تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ جەر - جەرى ساقا پارتيا مۇشەلەرىنە ”پارتيا قۇشاعىنداعى داڭقتى 50 جىل“ ەستەلىك زناگىن تاراتتى

  انار بۇلت / شينجياڭ گازەتىنىڭ ءتىلشىسى جاڭ يانفاڭ، ەرىكتى ءتىلشى گۇڭ ۋي 6 - ايدىڭ 6 - كۇنى ۇرىمجىدەن حابارلايدى. ”وسى ەلەۋلى زناك − پارتيانىڭ ءبىز ساقا جولداستارعا دەگەن قامقورلىعى مەن ايالاۋى، بۇل داڭق، ونان دا ماڭىزدىسى، جاۋاپكەرشىلىك“. 6 - ايدىڭ 6 - كۇنى قۇربان تۇلىم ەسكەرتكىش سارايىندا كەريا اۋدانى تۋراقاز اۋىلدىق پارتكوم ابدۇقادىر مامەت، روزى اشىم سياقتى 8 ساقا پارتيا مۇشەسىنە ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ سالتىن وتكىزدى، ساقا پارتيا مۇشەسى ابدۇقادىر مامەت ەستەلىك زناكتى العاننان كەيىن اسەرلەنە وسىلاي دەدى.

  سول كۇنى ءۇرىمجى قالاسى تيانشان رايونى، قۇمىل قالاسى يجوۋ رايونى، كوكتوعاي اۋدانى كوكتوعاي قالاشىعى، كەريا اۋدانى تۋراقاز اۋىلى، شينجياڭ ءوندىرىس - قۇرىلىس بيڭتۋانى 1 - شىسى ارال قالاسىنىڭ باقىت جولى ءمالىسى، شينجياڭ داشۋەسى سياقتى 6 جەر مەن ورىن 2021 - جىلى 7 - ايدىڭ 1 - كۇنىنە دەيىن پارتيالىق ستاجى 50 جىلعا تولعان، كوزى ءتىرى، باستان - اياق بەينەسى جاقسى بولىپ كەلگەن پارتيا مۇشەلەرىنە ”پارتيا قۇشاعىنداعى داڭقتى 50 جىل“ ەستەلىك زناگىن تاراتتى، جيىنى 50 پارتيا مۇشەسى سول جەردە ەستەلىك زناگىن الدى.

  ماۋ زىمين بايىرعى تۇراعىندا ءۇرىمجى قالاسى تيانشان رايوندىق كوميتەتىنىڭ ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ سالتى ايبىندى مەملەكەت ءانى ىشىندە باستالدى، قاتىستى جاۋاپتى قادىر وسىمان، رىن يوۋشۇن سياقتى 10 ساقا پارتيا مۇشەسى ۋاكىلىنە بىردەن - بىردەن ”پارتيا قۇشاعىنداعى داڭقتى 50 جىل“ ەستەلىك زناگىن تاقتى. تيانشان رايونىندا 1800دەن استام ساقا پارتيا مۇشەسى ەستەلىك زناگىن الادى.

  ”پارتياعا كىرگەن سول كۇننەن باستاپ، مەن پارتيا ىستەرى ءۇشىن ءومىر بويى كۇرەس جاساۋعا ساقاداي سايلاندىم“. ”پارتيا قۇشاعىنداعى داڭقتى 50 جىل“ ەستەلىك زناگىنىڭ يەگەرى، 72 جاستاعى گۇڭ شىچۋاننىڭ جانارىنان بەرىك بەكىم مەن مۇندالايدى. جاس كەزىندە شەكارا ءوڭىردى كوركەيتۋگە كوكىرەك تولى قىزۋ ىنتامەن كەلگەن ول شينجياڭنىڭ ەنەرگيا ىستەرىنىڭ دامۋىنا بەلسەنە ات سالىستى، ءبىر جالىندى جاستان بۇگىنگى كۇندە شاشىن قىراۋ شالعانعا دەيىن، گۇڭ شىچۋان حۋاديان شينجياڭ حۇڭيانچى ەلەكتر تاراتۋ شەكتى سەرىكتەستىگىنىڭ دامۋ بارىسىنا كۋا بولدى، ات سالىستى. بۇگىنگى تاڭدا ول شينجياڭنىڭ ەلەكتر قۋاتى، قاتىناس سياقتى ءتۇرلى ىستەرىنىڭ قارىشتاپ دامىعانىن كورگەندە ەرەكشە شاتتانادى. ”مۇنىڭ بارلىعى پارتيانىڭ ءار ۇلت حالقىنا باسشىلىق ەتۋىنىڭ ارقاسىندا كەلگەن. قىزمەتتەن دەمالىسقا شىعۋعا بولادى، الايدا پارتيا مۇشەسى سالاۋاتى ماڭگى دەمالىسقا شىقپايدى. مەن ماڭگى پارتيانى سۇيەمىن، پارتيانى قادىرلەيمىن، پارتيانى قولدايمىن، ماڭگى پارتياعا ىلەسەمىن، كوركەم شينجياڭدى قۇرۋعا كوپتەپ ۇلەس قوسامىن!“، - دەدى ول.

  جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا شەرۋ تارتۋ ەسكەرتكىش سارايىندا قۇمىل قالاسى يجوۋ رايونىنداعى مامەت شاكىر، حۇي جيۋليڭ، ۋاڭ فىڭ سياقتى 10 ساقا پارتيا مۇشەسى ۋاكىلى ”پارتيا قۇشاعىنداعى داڭقتى 50 جىل“ ەستەلىك زناگىن الدى. وسى ساقا پارتيا مۇشەلەرى اۋەلگى ماقساتتى ۇمىتپاي، بورىشتى ەستە بەرىك ساقتادى، باستان - اياق ءىس جۇزىندىك ارەكەتتەرىمەن پارتياعا كىرگەندەگى سەرتتەرىن امالياتتا ايگىلەدى، ۇلگىلىك، باستاماشىلىق رولدارىن ساۋلەلەندىردى. ءبارى وزدەرىنىڭ قاراپايىم قىزمەت ورىندارىندا ەرەكشە ناتيجەگە قول جەتكىزدى. بيىل 88 جاستاعى ۋاڭ فىڭ الدىڭعى عاسىردىڭ 50 - جىلدارى امەريكا جيھانگەرلىگىنە قارسى تۇرىپ، چاۋشيانعا كومەكتەسۋ سوعىسىنان كەيىن داڭقپەن پارتياعا كىرگەن. شينجياڭ تەمىر جول قۇرىلىسىنا كومەكتەسۋ ءۇشىن، 1956 - جىلى بەيجيڭدە قىزمەت ىستەيتىن ۋاڭ فىڭ قۇمىل ماشينا جۇمىستارى بولىمشەسىنە اۋىسىپ كەلىپ، تاپجىلماي 37 جىل ىستەيدى. ول: ”مەن ءبىر كوممۋنيستىك پارتيا مۇشەسىمىن، مەنى قاي جەر قاجەت ەتسە سوندا بارامىن، ەشقانداي وكىنىشىم جوق!“، - دەيدى بەرىك بەكىممەن.

  ”شينجياڭ داشۋسىندە قىزمەت ىستەگەن نەشە 10 جىلدا پارتيا ورتالىق كوميتەتىنىڭ شينجياڭ داشۋەسىنىڭ دامۋىنا ايرىقشا ءمان بەرگەندىگى مەن قامقورلىق جاساپ، قولداۋ كورسەتكەندىگىنەن، سونداي - اق شينجياڭ داشۋەسىندەگى بارلىق پارتيالى كادرلاردىڭ، وقىتۋشى - وقۋشىلاردىڭ قۇلشىنا قىزمەت ىستەپ، قالتقىسىز ۇلەس قوسىپ، داشۋەنىڭ ءتۇرلى ىستەرىنىڭ مول ناتيجەگە قول جەتكىزۋىن ىلگەرىلەتكەندىگىنەن تەرەڭ اسەر الدىم“. شينجياڭ داشۋەسى مەكتەپ تاريحى سارايىنىڭ الدىندا شينجياڭ داشۋەسى ەكونوميكا جانە باسقارۋ شۋەيۋانىنان دەمالىسقا شىققان پروفەسسور ۋاڭ رۇڭلاي قوس قولىمەن جارقىراپ تۇرعان ەستەلىك زناكتى سيپاپ تۇرىپ اسەرلەنە بىلاي دەدى: ”پارتيا قۇشاعىنداعى ءاربىر كۇنىم داڭقتى، پارتيا ءۇشىن ءومىر بويى كۇرەس جۇرگىزەمىن. قىزمەت ورنىمىزدان بوساعان بولساق تا، ءبىز اۋەلگى ماقساتتان اينىمايمىز، قاسيەتىمىزدى وزگەرتپەيمىز. ءىس جۇزىندىك ارەكەتىمىز ارقىلى پارتياعا ماڭگى ىلەسۋ سەنىمىمىزدى امالياتتا ايگىلەپ، شينجياڭ داشۋەسىن بىرەگەي داشۋە ەتىپ قۇرىپ شىعۋعا قالعان كۇش - قۋاتىمىزدى ارنايمىز!“.

  بيڭتۋان 1 - شىسى ارال قالاسى 359 - لۇيى تىڭ يگەرۋ ەسكەرتكىش سارايىندا ”پارتيا قۇشاعىنداعى داڭقتى 50 جىل“ ەستەلىك زناگىن العان جاۋ چاڭسۇڭ مىنالاردى ءبىلدىردى: ”پارتيا قۇرىلعاندىعىنىڭ 100 جىلدىعى قارساڭىندا ەستەلىك زناك العانىمدى ەرەكشە داڭق سەزىنەمىن. مەن ساقا اسكەرلەردىڭ حيكاياسىن ۇزدىكسىز جاقسى بايانداپ، قىزىل گەندى جالعاستىرىپ، پارتيانىڭ تاماشا ستيلىن ۇرپاقتان - ۇرپاققا جالعاستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تاعى دا تىڭ ۇلەس قوسامىن“.

  ۇعىسۋعا قاراعاندا، ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنىڭ ماڭىزدى قۇرامداس بولىگى، تاراتۋ قىزمەتى بيىل 7 - ايدىڭ 1 - كۇنىنە دەيىن جالعاسادى ەكەن.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.