چىن چۋانگو شيحۋ قالاسىندا، كۇيتۇن قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتايىق
6 - ايدىڭ 3 - كۇنى اۆتونوميالى رايوندىق پارتكومنىڭ شۋجيى چىن چۋانگو تارباعاتاي ايماعىنىڭ شيحۋ قالاسىندا، ىلە قازاق اۆتونوميالى وبلىسىنىڭ كۇيتۇن قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو شيحۋ قالاسىنداعى ءبىر اۋىل شارۋاشىلىعى ماشينالارىن ءوندىرۋ كاسىپورنىندا ءوندىرۋ، ساتۋ، اۋىل شارۋاشىلىعىن دامىتۋعا دەم بەرۋ سياقتى احۋالداردى ۇعىسۋدا. انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 3 - كۇنى كۇيتۇننەن حابارلايدى. 6 - ايدىڭ 3 - كۇنى اۆتونوميالى رايوندىق پارتكومنىڭ شۋجيى چىن چۋانگو تارباعاتاي ايماعىنىڭ شيحۋ قالاسىندا، ىلە قازاق اۆتونوميالى وبلىسىنىڭ كۇيتۇن قالاسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
چىن چۋانگو شيحۋداعى ءمالىم بيولوگيالىق ماتەريال جاساۋ كاسىپورنىنا جانە كۇيتۇندەگى ءمالىم جاڭا ەنەرگيا عىلىم - تەحنيكا سەرىكتەستىگىنە بارىپ، ءوندىرىس لەنياسىن جانە كورمەدەگى ونىمدەردى كورىپ، تەحنيكانى زەرتتەپ اشۋ، ءوندىرۋ، جاساۋ، ونىمدەردى ساتۋ احۋالىن ۇعىستى. ول بىلاي دەدى: جاڭا ەنەرگيا مەن جاڭا تەحنيكانى قولدانۋدى كۇشەيتىپ، اينالمالى ەكونوميكانى، تومەن كومىرتەكتى ەكونوميكانى، جاسىل ەكونوميكانى زور كۇشپەن ىلگەرىلەتىپ، ەكونوميكالىق ونىمدىلىكتىڭ، قوعامدىق ونىمدىلىكتىڭ، ەكولوگيالىق ونىمدىلىكتىڭ بىرلىگىن جۇزەگە اسىرۋ كەرەك.
شيحۋ سىرا شەكتى سەرىكتەستىگىندە چىن چۋانگو كاسىپورىننىڭ ءوندىرىس، شارۋاشىلىق جۇرگىزۋ، ساتۋ احۋالىنان بەرگەن مالىمەتتى تىڭدادى. ول بىلاي دەپ اتاپ كورسەتتى: بازار بەتالىسىن يگەرىپ، ءپىشىنسىز مال - مۇلىكتى اشىپ، ماركا اسەرىن ۇلعايتىپ، اراق اشىتۋ كاسىپ سالاسىنىڭ، مادەنيەت، ساياحات كاسىپ سالاسىنىڭ جەدەل توعىسا دامۋىن جەبەۋ كەرەك.
شيحۋ قالاسىنداعى ءبىر اۋىل شارۋاشىلىعى ماشينالارىن ءوندىرۋ كاسىپورنى كوپتەگەن بۇكىلدەي دەربەس ءبىلىم مەنشىگى ۇقىعى پاتەنتىنە يە بولىپ، ەل ىشىندەگى بوستىقتى تولتىرعان. چىن چۋانگو ءوندىرىس سەحىنا بارىپ، ءوندىرۋ، ساتۋ، اۋىل شارۋاشىلىعىن دامىتۋعا دەم بەرۋ سياقتى احۋالداردى ۇعىسىپ، كاسىپورىندى دەربەس زەرتتەپ اشۋ ءوندىرىس قۋاتىن ۇزدىكسىز جوعارىلاتىپ، زورايتۋعا، كۇشەيتۋگە قۇلشىنىپ شينجياڭنىڭ اۋىل شارۋاشىلىعىن وسىزامانداندىرۋدى جەبەۋگە پارمەندى تىرەك ازىرلەۋگە شابىتتاندىردى.
