تيانشان تورى   ›   جاڭالىقتار   ›   ماڭىزدى حابارلار

حالىقارالىق تاراتۋ قىزمەتىن كۇشەيتىپ جانە جاقسارتىپ، شىنايى، ستەرەولدى، جان - جاقتىلى جۇڭگونى ايگىلەۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 30 - رەتكى توپتىق ۇيرەنۋىندە بىلاي دەپ باسا دارىپتەدى

حالىقارالىق تاراتۋ قىزمەتىن كۇشەيتىپ جانە جاقسارتىپ، شىنايى، ستەرەولدى، جان - جاقتىلى جۇڭگونى ايگىلەۋ كەرەك

  شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 5 - ايدىڭ 31 - كۇنى تۇستەن كەيىن ەلىمىزدىڭ حالىقارالىق تاراتۋ قابىلەتى قۇرىلىسىن كۇشەيتۋ جونىندە 30 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جۇڭگو حيكاياسىن جاقسى بايانداپ، جۇڭگونىڭ ءۇنىن جاقسى تاراتىپ، شىنايى، ستەرەولدى، جان - جاقتىلى جۇڭگونى ايگىلەۋ − ەلىمىزدىڭ حالىقارالىق تاراتۋ قابىلەتى قۇرىلىسىن كۇشەيتۋدەگى ماڭىزدى مىندەت. جاڭا جاعدايدا حالىقارالىق تاراتۋ قىزمەتىن كۇشەيتۋدىڭ جانە جاقسارتۋدىڭ ماڭىزدىلىعى مەن قاجەتتىلىگىن جەتە تانىپ، حالىقارالىق تاراتۋ قابىلەتى قۇرىلىسىن زور كۇشپەن كۇشەيتىپ، ەلىمىزدىڭ جالپىلىق مەملەكەت قۋاتىمەن جانە حالىقارالىق ورنىمەن سايكەسەتىن حالىقارالىق ءسوز بيلىگىن قالىپتاستىرىپ، ەلىمىزدىڭ رەفورما جاساۋىنا، دامۋىنا، ورنىقتىلىعىنا ءتيىمدى سىرتقى قوعامدىق پىكىر ورتاسىن ازىرلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋ كەرەك.

  فۋدان داشۋەسىنىڭ پروفەسسورى جاڭ ۋيۋي وسى ماسەلە جونىندە تۇسىنىك جاساپ، قىزمەت ۇسىنىستارىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: پارتيامىز سىرتقا تاراتۋ قىزمەتىنە ەجەلدەن ايرىقشا ءمان بەرىپ كەلەدى. پارتيا 18 - قۇرىلتايىنان بەرى ءبىز حالىقارالىق تاراتۋدا تۋراشىلدىقتى ساقتاپ، جاڭالىق اشۋدى زور كۇشپەن ىلگەرىلەتىپ، ىشكى ۇگىت، سىرتقى ۇگىت ءتۇزىلىسىن رەتتەپ، حالىقارالىق ىقپال قۋاتىنا يە اقپارات قۇرالدارى شوعىرىن تۇلعالاپ، جۇڭحۋا مادەنيەتىنىڭ سىرتقا شىعۋىن بەلسەندىلىكپەن ىلگەرىلەتىپ، حالىقارالىق قوعامدىق پىكىرگە جەتەكشىلىك ەتۋدى جانە قوعامدىق پىكىر كۇرەسىن ءونىمدى ورىستەتىپ، كوپ تۇلعالى، ستەرەولدى زور سىرتقى ۇگىت ارناسىن باستاپقى قادامدا قالىپتاستىردىق، ەلىمىزدىڭ حالىقاراداعى ءسوز بيلىگى مەن ىقپال قۋاتى كورنەكتى جوعارىلادى، سونىمەن بىرگە جاڭا جاعداي مەن مىندەتكە دە ءدوپ كەلدى. ءسوز جوق، جوعارى دەڭگەيدە جوبالاۋدى جانە زەرتتەۋ جۇرگىزىپ ورنالاستىرۋدى كۇشەيتىپ، جۇڭگوشا ەرەكشەلىگى ايقىن ستراتەگيالىق تاراتۋ جۇيەسىن ورناتىپ، حالىقارالىق تاراتۋ ىقپال قۋاتىن، جۇڭحۋا مادەنيەتىنىڭ تارتىمدىلىق قۋاتىن، جۇڭگو وبرازىنىڭ باۋراۋ قۋاتىن، جۇڭگو ءسوزىنىڭ يلاندىرۋ قۋاتىن، حالىقارالىق قوعامدىق پىكىرگە جەتەكشىلىك ەتۋ قۋاتىن كۇش سالا جوعارىلاتۋ كەرەك.

