تيانشان تورى   ›   جاڭالىقتار   ›   شينجياڭ حابارلارى

”وتانشىلدىق رۋحتى قان تامىرعا سىڭىرەيىك“

انار بۇلت / شينجياڭ گازەتىنىڭ تىلشىلەرى ٴرايدا، ليۋ شياڭ

  6 – ايدىڭ 1- كۇنى بەيجيڭ تيان – انمىن الاڭىنداعى مەملەكەت تۋىن شىعارۋ سالتىنا قاتىناسقاننان كەيىن، سالىقجان يمىن مەن لوپنور اۋدانىنان مەملەكەت تۋىن شىعارۋ سالتىن كورۋگە كەلگەن وقىتۋشى – وقۋشىلار بىرگە بيگە باستى. سۋرەتتى انار بۇلت / شينجياڭ گازەتىنىڭ ٴتىلشىسى لي رۇي تۇسىرگەن

  6 – ايدىڭ 1- كۇنى تاڭ شاپاعى بولىمسىز كورىندى. تيان – انمىن الاڭىنا جينالعان سان مىڭداعان جۇرت جىم- جىرت تۇرىپ، جۇڭگو حالىق ازاتتىق ارمياسى قۇرمەت قاراۋىلى ۇلكەن اترەتى مەملەكەت تۋىن قورعاۋ اترەتىنىڭ شىعۋىن كۇتۋدە.

  جىم – جىرت ادامدار اراسىندا جۇڭگو حالىق ازاتتىق ارمياسى قۇرمەت قاراۋىلى ۇلكەن اترەتى مەملەكەت تۋىن قورعاۋ اترەتىنىڭ ۇسىنىسىمەن تيان – انمىن الاڭىنداعى مەملەكەت تۋىن شىعارۋ سالتىن كورۋگە كەلگەن شاۋەشەك قالاسى شينچىڭ ٴمالىسى قاراٴدوڭ الەۋمەتتىك اۋماعىنىڭ تۇرعىنى سالىقجان يمىن جانە ونىڭ ايەلى، ۇلى، ەگىز نەمەرەلەرى — ٴبىر ٴۇيلى جان جۇرتتىڭ نازارىن ەرەكشە اۋداردى، ولار قولدارىنا بىردەن كىشكەنتاي مەملەكەت تۋىن ۇستاپ، توتەنشە اسەرلەنگەن بەينە كورسەتتى.

  ول نەمەرەلەرىنە بىردەن قىزىل گالستۋك تاقتى، ءارى ولارعا كىشكەنتاي مەملەكەت تۋىن قالاي ۇستاۋدى ۇيرەتتى، مەملەكەت تۋىن شىعارۋدىڭ ماڭىزىن بايانداپ، مەملەكەت تۋىن شىعارۋ سالتىن كورۋگە كەلگەن بۇقارالارعا ٴوزى الا كەلگەن كىشكەنتاي مەملەكەت تۋىن تاراتتى… كۇتۋ بارىسىندا سالىقجان تەبىرەنگەن كوڭىل كۇيىن وسىنداي ٴتاسىل ارقىلى باستى.

  ساعات 4 تەن 44 مينۋت وتكەندە ەكپىندى، رەتتى اياق دىبىستارى الىستان جاقىنداپ، الاڭدى جاڭعىرتىپ، جۇرتتى تاڭ قالدىردى. ايبىندى مەملەكەت تۋىن شىعارۋ سالتى باستالدى، جۇڭگو حالىق ازاتتىق ارمياسى قۇرمەت قاراۋىلى ۇلكەن اترەتى مەملەكەت تۋىن قورعاۋ اترەتىنىڭ جاۋىنگەرلەرى مەملەكەت تۋىن قورعاپ، تيان –انمىن ورتالىعىنداعى دوعاشا قاقپادان شىعىپ، ورتا ٴوس سىزىعىن بويلاپ، جينشۇي كوپىرىن باسىپ ٴوتىپ، تيان – انمىن الاڭىنداعى تۋ شىعارۋ تەكشەسىنىڭ الدىنا كەلدى.

