تيانشان تورى   ›   جاڭالىقتار   ›   شينجياڭ حابارلارى

مىندەتتەگى پارتيا مۇشەلەرى ”قوس تىزىمدەلۋ“ ارقىلى بۇقاراعا قىزمەت وتەپ، اۋەلگى ماقساتتى امالياتتا ايگىلەدى

انار بۇلت / شينجياڭ گازەتىنىڭ تىلشىلەرى

  پارتيا تاريحىن ۇيرەنۋ تاربيەسى ورىستەتىلگەننەن بەرى رايونىمىزدىڭ جەر - جەرى، ءارقايسى ورىندارى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن مىندەتتەگى پارتيا مۇشەلەرىنىڭ ”قوس تىزىمدەلۋ“ قىزمەتىمەن تىعىز ۇشتاستىرىپ، مىندەتتەگى پارتيا مۇشەلەرىن قونىستانعان جەرىنە نەمەسە قىزمەت ورنى تۇرعان الەۋمەتتىك اۋماققا، مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا (الەۋمەتتىك اۋماقتا) تۇراتىن قىزمەت اترەتىنە بارىپ تىزىمدەلۋگە ۇيىمداستىرىپ، مىندەتتەگى قالىڭ پارتيا مۇشەلەرىن كەڭسەدەن الەۋمەتتىك اۋماق نەگىزگى ساتى پارتيا ۇيىمىنا بارىپ، ەرىكتى قىزمەت وتەۋ قيمىلدارىن ورىستەتۋگە، ساياساتتى ۇگىتتەپ، تۇسىندىرۋگە، الەۋمەتتىك اۋماق قۇرىلىسىنا كەڭەس بەرۋگە باستاپ، مەكەمەسىندە قىزمەت ىستەۋدى، الەۋمەتتىك اۋماقتا قيمىل جۇرگىزۋدى، ەكى جۇمىس ورنىندا ۇلەس قوسۋدى ورىنداپ، بۇقاراعا قىزمەت وتەۋ بارىسىندا اۋەلگى ماقساتتى، بورىشتى امالياتتا ايگىلەدى.

ىرىقتىلىقپەن سالاۋاتتارىن كورسەتىپ، باتىلدىقپەن جاۋاپكەرشىلىك ارقالادى

  ”سالەمەتسىز بە، مەن تيانيۋەجيايۋان شاعىن اۋماعىندا تۇراتىن شۇي پيڭ بولامىن، جۇڭگو كوممۋنيستىك پارتياسىنىڭ مۇشەسىمىن، قىزمەت ورنىم مايتاۋ تاس جول بولىمشە مەكەمەسى، بۇگىن الەۋمەتتىك اۋماققا تىزىمدەلەمىن، الەۋمەتتىك اۋماق پارتكومىنىڭ ۇندەۋىنە قۇلاق اسىپ، ورنالاستىرۋعا بويسۇنامىن...“. جۋىقتا قارامايلى قالاسى مايتاۋ رايونى شينبەيچۇي ءمالىسى 18 - الەۋمەتتىك اۋماعىندا مىندەتتەگى پارتيا مۇشەلەرى ۇزدىكسىز كەلىپ تىزىمدەلىپ، الەۋمەتتىك اۋماق پارتكومىنا ”سالاۋاتتارىن، ولشەمدەرىن كورسەتتى، ۋادەلەرىن ءبىلدىردى“.

