تيانشان تورى
تيانشان تورى   ›   جاڭالىقتار   ›   شينجياڭ حابارلارى

شاۋەشەكتىك ”قارت تۋشى“ سالىقجان پارتياعا كىردى

  6 - ايدىڭ 7 - كۇنى سالىقجان يمىن ءوز ءۇيىنىڭ شاعىن اۋلاسىندا پارتيا تۋى الدىندا پارتياعا كىرۋ سەرتىن وقۋدا. سۋرەتتى انار بۇلت / شينجياڭ گازەتىنىڭ ءتىلشىسى لي رۇي تۇسىرگەن

  انار بۇلت / شينجياڭ گازەتىنىڭ ءتىلشىسى ليۋ شياڭ، ءرايدا 6 - ايدىڭ 7 - كۇنى شاۋەشەكتەن حابارلايدى. ”مەن ءوز ەركىممەن جۇڭگو كوممۋنيستىك پارتياسىنا مۇشە بولامىن، پارتيانىڭ تۇعىرناماسىن قورعايمىن، پارتيانىڭ ۋستاۆىنا بويسۇنامىن...“. 6 - ايدىڭ 7 - كۇنى شاۋەشەكتىك ”قارت تۋشى“ سالىقجان يمىن نارت قىزىل پارتيا تۋى الدىندا وڭ قولىن كوتەرىپ، سالتاناتپەن سەرت بەردى. بۇل كۇن سالىقجان ءۇشىن ايتقاندا، ماڭگىلىك ۇمىتىلماس كۇن. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا، 75 جاستاعى سالىقجان داڭقپەن پارتياعا مۇشە بولدى.

  تۇستەن بۇرىن ساعات 10 مولشەرىندە شاۋەشەك قالاسى شينچىڭ ءمالىسى قاراءدوڭ الەۋمەتتىك اۋماعى پارتيا باس ياچەيكاسىنىڭ شۋجيى باھارگۇل سالىقجان وتباسىنىڭ شاعىن اۋلاسىنا كەلىپ، شينچىڭ ءمالىسى پارتيا قىزمەتى كوميتەتىنىڭ «سالىقجان يمىن جولداستى جۇڭگو كوممۋنيستىك پارتياسىنىڭ كانديدات مۇشەلىگىنە قابىلداۋ جونىندەگى تەكسەرىپ بەكىتۋ پىكىرىن» وقىدى.

  كوكىرەگىنە جاڭا عانا تاعىلعان پارتيا زناگىن سيپاعان قارت اسەرلەنگەندىگىنەن ۇزاققا دەيىن تەبىرەنىپ تۇردى. ”مەن شەكسىز ماقتانىش جانە ابىروي ساناپ تۇرمىن!“. سالىقجاننىڭ جانارىنا جاس ىركىلىپ، داۋىسى اسەرلى سەزىممەن دىرىلدەي شىقتى، ”75 جاسقا كەلگەن بولسام دا پارتيا ۇيىمىنا كىرۋ مەنىڭ ومىرىمدەگى تىڭ باستاما بولماق، مەن بۇگىنگىدەي وزگەشە كۇندى ماڭگى ەسىمنەن شىعارمايمىن، پارتيا مەن حالىققا بەرگەن ايبىندى سەرتىمدى ماڭگى ەستە ساقتايمىن“.

  سالىقجاننىڭ ءوز وتباسىنىڭ شاعىن اۋلاسىندا تۋ شىعارعان اڭگىمەسىن شاۋەشەكتەگى ءتامام جۇرت تەگىس بىلەدى، ول دا باسقالار جاعىنان ”قارت تۋشى“ دەگەن قۇرمەتكە يە بولعان. 2009 - جىلى 10 - ايدىڭ 1 - كۇنى ءوز وتباسىنىڭ شاعىن اۋلاسىندا تۇڭعىش رەت تۋ شىعارۋ سالتىن وتكىزگەننەن باستاپ، ءار دۇيسەنبى كۇنى نەمەسە ماڭىزدى مەرەكەلەردە سالىقجان نارت قىزىل بەس جۇلدىزدى قىزىل تۋدى شىعارادى. قىس اينالىپ، جاز كەلىپ ۋاقىت ءوتىپ جاتتى، وسى تاباندىلىعىنان 12 جىل بويى جازبادى.