  سالىقجان قاسىندا تۇرعان ەكى نەمەرەسى سابايدين سالايدين مەن ارايدين سالايديننىڭ قولدارىن مىقتى ۇستاپ، جىم- جىلاس كۇتىپ تۇر، ونىڭ كەۋدەسىندەگى ”مەملەكەتتىك ۇلتتار ىنتىماعى العاباسارلىعىنداعى وزات جەكە“ مەدالى ٴسال – ٴپال دىرىلدەۋدە.

  ”قوزعال! قۇل بولعىسى كەلمەيتىن جان… “ ساعات 4تەن 48 مينۋت وتكەندە، ايبىندى «ەرىكتىلەر مارىشى» ورىندالىپ، تۋ شىعارۋشىلار مەملەكەت تۋىن اسپانعا اتىپ، بەس جۇلدىزدى قىزىل تۋ جەلدە جەلبىرەدى. سالىقجان يمىن باياۋ كوتەرىلگەن مەملەكەت تۋىنا قادالا قارادى، سابايدين مەن ارايدين وڭ قولدارىن كوتەرىپ، مەملەكەت تۋىنا پيونەرلەر قوسىنى قۇرمەتىن ٴبىلدىردى.

  مەملەكەت تۋى تۋ باعاناسىنىڭ توبەسىنە جەتكەندە، ادامدار توبىنان شاتىرلاعان شاپالاق ٴۇنى مەن سالتانات ٴۇنى كوتەرىلدى.

  ”بەس جۇلدىزدى قىزىل تۋ جەلبىرەگەن، شارىقتاعان جەڭىستى اسقاق ءان. عازيز انا وتاندى جىرلايمىز، كوركەيۋگە قادام تاستاعان (ءان تەكىسى)…“ اسكەري وركەستردىڭ ناق مايداندا ورىنداۋىنا ىلەسىپ، سالىقجان وتباسىنداعىلار كىشكەنتاي مەملەكەت تۋىن بۇلعاپ، تەبىرەنە ٴان شىرقادى. وسى ساتتە سالىقجاننىڭ كوز شاناعىنا جاس ىركىلدى.

  ”توتەنشە تەبىرەندىم. ٴبىزءبىر ۇيدەگى ٴۇش ۇرپاق بەيجيڭدەگى تيان – انمىن الاڭىندا مەملەكەت تۋىن شىعارۋ سالتىن تۇڭعىش رەت بىرگە كورىپ وتىرمىز. مەنىڭ شاعىن اۋلامدا مەملەكەت تۋىن شىعارعانىما 12 جىل بولدى، بالام، نەمەرەلەرىم وسى سۇيىسپەنشىلىكتى، سەنىمدى، كۇشتى ۇرپاقتان – ۇرپاققا جالعاستىرۋىن، وتانشىلدىق رۋحتىڭ ٴار ۇلت بۇقاراسىنىڭ جۇرەگىنە بەرىك ۇيالاۋىن ٴۇمىت ەتەمىن“، - دەدى سالىقجان.

  ”بۇگىن ’1 - ماۋسىم‘ حالىقارالىق بالالار مەرەكەسىندە اتام جانە اكەممەن بىرگە تيان – انمىن الاڭىندا مەملەكەت تۋىن شىعارۋ سالتىنا قاتىناسقانىما توتەنشە اسەرلەندىم، بۇدان كەيىن اتامدى ۇلگى ەتىپ، جاقسى ۇيرەنىپ، مەملەكەت تۋىن ويداعىداي قورعايمىن“، - دەدى 12 جاستاعى ارايدين. ول اعايىندى ەكەۋىنىڭ ۋادەلەسكەنىن، جاقسى ۇيرەنىپ، ەسەيگەندە ۇزدىك تۋ شىعارۋشى جانە تۋ قورعاۋشى بولاتىنىن ايتتى.

  سالايدين سالىقجان باتىل تۇردە بىلاي دەدى: ”اكەم 12 جىلدان بەرى مەملەكەت تۋىن شىعارۋعا تاباندى بولىپ، بىزگە ونەگە كورسەتتى. ٴبىزدىڭ، ٴسوز جوق، اكەمىزدىڭ ۇتىلاما تاياقشاسىن تاپسىرىپ الىپ، وتانشىلدىق رۋحتى قان تامىرىمىزعا تەرەڭ سىڭىرەتىندىگىزگە سەنىمىم كامىل“.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.