  ”قازىر جيىنى 380 مىندەتتەگى پارتيا مۇشەسى الەۋمەتتىك اۋماقتا پارتيا مۇشەسى سالاۋاتىن ايگىلەدى“. 18 - الەۋمەتتىك اۋماق پارتكومىنىڭ شۋجيى شۇي ليڭليڭ بىلاي دەدى: مىندەتتەگى پارتيا مۇشەلەرىنىڭ الەۋمەتتىك اۋماقتا تىزىمدەلۋى تەك ءبىرىنشى باسقىش، شەشۋشى ءتۇيىن رولدارىن ساۋلەلەندىرۋ كەرەك. 18 - الەۋمەتتىك اۋماق پارتكومى ەڭ الدىمەن تىزىمدەلۋگە كەلگەن پارتيا مۇشەلەرىن الەۋمەتتىك اۋماقتىڭ ”قىزىل كلەتكا“ پارتيا مۇشەلەرى ەرىكتى قىزمەت وتەۋ اترەتىنە ەنگىزدى ءارى پارتيا مۇشەلەرىنىڭ قىزمەت سيپاتى، ماماندىق ارتىقشىلىعى سياقتىلارعا ساي، ادامىنا قاراي جۇمىس ورنىن بەلگىلەپ، جاۋاپكەرشىلىگىن تۇراقتاندىرىپ، مىندەتتەگى پارتيا مۇشەلەرىنىڭ ماماندىق ارتىقشىلىعىن ەڭ جوعارى شەكتە ساۋلەلەندىرىپ، بۇقاراعا قىزمەت وتەۋ ارناسىن كەڭەيتىپ، حالىققا قىزمەت ىستەۋ تانىمىن كۇشەيتىپ، پارتيا مۇشەلەرىنىڭ 8 ساعاتتىڭ ءىشى - سىرتىندا دا اۆانگارد ۇلگى بولۋىن ورىندادى.

  18 - الەۋمەتتىك اۋماقتىڭ مىندەتتەگى پارتيا مۇشەسى ۋاڭ فۋچياڭ بىلاي دەدى: ”پارتيا مۇشەسى رەتىندە، بارلىق ىستە اۆانگارد بولىپ، بارلىق جەردە ۇلگى بولىپ، 8 ساعاتتان سىرت ۋاقىتتا دا وزىمە قاتاڭ تالاپ قويىپ، بار ىنتا - پەيىلىممەن حالىق ءۇشىن قىزمەت ىستەپ، الەۋمەتتىك اۋماقتاعى ’جۇمىس ورنىمدا‘ ءوز رولىمدى ساۋلەلەندىرەمىن“.

  پارتيا تاريحىن ۇيرەنۋ تاربيەسى بارىسىندا، شينجياڭ ءتۇستى مەتال توبى قاراتۇڭكە كەن كاسىبى شەكتى جاۋاپكەرشىلىك سەرىكتەستىگىنىڭ 80 پايىزدان استام پارتيا مۇشەسى الەۋمەتتىك اۋماققا بارىپ تىزىمدەلۋ كارتچكاسىن تولتىرىپ، تىزىمدەلۋ قىزمەتىن ورىندادى. الداعى جەردە وسى سەرىكتەستىك سەرىكتەستىكتىڭ ارتىقشىلىعى مەن مىندەتتەگى پارتيا مۇشەلەرىنىڭ اۆانگارد، ۇلگىلىك رولىن بەلسەندىلىكپەن ساۋلەلەندىرىپ، الەۋمەتتىك اۋماق تۇرعىندارى ءۇشىن كوبىرەك ناقتى ءىس، جاقسى ءىس ىستەپ، الەۋمەتتىك اۋماقتىڭ ءىس جۇزىندىك قاجەتىمەن ۇشتاستىرىپ قىزمەت وتەۋ، باسقارۋ، بىرگە قۇرۋ قىزمەتتەرىن ويداعىداي ورىستەتەدى.

شىنايى سۇيىسپەنشىلىكپەن قىزمەت وتەۋ جۇرت جۇرەگىن جىلىتتى

  ”وسى رەت جىلۋعا اتالعان كىتاپتار مەكتەپتىڭ ساباقتان سىرتقى كىتاپ جەتكىلىكسىز بولۋ ماسەلەسىن شەشىپ، وقۋشىلارعا مەيىرىم مەن قامقورلىقتى سەزىندىردى، شينجياڭ اۋىل شارۋاشىلىعى داشۋەسىنە شىنايى العىس ايتامىز“. جۋىقتا اۋات اۋدانى بەشارىق قالاشىعى قۇمويلا قىستاعى باستاۋىش مەكتەبىنىڭ باستىعى گۇليسا قادىر تەبىرەنىسپەن وسىلاي دەدى.

