تيانشان تورى
تيانشان تورى   ›   جاڭالىقتار   ›   شينجياڭ حابارلارى

ارال قىستاعىنداعى كىشكەنتاي سەرىك ونەرى جۇلدىزدارى

انار بۇلت / شينجياڭ گازەتىنىڭ ءتىلشىسى ليۋ مىڭمىڭ

  5 - ايدىڭ 29 - كۇنى قاراقاش اۋدانى قاراساي قالاشىعى ارال قىستاعىنىڭ قىستاق تۇرعىندار كوميتەتىنە كىرگەنىمىزدە اۋلادان ەستىلگەن دۋماندى ءۇن ءبىزدى بىردەن باۋراپ اكەتتى. ويناقى مۋزيكا سۇيەمەلىمەن ادەمى كيىنگەن بالالار ساحنادا كەڭىستىكتەگى بولات سىمدا ءجۇرۋ، باس كيىم ۇشىرۋ، تىرەپ كوتەرۋ ونەرى، زىرىلداۋىق اينالدىرۋ سياقتى تارتىمدى سەرىك نومىرلەرىن ورىنداپ، سول جەردەگى قىستاق تۇرعىندارىنىڭ كوز مەيىرىن قاندىردى، ولار توقتاۋسىز شاپالاق سوعىپ، الاقايلاستى.

  ”بالالاردىڭ باس كيىم ۇشىرۋ ويىنى وتە تارتىمدى ەكەن، اۋەلى ولاردى تانىماي قالدىم“، - دەدى قىستاق تۇرعىنى راناگۇل مامەت. ول قىستاقتاعى وسى تەنتەك بالالاردىڭ كىشكەنتاي سەرىك ونەرى جۇلدىزدارىنا اينالارىن ويلاماعانىن ايتتى.

  وسى كىشكەنتاي ارتيستەردىڭ ءبارى قىستاقتىڭ بالالارى. شينجياڭ كوركەمونەر تەاترى سەرىك ۇيىرمەسىنىڭ ”ۇعىسۋ، تيىمدىلىك جاساۋ، توعستىرۋ“ قيمىلى بويىنشا قاراقاش اۋدانى قاراساي قالاشىعى ارال قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي، شينجياڭ سەرىك اترەتىنىڭ باستىعى ءانۋار مامەت بىلاي دەدى: ”قىستاققا العاش كەلگەنىمدە بالالاردىڭ ساباقتان قايتقان سوڭ، توپتاسىپ الىپ بىرگە وينايتىنىن كوردىم، سونىمەن وزىمدەگى ارتىقشىلىقتان پايدالانىپ، قىستاقتاعى بالالارعا ونەر ۇيرەتۋ ويىنا كەلدىم“.

  ءانۋار بىلاي دەدى: 2019 - جىلى قىزمەت اترەتى مەن قىستاق تۇرعىندار كوميتەتى قىستاقتا ”ارمانعا قانات قاعۋ 2000 - جىلداردىڭ تۇلەگى“ بالالاردى سەرىك ونەرىنە ماشىقتاندىرۋ كلاسىن قۇردىق، ويلاماعان جەردەن قىستاق تۇرعىندارى مەن بالالار ەرەكشە بەلسەندىلىك تانىتىپ، 80 نەشە بالا كەلىپ تىزىمدەلدى، سارالاۋ ارقىلى سوڭىندا 9 جاستان 12 جاسقا دەيىنگى 25 بالانى الدىق.

  ”ءبىر، ەكى، ءۇش، ءتورت؛ ەكى، ەكى، ءۇش، ءتورت...“ ”وكشەڭدى كوتەر، قادام تاستا، اياعىڭدى كوتەر...“سول كۇننەن باستاپ، ارال قىستاعىنىڭ قىستاق تۇرعىندار كوميتەتى اۋلاسىنان وسىنداي كورىنىستەر ۇنەمى كوزگە شالىناتىن بولدى − 25 كىشكەنتاي شاكىرت وقىتۋشىنىڭ بۇيرىعىنا ىلەسىپ، قۇلاشىن جايىپ، اياعىن سەرپىپ جەرگە تيگىزىپ، بۇلشىق ەتتەرىن سوزدى؛ جاي جاتتىعۋ قيمىلىنان كەيىن بالالار ەكى - ۇشتەن توپتاسىپ، كەيبىرى باس كيىم ۇشىرۋعا، كەيبىرى زىرىلداۋىققا، كەيبىرى بولات سىمدا جۇرۋگە ماشىقتاندى، كوپشىلىك زەيىندەرىن ءبىر اراعا شوعىرلاندىرىپ، قاس - كوز قيىقتارىنان تەر مونشاقتارى سورعالاسا دا، ەش بويكۇيەزدىككە سالىنبادى.

