تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون توڭكەرىستىك مادەني ەسكەرتكىشتەر جانە قىزىل ساياحات قىزمەتى بەينە ەكران ءماجىلىسىن اشتى

  انار بۇلت / شينجياڭ گازەتىنىڭ ءتىلشىسى ليۋ مىڭمىڭ 6 - ايدىڭ 4 - كۇنى ۇرىمجىدەن حابارلايدى. 6 - ايدىڭ 4 - كۇنى تۇستەن بۇرىن اۆتونوميالى رايون توڭكەرىستىك مادەني ەسكەرتكىشتەر جانە قىزىل ساياحات قىزمەتى بەينە ەكران ءماجىلىسىن اشتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز باس شۋجي شي جينپيڭنىڭ توڭكەرىستىك مادەني ەسكەرتكىشتەر قىزمەتى جونىندەگى ماڭىزدى نۇسقاۋىنىڭ رۋحىن جەتكىزدى، مەملەكەتتىك توڭكەرىستىك مادەني ەسكەرتكىشتەر قىزمەتى ءماجىلىسىنىڭ رۋحىن جەتكىزدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: توڭكەرىستىك مادەني ەسكەرتكىشتەر پارتيا مەن حالىقتىڭ ەرلىكپەن كۇرەس جۇرگىزگەن داڭقتى تاريحىن جالعاستىرعان، جۇڭگو توڭكەرىسىنىڭ ۇلى بارىسى مەن اسەرلى ىستەرىن ەستەلىككە العان، توڭكەرىستىك ءداستۇر مەن توڭكەرىستىك مادەنيەتتى اسقاقتاتۋدىڭ، سوتسياليستىك رۋحاني وركەنيەت قۇرىلىسىن كۇشەيتۋدىڭ، وتانشىلدىق ىستىق ىنتانى قاۋلاتۋدىڭ، ۇلتتىق رۋحتى جىگەرلەندىرۋدىڭ جاندى وقۋلىعى. باس شۋجي شي جينپيڭنىڭ توڭكەرىستىك مادەني ەسكەرتكىشتەر قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك توڭكەرىستىك مادەني ەسكەرتكىشتەر قىزمەتى ءماجىلىسىنىڭ رۋحىن دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا قىزمەتتەردى قورىتىندىلاپ، جاعدايعا تالداۋ جاساپ، كەلەسى كەزەڭدەگى اۆتونوميالى رايوننىڭ توڭكەرىستىك مادەني ەسكەرتكىشتەر جانە قىزىل ساياحات قىزمەتىن ويداعىداي ورنالاستىرۋ كەرەك.

  ءماجىلىس مىنالاردى باسا دارىپتەدى: بۇكىل رايونداعى ءار دارەجەلى پارتكومدار مەن ۇكىمەتتەر توڭكەرىستىك مادەني ەسكەرتكىشتەر قىزمەتىنىڭ ساياسي جاۋاپكەرشىلىگى مەن باسشىلىق جاۋاپكەرشىلىگىن جاپپاي تياناقتاندىرىپ، ۇيىمدىق باسشىلىقتى كۇشەيتىپ، قولداۋ سەرپىنىن ارتتىرىپ، سايكەسۋ مەحانيزمىن ورناتىپ، جالپى تۇلعالىق بىرىككەن كۇش قالىپتاستىرىپ، توڭكەرىستىك مادەني ەسكەرتكىشتەردى قورعاۋ، پايدالانۋ دەڭگەيىن ۇزدىكسىز جوعارىلاتىپ، توڭكەرىستىك مادەني ەسكەرتكىشتەر بايلىعىنىڭ توڭكەرىستىك رۋحتى اسقاقتاتۋداعى، قىزىل گەندى جالعاستىرۋداعى، ەكونوميكالىق، قوعامدىق دامۋدى ىلگەرىلەتۋدەگى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى ماڭىزدى رولىن اناعۇرلىم ويداعىداي ساۋلەلەندىرىپ، پارتيا تاريحىن ۇيرەنۋ تاربيەسىنە اناعۇرلىم ويداعىداي قىزمەت وتەپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن اسقاق رۋحاني بەينەمەن قارسى الۋ كەرەك.

  ماجىلىستە توڭكەرىستىك مادەني ەسكەرتكىشتەردى قورعاۋ، پايدالانۋ اۋماقتارىن اۋداندارعا ءبولۋ تىزىمدىگى جانە پارتيا تاريحىن ۇيرەنۋ تاربيەسى ءۇشىن قىزمەت وتەيتىن قىزىل توڭكەرىستىك ساياحات كورىنىس وڭىرلەرىنىڭ، كورىنىس تۇيىندەرىنىڭ ءتىزىمى جاريالاندى، اۆتونوميالى رايوندىق مادەنيەت جانە ساياحات مەڭگەرمەسى سياقتى ورىندار پىكىر اۋىستىرىپ، ءسوز سويلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.