شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 2 - كۇنى كەشتە قازاقستاننىڭ زۇڭتۇڭى توقايەۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن قازاقستان ماڭگىلىك جالپى بەتتىك ستراتەگيالىق سەرىكتەر، جۇڭگو مەن قازاقستان دوستىعىنىڭ تەرەڭ نەگىزى جانە قۋاتتى قوزعاۋشى كۇشى بار. بيىلعى جىل جۇڭگو مەن قازاقستان ەكى ەل جونىنەن دە ەرەكشە ماڭىز الادى. جۇڭگو كوممۋنيستىك پارتياسى 100 جىلدىق مەرەي تويىن قارسى العالى وتىر، قازاقستاننىڭ تاۋەلسىزدىك العاندىعىنا 30 جىل تولادى. جۇڭگو جاق قازاقستان جاقپەن بىرگە تىزە قوسا وتىرىپ، ەكى ەلدىڭ ءار سالاداعى سەلبەستىكتەرىنىڭ ۇزدىكسىز دامۋىن، ەكى ەل قارىم - قاتىناسىنىڭ باستان - اياق دۇرىس بەتالىسپەن العا باسۋىن ىلگەرىلەتىپ، جۇڭگو مەن قازاقستان قارىم - قاتىناسىنىڭ جاقسى بولعاننىڭ ۇستىنە جاقسى بولا تۇسۋىنە، ەكى ەل حالىقتارىنىڭ جاقىن بولعاننىڭ ۇستىنە جاقىن بولا تۇسۋىنە مۇمكىندىك جاساپ، ەكى ەل دامۋىنىڭ اناعۇرلىم كوركەم بولاشاققا يە بولۋىن قالايدى.
شي جينپيڭ بىلاي دەپ باسا دارىپتەدى: جۇڭگو مەن قازاقستاننىڭ ”ءبىر بەلدەۋ، ءبىر جولدى“ بىرگە قۇرۋ اياسىنداعى سەلبەستىگى ەكى ەل حالىقتارىنا ناقتى ىرىس - قۇت اكەلدى، سونداي - اق حالىقارالىق قوعامدا ۇلگى ورناتتى. ەكى جاق ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى ۇزدىكسىز ىلگەرىلەتىپ، ءوندىرىس قۋاتى، ساۋدا، اۋىل شارۋاشىلىعى، نەگىزدىك قۇرىلعىلار سياقتى سالالارداعى سەلبەستىكتى كۇشەيتىپ، ۇلاستىرۋ، تۇتاستىرۋ دەڭگەيىن ۇزدىكسىز جوعارىلاتۋ، سونىمەن بىرگە جاسىل ەنەرگيا، جاساندى زەردە، ەلەكتروندى ساۋدا ىستەرى، سيفرلى فينانس سياقتى سالالاردا سەلبەستىكتىڭ جاڭا ارتۋ ءتۇيىنىن جەتىلدىرۋگە كۇش سالىپ، ”جاسىل جىبەك جولىن“، ”سالاماتتى جىبەك جولىن“، ”سيفرلى جىبەك جولىن“ بىرگە قۇرۋ كەرەك. جۇڭگو جاق قازاقستان جاقپەن قاشىقتان ەمدەۋ، ءداستۇرلى شيپاگەرلىك سياقتى سالالارداعى سەلبەستىكتى تەرەڭدەتىپ، قازاقستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۇزدىكسىز كومەك جانە قولداۋ كورسەتۋدى قالايدى. ەكى جاق تاعى زاڭ اتقارۋ، حاۋىپسىزدىك، قورعانىس ىستەرى سياقتى سالالارداعى سەلبەستىكتى كۇشەيتىپ، وسى ءوڭىردىڭ بەيبىتشىلىگىن، تىنىشتىعىن بىرگە قورعاۋ كەرەك.
