شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 31 - كۇنى باشار اساد زۇڭتۇڭعا تەلەگرامما جولداپ، ونىڭ اراب سيريا رەسپۋبليكاسىنىڭ زۇڭتۇڭى بولىپ جالعاستى سايلانعاندىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن سيريا ءداستۇرلى دوس، سيريا جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان اراب ەلدەرىنىڭ ءبىرى. مەن جۇڭگو - سيريا قارىم - قاتىناسىنىڭ دامۋىنا ايرىقشا ءمان بەرەمىن، باشار زۇڭتۇڭمەن بىرگە قۇلشىنىپ، بيىلعى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعىن وراي ەتىپ، جۇڭگو - سيريا قارىم - قاتىناسىندا اناعۇرلىم زور جەتىستىككە قول جەتكىزۋدى ىلگەرىلەتۋدى قالايمىن. جۇڭگو جاق سيريانىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن باتىل قولدايدى، سيريانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ، ەكونوميكانى سەرپىلتىپ، حالىق تۇرمىسىن جاقسارتۋىنا مۇمكىندىگىنشە كومەكتەسىپ، جۇڭگو - سيريا سەلبەستىگىنىڭ ۇزدىكسىز تىڭ بەلەسكە كوتەرىلۋىن جەبەيدى.
