تيانشان تورى – شينجياڭ گازەتىنىڭ حابارى (سۋرەتىن ٴتۇسىرىپ، ماقالاسىن جازعان ٴتىلشى ما بەي) ”مەن بۇگىن قوعامدىق قامتاماسىزداندىرۋ مەكەمەسىنە كەلىپ، اۋرۋ سەبەبىنەن زەينەتكە شىعۋ جۇمىسىن بىتىرمەكشى بولدىم، ٴبىراق جۇمىس ٴتارتىبىن بىلمەدىم، قىزمەت زالىنا كىرگەنىمدە ارناۋلى ەرىكتى قىزمەت وتەۋشىلەردىڭ ٴتارتىپتى ماعان ەگجەي – تەگجەيلى ٴتۇسىندىرىپ، تۇتاس بارىستا بىتىرۋىمە جەتەكشىلىك ەتەتىنىن ويلاماعان ەدىم، قازىر الاڭسىز بولدىم!“ ، – دەدى 6 – ايدىڭ 1 – كۇنى ٴۇرىمجى قالالىق قوعامدىق قامسىزداندىرۋ ورتالىعىنىڭ جۇمىس ٴبىتىرۋ زالىندا جۇمىسىن ٴبىتىرىپ بولعان قالا تۇرعىنى ليۋ زىڭ تىلشىگە.
ٴۇرىمجى قالاسىنىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارى پارتيا تاريحىن ۇيرەنۋ تاربيەسىن ناقتى ىستەردى شەشۋمەن ۇشتاستىرىپ، قارتتاردىڭ زەردەلى تەحنيكادان پايدالانۋى قيىن بولۋ ماسەلەسىنە قاراتا، ٴۇرىمجى قالالىق قوعامدىق قامسىزداندىرۋ ورتالىعىندا ٴداستۇرلى قىزمەت وتەۋ مەن زەردەلىلەنگەن قىزمەت وتەۋدە جاڭالىق اشۋدى قاتار جۇرگىزىپ، توعىستىرا دامىتىپ، الەۋمەتتىك قىزمەت وتەۋدى ونان ارى ساپالىلاندىردى.
ٴۇرىمجى قالالىق قوعامدىق قامسىزداندىرۋ ورتالىعىنىڭ جۇمىس ٴبىتىرۋ زالىندا قارتتار الدىمەن ٴبىتىرۋ قىزمەت وتەۋىنەن يگىلىكتەندى.
ٴۇرىمجى قالالىق قوعامدىق قامسىزداندىرۋ ورتالىعىنىڭ جۇمىس ٴبىتىرۋ زالىنىڭ ىشىنە اۆتوماتتى ٴبىر تۇلعالاندىرىلعان قىزمەت وتەۋ ماشيناسى ورناتىلدى، ٴارى جول نۇسقاۋ قىزمەتكەرلەرى ورنالاستىرىلىپ، قارتتارعا قوعامدىق قامسىزداندىرۋ ۇقىق – مۇددەسى ينفورماتسيالارىن باسۋ سياقتى اۆتوماتتى قىزمەت وتەۋى ازىرلەندى، قارتتاردىڭ قوعامدىق قامسىزداندىرۋ مامىلەسىن تەكسەرۋىنە قولايلىلىق جاسالدى. سونىمەن بىرگە ”قارتتار الدىمەن ٴبىتىرۋ“ قىزمەت وتەۋ تەرەزەسىن ارناۋلى قۇرىپ، قاتتارعا تۇتاس بارىستىق قىزمەت وتەدى.
ٴتىلشى قارتتار جۇمىس بىتىرگەندە قىزمەتكەرلەردىڭ بەلسەندى تۇردە كەستە تولتىرۋعا كومەكتەسۋ، ماتەريالداردى تەگىن كوبەيتىپ باسۋ سياقتى شىنايى قىزمەت وتەۋدى جۇرگىزىپ جاتقانىن كوردى. ماتەريال تولىق بولماعاندا، ارناۋلى تەرەزەدەگى قىزمەتكەرلەر قاعاز ماتەريال مازمۇنىن باسىپ شىعارىپ، قارتتارعا تولىقتاۋعا ٴتيىستى ماتەريالداردى ٴبىر جولدا ۇقتىرادى.
سونىمەن بىرگە، قارتتاردىڭ زەردەلى قىزمەت وتەۋدى پايدالانۋ عىلىم جالپىلاستىرۋ ۇگىتىن كۇشەيتتى، ٴۇرىمجى قالاسىنداعى الەۋمەتتىك اۋماقتارداعى قوعامدىق قامسىزداندىرۋ قىزمەتكەرلەرى بىرنەشە كۇننەن بەرى قارتتارعا قوعامدىق قامسىزداندىرۋ ساياساتتارىن ٴتۇسىندىرىپ، شينجياڭ زەردەلى ادام كۇشى بايلىعى جانە قوعامدىق قامتاماسىزداندىرۋ APPى سياقتىلاردى كوشىرۋىنە جانە پايدالانۋىنا تىكەلەي جەتەكشىلىك ىستەپ، قارتتاردىڭ زەردەلى تەحنيكانى باتىلدىقپەن پايدالانۋىنا، پايدالانا الۋىنا، پايدالانا بىلۋىنە مۇمكىندىك جاسادى.
بۇدان سىرت، ٴۇرىمجى قالاسىنىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارى قوعامدىق قامسىزداندىرۋىن ۋاكىلاتان ٴبىتىرۋ قىزمەت وتەۋىن بەلسەنە دامىتىپ، ۇقىق بەرىلگەن ۋاكىل، تۋىس – تۋعان، دوس – جاراندارىنىڭ ۋاكىلاتان ٴبىتىرۋى سياقتى قىزمەت وتەۋ وتىنىشتەرىن زاڭ بويىنشا قابىلدادى، ۋاكىلاتان ٴبىتىرۋشى ٴوزىنىڭ ازاماتتىق كۋالىگى، قامسىزداندىرۋعا قاتىناسۋشىنىڭ ازاماتتىق كۋالىگىنىڭ ٴتۇپ نۇسقاسىن نەمەسە كوشىرىلمە نۇسقاسىن الىپ، كاسىپتى بىتىرۋىنە بولادى.
اۋدارعان: قادىر ماقان