توقايەۆ مىنالاردى ءبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتايمىن. ءتوراعا شي جينپيڭنىڭ پارمەندى باسشىلىعىندا، جۇڭگونىڭ دامۋى تاريحي تابىستارعا قول جەتكىزىپ، جۇڭگو حالقى نىق قاداممەن ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا شەرۋ تارتىپ بارادى. جۇڭگو جاق العا قويعان ءبىر قىدىرۋ كەلەلى باستامالار، قۋاتتامالار حالىقارالىق قوعامنىڭ القاۋىنا جانە قولداۋىنا يە بولدى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتى جۇڭگو جاق باستاماشىلدىقپەن دارىپتەگەن ادامزاتتىڭ تاعدىرلاس ورتاق تۇلعاسىن قۇرۋدىڭ ماڭىزدىلىعىن، قاجەتتىلىگىن ونان ارى دالەلدەدى، سونداي - اق ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ باي داۋىرلىك ءمانىن ايگىلەۋىنە مۇمكىندىك جاسادى. قازاقستان مەن جۇڭگو اتى زاتىنا ساي ماڭگىلىك جالپى بەتتىك ستراتەگيالىق سەرىكتەر، ءارقانداي جاعدايدا قازاقستان جاق جۇڭگو جاقتىڭ مۇددەسىن زياندايتىن ىستەردى استە ىستەمەيدى. قازاقستان جاق جۇڭگو جاقتىڭ قازاقستاننىڭ ىندەتكە قارسى اتتانۋىنا ۆاكسينا بەرۋ سياقتى قىمباتتى قولداۋ كورسەتكەندىگىنە العىس ايتادى، جۇڭگو جاقپەن بىرگە قازاقستان - جۇڭگو قارىم - قاتىناسىن ۇزدىكسىز بەكەمدەپ، تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى تىڭعىلىقتى ىلگەرىلەتىپ، ەكونوميكا - ساۋدا، نەگىزدىك قۇرىلعىلار، دەنساۋلىق ساقتاۋ سياقتى سالالارداعى سەلبەستىكتى كۇشەيتىپ، شاڭحاي سەلبەستىك ۇيىمى، ازيا ءوزارا ىقپالداستىق جانە سەنىمدىلىك شارالارى سياقتى وڭىرلىك جانە حالىقارالىق ۇيىمدار اياسىندا پىكىرلەسۋدى، سەلبەسۋدى جيىلەتۋدى قالايدى.
شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 2 - كۇنى كەشتە ازەربايجاننىڭ زۇڭتۇڭى اليەۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بىلتىردان بەرى جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل الەمدە كەڭ تارالۋىنا قاراتا، جۇڭگو، ازەربايجان ەكى جاق ءوزارا قولداۋ كورسەتىپ، ۋاقىتتىق قيىنشىلىقتى بىرگە ەڭسەرىپ، ناعىز دوستىق سۇيىسپەنشىلىكتى ايگىلەدى. جۇڭگو كوممۋنيستىك پارتياسى الدا 100 جىلدىق مەرەي تويىن قارسى الادى، جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، جۇڭگو - ازەربايجان قارىم - قاتىناسى جاڭا تاريحي باستامادا تۇر. ەكى جاق ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، ءوزارا قولداۋدى كۇشەيتىپ، كەلەر جىلى ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتاۋدى وراي ەتىپ، ەكى ەل قارىم - قاتىناسىنىڭ اناعۇرلىم زور دامۋىن ىلگەرىلەتىپ، ەكى ەل حالىقتارىن ءتىپتى جاقسى باقىتقا كەنەلتۋى كەرەك.
