انار بۇلت / شينجياڭ گازەتىنىڭ ءتىلشىسى جازيرا نەسىپبەك
” العاش رەت ىلە وبلىستىق اكىمشىلىك ىستەر قىزمەت وتەۋ زالىنا جۇمىس بىتىرۋگە بارعانىمدا، كولىك جۇرگىزۋ كۋالىگىن تەكسەرۋدەن وتكىزۋ جۇمىسىن بىتىرۋگە ۇزاق ۋاقىت كەتەر دەگەن ويمەن، ارنايى جارتى كۇن رۇقسات العان بولاتىنمىن، الايدا 20 مينۋتقا جەتپەيتىن ۋاقىتتا ءبىتىپ بولدى“. 5 - ايدىڭ 25 - كۇنى ىلە قازاق اۆتونوميالى وبلىسى شاپشال سىبە اۆتونوميالى اۋدانى بەسسۇمۇل قالاشىعىنىڭ تۇرعىنى لينا قاتتى رازى بولدى.
پارتيا تاريحىن ۇيرەنۋ تاربيەسى بارىسىندا ىلە وبلىسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ماڭىزدى مازمۇن ەتىپ، «ىلە وبلىستىق پارتكومنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋ جونىندەگى اتقارۋ جوباسىن» زەرتتەپ جاساپ، اۆتونوميالى وبلىستىڭ بۇقارا ءۇشىن ناقتى ءىس ىستەۋ تىزىمدىگىن جاساپ، بۇقارانىڭ شۇعىل، قيىن، الاڭداعان، كوكەي تەستى ماسەلەلەرىن كوزدە ۇستاي وتىرىپ، قىزمەت مىندەتتەرىن اشالادى، ناقتىلاندىردى، ناقتى شارانى، جاۋاپكەرشىلىكتى، باسشىلىقتى، ت. ب ايقىنداپ، كەزەڭدىك تابىستارعا قول جەتكىزدى.
ىلە قازاق اۆتونوميالى وبلىستىق پارتكومنىڭ شۋجيى، اۆتونوميالى وبلىستىق پارتيا تاريحىن ۇيرەنۋ تاربيەسى باسشىلىق گرۋپپاسىنىڭ باستىعى چيۋ شۋحۋا بىلاي دەدى: حالىقتى وزەك ەتكەن دامۋ يدەياسىنا تاباندى بولىپ، جوعارى ساپالى دامۋدى حالىق بۇقاراسىنىڭ تاماشا تۇرمىسقا دەگەن قاجەتىن قاناعاتتاندىرۋمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىلدى جاقسى ورىستەتىپ، ”حالىققا تيىمدىلىك جاساۋداعى 10 ءتۇرلى ينجەنەريانى“ ويداعىداي اتقارىپ، بۇقارانىڭ شۇعىل، قيىن، الاڭداعان، كوكەي تەستى ناقتى ماسەلەلەرىن شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
ءىستى جاقسى ىستەۋدە ”ناقتى بولۋدى“ كورنەكتىلەندىردى
ناقتى ءىس ىستەۋ، جاقسى ءىستى ناق ىستەۋ ءۇشىن، ىلە وبلىسى بۇقارانىڭ ەڭ قيىن، ەڭ كوكەي تەستى ماسەلەلەرىن دالمە - ءدال تاۋىپ، مىقتاپ يگەرىپ، ”مەن بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىل تىزىمدىگىن شىعاردى.
ىلە وبلىستىق اكىمشىلىك قىزمەت وتەۋ باسقارۋ مەكەمەسى ”تەك ءبىر ەسىككە بارۋ“، ”ءبىر توراپتا تۇتاسىمەن ءبىتىرۋ“، ”ەڭ كوپ بولعاندا ءبىر رەت عانا شاپقىلاۋ“، ”ءبىر تەلەفون ءنومىرى ارقىلى قىزمەت وتەۋدى باسقارۋ“ نىساناسىن جۇزەگە اسىرۋدى سەرپىلىس ءتۇيىنى ەتىپ، اناعۇرلىم كوپ اكىمشىلىك قىزمەت وتەۋ ىستەرىندە ”ءبىر ءىستى ءبىر جولدا ءبىتىرۋ“، بۇقارانىڭ سىرتقا شىعىپ جۇمىس بىتىرۋدەگى ءساتتى ءارى تەز ءبىتىرۋ قاجەتىن شىنايى قاناعاتتاندىردى.
بيىل ىلە وبلىسى 22 ميلليارد 184 ميلليون يۋان قارجى قوسىپ 30 مىڭ لاشىقتى اۋماقتى جاڭالاۋدى، 738 ميلليون يۋان قارجى قوسىپ كونەرگەن، ەسكى اۋماقتاردى جاڭالاۋدى جوسپارلاپ وتىر، بۇل 18 مىڭ 12 وتباسىنا سايادى.