چىن چۋانگو كۇيتۇن قالاسىنداعى ءبىر توقىماشىلىق فابريكاسىنا بارىپ، كاسىپورىن جاۋاپتىلارىمەن جانە ءار ۇلت جۇمىسشى - قىزمەتكەرلەرىمەن ىقىلاستى اڭگىمەلەسىپ، ءوندىرىس، تيجارات، جۇمىستاندىرۋعا جەتەكشىلىك ەتۋ، كىرىستى ارتتىرۋدى جەبەۋ سياقتى احۋالداردى ۇعىستى. ول بىلاي دەدى: شينجياڭنىڭ باسىم بايلىعىنان ويداعىداي پايدالانىپ، بۇكىل كاسىپ سالاسى تىزبەگىنىڭ دەڭگەيىن ۇزدىكسىز جوعارىلاتىپ، جاڭا ارتۋ ءتۇيىنىن كۇش سالا زورايتۋ كەرەك. ەڭبەك شوعىرلانعان كاسىپ سالاسىن زور كۇشپەن دامىتىپ، اناعۇرلىم كوپ بۇقارانى ورنىقتى جۇمىستانۋعا، كىرىستەرىن ۇزدىكسىز ارتتىرۋعا جەتەكتەۋ كەرەك.
كۇيتۇن قالاسى زەردەلى قالا قولباسشىلىق ورتالىعى بۇكىل قالاداعى 60 نەشە مەكەمە - ورىندى (تاراۋ) الەۋمەتتىك قىزمەت وتەۋ بىرلەسىپ قيمىلداۋ جۇيەسىنە ەنگىزىپ، ”الەۋمەتتىك قىزمەت وتەۋدى ءبىر جەلىدە ءبىر تۇتاس ءبىتىرۋدى“، ”قالا اينالىمىن ءبىر جەلىدە ءبىر تۇتاس باسقارۋدى“ جۇزەگە اسىرعان. چىن چۋانگو قالانى زەردەلىلەندىرىپ باسقارۋ، جۇمىس جۇرگىزۋ جاعدايىن دەن قويا ۇعىسىپ، حالىقتى وزەك ەتۋدى كورنەكتىلەندىرىپ، الەۋمەتتىك قىزمەت وتەۋ جۇيەسىن كەمەلدەندىرىپ، قالانى جونگە سالۋ قابىلەتىن جوعارىلاتىپ، ءار ۇلت بۇقاراسىن قالانىڭ دامۋ جەتىستىگىنەن بىرگە يگىلىكتەندىرۋدى باسا دارىپتەدى.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، دامۋ مەن حاۋىپسىزدىكتى اناعۇرلىم جاقسى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى، جاقسى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، جوعارى ساپالى دامۋدى بۇلجىماستان ىلگەرىلەتۋ كەرەك. دامۋدىڭ جاڭا قوزعاۋشى قۋاتىن جەتىلدىرىپ، جاڭا دامۋ ارناسىن قالىپتاستىرۋعا قىزمەت وتەۋ مەن توعىسۋداعى ورنىن ءدال تاۋىپ، جاڭالىق اشۋ ارقىلى دامۋعا دەم بەرۋدى كۇشەيتىپ، بازارلاندىرۋ رەفورماسىن تەرەڭدەتىپ، جوعارى دەڭگەيدە ەسىك اشۋدى كەڭەيتىپ، كاسىپ سالاسى قۇرىلىمىن جاپپاي ساپالىلاندىرىپ، دارەجەسىن جوعارىلاتىپ، ەرەكشە باسىمدىققا يە كاسىپ سالالارىن زورايتىپ، جاڭادان گۇلدەنگەن كاسىپ سالاسىن بەلسەنە جەتىلدىرىپ، وسىزاماندانعان ەكونوميكا جۇيەسىن جەدەل قۇرۋ كەرەك. شارۋاشىلىق - ساۋدا ورتاسىن ۇزدىكسىز ساپالىلاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، كاسىپورىندارعا قىزمەت وتەۋدى قولايلىلاستىرۋ دەڭگەيىن جالپى بەتتىك جوعارىلاتىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، قىزمەت وتەۋمەن قامتاماسىز ەتۋدى شىن ىقىلاسپەن ىستەپ، ءتۇرلى بازار تۇلعالارىنىڭ بەلسەندىلىگى مەن ىرىقتىلىعىن تولىق اتتانىسقا جۇمىلدىرىپ، ەكونوميكانىڭ جوعارى ساپالى دامۋىنا قوزعاۋشى كۇش ۇستەۋ كەرەك. جۇمىس ورنىن ورنىقتىرۋدى كۇش سالا جاقسى يگەرىپ، جۇمىستاندىرۋدى الدىڭعى ورىنعا قويۋعا تاباندى بولىپ، جۇمىستاندىرۋدى ورنىقتىرۋ شاراسىن جالپى بەتتىك كۇشەيتىپ، اۋىرتپالىقتى جەڭىلدەتىپ جۇمىس ورنىن ورنىقتىرۋعا، جۇمىستاندىرۋ ارناسىن كەڭەيتۋگە تەڭ ءمان بەرىپ، ءتۇيىندى قاۋىمدى جۇمىستاندىرۋ قىزمەتىن ناقتاپ يگەرىپ، جۇمىستانۋدى، شارۋاشىلىق قۇرۋدى كوپ ارنامەن جەبەۋ كەرەك. قالا - قالاشىقتاندىرۋ ساپاسىن ۇزدىكسىز جوعارىلاتىپ، ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، سولتۇستىك شينجياڭ قالا بەلدەۋىن جەدەل قۇرىپ، كۇيتۇن − مايتاۋ − شيحۋ ءوڭىرىن ءبىر تۇلعالاندىرا دامىتۋدى جەدەلدەتىپ، قالالار دامۋىنىڭ سايكەسىمدىلىك، ىقپالداستىق، جالپى تۇلعالىق سيپاتىن شىن مانىندە كۇشەيتۋ كەرەك. جاسىل، تومەن كومىرتەكتى دامۋعا تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، ەكونوميكانىڭ دامۋ تاسىلىنە جەدەل بۇرىلىس جاساپ، ادام مەن تابيعات جاراسىمدى دامىعان وسىزاماندانعان قۇرىلىس جاڭا جاعدايىنىڭ قالىپتاسۋىن جەبەپ، ەكونوميكانى جوعارى ساپالى دامىتۋدا اناعۇرلىم زور قادام تاستاۋدى ىلگەرىلەتۋ كەرەك. تاماشا دامۋ ورتاسىن قالىپتاستىرىپ، قوعامدىق كەلەلى جاعدايدىڭ ءۇرتىس ورنىقتىلىعىن ساقتاپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي جاقسى يگەرىپ، ءوندىرىس حاۋىپسىزدىگىنىڭ تومەنگى شەگىن مىقتاپ ساقتاپ، پارتيا تاريحىن ۇيرەنۋ تاربيەسىن ونان ارى تەرەڭدەتىپ، ”ءتورت تاريح“ ۇگىت تاربيەسىن كەڭىنەن ورىستەتىپ، ورنىقتىلىق، ىندەتتەن ساقتانۋ، رەفورما سياقتى جاقتاردىڭ تيىمدىلىكتەرىن تولىق جارىققا شىعارىپ، ەكونوميكانىڭ، قوعامنىڭ جوعارى ساپالى دامۋىنا تاماشا ورتا ازىرلەۋ كەرەك.
اۆتونوميالى رايوننىڭ باسشىلارىنان ليۋ سۋشى، چيۋ شۋحۋا قاتارلىلار بىرگە تەكسەرۋ - زەرتتەۋ جۇرگىزدى.