شي جينپيڭ بىلاي دەپ باسا دارىپتەدى: جۇڭگو جاق ازەربايجان حالقىنىڭ ءوز ەلىنىڭ مەملەكەت جاعدايىنا قاراي تاڭداعان دامۋ جولىن قولدايدى، ازەربايجان جاقتى ”ءبىر بەلدەۋ، ءبىر جولدى“ بىرگە قۇرۋداعى ماڭىزدى سەلبەستىك سەرىگى دەپ تانيدى. ەكى جاق ورايدان بىرگە يگىلىكتەنىپ، دامۋ جولىن بىرگە قاراستىرىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ويداعىداي جوبالاۋى، ويداعىداي ىلگەرىلەتۋى كەرەك. جۇڭگو جاق ازەربايجان جاقتان اناعۇرلىم كوپ ساپالى، ەرەكشە ونىمدەردى يمپورت ەتۋدى، جۇڭگو كاسىپورىندارىنىڭ ازەربايجانعا بارىپ قارجى قوسىپ، كاسىپ سالاسىن گۇلدەندىرىپ، نەگىزدىك قۇرىلعىلار قۇرىلىسى سىندى سالالاردا سەلبەستىك ورىستەتۋىن قولداۋدى قالايدى. ەكى جاق حالىقارالىق تاسىمال جانە زات تاسىمالى سەلبەستىگىن تەرەڭدەتىپ، ازيا - ەۆروپا تاسىمال ءدالىزى قۇرىلىسىن جەبەپ، وڭىرلىك ۇلاستىرۋ - تۇتاستىرۋ دەڭگەيىن جوعارىلاتۋى كەرەك. جۇڭگو جاق ازەربايجان جاقپەن مەديتسينا سالاسىنداعى اۋىس - كۇيىستى، سەلبەستىكتى كۇشەيتىپ، ازەربايجان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىن ۆاكسينامەن قامداۋ سىندى كومەكتەرىن جالعاستىرۋدى قالايدى. جۇڭگونىڭ كەدەيلىكتەن ارىلتۋدان قامال الۋ شايقاسى جالپى بەتتىك جەڭىسكە جەتتى، ازەربايجان جاقپەن اۋىس - كۇيىس، سەلبەستىكتى كۇشەيتىپ، بۇكىل الەمدىك كەدەيلىكتى ازايتۋ ىستەرىن بىرگە ىلگەرىلەتۋدى قالايدى.
اليەۆ مىنانى ءبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتايمىن، جۇڭگو جاقتىڭ ازەربايجان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ءۇشىن ەمدەۋ زاتتىق ماتەريالدارىمەن، ۆاكسينامەن قامداۋ سىندى قىمباتتى كومەكتەرىنە العىس ايتادى. ازەربايجان، جۇڭگو ەكى ەلدىڭ ساياسي، ەكونوميكا، قاتىناس - تاسىمال سىندى ءار سالاداعى سەلبەستىگى تاماشا، ازەربايجان ەكونوميكاسىنىڭ دامۋىن جەبەۋدە بەلسەندى رول اتقاردى. ازەربايجان جاق اناعۇرلىم كوپ جۇڭگو كاسىپورىندارىنىڭ ازەربايجانعا كەلىپ قارجى قوسۋىن قارسى الادى، جۇڭگو جاقپەن وڭىرلىك ىستەردە پىكىرلەسۋدى، سەلبەستىكتى كۇشەيتۋدى قالايدى. جۇڭگو ازەربايجاننىڭ ناعىز سەرىگى، ازەربايجان جاق بۇرىن، قازىر، بولاشاقتا دا جۇڭگو جاقتىڭ تايۋانعا، شياڭگاڭعا، شينجياڭعا ساياتىن ماسەلەلەردەگى تۇرعىسىن باتىل قولدايدى، جۇڭگو جاقپەن بىرگە قۇلشىنىپ، ازەربايجان - جۇڭگو جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى. ازەربايجان جاق جۇڭگو جاقتىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن ءساتتى وتكىزۋىن قولدايدى.
شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 2 - كۇنى كەشتە دومينيكانىڭ زۇڭتۇڭى ابينادەرمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن دومينيكا ديپلوماتيالىق قارىم - قاتىناس ورناتقاننان بەرى دومينيكا ءبىر جۇڭگو ساياساتىن تاباندىلىقپەن اتقارىپ، جۇڭگوعا قاراتقان قارىم - قاتىناستى ديپلوماتيادا الدىمەن ويلاستىراتىن بەتالىس ەتتى، جۇڭگو جاق مۇنى ايرىقشا القايدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن دومينيكا ءوزارا قولداۋ كورسەتىپ، قيىندىقتاردى بىلەك بىرىكتىرە جەڭدى. جۇڭگو جاق دومينيكانىڭ ىندەتكە قارسى اتتانۋى ءۇشىن قولىنان كەلگەنىنشە ۇزدىكسىز قولداۋ كورسەتەدى. ءسىزدىڭ باسشىلىعىڭىزدا دومينيكانىڭ ىندەتتى ەرتەرەك جەڭەتىندىگىنە سەنەمىن. جۇڭگو جاق دومينيكا جاقپەن بىرگە، جۇڭگو - دومينيكا قارىم - قاتىناسىنىڭ اناعۇرلىم زور دارەجەدە دامىپ، تىڭ ساتىعا كوتەرىلە بەرۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى الدا پارتيا قۇرىلعاندىعىنىڭ 100 جىلدىعىن قارسى الادى. حالىقتىق تۇرعى جۇڭگو كوممۋنيستىك پارتياسىنىڭ ءتۇبىرلى ساياسي تۇرعىسى، بۇل دومينيكا جاق دارىپتەگەن ”حالىقتى الدىمەن ويلاستىرۋ“ سىندى بيلىك جۇرگىزۋ ۇستانىمىمەن ايرىقشا ۇندەسەدى. جۇڭگو جاق دومينيكا جاقپەن بيلىك جۇرگىزۋ ۇستانىمى جاعىنداعى اۋىس - كۇيىستى كۇشەيتۋدى، ءوزارا ساياسي سەنىمدىلىكتى تەرەڭدەتۋدى، بىرگە دامۋدى جەبەۋدى قالايدى. بيىل جۇڭگونىڭ ”14 - بەسجىلدىق“ جوباسىنىڭ باستالعان جىلى، جۇڭگو جاق ءتىپتى دە جوعارى دەڭگەيدە ەسىكتى ايقارا اشىپ، جۇڭگو - دومينيكا سەلبەستىگىنە اناعۇرلىم كوپ وراي اكەلەدى. جۇڭگو جاق دومينيكانىڭ جۇڭگوعا ەرەكشە اۋىل شارۋاشىلىعى ونىمدەرىن ەكسپورت ەتۋىن قارسى الادى، جۇڭگو كاسىپورىندارىنىڭ دومينيكاعا بارىپ قارجى قوسىپ، كاسىپ سالاسىن گۇلدەندىرۋىن قولدايدى. جۇڭگو جاق دومينيكا جاقپەن حالىقارالىق جانە وڭىرلىك ماسەلەلەردە سايكەسۋدى، سەلبەسۋدى كۇشەيتىپ، حالىقارالىق ادىلدىكتى، تۋراشىلدىقتى جانە وركەندەپ كەلە جاتقان ەلدەردىڭ ۇقىق - مۇددەسىن بىرگە قورعاۋدى قالايدى. دومينيكا جاقتىڭ جۇڭگونىڭ كارايب جانە ورتا امەريكا ەلدەرىمەن قارىم - قاتىناسىن، جۇڭگو - لاتىن امەريكاسى تۇلعالىق سەلبەستىگىن جەبەۋدە بەلسەندى رول اتقارۋىن ءۇمىت ەتەدى.
ابينادەر مىنانى ءبىلدىردى: مەن جۇڭگو كوممۋنيستىك پارتياسىنىڭ تاياۋدا پارتيا قۇرىلعاندىعىنىڭ 100 جىلدىعىن قارسى الاتىندىعىن شىن جۇرەكتەن قۇتتىقتايمىن. جۇڭگو جاق بەرگەن ەمدەۋ زاتتىق ماتەريالدارى مەن ۆاكسينا دومينيكانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا شەشۋشى رول اتقاردى، دومينيكا جاق بۇعان شىن جۇرەكتەن العىس ايتادى. دومينيكا جاق ءبىر جۇڭگو ساياساتىنا باتىل تاباندى بولادى، جۇڭگو جاقپەن ارالاسۋ، ىشتەسۋدى كۇشەيتىپ، ەكونوميكا - ساۋدا قاتارلى سالالارداعى سەلبەستىكتى كەڭەيتۋدى قالايدى.
