انار بۇلت / شينجياڭ گازەتىنىڭ ءتىلشىسى يان شياۋتيان 5 - ايدىڭ 31 - كۇنى ۇرىمجىدەن حابارلايدى. 5 - ايدىڭ 31 - كۇنى، پيونەرلەر وتريادى شينجياڭ ۇيعۇر اۆتونوميالى رايوندىق 7 - قۇرىلتايى ۇرىمجىدە اشىلدى.
اۆتونوميالى رايوندىق پارتكومنىڭ تۇراقتى مۇشەسى، ۋاقىتتىق باس حاتشى سارقىت اقان قۇرىلتايعا قاتىناسىپ، اۆتونوميالى رايوندىق پارتكوم مەن ۇكىمەت اتىنان قۇرىلتايدىڭ اشىلعاندىعىن قۇتتىقتاپ، بارلىق ۋاكىلدەرگە، بۇكىل رايونداعى قالىڭ ءوسپىرىم بالالارعا جانە پيونەرلەر وتريادى قىزمەتكەرلەرىنە سالەم جولدادى، بۇكىل رايونداعى قالىڭ ءوسپىرىم بالالاردىڭ باس شۋجي شي جينپيڭنىڭ ءتالىمىن ەستە بەرىك ساقتاپ، كىشكەنتايىنان پارتيانىڭ سوزىنە قۇلاق اسىپ، پارتياعا ىلەسىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلۋىن ءۇمىت ەتتى.
ءماجىلىس مىنالاردى باسا دارىپتەدى: بۇكىل رايونداعى ءار دارەجەلى پيونەرلەر وتريادى ۇيىمدارى باس شۋجي شي جينپيڭنىڭ ءوسپىرىم بالالار مەن پيونەرلەر وتريادى قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، قالىڭ ءوسپىرىم بالالاردى ويداعىداي ىنتىماقتاستىرۋ، ويداعىداي تاربيەلەۋ، ويداعىداي جەتەكتەۋ، ولارعا ويداعىداي قىزمەت وتەۋ كەرەك. بۇكىل رايونداعى ءار دارەجەلى كوممۋنيستىك جاستار وداعى ۇيىمدارى پيونەرلەر وتريادىنىڭ قىزمەتتى جاسامپازدىقپەن ورىستەتۋىنە باستاماشىلدىق ەتۋ، قولداۋ كورسەتۋ قاجەت. پيونەرلەر وتريادى جەتەكشىلەرى مەن پيونەرلەر وتريادى قىزمەتكەرلەرى ۇلەس قوسۋ رۋحىن ۇزدىكسىز ساۋلەلەندىرىپ، پيونەرلەر ىستەرىنە تىڭ اناعۇرلىم زور ۇلەس قوسۋ ءتيىس.
ءماجىلىس مىنالاردى اتاپ كورسەتتى: بۇكىل رايونداعى ءار دارەجەلى پارتكومدار مەن ۇكىمەتتەر ءوسپىرىم بالالارعا كوڭىل ءبولىپ، ءوسپىرىم بالالارعا كوپتەپ ناقتى ىستەر ىستەۋ كەرەك. ءار دارەجەلى وقۋ - اعارتۋ اكىمشىلىك تاراۋلارى پيونەرلەر وتريادى قىزمەتىن ”5 تاربيەنى قاتار جۇرگىزۋ“ سىندى ادام تاربيەلەۋ جۇيەسىنە ەنگىزىپ، پيونەرلەر وتريادى قىزمەتى مەن مەكتەپ وقۋ - اعارتۋ ىستەرىن توعىستىرا دامىتۋدى ىلگەرىلەتۋ كەرەك. مەكتەپ، وتباسىلارىنىڭ جانە قوعامداعى ءار سالا ءوسپىرىم بالالاردىڭ اقاۋسىز ەرجەتۋىنە ءتيىمدى تاماشا رايدى قۇلشىنا قالىپتاستىرۋ كەرەك.
ءماجىلىس «اۆتونوميالى رايوندىق 6 - كەزەكتى پيونەرلەر وتريادى قىزمەت كوميتەتىنىڭ قىزمەت بايانداماسىن» تالقىلاپ ماقۇلدادى. اۆتونوميالى رايوندىق 7 - كەزەكتى پيونەرلەر وتريادى قىزمەت كوميتەتىنىڭ ءبىرىنشى جالپى ءماجىلىسى اۆتونوميالى رايوندىق 7 - كەزەكتى پيونەرلەر وتريادى قىزمەت كوميتەتى باسشىلىق قۇرىلىمىنداعىلاردى سايلادى.