  شي جينپيڭ بىلاي دەپ اتاپ كورسەتتى: جۇڭگونىڭ سويلەۋ جانە جۇڭگونىڭ بايانداۋ جۇيەسىن جەدەل ورناتىپ، جۇڭگو نازارياسى ارقىلى جۇڭگو امالياتىن ءتۇسىندىرىپ، جۇڭگو امالياتى ارقىلى جۇڭگو نازارياسىن ارلەندىرىپ، جۇڭگو مەن شەتەلدى توعىستىرا بايلانىستىرعان جاڭا ۇعىم، جاڭا كاتەگوريا، جاڭا بايانداۋ قالىپتاستىرىپ، جۇڭگو حيكاياسىنىڭ، سونداي - اق ونىڭ استارىنداعى يدەيالىق كۇش پەن رۋحاني كۇشتى اناعۇرلىم تولىق، اناعۇرلىم ايقىن ايگىلەۋ كەرەك. جۇڭگو كوممۋنيستىك پارتياسى جونىندەگى ۇگىتتى، ءتۇسىندىرۋدى كۇشەيتىپ، شەتەل جۇرتشىلىعىنىڭ جۇڭگو كوممۋنيستىك پارتياسىنىڭ شىن مانىندە جۇڭگو حالقىنىڭ باقىتىن كوزدەۋ جولىندا كۇرەس جاساعاندىعىن جەتە تانۋىنا، جۇڭگو كوممۋنيستىك پارتياسىنىڭ نەلىكتەن يقۋاتتى ەكەندىگىن، ماركسيزمنىڭ نە ءۇشىن جۇزەگە اساتىندىعىن، جۇڭگوشا سوتسياليزمنىڭ نە ءۇشىن جاقسى ەكەندىگىن تۇسىنۋىنە كومەكتەسۋ كەرەك. جۇڭگو رۋحىن، جۇڭگو قۇنىن، جۇڭگو كۇشىن ارقاۋ ەتىپ، ساياسي، ەكونوميكا، مادەنيەت، قوعام، ەكولوگيالىق وركەنيەت سياقتى كوپ تۇرعىدان ىشكەرىلەي زەرتتەۋ جۇرگىزىپ، حالىقارالىق تاراتۋ قىزمەتىن ورىستەتۋگە عىلمي قاعيدالىق تىرەك ازىرلەۋ كەرەك. جۇڭحۋا مادەنيەتىنىڭ سىرتقا شىعۋىن اناعۇرلىم ويداعىداي ىلگەرىلەتىپ، مادەنيەت ارقىلى قيسىندى ۇعىندىرىپ، مادەنيەت ارقىلى ءۇن جەتكىزىپ، مادەنيەت ارقىلى اسەرلەندىرىپ، دۇنيە جۇزىنە جۇڭگوشا ەرەكشەلىككە يە، جۇڭگو رۋحىن ايگىلەيتىن، جۇڭگونىڭ اقىل - پاراساتى قوردالانعان اناعۇرلىم كوپ تاڭداۋلى مادەنيەتتى ءتۇسىندىرۋ، تانىستىرۋ كەرەك. نەگىزگى اۋەندى ويداعىداي مەڭگەرۋگە باسا ءمان بەرىپ، اشىق تا وزىنە سەنىمدى بولۋمەن بىرگە، كىشى پەيىل دە بايسالدى بولىپ، سەنىمدى، سۇيىكتى، قاستەرلى جۇڭگو وبرازىن قۇلشىنا سومداۋ كەرەك.