  پارتيا تاريحىن ۇيرەنۋ تاربيەسى بارىسىندا، شينجياڭ اۋىل شارۋاشىلىعى داشۋەسىنىڭ پارتيالى كادرلارى، وقىتۋشىلارى قۇمويلا قىستاعىنا بارىپ، وسى مەكتەپتىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىندە ”قوس تىزىمدەلۋ“ قىزمەتىن ورىستەتتى. شينجياڭ اۋىل شارۋاشىلىعى داشۋەسىنە قاراستى ورتا مەكتەپ پارتكومىنىڭ شۋجيى رۇڭ چۇن مەكتەپ پەن قامقورشى كاسىپورىنداردىڭ ىقىلاسىمەن قۇمويلا قىستاعى باستاۋىش مەكتەبىنە 5000نان استام كىتاپ، 5000نان استام تاپسىرما داپتەر، 2000نان استام قارىنداش، سونداي - اق ستاكان جانە سومكە سياقتى بۇيىمداردى جىلۋعا بەردى.

  سونىمەن بىرگە شينجياڭ اۋىل شارۋاشىلىعى داشۋەسىنىڭ مىندەتتەگى پارتيا مۇشەلەرى ارتىقشىلىقتارىن ساۋلەلەندىرىپ، قىستاق تۇرعىندارىنا بەلسەنە قىزمەت وتەدى. شينجياڭ اۋىل شارۋاشىلىعى داشۋەسى ورمان ءىلىمى جانە باعبانشىلىق شۋەيۋانىنىڭ پروفەسسورى زىڭ بين پارتيا تاريحى ساباقحاناسىن قىستاقتا، اۋلالاردا اشىپ، قىستاق كادرلارى مەن قىستاق تۇرعىندارى ۋاكىلدەرىنە پارتيا تاريحىنان ۇگىت لەكسيا جاسادى، ەگىمشىلىك تەحنيكاسىن ۇيرەتتى، ت. ب؛ جۇڭگو اۋىل شارۋاشىلىعى داشۋەسىنەن شينجياڭعا كومەككە كەلگەن كادر، شينجياڭ اۋىل شارۋاشىلىعى داشۋەسى جايلىم جانە قورشاعان ورتا عىلىمى شۋەيۋانىنىڭ ورىنباسار باستىعى شى جيانچۋ اتىز باسىنا بارىپ، قىستاق تۇرعىندارىنىڭ ماقتا مايساسىن جەتىلدىرۋ تەحنيكاسىنا جەتەكشىلىك ەتتى، شينجياڭعا كومەكتەسۋ حيكايالارىن اڭگىمەلەدى... شىن كوڭىلىمەن ۇلەس قوسىپ، قىستاق تۇرعىندارىنىڭ جاپپاي جاقسى باعاسىن الدى.

  شيحۋ قالالىق پارتكوم ۇگىت ءبولىمى پارتيا تاريحىن ۇيرەنۋ تاربيەسىمەن ۇشتاستىرىپ، شيحۋ قالاسى جاڭا قالا رايونى ءمالىسىنىڭ ۋىندى جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىمەن بەلسەنە ءتۇيىلىسىپ، مىندەتتەگى پارتيا مۇشەلەرىن الەۋمەتتىك اۋماققا بارىپ تىزىمدەلۋگە ۇيىمداستىرىپ، قىزمەت اترەتىندەگى پارتيالى كادرلارمەن بىرگە ”پارتيا تاريحىن ۇيرەنىپ ارەكەتتى جەبەيمىن، بۇقارا ءۇشىن ناقتى ءىس ىستەيمىن“ تاقىرىبىنداعى اعاش ەگىپ جاسىلداندىرۋ، قورشاعان ورتانى كورىكتەندىرۋ، وركەنيەتتى امالياتتا ايگىلەۋ قيمىلىن ورىستەتتى.

