قارامايلى قالاسى قارامايلى رايونى شياۋگۋاي اۋىلىنىڭ ماقتاشىسى گۇلشار مۇقامەتجان
مەنىڭ اتىم گۇلشار مۇقامەتجان، ءۇيىم قارامايلى قالاسى قارامايلى رايونى شياۋگۋاي اۋىلىندا. جۋىقتا مەن ينتەرنەتتەن H&M سياقتى شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندى جەلەۋ ەتىپ، شينجياڭ ماقتاسىن كوپە - كورنەۋ شەكتەگەندىگى تۋرالى حاباردى كورىپ زىعىردانىم قاينادى.
ماقتا − ءبىزدىڭ شينجياڭداعى ديقانداردىڭ باستى كىرىس قاينارىنىڭ ءبىرى. وتباسىمىز 100 نەشە مۋ جەرگە ماقتا ەگىپ وتىر، سونىمەن بىرگە سيىر، قوي باعامىز، الۋان ءتۇرلى كىرىس وتباسىمىزدىڭ تۇرمىسىن بارعان سايىن جاقسارتتى. قازىر ءبىز ماقتا ەككەندە تۇقىم سەبۋ ماشيناسىمەن تۇقىم سەبۋدەن باستاپ ۇشقىشسىز ۇشاقپەن ءدارى شاشقانعا دەيىن، ودان ءىرى تيپتى ماقتا تەرۋ ماشيناسىمەن ماقتا تەرگەنگە دەيىنگى بارلىق كەزەڭدەر تۇگەلدەي ماشينالاندىرىلىپ ىستەلەدى، ۋاقىت ۇنەمدەۋمەن بىرگە، كۇش تە ۇنەمدەدى. ماقتا تەرۋ ماشيناسى ءبىر جاعىنان ماقتا تەرىپ، ءبىر جاعىنان تايلايدى، راسىندا توتەنشە قولايلى.
ءبىزدىڭ شينجياڭنىڭ ماقتاسىنىڭ ساپاسى جاقسى، ودان جاسالعان كورپەنىڭ اۋا وتكىزگىشتىگى جاقسى، مامىق تا جايلى بولعاندىقتان، ءبىزدىڭ ءۇيىمىز دە ازىراق ماقتا الىپ قالىپ كورپە، جامباس كورپە جاسايمىز. مەن ادەتتە تاعى شينجياڭ ماقتاسىنان جاسالعان ورامال، كيىم - كەشەك ساتىپ العاندى ۇناتامىن، ويتكەنى شينجياڭ ماقتاسى جۇمساقتىعى، تەرىگە جاعىمدىلىعى، اۋا وتكىزگىشتىگى، سەرپىمدىلىگى سياقتى جاقتاردا تۇگەلدەي ادەتتەگى ماقتادان جاقسى.
جات نيەتپەن پالە جابۋ شينجياڭداعى ءار ۇلت حالقىنىڭ باقىتتى، تاماشا تۇرمىس كەشىرگەن شىندىعىن جوققا شىعارا المايدى. شينجياڭدا ءاربىر ماقتا اتىزىنداعى قاربالاس بەينەلەر، باقىتتى جايدارى جۇزدەر تۇگەلدەي شينجياڭداعى ءار ۇلت حالقىنىڭ باقىتتى تۇرمىس جاراتۋىنداعى ناعىز كەسكىنى.
