ايتۋ كۇنى“ سانجى وبلىسى 2019 - جىلى 4 - ايدا بۇكىل وبلىس كولەمىندە اتقارعان اۋىل - قىستاقتى جونگە سالۋ قىزمەتىنىڭ جاڭا ۇلگىسى سانالادى. پارتيا تاريحىن ۇيرەنۋ تاربيەسىمەن بىرلەستىرىپ، سانجى وبلىسى نازاردى حالىق ءۇشىن ناقتى ءىس ىستەۋگە، قيىن ماسەلەلەردى شەشۋگە شوعىرلاندىرىپ، ”جۇمىس ايتۋ“ قيمىلىنان 7858 رەت وتكىزىپ، ءبىرتالاي ”ايتىلعان جۇمىستاردى“ ءبىتىرىپ، بۇقارانىڭ رازى بولۋ مولشەرى %90تەن استى.

  سانجى وبلىستىق پارتكومنىڭ شۋجيى ۋاڭ گوحى بىلاي دەدى: ”سانجى وبلىسى ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن اۋىل - قىستاقتى گۇلدەندىرۋدى جاپپاي ىلگەرىلەتۋمەن تىعىز بىرلەستىرۋگە تاباندى بولىپ، اۋىل - قىستاقتى گۇلدەندىرۋ، قونىس ورتاسىن جاقسارتۋ، قاتىناس جۇيەسى قۇرىلىسى سياقتى حالىققا ءتيىمدى 10 ينجەنەريانى كۇش سالا اتقارىپ، ەرەكشەلىككە، باسىمدىققا يە كاسىپ سالالارىن ۇلعايتۋ، اۋىل - قىستاقتارداعى ارتىق ەڭبەككۇشتەردى باسقا كاسىپكە ويىستىرۋ، اۋىل - قىستاق دارەتحانالارىن وزگەرتۋ، جەدەل جەتكىزۋدى اۋىل - قىستاقتا جەتكىزۋ سياقتى حالىق ءۇشىن ىستەلەتىن 12 ەلەۋلى ناقتى ءىستى كۇش سالا ويداعىداي ىستەپ، اۋىل - قىستاق قۇرىلىسىنداعى ولقىلىقتاردى تولىقتاپ، اۋىل - قىستاق قۇرىلىسىنىڭ دەڭگەيىن جوعارىلاتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ناقتى ءىستى نەگىزگى ساتىدا شىنايى تياناقتاندىرىپ، جاقسى ءىستى بۇقارانىڭ جۇرەگىنە ۇيالاتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى“.

  پارتيا تاريحىن ۇيرەنۋ تاربيەسى ورىستەتىلگەننەن بەرى، سانجى وبلىسىنداعى ءار دارەجەلى پارتيا ۇيىمدارى مەن قالىڭ پارتيالى كادرلار اتتانىسقا كەلىپ، بۇكىل وبلىستاعى 5997 پارتيا ۇيىمى، 89 مىڭنان استام پارتيالى كادر ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ارقاۋ ەتىپ، بۇقارانىڭ قاجەتىن، كۇتكەن ءىسىن قۇلشىنا شەشتى. تولىقسىز ساناققا نەگىزدەلگەندە، قازىرگە دەيىن بۇكىل وبلىستا بۇقارانىڭ اۋرۋ كورسەتۋى، وقۋعا ءتۇسۋى، جۇمىستانۋى سياقتى ءوندىرىسى مەن تۇرمىسىنداعى قيىن ماسەلەلەردەن جيىنى 12 مىڭنان استامى شەشىلگەن.

جونگە سالۋدى ءبىر ولشەممەن كەمەلدەندىردى

  ”پارتيا ۋاكىلدەرى، قىستاق تۇرعىندارىنىڭ ۋاكىلدەرى، ەندى ءبىز جەردى اينالىمعا سالۋ ءىس جونىندە داۋىس بەرەمىز، قوسىلاتىندارىڭىز قول كوتەرىڭىزدەر...“ بيىل جىل باسىندا جەمسارى اۋدانى بەيتيڭ قالاشىعى گۋچىڭ قىستاعى قىستاق دارەجەلى ”شاعىن، ۇساق بيلىك“ ءتىزىمى تۇزىمىندەگى ەلەۋلى ىستەر جونىندە دەموكراتيالىق جولمەن شەشىم قابىلداۋدىڭ ءتارتىبى تۋرالى بۇقارادان پىكىر الدى. سول كۇنى گۋچىڭ قىستاعىنىڭ ۋىن يۇڭ قاتارلى 5 تۇرعىنى جەردى اينالىمعا سالۋ كەلىسىم - توقتامىن جاساستى.

