1971 - جىلى
5 - ايدىڭ 7 - كۇنىنەن 11 - كۇنىنە دەيىن اۆتونوميالى رايوندىق 2 - رەتكى پارتيا ۋاكىلدەر قۇرىلتايى اشىلدى.
7 - ايدىڭ 12 - كۇنى ورتالىقتىڭ بەكىتۋىمەن، ءۇرىمجى اۋەجايىن كەڭەيتىپ سالۋ ينجەنەرياسى قۇرىلىس باستادى. 1974 - جىلى رەسمي پايدالانۋعا بەرىلىپ، ەلىمىزدىڭ سول كەزدەگى 4 ۇلكەن حالىقارالىق اۆياتسيا پورتىنىڭ بىرىنە اينالدى.
1972 - جىلى
كوكتەمدە جوۋ ىنلاي زۇڭلي ازاتتىق ارميا بەلگىلى اسكەري ءبولىمى سۋ جەتكىزۋ ينجەنەرياسى تۋانىنىڭ شينجياڭعا اتتانىپ، بارلىق قيىندىقتى جەڭىپ، 20 جىلدا شينجياڭنىڭ سۋ رايى، جەر قۇرىلىمى جاعدايىن تەكسەرىپ انىقتاپ، اۋىر قۋاڭشىلىق وڭىرلەردەگى ەگىنشى - مالشىلاردىڭ اۋىز سۋ ماسەلەسىن شەشۋ جونىندە نۇسقاۋ بەردى.
10 - ايدىڭ 5 - كۇنى «شينجياڭ گازەتى» شينجياڭ ءوندىرىس - قۇرىلىس بيڭتۋانى اۋىل شارۋاشىلىق 8 - شىسىنىڭ بارلىق قويدى تۇگەلدەي بيازى ءجۇندى قويعا اينالدىرعانىن حابارلادى.
1973 - جىلى
1 - ايدا اۆتونوميالى رايوندىق جوعارى حالىق سوتى مەكەمەسى قالپىنا كەلتىرىلدى. وسىدان كەيىن اۆتونوميالى رايوننىڭ ءار دارەجەلى حالىق سوتى مەكەمەسى ىركەس - تىركەس قالپىنا كەلتىرىلدى.
6 - ايدىڭ 3 - كۇنى ورتالىق سايپيدەن ازەزدى اۆتونوميالى رايوندىق پارتكومنىڭ ءبىرىنشى شۋجيلىگىنە، اۆتونوميالى رايوندىق توڭكەرىستىك كوميتەتتىڭ مەڭگەرۋشىلىگىنە، شينجياڭ اسكەري رايون پارتكومىنىڭ ءبىرىنشى شۋجيلىگىنە، شينجياڭ اسكەري رايونىنىڭ ءبىرىنشى جىڭۋيلىعىنا تاعايىنداۋدى ۇيعاردى.
7 - ايدىڭ 3 - كۇنى مەملەكەتتىك كەڭەس بۇكىل ەلدەگى ورتا دارەجەلى كاسىپتىك مەكتەپتەردىڭ، تەحنيك مەكتەپتەردىڭ وقۋشى قابىلداۋدى باستاۋىن ۇيعاردى. اۆتونوميالى رايون ”مادەنيەت زور توڭكەرىسىندە“ ورتا تەحنيكۋمداردىڭ، تەحنيك مەكتەپتەردىڭ جۇمىس توقتاتقاننان كەيىنگى العاشقى وقۋشى قابىلداۋىن باستادى.
7 - ايدا ءۇرىمجى مۇناي حيميا ونەركاسىپ زاۆودى قۇرىلىس جۇرگىزىپ، شاڭىراق كوتەردى.
12 - ايدا قارامايلىدان ۇرىمجىگە دەيىنگى مۇناي جەتكىزۋ قۇبىرى جەلىسى سالىنىپ ءبىتىپ، جىلدىق مۇناي جەتكىزۋ قۋاتى 3 ميلليون توننا بولدى.
اۆتونوميالى رايوندىق پارتكوم پارتيا تاريحى جانە حۇجات زەرتتەۋ ورنى بەرگەن
انار بۇلت / شينجياڭ گازەتىنىڭ ءتىلشىسى فان حۇڭي رەتتەگەن سۋرەتتەردى رەتتەگەن / جوبالاعان لياڭ ۋي