  قىز ءجۇزىمنىڭ ساباعىن بەكەمدەدى، شۇقاناق قازىپ توپىراق تولتىردى، توڭىرەكتەگى ارام شوپتەردى تازالاپ تاسىدى... قىزىل ءتۇستى ەرىكتىلەر كيىمىن كيگەن مىندەتتەگى پارتيا مۇشەلەرى شاعىن اۋماقتىڭ تىنىعۋ دالىزىنە قىز ءجۇزىم ەگىپ، تۇرعىندارعا سايا جاساپ بەردى. ”قازىر قىز ءجۇزىم جاپ - جاسىل بولىپ ءوستى، سورەگە تولعاننان كەيىن، كۇندە دالىزدە سالقىنداپ، سەرۋەندەيتىن بولدىق“، - دەدى ۋىندى جولى الەۋمەتتىك اۋماعىنىڭ تۇرعىنى شۇي جيانپىڭ كوڭىلدەنىپ.

  شيحۋ قالالىق پارتكوم ۇگىت ءبولىمىنىڭ ۋىندى جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي شۇي حۇڭ بىلاي دەدى: ”ءبىز ’مەن بۇقارا ءۇشىن ناقتى ءىس ىستەيمن‘ امالياتتىق قيمىلىن ىشكەرىلەي ويداعىداي جۇرگىزىپ، بۇقارانىڭ قيىن ىستەرىن، مازالاعان ىستەرىن دەن قويا، سۇيىسپەنشىلىكپەن، كۇش سالا شەشەمىز“.

ارتىقشىلىقتى ساۋلەلەندىرىپ، بۇقاراعا قىزمەت وتەدى

  الدامشىلىققا قارسى تۇرۋ ۇگىت قاعازدارىن تاراتتى، قاراستى اۋماقتاعى قارتتارعا الدامشىلىقتان ساقتانۋ شاعىن بىلىمدەرىن بەتپە - بەت ءتۇسىندىردى... 5 - ايدىڭ 25 - كۇنى التاي قالاسى ىنتىماق جولى ءمالىسى ىنتىماق جولى الەۋمەتتىك اۋماعى ىنتىماق جولى ساقشى بولىمشەسىندەگى مىندەتتەگى پارتيا مۇشەلەرىمەن بىرلەسىپ، تەلەگراف، ينتەرنەت الدامشىلىعىنان ساقتانۋ ۇگىت قيمىلىن ورىستەتىپ، تۇرعىنداردىڭ ساقتانۋ تانىمى مەن قابىلەتىن اناعۇرلىم جوعارىلاتتى.

  پارتيا تاريحىن ۇيرەنۋ تاربيەسى بارىسىندا، التاي قالاسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن مىندەتتەگى پارتيا مۇشەلەرىنىڭ الەۋمەتتىك اۋماققا بارىپ تىزىمدەلۋ قىزمەتىمەن ءوزارا ۇشتاستىرىپ، ساياسات، زاڭ ەرەجەلەردىڭ ۇگىتشىسى بولۋ، قيىنشىلىعى بار بۇقارانىڭ كومەكتەسۋ - سۇيەمەلدەۋشىسى بولۋ سياقتى قيمىلداردى ورىستەتىپ، مىندەتتەگى قالىڭ پارتيا مۇشەلەرى جۇمىس ورىندارىن تانىپ، الەۋمەتتىك اۋماقتى جونگە سالۋعا اقىل - پاراساتتارىن، كۇش - قۋاتتارىن ارنادى. ىنتىماق جولى مالىسىندە قۇرىلعان مىندەتتەگى پارتيا مۇشەلەرىنىڭ 17 قىزمەت وتەۋ اترەتى الەۋمەتتىك اۋماقتا بەلسەنە قىزمەت ەتىپ، پارتيا مۇشەلەرىنىڭ وبراز سومداۋىن، بۇقارانىڭ ناقتى تيىمدىلىككە كەنەلۋىن، الەۋمەتتىك اۋماقتىڭ كومەكشىسى كوبەيۋىن جەبەدى.

