اۋات اۋداندىق ساياسي كەڭەستىڭ ءتوراعاسى ابدۇراحىمان ءيمىرامزا
پومپەو، جىڭ گوىن شينجياڭعا ساياتىن ”عاسىرلىق وسەك - اياڭ“ تاراتىپ، جۇڭگونىڭ شينجياڭدى جونگە سالۋ ساياساتىنا قيسىنسىز سوقتىعىپ، شينجياڭنىڭ اسا تاماشا جاعدايىنا جانە ءار ۇلت حالقىنىڭ باقىتتى تۇرمىسىنا قاساقانا كۇيە جاقتى. مەن بۇعان باتىل قارسى تۇرامىن جانە قاتاڭ ايىپتايمىن.
وڭتۇستىك شينجياڭدا تۋىپ - وسكەن نەگىزگى ساتى كادرى رەتىندە، مەن شينجياڭدا تۋىلعان وراسان زور وزگەرىستەردى كوزىممەن كوردىم: وسى بىرنەشە جىلدا ءبىز لاڭكەستىككە قارسى تۇرىپ، ورنىقتىلىقتى قورعاۋ، ۇشقارىلىقتى الاستاۋ كۇرەسىن زاڭ بويىنشا ورىستەتتىك، 4 جىلدان استام ۋاقىتتان بەرى زورلىقتى كۇش لاڭكەستىك دەلوسى (وقيعاسى) تۋىلعانى جوق؛ وسى بىرنەشە جىلدا ءبىز حالىق تۇرمىسى ينجەنەرياسىن زور كۇشپەن اتقاردىق، قىستاقتاردىڭ بارىنە اسفالت جول تۇتاستىرىلىپ، قالا، اۋىل تۇرعىندارى جالپى حالىقتىڭ دەنساۋلىعىن تەگىن تەكسەرتۋدى جۇزەگە اسىرىپ، ديقاندار بەيقۇت ۇيلەرگە كوشىپ كىردى. وسى بىرنەشە جىلدا پارتيا مەن ۇكىمەت اۋىل - قىستاقتى گۇلدەندىرۋ، ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ، الەۋمەتتىك يگىلىك سيپاتتى جۇمىس ورنىن اشۋ سياقتى كوپ ءتۇرلى ارنالار ارقىلى ءار ۇلت بۇقاراسىنىڭ كىرىستەرىن ارتتىرىپ بايۋى ءۇشىن شىعار جول ىزدەپ، ءادىس - امال قاراستىردى.
ءبىز پومپەو، جىڭ گوىنعا عاسىرلىق وسەك - اياڭدارىڭدى دوعارىڭدار، ءبىزدىڭ شينجياڭنىڭ تىنىش، جاراسىمدى، گۇلدەنىپ، دامىعان اسا تاماشا جاعدايى وڭاي - وسپاق قولعا كەلمەگەن، ءار ۇلت حالقى مۇنى بارىنشا قورعايدى، اسا قاستەرلەيدى، سەندەردىڭ قيسىنسىز جازعىرۋلارىڭ مەن ءجونسىز كيلىگۋلەرىڭە استە جول بەرىلمەيدى دەپ ەسكەرتەمىز.