قۇلجا قالالىق ەلەكتر زاۆودىنىڭ سەميالىقتار اۋلاسى بيىل قۇلجا قالاسىندا تۇڭعىش توپتا جاڭالاناتىن بايىرعى، كونە شاعىن اۋماقتاردىڭ ءبىرى، وسى رەتكى جاڭالاۋدا اۋماقتاعى 21 عيماراتتىڭ سىرتقى قابىرعاسىنىڭ جىلۋ ساقتاۋىن، توبەنىڭ سۋ وتكىزبەۋىن، سۋ جەتكىزۋىن، سۋمەن قامداۋ، سۋمەن ىعىستىرۋ ترۋبا تورىن وزگەرتۋدەن سىرت، شاعىن اۋماققا زەردەلىلەنگەن اۆتوكولىك تۇراعى، حالىققا قولايلى ەرەن بازار قاتارلىلار قوسىلدى.
”بايىرعى، كونە شاعىن اۋماقتى جاڭالاۋ ينجەنەرياسى ءبىزدىڭ قونىس ورتامىزدى جاقسارتىپ، ءبىزدى ناقتى يگىلىككە كەنەلدىردى“، - دەدى قۇلجا قالالىق ەلەكتر زاۆودى سەميالىقتار اۋلاسىنىڭ تۇرعىنى حۋاڭ ييۋان.
كوڭىلدى جادىراتاتىن ىستەر ”سۇيىسپەنشىلىك“ تۋىنداتتى
”مەن بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىل ىلە وبلىسىنداعى پارتيالى كادرلاردىڭ كىشى پەيىلدىلىكپەن، سۇيىسپەنشىلىكپەن، دەن قويا بۇقارا ءۇشىن جاقسى ءىس ىستەۋىنە مۇمكىندىك جاساپ، كادرلار مەن بۇقارا اراسىنداعى ”ەڭ سوڭعى ءبىر كيلومەتردى“ تۇتاستىردى.
5 - ايدىڭ 26 - كۇنى قۇلجا قالاسى دادامتۇ قالاشىعى دادامتۇ قىستاعىنىڭ تۇرعىنى تۇرسۇن مامەت قامسىزداندىرۋ سەرىكتەستىگى تولەگەن 2 - رەتكى اقشانى تاپسىرىپ الىپ، كوڭىلى قۋانىشقا تولدى. ءاسىلى 2020 - جىلى تۇرسۇننىڭ ءبىر سيىرى ءولىپ قالعان ەدى، ءبىراق ءتيىستى تولەم اقشانى كوپكە دەيىن تاپسىرىپ الا الماعان. 4 - ايدىڭ 20 - كۇنى قۇلجا قالالىق قوعام حاۋىپسىزدىگى مەكەمەسىنىڭ دادامتۇ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ سايكەستىرۋى ارقىلى قامسىزداندىرۋ سەرىكتەستىگى تۇرسۇنعا مەرزىمگە ءبولىپ تولەم اقى تولەۋ ءتارتىبىن ىسكە قوستى.
كۇيتۇن قالاسى ىنتىماق كوشەسى ءمالىسى شۋگۋاڭلي الەۋمەتتىك اۋماعى حالىققا قولايلى قىزمەت وتەۋ تۇيىندەرىن قۇردى، 4 ايدان بەرى حالىققا قولايلى قىزمەت وتەۋ تۇيىندەرى ساياحاتشىلار، ورتا قورعاۋ جۇمىسشىلارى، باۋ - باقشا جۇمىسشىلارى، تاپسىرىسپەن تاماق جەتكىزۋشىلەر ءۇشىن ”ساياحات جوباسى، جۇمىس ءبىتىرۋ، تاماقتانۋ، دەمالىس، دارەتحانا“ سياقتى كوپ ءتۇرلى حالىققا ءتيىمدى قىزمەت وتەۋدى ازىرلەدى.
5 - ايدىڭ 26 - كۇنى قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى كادرلار داۋ - شارىنا تورەلىك ايتۋ ورنىنىڭ باستىعى گو جيڭ قۇلجا قالاسى داۋلەتباق ءمالىسى توپشى الەۋمەتتىك اۋماعىنداعى قيىنشىلىعى بار 5 وتباسىنىڭ بالالارىنا قارايلاسىپ، ولارعا سومكە، وقۋ قۇرالدارى قالبىرى، داپتەر سياقتىلاردى ۇسىنىپ، ولاردىڭ ”1 - ماۋسىم“ حالىقارالىق بالالار مەرەكەسىن الدىن الا قۇتتىقتادى.
ساناققا قاراعاندا، ”مەن بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىل ورىستەتىلگەننەن بەرى ىلە وبلىسىنا توتە قاراستى 6065 ءار دارەجەلى پارتيا ۇيىمىنداعى 140 مىڭنان استام پارتيا مۇشەسى 5637 رەت ەرىكتى قىزمەت وتەگەن.
قيىن ماسەلەلەردى شەشۋ ”كەڭىنەن“ قامتىلدى
ىلە وبلىسى ورىستەتكەن ”مەن بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىلدىڭ مازمۇنى باي، قامتۋ كولەمى كەڭ، بۇقارانىڭ ناقتى مۇددەسىنە ساياتىن كوپتەگەن جاقتى قامتىدى.