  شينجياڭ كوركەمونەر تەاترى سەرىك ۇيىرمەسىندەگى ايگىلى جاس ارتيست، كەزىندەگى كولەمدى مۋزيكالى سەرىك تەاترى «سالەمەتسىز بە، قوجاناسىردا» ەر باس رولىن العان مامەتجان روزى دا بالالارعا وقىتۋشى بولدى. ”تاربيەلەۋ ۋاقىتى ءار كۇنى ساباقتان كەيىن جانە سەنبى، جەكسەنبى كۇندەرى، سونداي - اق جازعى دەمالىس كۇندەرى بولدى، وقۋلارىنا نۇقسان جەتكىزبەۋ ءۇشىن، قىزمەت اترەتى قىستاق تۇرعىندار كوميتەتىندە پىسىقتاۋ كلاسىن اشتى، بالالار الدىمەن تاپسىرمالارىن ورىندايدى، ولاردىڭ ۇيرەنۋىنە ارناۋلى ادام جەتەكشىلىك ەتەدى، سوڭىنان ءبىر تۇتاس سەرىك ويىنىنا ماشىقتانادى“. مامەتجان وسى بىرنەشە ايدا بالالاردىڭ سەرىك ويىنىنىڭ نەگىزگى شەبەرلىكتەرىن يگەرىپ قانا قويماي، ۇيرەنۋ ناتيجەلەرىنىڭ دە جوعارىلاعانىن ايتتى.

  11 جاستاعى ابدۇكەرىم تۇرسۇنتوحتى ءوزى شامالاس بالالاردىڭ ىشىندە بويى تاپالداۋى، ول داۋازعا ماشىقتانعان. قازىر ءبىر مەتردەن استام بيىكتىكتەگى بولات سىمدا تەپە - تەڭدىك ساقتاۋ سىرىعىن ۇستاپ جۇرە الادى.

  ”باستابىندا وقىتۋشى داۋاز ماشىقتانۋىما جول بەرمەدى، ولار مەنى وتە ارىق ەكەنسىڭ، ۇيرەنە المايسىڭ دەدى“. قايسار ابدۇكەرىم ءبىراز ۇمىتسىزدەنسە دە، ءار كۇنى تاپسىرماسىن ورىنداپ بولا سالىسىمەن قىستاق تۇرعىندار كوميتەتىنە بارىپ قاجىرلىلىقپەن ماشىقتانادى، اقىرى مامەتجاندى اسەرلەندىرگەندىكتەن، ونى شاكىرتتىككە قابىلدايدى.

  ”بۇرىن سەرىك ويىندارىن تەلەۆيزوردان كورەتىنبىز، قازىر قىستاقتا ۇيرەتەتىن وقىتۋشى بار بولدى، كۇندەردىڭ بىرىندە سەرىك ارتيسى بولىپ، بۇكىل ەل حالقىنا ويىن كورسەتسەم دەيمىن“، - دەدى ابدۇكەرىم جايراڭداي.

  قازىر وسى كىشكەنتاي ارتيستەردىڭ ماشىقتانعاندارىنىڭ الدىنا ءبىر جىل، ارتىنا 3 اي بولايىن دەدى، ولار قاراقاش اۋدانىندا ”وتانعا العىس ايتۋ“ اتىنداعى حالىققا تيىمدىلىك جاساۋ جەلىلەس كونسەرتىنە قاتىناسىپ قانا قويماي، اۆتونوميالى رايوننىڭ ۇگىت، مادەنيەت جۇيەسىنىڭ ۇلتتار ىنتىماعى بىرلەسكەن ساۋىعى ”نيەتتەستەر جىرى“ سياقتى ۇلكەن ساحنالارعا شىعىپ، اتى الىس - جۋىققا تانىمال كىشكەنتاي جۇلدىزعا اينالدى.

  ”بالالار سەرىك ونەرىن ۇيرەنۋگە ىنتالى، بايىرعى سەرىك مادەنيەتى وڭتۇستىك شينجياڭنىڭ كەڭ - بايتاق دالاسىندا جالعاستىرىلىپ، ’مادەنيەت جەتكىزۋدەن‘’مادەنيەت سىڭىرۋگە‘ بۇرىلىس جاساۋدى جۇزەگە اسىردىق“، - دەدى شينجياڭ ادەبيەت - كوركەمونەرشىلەر بىرلەستىگى سەرىكشىلەر قوعامىنىڭ ۇنەمىلىك ىستەرگە جاۋاپتى ورىنباسار ءتوراعاسى ءرانا يۇسىپ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.