تيانشان تورى   ›   جاڭالىقتار   ›   شينجياڭ حابارلارى

باقىتقا تالپىنعان قادامىمىزعا ەشكىم دە بوگەت بولا المايدى

كەريا اۋدانىنداعى ديقانى ماڭنيساحان ءسايدي

  مەن كەريا اۋدانىنىڭ ديقانىمىن. 2018 - جىلى كۇزدە كۇيەۋىم ماقتا تەرىپ مول اقشا تابۋعا بولاتىنىن ايتىپ قىزىقتىردى، مەنىمەن اقىلداسقاننان كەيىن، ول دوستارىمەن بىرگە اقسۋعا ماقتا تەرۋگە كەتتى. ماقتا اتىزىنا بارعاننان كەيىن، كۇيەۋىم ماعان تەلەفون شالىپ، ماقتاشىلاردى ىشەر اس، جاتىن ورىنمەن قامدايتىندىعىن، ماقتانى قانشا كوپ تەرسە سونشا كوپ اقشا تاباتىندىعىن، ۋاقىتتى تۇگەلدەي وزدەرىنىڭ ورنالاستىراتىندىعىن، ماعان ۇيگە الاڭسىز قاراۋىمدى قۋانا ايتتى. سول جولى كۇيەۋىم اقسۋدا ءبىر ايدان استام ۋاقىت ماقتا تەرىپ، 6000 يۋاننان استام اقشا تاپتى.

  بىلتىر كۇزدە كۇيەۋىم مەنى ەرتىپ اتىزداعى جۇمىستاردى تىندىرىپ تاستادى دا، اقسۋعا ماقتا تەرۋگە تاعى دا جول الدى، 40 كۇنگە جەتپەيتىن ۋاقىت ىشىندە ول 7000 يۋاننان استام اقشا تاپتى. قايتىپ كەلگەننەن كەيىن، ول ماعان كوپتەگەن جاڭا كيىم - كەشەك، بەزەنۋ بۇيىمدارى، القا - مونشاق جانە بالالارعا ساباقتان سىرتقى كىتاپتار جانە ويىنشىق ساتىپ الىپ بەردى، وتباسىمىزداعىلار مەرەكە وتكىزگەندەي قۋانىپ قالدىق. ماقتا تەرۋ وتباسىمىزدىڭ كىرىسىن ارتتىرىپ، ۇيىمىزدەگى كوپتەگەن قيىنشىلىقتاردى شەشتى، قازىر ءبىزدىڭ تۇرمىس شارت - جاعدايىمىز بارعان سايىن جاقسارىپ كەلەدى.

  جۋىقتا كەيبىر شەتەل كاسىپورىندارى شينجياڭعا جالا جاۋىپ، شينجياڭنىڭ ماقتا وندىرىسىندە ايتىلمىس ”زورلىقپەن ەڭبەككە سالۋ“ ءومىر سۇرۋدە دەپ سوقتىرتۋمەن قويماي، ءبىزدىڭ شينجياڭنىڭ ماقتاسىن شەكتەگەندىگىن ەستىپ، كۇيەۋىم ەكەۋىمىز اشۋدان جارىلارداي بولدىق. ءبىر ءۇيلى جاننىڭ ويداعىداي تۇرمىس كەشىرۋى ءۇشىن، كۇيەۋىم ءار جىلى مەنىمەن بىرگە وتباسىنداعى ەگىس جۇمىستارىن ىڭعايلاپ بولىپ ىرىقتى تۇردە ماقتا تەرىپ اقشا تابادى، ءبىزدىڭ وسىنشاما قۇلشىنىس جاساپ تاماشا تۇرمىسقا جەتۋىمىزدىڭ وسى كاسىپورىندار جاعىنان ”زورلىقپەن ەڭبەككە سالۋ“ دەپ بۇرمالانادى دەپ ويلاپ تا كورمەپپىن، بۇل بارىپ تۇرعان جەكسۇرىندىق قوي!

  مەن وسى كاسىپورىنداردان: سوندا ءبىز ەڭبەكتەنبەيمىز بە، اقشا تاپپايمىز با، وتباسىمىزداعىلاردىڭ جاقسى تۇرمىس كەشىرۋىنە مۇمكىندىك جاراتپايمىز با؟ ەڭبەكشىل قوس قولىمىزعا سۇيەنىپ كىرىسىمىزدى ارتتىرىپ، تۇرمىستىق شارت - جاعدايىمىزدى جاقسارتۋىمىز ”زورلىقپەن ەڭبەككە سالعاندىق“ بولا ما؟ - دەپ سۇراعىم كەلەدى. سەندەردىڭ بۇلايشا وسەك - اياڭ تاراتىپ شينجياڭعا كۇيە جاعۋلارىڭنان ناعىز سۇرقيا نيەتتەرىڭ مەن مۇندالايدى. سەندەرگە ايتىپ قويايىن: ءبىز قاجىرلىلىقپەن ەڭبەكتەنىپ، اقشا تاۋىپ جاقسى تۇرمىس كەشىرۋگە قۇلشىنامىز، باقىتقا تالپىنعان قادامىمىزعا ەشكىم دە بوگەت بولا المايدى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.