  بۇگىنگى تاڭدا، سالىقجان وتباسىنىڭ شاعىن اۋلاسى شاۋەشەك قالاسىنىڭ ۇلتتار ىنتىماعى تاربيە بازاسىنا، جاستار مەن ورەندەردىڭ وتانشىلدىق تاربيە بازاسىنا اينالدى. وسى اراعا كەلىپ تۋ شىعارۋ سالتىنا قاتىناسقان كادر - بۇقارا 230 مىڭ ادام - رەتتەن استى.

  ”ءار جولى سالىقجان وتباسىنىڭ شاعىن اۋلاسىنىڭ ماڭىنا بارعانىمدا مەملەكەت تۋىنىڭ جەلمەن جەلبىرەپ تۇرعانىن كورىپ كوڭىلىم جاي تابادى ءارى مەيىرىمگە بولەنەمىن“، - دەدى باھارگۇل، - ”سالىقجاننىڭ وتانشىلدىق سۇيىسپەنشىلىگى جان جۇرەگىنە تامىر تارتىپ، قانىنا سىڭگەن“.

  پارتياعا كىرۋ سەرتىنەن كەيىن، شاعىن اۋلادا تۋ شىعارۋ سالتى تاعى ءبىر مارتە وتكىزىلدى. اسقاق مەملەكەت ءانى اۋەنىنە ىلەسىپ، بەس جۇلدىزدى قىزىل تۋ شاعىن اۋلادا جانە ءبىر رەت باياۋ كوتەرىلدى. كەزىندە سالىقجاندى وتباسىنداعىلارمەن بىرگە بەيجيڭ تيان - انمىن الاڭىنا بارىپ تۋ شىعارۋدى كورۋگە ۇسىنىس ەتكەن جۇڭگو حالىق ازاتتىق ارمياسى قۇرمەت قاراۋىل ۇلكەن اترەتىنىڭ مەملەكەت تۋىن قورعاۋشىلار اترەتىندەگى كوماندير - جاۋىنگەرلەر بەينە ەكران تاسىلىمەن سالىقجانعا شىن ىقىلاسپەن باقىت تىلەدى.

  بەينە ەكراندا مەملەكەت تۋىن قورعاۋ اترەتىنىڭ تۋشىسى يۋان جينشۋاڭ ايبىندى تۇردە بىلاي دەدى: ”ءسىزدىڭ اڭگىمەڭىز ءبىزدى توتەنشە تەبىرەنىتتى، بىزدىڭ بارلىق كوماندير - جاۋىنگەرلەرىمىزدى جىگەرلەندىردى. وتان حالقى الاڭسىز بولىڭىزدار، ءبىز، ءسوز جوق، اۋەلگى ماقساتتى، بورىشتى ەستە بەرىك ساقتاپ، مەملەكەت تۋىن قورعاۋداي قاسيەتتى مىندەت جاۋاپكەرشىلىگىمىزدى اناعۇرلىم جاقسى ارقالايمىز!“.

  ءسوز اياقتالىسىمەن، سالىقجاننىڭ كوزىنەن جاس پارلادى. ”مەن، ءسوز جوق، پارتيا ۋستاۆىن جاقسى ۇيرەنىپ، پارتيا تاريحىن جاقسى ۇيرەنىپ، ءار ۋاقىت پارتيا مۇشەسىنىڭ ولشەمى بويىنشا وزىمە قاتاڭ تالاپ قويىپ، جۇڭگو كوممۋنيستىك پارتياسىنىڭ تولىمدى مۇشەسى بولۋعا قۇلشىنامىن“. سالىقجان بەرىك سەنىممەن بىلاي دەدى: ”مەن ءىس جۇزىندىك ارەكەتىم ارقىلى وتانشىلدىق تاربيەسىنىڭ امالياتتا ايگىلەۋشىسى بولىپ، ماڭىمداعى ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن!“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.