  ”قازىر’ شاعىن، ۇساق بيلىك‘ ءتىزىمى ءتۇزىمى بولعاندىقتان، قىستاق كادرلارى قاتاڭ تۇردە ءتارتىپ بويىنشا ءىس جۇرگىزەدى، جۇمىس ءتارتىبى اشىق، جاريالى، قىستاق تۇرعىندارىنىڭ زاڭدى ۇقىق - مۇددەسى ءونىمدى قامتاماسىز ەتىلگەن“، - دەيدى ۋىن يۇڭ ءسوزى مەن جۇزىنەن قۋانىش لەبى ەسىپ.

  قىستاق دارەجەلى ”شاعىن، ۇساق بيلىك“ بۇقارانىڭ ءتول مۇددەسىمەن تىكە بايلانىستى. 2017 - جىلى 3 - ايدا جەمسارى اۋدانى بەيتيڭ قالاشىق پارتكومى بيلىك شەگىن اجىراتىپ، كادرلاردىڭ قىزمەت جاۋاپكەرشىلىگىن ايقىنداپ، گۋچىڭ قىستاعىندا قىستاق دارەجەلى ”شاعىن، ۇساق بيلىك“ ءتىزىمى ءتۇزىمىن تۇيىندە سىناق ەتۋ قىزمەتىن ورىستەتتى، سونداي - اق بۇكىل قالاشىققا جالپىلاستىرىپ، تاماشا ناتيجەگە قول جەتكىزدى.

  بيىل بەيتيڭ قالاشىعى پارتيا تاريحىن ۇيرەنۋ تاربيەسىمەن بىرلەستىرىپ، بۇل ءتۇزىمدى كەمەلدەندىرە ءتۇستى. قازىر بۇكىل قالاشىقتىڭ ءارقايسى قىستاعىندا اۋىل شارۋاشىلىعىنا تيىمدىلىك جاساۋ كومەك قاراجاتىنىڭ تاراتىلۋىندا نولدىك اعاتتىق، ەڭ تومەنگى تۇرمىستى قامتاماسىز ەتۋ قاراجاتىن الۋعا باعالاۋدا نولدىك اشكەرەلەۋ جۇزەگە اسىپ، ءتۇرلى داۋ - شارلاردى جاراستىرۋ، ءبىر جاقتى ەتۋدىڭ رازىلىق مولشەرى %98كە جەتىپ، ستيلى پاك، سالتى دۇرىس اۋىل - قىستاق نەگىزگى ساتى ساياسي ەكولوگياسى قالىپتاستى.

  پارتيا تاريحىن ۇيرەنۋ تاربيەسى ورىستەتىلگەننەن بەرى سانجى وبلىسى جەرگىلىكتى قىزمەتتىڭ ءىس جۇزىندىگىمەن بىرلەستىرىپ، اۋىل - قىستاقتى جونگە سالۋدىڭ تيىمدىلىگىن ۇزدىكسىز كۇشەيتىپ، حالىق ءۇشىن قىزمەت ىستەۋ اۋەلگى ماقساتىن امالياتتا ايگىلەپ، قالىڭ پارتيا مۇشەلەرىنىڭ ورنىقتىلىقتى قورعاۋداعى، ىندەتتەن ساقتانۋ - تىزگىندەۋدەگى، اۋىل - قىستاقتى گۇلدەندىرۋدەگى جانە نەگىزگى ساتىنى جونگە سالۋدى كۇشەيتۋدەگى اۆانگارد ۇلگىلىك رولدارىنىڭ تولىق ساۋلەلەنۋىنە مۇمكىندىك جاسادى.

”ۇساق ارەكەتتەر“ حالىق تۇرمىسىنا تيىمدىلىك جاساپ، حالىق تىلەگىن توعىستىردى

  جەمسارى اۋدانى بەيتيڭ قالاشىعى سانچاڭساۋزى مالشىلىق جاڭا قىستاعىنا بارساڭىز، مالشىلاردى وتىرىقتاندىرۋعا ارنالعان ۇيلەردىڭ قاز - قاتار رەتتى ءتىزىلىپ، وقتاي ءتۇزۋ، كەڭ اسفالت جولداردىڭ سايراپ جاتقانىن كورەسىز...