  بايىنعولين وبلىسى قۇرىلىس ينجەنەريالارىن سالۋ سحەماسىن سارالاۋ، كەڭەس بەرۋ شەكتى سەرىكتەستىگى پارتيا ياچەيكاسىنىڭ مىندەتتەگى پارتيا مۇشەلەرى كورلا قالاسى قۇرىلىس ءمالىسى شياڭلي الەۋمەتتىك اۋماعى ەرىكتى قىزمەت وتەۋ پۋنكتىنە ىرىقتىلىقپەن قوسىلىپ، الەۋمەتتىك اۋماقتى بىرگە قۇرۋعا ات سالىستى. ”سەرىكتەستىكتىڭ مىندەتتەگى پارتيا مۇشەلەرى الەۋمەتتىك اۋماققا بارىپ تىزىمدەلىپ، الەۋمەتتىك اۋماقتىڭ قورشاعان ورتانى كورىكتەندىرۋ، جالعىزىلىك قارتتارعا امانداسۋ سياقتى ەرىكتى قىزمەت وتەۋ قيمىلدارىنا ات سالىسۋ ارقىلى كوپشىلىكتى الەۋمەتتىك اۋماق قۇرىلىسىنا ناقتاپ ارالاستىرىپ، پارتيا مۇشەلەرى مەن بۇقارانىڭ، كادرلار مەن بۇقارانىڭ قاتىناسىن قويۋلاتىپ، تاماشا قىزمەت وتەۋ رايىن قالىپتاستىردى“. وسى سەرىكتەستىكتىڭ پارتيا ياچەيكا شۋجيى لۋ ۋىنشين: ”بۇدان كەيىن ءبىز الەۋمەتتىك اۋماقتىڭ ەرىكتى قىزمەت وتەۋ قيمىلدارىنا ۇنەمى قاتىناسىپ، جاراسىمدى، تاماشا مەكەندى بىرگە قۇرامىز“، - دەدى.

  باي اۋداندىق بازار باقىلاۋ - باسقارۋ مەكەمەسى مىندەتتەگى پارتيالى كادرلاردى ”قوس تىزىمدەلۋ“ قىزمەتىن تياناقتاندىرۋعا بەلسەنە جۇمىلدىرىپ، ارتىقشىلىقتارىن ساۋلەلەندىرىپ، وسى اۋداننىڭ باي قالاشىعى كىندىكدوڭ الەۋمەتتىك اۋماعىندا ءتۇرلى فورمادا ۇگىت تاربيە ورىستەتىپ، تۇرعىندار نازار اۋدارىپ وتىرعان قولامتالى، قيىن ماسەلەلەرگە ۇگىتتەۋ، ءتۇسىندىرۋ جۇرگىزدى. وسى مەكەمەنىڭ پارتيا باسشىلىق گرۋپپاسى شۋجيى، ورىنباسار مەكەمە باستىعى شۇي چاڭميڭ بىلاي دەدى: ”ءبىز الەۋمەتتىك اۋماقپەن سايكەسۋدى، ءتۇيىلىسۋدى ۇزدىكسىز كۇشەيتىپ، الەۋمەتتىك اۋماق پەن بۇقارانىڭ قاجەتىن باعدار ەتە وتىرىپ ءتۇرلى قىزمەت وتەۋ قيمىلدارىن ورىستەتىپ، الەۋمەتتىك اۋماقتىڭ جونگە سالۋ قۋاتى مەن بۇقارانىڭ باقىت كورسەتكىشىن جوعارىلاتۋعا دەم بەرەمىز“.

  (ءتىلشى جاڭ يانفاڭ، ەرىكتى تىلشىلەر كاڭ بين، جياڭ حايياڭ، ۋاڭ لەي جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.