تيانشان تورى   ›   جاڭالىقتار   ›   ەل ءىشى حابارى

مەملەكەت مەنشىگىندەگى ادەبيەت - كوركەمونەر ورىندارى مەن ۇيىرمەلەرى رەفورماسىن تەرەڭدەتەيىك

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى

مەملەكەت مەنشىگىندەگى ادەبيەت - كوركەمونەر ورىندارى مەن ۇيىرمەلەرى رەفورماسىن تەرەڭدەتەيىك

  شينحۋا اگەنتتىگىنىڭ 6 - ايدىڭ 7 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «مەملەكەت مەنشىگىندەگى ادەبيەت - كوركەمونەر ورىندارى مەن ۇيىرمەلەرى رەفورماسىن تەرەڭدەتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى وركەندەتۋ، وبرازدى ايگىلەۋ سىندى بورىش - مىندەتتى تىعىز ارقاۋ ەتىپ، ماسەلەنى باعدار ەتۋدى كورنەكتىلەندىرىپ، تۇرگە ءبولىپ جەتەكشىلىك ەتۋگە تاباندى بولىپ، ويىن قويۋدى وزەكتى بۋىن ەتىپ، ورتاق تانىم ۇيىستىرىپ، مەملەكەت مەنشىگىندەگى ادەبيەت - كوركەمونەر ورىندارىنىڭ، ۇيىرمەلەرىنىڭ ومىرشەڭدىگىن قاۋلاتىپ، يدەياسى تەرەڭ، كوركەمدىگى كەمەلدى، جاسالۋى بىرەگەي ساحنالىق كوركەمونەر سارا تۋىندىلارىن جاساپ شىعارىپ، حالىقتىڭ تاماشا تۇرمىسقا تالپىنعان رۋحاني مادەنيەت قاجەتىن ۇزدىكسىز قاناعاتتاندىرۋ كەرەك.

  قىزمەت پرينسيبى − پارتيانىڭ باسشىلىعىن كۇشەيتىپ، كوركەمونەردىڭ دامۋ زاڭدىلىعىنا بويسۇنىپ، قوعامدىق ونىمدىلىكتى ماڭداي الدى ورىنعا قويۋعا تاباندى بولۋ، رەفورما ارقىلى دامۋدى جەبەۋگە تاباندى بولۋ.

  نەگىزگى نىسانا − سەناريانىڭ ساپاسى جوعارى، سانى مول، تەاتر ءتىزىمى الۋان ءتۇرلى، تەاترحانانىڭ ورنالاستىرىلۋى ۇيلەسىمدى، توپ، ۇيىرمە دارىندىلارى مولىنان شىعاتىن باياندى دامۋ ءتۇزىلىسىن، مەحانيزمىن جانە ساياسات جۇيەسىن ورناتىپ جانە كەمەلدەندىرىپ، مەملەكەت مەنشىگىندەگى ادەبيەت - كوركەمونەر ورىندارىنىڭ، ۇيىرمەلەرىنىڭ جاسامپازدىق جاراتۋ، ويىن قويۋ ساپاسىنىڭ، باسقارۋ ورەسىنىڭ، قىزمەت وتەۋ ونىمدىلىگىنىڭ زور كولەمدە جوعارىلاۋىن جۇزەگە اسىرىپ، مەملەكەت مەنشىگىندەگى ادەبيەت - كوركەمونەر ورىندارىنىڭ، ۇيىرمەلەرىنىڭ ساحنالىق كوركەمونەر جاسامپازدىعىنىڭ باستاماشىلدىق ورنى مەن جەتەكتەۋ رولىن بەكەمدەۋ جانە ساۋلەلەندىرۋ.

  ءتۇيىندى مىندەت − فۋنكتسيالىق ورنىن ايقىنداپ، رەفورمانى تۇرگە ءبولىپ ىلگەرىلەتىپ، مەملەكەت مەنشىگىندەگى ادەبيەت - كوركەمونەر ورىندارىنىڭ، ۇيىرمەلەرىنىڭ ىشكى قوزعاۋشى كۇشىن قاۋلاتىپ، تاڭداۋلى سەناريا جاسامپازدىعىن سۇيەمەلدەيتىن باياندى مەحانيزمدى ورناتۋ، اقاۋسىزداندىرۋ، تەاتر شىعارۋدى، قويۋدى جەبەيتىن ءونىمدى مەحانيزمدى ورناتۋ، اقاۋسىزداندىرۋ، ارتيستەر مەن قىزمەتكەرلەردى كوبىرەك ويىن قويۋعا جىگەرلەندىرەتىن شابىتتاندىرۋ مەحانيزمىن ورناتۋ، اقاۋسىزداندىرۋ، ورنالاستىرىلۋى ۇيلەسىمدى تەاترحانامەن قامداۋ مەحانيزمىن ورناتۋ، اقاۋسىزداندىرۋ، مەملەكەت مەنشىگىندەگى ادەبيەت - كوركەمونەر ورىندارىنىڭ، ۇيىرمەلەرىنىڭ قوس ونىمدىلىگى ءبىر تۇتاستانعان ءتۇزىلىسىن، مەحانيزمىن ورناتۋ، اقاۋسىزداندىرۋ.

  «پىكىردە» مىنالار تالاپ ەتىلدى: ءار دارەجەلى پارتكومدار ساياسي جاۋاپكەرشىلىكتى جانە باسشىلىق جاۋاپكەرشىلىگىن شىن مانىندە ارقالاۋ، ءار دارەجەلى ۇكىمەت مەملەكەت مەنشىگىندەگى ادەبيەت - كوركەمونەر ورىندارىنىڭ، ۇيىرمەلەرىنىڭ رەفورماسىن تەرەڭدەتۋ، دامۋىن جەدەلدەتۋ قىزمەتىن ەكونوميكالىق، قوعامدىق دامۋدىڭ جالپى تۇلعالىق جوباسىنا ەنگىزىپ، ساياساتتىق قامتاماسىزدىقتى كەمەلدەندىرىپ، دارىندىلاردى شابىتتاندىرۋدى كۇشەيتۋ كەرەك.

جاۋاپتى رەداكتور : 努尔波拉提·哈布勒

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.