  اۆتونوميالى رايون دارەجەلى كەدەي قىستاقتان بۇكىل قىستاقتىڭ تۇتاسىمەن كەدەيلىكتەن ارىلۋىنا دەيىن، بىرنەشە جىلدا سانچاڭساۋزى مالشىلىق جاڭا قىستاعى كەدەي قىستاقتان ۇلگىلى قىستاققا بۇرىلىس جاساۋدى ورىندادى.

  ”قىستاق تۇرعىندارى بايىپ، قىستاق كەلبەتى كورىكتەنىپ، تۇرمىس باقىتقا شومدى، مىنە ءبىز اڭساعان ءومىر وسى!“، - دەدى قىستاق تۇرعىنى قۇمار ءالي.

  سانجى وبلىسى پارتيا تاريحىن ۇيرەنۋ تاربيەسىن اۋىل - قىستاقتى گۇلدەندىرۋ قىزمەتىن جاپپاي ىلگەرىلەتۋمەن باستان - اياق ساباقتاستىرىپ، نازاردى كاسىپ سالالارىن وركەندەتۋگە شوعىرلاندىرىپ، اۋىل شارۋاشىلىعىنىڭ ەرەكشەلىككە، باسىمدىققا يە كاسىپ سالالارىن زور كۇشپەن دامىتىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ جوعارى ساپالى دامۋىن جۇيەلى ىلگەرىلەتىپ، قىستاق تۇرعىندارىن ”كوكسەگەن تۇرمىسقا“ جەتكىزدى.

  پارتيا تاريحىن ۇيرەنۋ تاربيەسى ورىستەتىلگەننەن بەرى ماناس اۋدانى گۋاڭدۇڭدي اۋىلى شياۋحايزى قىستاعى ەرەكشە ساياحات بايلىقتارىن بىرىكتىرىپ، قىزىل ساياحاتتىڭ تاڭداۋلى جەلىلەرىن قالىپتاستىرۋدى اۋىل شارۋاشىلىعىنىڭ سەرۋەندىك ەكولوگيالىق كۇرىش اتىزى، قىزىل ەستەلىكتەردى ساقتاۋ سارايى سياقتى كورىنىس ءتۇيىنى قۇرىلىستارىمەن بىرلەستىرىپ، ساياحاتشىلارعا ”قىزىل ساياحاتتىڭ“ وزگەشە تارتىمدىلىعىن سەزىندىردى.

  ”مەن بۇقارا ءۇشىن ناقتى ءىس ىستەيمىن قيمىلىن ورىستەتىپ، نەگىزگى ساتى پارتيا ۇيىمدارىنىڭ’ ۇيىمداستىرۋ قابىلەتىنىڭ‘ ايتارلىقتاي جوعارىلاۋىن، پارتيا مۇشەلەرىنىڭ اۆانگارد ۇلگىلەرىنىڭ ’جەتەكتەۋ قابىلەتىنىڭ‘ تولىق ساۋلەلەنۋىن، پارتيا مەن بۇقارا جۇرەكتەس بولۋدىڭ ’ۇيىستىرۋ قۋاتىنىڭ‘ ۇزدىكسىز كۇشەيۋىن جەبەدىك“. ماناس اۋدانى گۋاڭدۇڭدي اۋىلدىق پارتكومنىڭ شۋجيى باۋ شۇيگاڭنىڭ ايتۋىنشا، پارتيالى كادرلار ازدى - كوپتى ”ۇساق ارەكەتتەرمەن“ حالىق تۇرمىسىنا تيىمدىلىك جاساپ، حالىق تىلەگىن توعىستىرىپ، ءار ۇلت قىستاق تۇرعىندارىن ىنتىماقتاستىرىپ، باستاپ، اۋىل - قىستاقتى گۇلدەندىرۋدى قۇلشىنا ىلگەرىلەتىپ، قىستاق تۇرعىندارىنىڭ تابىس سەزىمى، باقىت سەزىمى ايتارلىقتاي جوعارىلاعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.