  شي جينپيڭ بىلاي دەپ باسا دارىپتەدى: جۇڭگو دارىپتەمەسىن، جۇڭگو پاراساتىن، جۇڭگو جوباسىن كەڭىنەن ۇگىتتەۋ، تانىستىرۋ كەرەك، ەلىمىز دۇنيە ءجۇزى ساحناسىنىڭ تورىنە كۇن سايىن جاقىندادى، الەمدىك ىستەردە اناعۇرلىم زور رول اتقاراتىن، ءار ەلمەن بىرگە كۇللى ادامزات ماسەلەسىن شەشۋگە اناعۇرلىم زور ۇلەس قوساتىن قابىلەتى دە، جاۋاپكەرشىلىگى دە بار. ادامزات تاعدىرلاس ورتاق تۇلعا ۇلى تۋىن بيىك ۇستاپ، ەلىمىز دامۋىنىڭ جاندى امالياتىن سۇيەنىش، 5000 نەشە جىلدىق جۇڭحۋا وركەنيەتىن تياناق ەتىپ، ەلىمىزدىڭ دامۋ كوزقاراسىن، وركەنيەت كوزقاراسىن، حاۋىپسىزدىك كوزقاراسىن، ادامدىق ۇقىق كوزقاراسىن، ەكولوگيا كوزقاراسىن، حالىقارالىق ءتارتىپ كوزقاراسىن جانە الەمدىك جونگە سالۋ كوزقاراسىن جالپى بەتتىك بايانداۋ كەرەك. كوپ جاقتىلىقتى دارىپتەپ، سىڭار جاقتىلىققا، زورەكەرلىككە قارسى تۇرىپ، حالىقارالىق قوعامدى اناعۇرلىم ءادىل، ۇيلەسىمدى حالىقارالىق جاڭا ءتارتىپتى بىرگە تۇلعالاۋعا جەتەكتەپ، جاڭاشا حالىقارالىق قارىم - قاتىناس ورناتۋ كەرەك. ءار ءتۇرلى جاندى دا اسەرلى مىسالداردان شەبەرلىكپەن پايدالانىپ، جۇڭگونىڭ دامۋىنىڭ ءوزى دۇنيە جۇزىنە قوسقان ەڭ زور ۇلەس ەكەندىگىن، ادامزات ماسەلەسىن شەشۋگە اقىل - پاراسات ارناعاندىعىن ءتۇسىندىرۋ كەرەك.

  شي جينپيڭ بىلاي دەپ اتاپ كورسەتتى: ءتۇرلى فورماداعى گۋمانيتارلىق اۋىس - كۇيىس قيمىلدارىن ىشكەرىلەي ورىستەتىپ، كوپ ءتۇرلى جولدارمەن ەلىمىزدىڭ ءار ەلمەن گۋمانيتارلىق اۋىس - كۇيىسىن جانە حالىقتار تىلەگىنىڭ توعىسۋىن ىلگەرىلەتۋ كەرەك. تۇزىلىستە، مەحانيزمدە جاڭالىق اشىپ، ءتۇزىم ابزالدىلىعىمىزدى، ۇيىمدىق ابزالدىلىعىمىزدى، ادام كۇشى ابزالدىلىعىمىزدى تاراتۋ ابزالدىلىعىنا اينالدىرۋ كەرەك. جوعارى دەڭگەيلى مامانداردىڭ رولىن اناعۇرلىم ويداعىداي ساۋلەلەندىرىپ، ماڭىزدى حالىقارالىق ءماجىلىس مىنبەرلەرى، شەتەلدەردىڭ نەگىزگى اعىمدىق اقپارات قۇرالدارى سياقتى تۇعىرلار مەن ارنالاردان پايدالانىپ ءۇن قاتۋ كەرەك. وڭىرلەر، تاراۋلار ءوز ەرەكشەلىكتەرى مەن ارتىقشىلىقتارىن ساۋلەلەندىرە وتىرىپ قىزمەت ورىستەتىپ، باي مازمۇندى، الۋان ءتۇرلى، جاندى دا ستەرەولدى جۇڭگو وبرازىن ايگىلەۋ كەرەك.