5 - ايدىڭ 26 - كۇنى قورعاس اۋدانى حۇييۋان قالاشىعى شينچىڭ قىستاعىنىڭ تۇرعىنى قاسىمجان قادىر جوعارى جىلدامدىقتى تاس جولدىڭ ەكى جاعاسىنداعى ورماندىق جەرگە كەلىپ، ءوزىنىڭ باپتاپ - قورعاۋىنداعى اعاشتاردىڭ تولىق سۋارىلعان - سۋارىلماعاندىعىن تەكسەردى. بۇل ارا بيىل ىلە وبلىسى قالىپتاستىرىپ وتىرعان ليانيۇنگاڭ - قورعاس جوعارى جىلدامدىقتى تاس جولدىڭ قۇلجادان قورعاسقا دەيىنگى 100 شاقىرىمدىق جاسىل ءدالىز ينجەنەرياسىنىڭ ءبىر بولىگى. بۇل ينجەنەريا جەرگىلىكتى ورىننىڭ ەكولوگيالىق ورتاسىن جاقسارتۋمەن بىرگە، ءار جىلى 120 قورعاۋشى قىزمەت ورنىمەن قامدايدى، قاسىمجان مىنە وسىنىڭ يگىلىگىن كورۋشىلەردىڭ ءبىرى. ”وتباسىمىزداعى 12 مۋ جەرىمدى اينالىسقا بەرىپ اعاش ەككەننەن كەيىن، ءوزىم وسى ورماندىق جەردە قورعاۋشى بولىپ ورنالاستىم، جىلىنا تاباتىن كىرىسىم 50 مىڭ يۋاننان كەم تۇسپەيدى“، - دەدى قاسىمجان.
5 - ايدىڭ 26 - كۇنى توعىزتاراۋ اۋدانى تاستوبە اۋىلى باقاباي قىستاعىندا قىستاق تۇرعىنى مايرا نۇرتاي پوچتا جەدەل جولداماسى ارقىلى ينتەرنەتتەن ساتىپ العان كيىمىن تاپسىرىپ الدى. بيىل ىلە وبلىسى ”جەدەل جولدامانى قىستاققا ەنگىزۋ“ ينجەنەرياسىن ىلگەرىلەتتى، قازىرگە دەيىن وبلىسقا توتە قاراستى 674 قۇرىلىمدىق قىستاقتىڭ ىشىندە جەدەل جولداما جولداۋعا بولاتىنى 140، باقاباي قىستاعى وسىنىڭ بىرەۋى.
ىلە وبلىستىق وقۋ - اعارتۋ مەكەمەسى 50 ميلليون يۋان قارجى قوسىپ مىندەتتى وقۋ - اعارتۋ كەزەڭىندەگى 108 مەكتەپتەگى 100 مىڭ وقۋشىنىڭ اس - تاماق جاعدايىن كۇشەيتتى؛ ىلە وبلىستىق دەنساۋلىق ساقتاۋ، سالاماتتىق كوميتەتى 11 اۋدان، قالاداعى حالىق شيپاحاناسىن سەركە ەتىپ، باسقا 19 اۋدان دارەجەلى شيپاحانا مەن 127 اۋىل - قالاشىق ەمحاناسى، الەۋمەتتىك اۋماق دەنساۋلىق ساقتاۋ قىزمەت وتەۋ ورتالىعى ءبىر تۇلعالاندىرىلعان شوعىرلى اۋدان ءوڭىرى ورتاق تۇلعاسىن قۇرىپ، نەگىزگى ساتىنىڭ ەمدەۋ قىزمەت وتەۋ قابىلەتىن جوعارىلاتتى؛ ىلە وبلىستىق ءادىليا مەكەمەسى وبلىسقا توتە قاراستى اۋىل، قالاشىق، ءمالى الەۋمەتتىك قىزمەت وتەۋ قىزمەت پۋنكتىنە 56 الەۋمەتتىك زاڭدىق قىزمەت وتەۋ زەردەلى قۇلتەمىرىن سەپتەپ، زاڭدىق كەڭەس سۇراۋ قىزمەت وتەۋ ىستەرىن ”ينتەرنەتتە ءبىتىرۋ، ساۋساق ۇشىندا ءبىتىرۋ، الاقاندا ءبىتىرۋ“ جۇزەگە اسىرىلدى...
جولدار بارعان سايىن ىركىلىسسىزدەندىرىلدى، قالا اۋماعىندا كولىك تۇراقتارى كورنەكتى كوبەيدى، بۇقارانىڭ رۋحاني مادەني تۇرمىسى ۇزدىكسىز بايىدى... ىلە وبلىسى ورىستەتكەن ”مەن بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىلى ءار ۇلت بۇقاراسىنا اناعۇرلىم ناقتى تيىمدىلىكتەر اكەلدى.
