تيانشان تورى   ›   جاڭالىقتار   ›   شينجياڭ حابارلارى

شىلعي وتىرىك تويتارىسسىز توزىپ جوعالادى

بۇراتالا وبلىسى جۇڭيا شەكتى جاۋاپكەرشىلىك سەرىكتەستىگى:

شىلعي وتىرىك تويتارىسسىز توزىپ جوعالادى

  تاياۋدا امەريكاداعى، باتىستاعى جۇڭگوعا قارسى كۇشتەر جانە H&M سياقتى شەتەل كاسىپورىندارى شينجياڭعا قيسىنسىز كۇيە جاعىپ، شينجياڭنىڭ ماقتا كاسىبى سالاسىندا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاۋىپ، شينجياڭنىڭ ماقتاسىن اشىقتان - اشىق شەكتەدى. ولاردىڭ مۇنداي جات نيەتپەن وسەك - اياڭ تاراتىپ، شىلعي وتىرىكتى قارشا بوراتقان ارەكەتىن سەرىكتەستىگىمىزدەگى بارلىق جۇمىسشى - قىزمەتكەرلەر قاتاڭ جازعىرادى جانە وعان باتىل قارسى تۇرادى.

  سەرىكتەستىگىمىز 1999 - جىلى تىزىمگە الدىرىپ قۇرىلعان، نەگىزگى كاسىبى ءشيتتى ماقتا ساتىپ الۋ، مانەرلەۋ، تازا ماقتا تيجاراتى سياقتىلاردى قامتيدى. سەرىكتەستىكتىڭ بارلىق جۇمىسشى - قىزمەتكەرى قوعامنان اشىق قابىلدانىپ، ءوز قالاۋىمەن قابىلداۋ ەمتيحانىنا قاتىناسىپ جۇمىسقا قابىلدانعاندار. سەرىكتەستىك ءاربىر جۇمىسشى - قىزمەتكەرمەن زاڭ بويىنشا ەڭبەك توقتامىنا قول قويىسقان، 8 ساعاتتىق قىزمەت ءتۇزىمى اتقارىلادى، مەرەكە - دەمالىس كۇندەرى قالىپتى دەمالادى ءارى تەگىن تاماقپەن، جاتاقپەن قامدايدى. قازىر سەرىكتەستىكتە از ۇلت جۇمىسشى - قىزمەتكەرلەرى %29تى ۇستايدى، كوپتەگەن جۇمىسشى - قىزمەتكەرلەردىڭ قۇلشىنا قىزمەت ىستەۋ ارقىلى قىزمەت مىندەتى جوعارىلاپ، ەڭبەكاقىسى ءوسىرىلىپ، ايلىق ەڭبەكاقىلارى 5500 يۋاننان استى.

  تاياۋ جىلداردان بەرى اۋىل شارۋاشىلىعىن ماشينالاندىرۋ دەڭگەيى بارىنشا جوعارىلاپ، ماقتا ەگۋ، ماقتا اتىزىن باپتاۋ، ماقتا تەرۋ سىندى قىزمەت ونىمدىلىگى ۇزدىكسىز جوعارىلاپ، ادام كۇشىنە بولعان قاجەت ازايدى. اناعۇرلىم كوپ جۇمىستانۋ ورنىمەن قامداۋ ءۇشىن ءار جىلعى 9 - ايدان كەلەسى جىلدىڭ 1 - ايىنا دەيىنگى ماقتانىڭ پىسۋ جانە ساتىلۋ مەزگىلىندە سەرىكتەستىك قوعامدى 60 − 70 جۇمىس ورنىمەن قامدايدى، نەگىزىنەن، ماقتا ساتىپ الۋ، مانەرلەۋ سىندى قىزمەتتەرمەن اينالىسىپ، سەرىكتەستىكتىڭ وندىرىسىنە كەپىلدىك ەتىپ قانا قويماستان، ماڭايداعى قىستاق تۇرعىندارىنىڭ كىرىسىن ارتتىرۋ ارناسىن دا كەڭەيتتى.

  شينجياڭنىڭ ماقتا كاسىبىندە ”زورلىقپەن ەڭبەككە سالۋ“ مۇلدە بولعان ەمەس. شينجياڭنىڭ جەرگىلىكتى كاسىپورنى رەتىندە، ءبىز ءوندىرىستى، تيجاراتتى ۇزدىكسىز ويداعىداي جۇرگىزىپ، كاسىپورىندى ۇلعايتىپ، نىعايتىپ، شينجياڭداعى ءار ۇلت بۇقاراسىن اناعۇرلىم كوپ جۇمىستانۋ ورايىمەن قامداپ، ولاردىڭ اناعۇرلىم تاماشا تۇرمىس كەشىرۋىنە دەم بەرەمىز!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.