  شي جينپيڭ بىلاي دەپ باسا دارىپتەدى: حالىقارالىق تاراتۋدىڭ ونىمدىلىگىن جالپى بەتتىك جوعارىلاتىپ، جاڭا داۋىردەگى حالىقارالىق تاراتۋدىڭ قاجەتىنە ۇيلەسەتىن ارناۋلى دارىندىلار قوسىنىن قۇرۋ، كۇشەيتۋ كەرەك. حالىقارالىق تاراتۋ جونىندەگى نازاريالىق زەرتتەۋدى كۇشەيتىپ، حالىقارالىق تاراتۋدىڭ زاڭدىلىعىن يگەرىپ، سىرتقا قاراتىلعان ءسوز جۇيەسىن ورناتىپ، تاراتۋ ونەرىن جوعارىلاتۋ كەرەك. تۇرلىشە وڭىرگە، تۇرلىشە مەملەكەتكە، تۇرلىشە شوعىرداعى قابىلداۋشىعا جاناسىمدى دالمە - ءدال تاراتۋ ءتاسىلىن قولدانىپ، جۇڭگو حيكاياسى مەن جۇڭگو ءۇنىن جاھانداندىرىپ جەتكىزۋدى، وڭىرلەندىرىپ جەتكىزۋدى، قابىلداۋشىعا جىكتەپ جەتكىزۋدى ىلگەرىلەتىپ، حالىقارالىق تاراتۋدىڭ باۋراۋ قۋاتى مەن ناقتى ونىمدىلىگىن كۇشەيتۋ كەرەك. باسىم كوپ ساندىلارمەن كەڭىنەن دوستاسىپ، ىنتىماقتاسىپ جانە ولارعا قول جەتكىزىپ، جۇڭگونى تۇسىنەتىن، جۇڭگومەن دوس بولاتىن حالىقارالىق قوعامدىق پىكىر دوستار شەڭبەرىن ۇزدىكسىز كەڭەيتۋ كەرەك. قوعامدىق پىكىر كۇرەسىنىڭ تاكتيكاسى مەن ونەرىنە ءمان بەرىپ، ەلەۋلى ماسەلەلەر جونىندە سىرتقا ءۇن قاتۋ قابىلەتىن جوعارىلاتۋ كەرەك.

  شي جينپيڭ بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپاسى) حالىقارالىق تاراتۋ قابىلەتى قۇرىلىسىن كۇشەيتۋدى پارتكومنىڭ (پارتيا باسشىلىق گرۋپپاسى) يدەولوگيا قىزمەتى جاۋاپكەرشىلىك تۇزىمىنە ەنگىزىپ، ۇيىمدىق باسشىلىقتى كۇشەيتىپ، قازىنالىق ۇسىنىلىمدى ارتتىرىپ، ءىس جۇزىندىك قىزمەتتى ىلگەرىلەتۋگە، ناقتى قيىنشىلىقتى شەشۋگە كومەكتەسۋ كەرەك. ءار دارەجەلى باسشى كادرلار حالىقارالىق تاراتۋ قىزمەتىن ىرىقتىلىقپەن ىستەۋ، نەگىزگى جاۋاپتى جولداستار ءوزى يگەرۋمەن بىرگە، ءوزى ىستەۋ كەرەك. باسشى كادرلاردى حالىقارالىق تاراتۋ بىلىمدەرى بويىنشا باۋلۋدى كۇشەيتىپ، ءار دارەجەلى پارتيا ۇيىمدارىنىڭ رولىن ساۋلەلەندىرىپ، پارتيا مەن مەملەكەتتىڭ بەدەلىن، وبرازىن سانالى تۇردە قورعايتىن تاماشا بەينە قالىپتاستىرۋ كەرەك. ءار دارەجەلى پارتيا مەكتەپتەرى (اكىمشىلىك شۋەيۋان) حالىقارالىق تاراتۋ قابىلەتىن جەتىلدىرۋدى ماڭىزدى مازمۇن ەتۋ كەرەك. جوعارى مەكتەپ ءپان قۇرىلىسىن جانە زاپاس دارىندىلاردى جەتىلدىرۋدى كۇشەيتىپ، حالىقارالىق تاراتۋدىڭ نازاريالىق زەرتتەۋ ورەسىن جوعارىلاتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.